لولآ الغرام

البارت الرابع

نزهان اتصرف مع فهد وكسر موبايل فهد وحجى مع اهل الولد وكاللهم الصورة راحت والموبايل كله كسرته واعتذر منهم ونسدت السالفه
..
بعد فترة طلعت النتائج وجان معدل امنيه 69 صح زعلت لان تستاهل اكثر بس جانت فرحانه انو خلصت السادس وصار تقديم الجامعات قدمت
بيوم تطلع القبولات الصبح هي جانت كاعده على نار
حاولو يهدوها ابوها وامها ودلال بس هي خايفه معدلها مو ذاك العالي وتخاف تطلعلها كليه مو هلكد زينه
العصر وطلعت القبولات وجانت صدمه قبولها بالبصرة تربيه علوم انسانيه
بقت تبجي اهلها من النوع المحافضين ومستحيل ابوها يخليها
بقت الاوضاع متوترة وامها تحاول تقنع ابوها انو هيا سنه وحده وترجع تكمل بالموصل ابوها جان كلش قافل
ام مهرة حجت ويا خالها انو هوا يقنع ابوها ومهرة حجت ويا عمتها الصغيرة لانو ابوها يحبها وبلكي تكدر تقنعو مستقبلها اهم شي عدها
..
مهرة : غحتو قدمتو وكانت صدمتي انو طلع تقديمي بالبصرة اعغف بابا مايقبل كنتو بس ابكي بس خبرتني نور وقالت اطيق ادرس بس سني وحدي بالبصرة وارجع عل موصل اعمل استضافه عطتني امل قتو لبابا وماما
ماما وافقت بس بابا ماقبل وضل معند
ماما خبرت خالو وقال احكي معانو وانا خبرتو عمتي رحمه بلكي واطيق تقنعو واغوح اكمل
مستقبلي كثيغ مهم عندي وانا كن ركزتو بدرسي وبس ما فغد يوم فكرتو بحب وهاكذ اشياء ودائما كنتو اقول كلشي قسمه ما اكذب واقول ما نعجبتو باحد بس ماحبيتو احد ابد دائما اهلي ومستقبلي هيم اولوياتي

بعد تعب بابا وافق اغوح ادرس سني وحده
كثيغ فغحتو بيوم القبل مانمتو الليل ضليتو اتقلب وافكر اش دعمل واش دشتغي واشون دعيش بعيد عن اهلي وانا اكثغ شي كن غبتو عنم هو يومين وبس

..

جا وقت الدوام انا قبلو اشتغيتو كثيغ حواس وحضغتو نفسي
قبلو بيوم ماما قضت اليوم كلو تبكي موتتني هي تبكي وانا ابكي معاها ما اطيق ابعد عنم
ومي ودلال قيعدين ويبكون
قعدتو ساعه اربعه لان قبلا بابا قال لازم نطلع من وقت دنصل من وقت لا متاخر ودعتو ماما ودلال ومتنا بكا ابد ما اطيق ابعد عنم
بالخمسه طلعنا من الموصل وانا ابكي معف اشون دعيش هنوك وانا اخاف اذا ما اهلي معاي صح غاح تقولون انتي كبيغه وما لازم هاكذ تخافين بس اش اعمل من انا وصغيغي ما نطلع الا بابا وماما معانا ومتعودين هاكذ كثيغ نخاف

ابو مهرة : باباتي انتي كبيغه ما يحتاج اوصي بس تعغفين كثيغ اخاف عليكم لاتثقين باحد لا بنات ولا شباب وخلي حدود بين الكل ادرسي ولاتنشغلين بشي اعغفكي بس همينك لاتخليني اتندم انو سمحتولكي تطلعين خارج المحافضه
وكلما ادق عليكي جاوبي لاتخلين بالي واي شي تحتاجينو خبريني

مهرة : من عيوني بابا ان شاء الله ما اخليك تندم

وصلنا ونزلنا الغراض لان ماما ماشاء الله عليها ماكن خلت شي ماعملتو خلتلي اكل كثيغ اشكال الوان قالت حتى اول اسبوع ما احتاج كشي
جبتو معاي منام واكل يكفيني كم يوم
بابا كمل كلشي ودخل معاي الغراض ودعتونو ومتو من البكا هسه حسيتو من تمام عفتو اهلي من ودعتو ماما ودلال طلعتو مع بابا بس هسه ماكو احد معاي من اهلي اليغشعني يقول طفله صف اول بس اش اعمل بابا هم كانت دموعو بعينونو بس ما نزلم قدامي
فتو وانا ميتي خوف ومعف اشون اتصرف دخلتو كانت معاي بالغرفه بنت وحدي ومبيني مسكيني قامت سلمت عليي وحضنتني وانا بعد عدبكي وهي تضحك
شهد : شكو شبيج كل هل بجا صح كلنا بجينا بس مو هيج احسج جنتي رايحه على عزا وتيهتي وفتي هنا
مهرة وهي تضحك على سالفه شهد: اول مرة دبتعد عن اهلي وكثيغ خيفي معف اش اعمل
شهد : انتي من الموصل اويلي عل لغه شنو هالجمال
مهرة : اي من الموصل واسمي مهرة وانتي
شهد : تشرفنا اني اسمي شهد واني من كركوك
مهرة : الي الشرف حبيبتي
شهد : كافي بجي شكلي راح احول على غير غرفه شنو نكضي السنه بجي
مهرة : لا لا دسكت
كملنا اليوم واحنا عنتعرف ونحكي
حكتلي عن اول يوم دوام لان كان اليوم بس مالحقتو وصلنا متاخرين
لي الليل خبروني ماما وبابا ودلال حكيتو معاهم وطمنتوهم وسديتونو
..
ثاني يوم قعدتو من الصبح توضيتو وصليتو ومحتارة اش دلبس قمتو طلعتو تنورة طويلي سودا وقميص ابيض وشال اسود وحطيتو مكياج قليل مايعجبني اخربط بوجي كثيغ
كملتو وطلعنا
وشهد هم مثلي ماحطت مكياج كثيغ هي حلوي وحنطاويه وعيونه سود لبسه حلو ومستور
طلعنا وكان بعد نص ساعه اول محاضرة
فتنا على السنتر وشغبنا نسكافيه وقمنا ثنيناتنا ما تغيقنا قنا بعد اول محاضرة نطلع نتغيق
دخلنا عل محاضرة وانا متوترة شويه الجو ما كن تعودتو علينو شباب وبنات وخبصه
شويه وفاتت الدكتورة عرفتنا عن نفسه وعن الماده
وقالت ما داخذكم اليوم من غدا نبدي
طلعنا عدنا استراحه نص ساعه وبعدا محاضرة اللخ تغيقنا انا وشهد عالسريع ورجعنا قعدنا ماهلقد اختلطنا ببنات

شويه ودخل شاب عمرو يطلع بالثلاثينيات وعرف عن نفسو ومادتو معيد اسمو معاذ
كمل وطلع بس الصراحه ابد ما ارتاحيتولو
شويه وصاغ وقت محاضرة اللخ
دخلنا عل محاضرة بس هم معيد وعمرو بالثلاثينيات
بس كلش نفسيه وشيف نفسو وعصبي عليش معف
عرف عن نفسو عل ماده وبدا من اول يوم

...
-

شكد ملآمح بيك احبهآ و مآ حجيت✨'.
اعتذر على الاخطاء الاملائيه 🌸

واعتذر البارت قصير بس اول شي جنت وجعانه شويه
وثاني شي القصه تفاعلها ابد معاجبني
يعني التصويت اذا ميتعدل القصه حوكفها لنهايه السنه 💔