تزوجني ولكن

حلقة الثانية

#تزوجني_ولكن
الحلقة ( 2 )
قصة من وحي الخيال ☹☻

اني بوم برق ضربني
نفس الوقت قعدت مصدومة وخائفة
وفي جانب فيا يقولي نوضي شديه من شعره وريه كيف يضحك عليك 💔😭
مهند^ اسمعي بديريلي جو بتروحي حوش اماليك لا تمام
اني^ الله وانتا تحب وتعشق نبي نروح لاااا
مهند^ انتي ف حوش لا طلعة لا خشة اني نعلمك سواقة ونشريلك فون وتكملي قرايتك وتقعدي معاي يعني حريتك ونلقا ما كلتي واتية وحوايجي محددات
وبتكثري دوا حتا ماليك معاش تشوفيهم
اني قعدت ساكتة نفكر وننقب شن ندير شن ندير
خشيت الحوش ع اساس بنفرح ونشوف حوشي المستقبلي لكن الله غالب يا طحالب 😶
خشيت واني لابسة القفطان هوا خش دار مندري عليه الحوش اول مرة نخشله اني ركبني الغل قعدت نمزق في قفطاني بي ايدي في نص الصالة ونقول خزي عليك خزي اني الهبلة الي لابسة قفطان وفرحانة دهشت قمت راسي شفت لقيته يشوفلي ويضحك
اني^ خيرك تضحك ☹
مهند^ ههههه ومهبولة معاها ههههه (وسكر الباب )
خشيت دار عرفتها داري ع اساس فيها سرير كبير فتحت ادولاب لقيت حويجي لانه جو خواتي داروهم ع اساس
سكرت باب الدار بمفتاح وخشيت خديت دوش ساخن طلعت منه جففت شعري بي( (استشوار) هواء ساخن معرفتش شن يقولوه 😂💔
نسمع في تقربيع ف مطبخ فتحت الباب ☻
شفته حاط رجل ع رجل وجنبه سبول ومكسرات وفواكه وفاتح فيلم يتفرج 💔☹ قهرني يا ناس عديم احساس
طلعت زي النمس خشيت مطبخ جعانة ع اساس منبيشي يشوفني
مهند^ تعالي تفرجي فيلم رعب مليح
اني^ منبيش
مهند^ قتلك تعالي نا اسمعي الكلام
اني^ لا
مهند^ اقسم بالله ما تجيش حندير حاجة مش حتعجبك
اني طبعا معروف لساني مداير دورة علي ليبيا كلها من طوله ☻ 🙃
اني^ والله شن كان سكتت مرة تحسابني خائفة راه مش خائفة منك حبيبي ع فكرة بس ونقدر نعطيك طريحة توا حتا بوك معطهالكش في صغرك وشن بتمد ايدك عليا وراي تريس حتا اني يجو يشفشوك  فاهم ولا 😑 ( طبعا ايدي في قدام وجهه ونعيط وهوا مصدوم ويبحث فيا بصدمة 😂😂)
مهند^ الله اكبر عليك يا امي حرفة لسانها اطول منها ومهبولة
مهند^ غير قعمزي وضمي فمك وانتي زي سنفور غضبان
اني^ سنفور عينك مش غضبان
اني^ افتح الفيلم
مهند^ ههه غير ما تبيش تقعمز
اني^ اص اص وافتح الفيلم
فتح الفيلم وهوا ياكل طول الفيلم درهلي كبدي
ياكل بصوت جتني نية نوض نضربه طريحة بصوت الي يدير فيه وهوا ياكل
مهم ف الفيلم مشهد رعب اني خائفة
كل ما يجي موسيقي رعب تن تن وعرفتو انتو الجو هاده نطبس راسي منبيش نشوف الخلعة 😭😂☻
مهند مركز عليا وميت ضحك حب يخليني نشوف اقوة مشهد ف الفيلم الحمار هااده 😭
قبل المشهد جت موسيقي معتادة تن تن تن ورعب طبست راسي خائفة
مهند^ لينا
اني شوفتله هااا
مهند^ شوفي
اني كيف الهبلة نسيت بكل ان ف فيلم
ونشوف الفيلم ونلقا وجهه استغفر الله يا ربي نخلعت قريب متت 😭😭
اني دموعي غلبوني وقعدت نبكي
مهند^ قصدك تبكي
اني^ اقلب وجهك من عليا
مهند^ ورومانسية بزيادة معاها
اني^ اقلب وجهك من عليا
مهند^ براحتك اهو مشيت تصبحي ع خير
وخش داره
نضت قمت الحوسة 🙌 وخشيت داري سكرت الباب المفتاح وخشيت رقدت
نضت الصبح  هوا يطق ع الباب
مهند^تي افتحي سروالي داخل نسيته نبيه بنطلع
اني عندي عقل لاقوة الا بالله
مبيتش نتكلم وقعدت ندور ع سروال 😹😹
قلبت الدار لقيته
اهلا يا غالي قلت للسروال 😹😹😻
وهوا مستمر يخبط ويقول نكسر الباب راه
قعدت ندور ع مقص اي شئ حااد
لقيت مقص يا حليلي اني 😻😻
والله طحت فيه كراتي السروال ورديته مكانه
وقفت قدام المراية لخبطت شعري ع اساس نومي ثقيل وفتحت الباب ونثاؤب ع اساس 😹😹
مهند^ طيب فينا تقول ميت راقد مش كائن حي
اني^ قول الحمد الله فتحتلك
مهند خش خدي السروال ومركزش وطلع
اني تمت العملية بنجاح وسكرت الباب بمفتاح وخشيت فراشي ونسمعه يعيط
ليناااااااااا شن درتي ف السروال
اقسم بالله يا بنات حسيت بشعووور حلوو 😻😹😹
بعدها سمعته قربع باب الحوش البراني بالقوة عرفته طلع
طلعت تلفوني اتصلت بي ماما
ماما^ لينا حبيبتي كيف حالك
اني^ زي الزفت يا ماما تعالو بسررعة نبيكم ف موضوع
ماما^ اصلا بنجو احني من الاصل توا نخفو روحنا نص ساعة ونكونو عندك
اني^ تمام
نص ساعة بزبط وكانو عندي وجابو غداء 😻😹
اني رحبت بيهم 😂😻
فادية: ايوا يا عروسة ايوا ايه الجمال دا كلو
اني^ من غير برادة نبيكم ضروري
نور^ هي احكي ضربني الفضول
اني حكيتلهم شروطه وكل شئ
ماما^ لاا هي روحي معانا
فادية^ تي شن تروح معااك هاادي بعدين تسمي مطلقة لو اطلقو ونقعدو غير ف المشاكل توا فكري بعقلانية يا ماما
حنان^ صح كلامها فادية قالك نعلمك سواقة واقري وبعدين لو ما فيش امل اطلقي
اسماء^ رد بالك ع روحك اهم حاجة وخودي حريتك قصدي بتكملي قريتك بعدين حتا اطلقتي لي حد امتا بيقعدولنا ماما وبابا ربي يطول ف عمرهم ان شاء الله شهادتك تساعدك
اني^ كيف استريحت من القراية ووواك ع الحظ 💔😹
نور: 😹😹😹😹😹😹 تضحك بس
اني^ كنك
نور: تبي ترقدي صاار.😹😹😹
اني^ خزي ☹
قعدو عندي وفدو قتلي اتصلي بيا علي اي حاجة
طبعاا
حوشناا اني ومهند لاصق فينا حوش بو مهند(اسمه فتحي وامه(اسمها فوزية )
ولاصق فينا من الجهة الثانية حوش عمه ( لطفي)
طبعا منعرفش.هلباا عليهم معلومات زي كم بنت وكم ف العيلة ايه ونسيت حاجة
حوش خالته ورانا بزبط ( خالته احلام) يعني نص العيلة حايطة بيا
مهم ممكن ساعة 10 اني مقعمزة ع صالون نلعب بي صوابعي الكساد ضربني من كل مكان ☹😹
سمعت باب انفتح عدلت تقعميزتي طول
مهند^ السلام عليكم
اني ع اساس محتقراته منبيش نكلمه ع اساس
لكن الحصان جنتل وطرف وحاط عطررر والله يجنن😻😹
مهند^ ردي السلام ع الاقل
اني شفتله ونضت
شدني من ايدي
مهند^ وين بتمشي اسمعيني قبل
اني^ تفضل
مهند^ بصارة هلبا منحبهاش زي سروال حقه 135 رميته ف الكناسة وثاني حاجة امي غدوا عزماتك ع غداء وهاك الشكارة مبارك عليك
اني^ منبيش منك شئ
مهند^ شدي والله مناقص راه وخش داره
اني خشيت فتحت الشكاره لقيته ايفون 8plus ياحليلي 😻😻
فتحته واووو يا عيوني انتا قعدت نقول للفون 😂😂
مهم ركبت الشفرة وتكمت الجو وبعد 60 الف عركة معا سوق الايفون عرفت نشترك فيه مش قدرت نحمل 😻😹
ورقدت زي كل ليلة
نضت الصبح درت دوش ساخن وطلعت لبست حوايج ودرت عطرر وواسيت الحوش نشوف من الروشن لقيت مهند معا بنت ف جنان والله قلبي غص والله ☹😭

مش طويلة نعرف نعرف غدوا خميس نعوضكم والله ما فضيت هلبا اليوم 🙂
يتبع
للكاتب/ محمد مالك