لولآ الغرام

البارت_16_

مهرة
نزلتو وهيم خيبصين الدني والاغاني كن شغلوها بصوت عيلي فتو والكل عيهلهل
حتي الي مبين ضيجين مني عيهلهلون
شويه وقالو البسو ديفوت الشيخ
فات وطبعا اول مرة انتبه علينو اشقد مرتب وملابسو اشقد حلوي مع العلم كان مستحيل اخذ ويحد هكذ يلبس كانت احلامي شاب ملابسو عالموده وهاكذ شي بس هسه لا
اشقد كن عطتو هيبه ملابسو والعطر الي قبل مايفوت هو شتميتونو
فات باس غاسي وقعد وشويه وقام ديلبسني الذهب وشيور سارة طلع نيسي يشتغيلو حلقه
جابتلو الحلقه خلص ذهبي ولبستونو الحلقه واكلنا كيك ولينا عتصور
هو كل هذا مبتسم بس مبين من غاس خشمو جيي
قعد شويه وامو وخواتو وخالاتو وعماتو كل الكباغ عيرقصون وطفو الديجي وقامو هيم يغنون اغاني قديمي بس اشقد حلوي
جت امو وهو قيعد باستو وهو باس غاسه ورجعت باركتلي وباستني قلتلي اشلحي الشال وهو كب عليها مايقبل بالزور قنعتو ان الحفله بس بنات ومحد ديدخل ودتسد الباب يالله قبل بس قال اذا جيتو وخلصاني الحفله وهي جوه كلتكم تتحاسبون
شويه وطلع بقت قوموني سارة ولينا وبنات خالاتو درقص رقصتو شويه بس استحي لان معغف احد بيهم كثيغ كلم غربه بس سارة ولين
اول ماخفو النسوان شويه ركضتو عالغرفه قتو هذا مجنون كلشي يعمل لايغوح يرزلني قدامم واخجل كلشي ما دستفاد فتو عالغرفه بدلتو كلابيي هاكذ مرتبي وطلعتو قتو دعيونم عيب
ما اعمل كلشي اول ما نزلتو هو فيت غشعني ابتسم بمعنى مشي كلامو ثولتوها وفتو امو ماتقبل الا بعد اسبوع اشتغل
هسه لو زواجنا من تمام دقول حقه ومايصيغ اشتغل عغوص بس هو الي تغير مكان نومتي
صح نزهان زوجي بس ما احسبو هاكذ ما تعجبني طريقه تفكيرو احسو رجعي مامثقف
مع العلم استاذ جامعه هسه غيشع اشكال والوان بس ما غاح يتغير شكلو ابد
..
نزهان
كملت من عدهم بالف زور وطلعت طبعا كاعد على اعصابي متعجبني هالسوالف بس شسوي امي من تعند وما اكدر اعصيها واقهرها
ومهرة اول مشتريتلها الفستان تخيلتو عليها بس متوقعت يطلع احلى من تخيلي
دخلت للبيت بعد مخفت النسوان وانا ادور عليها ارد اشوف سمعت كلامي والا لا
طبعا اذا سمعت يعني تخاف مني وانا هذا الاريده مرايدها متحسبلي حساب
شويه وشفتها نزلت من فوك ومبدله ولابسه شال تطمنت انو هي مو من النوع الي عنيده هواي
ورجعت طلعت برة وانا مصدوم معاذ جاي
نزهان : هلا ومرحبا
معاذ : هلا بيك
نزهان : شنو سر الزيارة
معاذ : جاي احجي وياك
نزهان : خير شرايد
معاذ : امسح كل شي يخص حرمتك من موبايلي بس بشرط
نزهان : اهااا وتشرط بعد سمعني يالله شنو الشرط
معاذ : تتنازلي عن بيتك الي ببغداد
نزهان : معاذ تدري بيه انا لو اريد ااذيك جان اذيتك وراحت الصور وخلصنا وتدري تصرفت هل تصرف حتى تعقل وتزوجت وحده لا اعرفها ولا تعرفني حتى متشتكي عليك وتدري لو اريد جا طيحت حضك كل هذا وانا لخاطرك وهسه
جاي تساومني بصور حرمتي
شوف معاذ معاك ساعتين بس وبعدها تخابرني تكول كلشي نحذف ومرايد شي او تحذفهم غصب عنك بطرق كلش مراح تعجبك
معاذ : اعتبره كلامك تهديد
نزهان : شما تعتبره اعتبره وهسه يالله من رخصتك عندي شغل
معاذ : اي ليش لا
نزهان : هااا ونسيت اذا دريت يا معاذ انت خازن نسخ بغير مكان متعرف شراح اسوي بيك صدكني ما اخليهم يلكون اثر منك
معاذ : اي خير ان شاء الله
دخلت للبيت وانا اعصاب لو دايرة بال مجان وصلت معاذ الصور وانا لحد هسه محتار شلون وصلت المعاذ صورها وانا محذرها من كلشي
بس اخلص من معاذ اتفاهم وياها
كعدت والكل عرف اعصابي نار ومحد تكرب يمي ساعتين وخابر معاذ واعتذر وعلى اساس حذف كلشي بس مدري ليش ممرتاحله بس دعديها وارد اشوف شيريد يوصل
فتت للغرفه دا انام وهاي لابسه تراكسود ومدده
تركتها ورحت للحمام غسلت وبدلت وطلعت متمدد وصافن مدري ليش تصرفت هل تصرف ولا اعرف ليش ضجت من تصرف معاذ معاها ولا ادري صح الي سويتا او غلط كل الي اعرفه انو مكدرت اعوفها

مهرة مدده ودموعها على خدها وتفكر شوصلها الهل حال ولو عدها اخ يدافعلها متصل لهنا

حس عليها كامت وكفت
نزهان : خير شبيج وين رايحه
مهرة بقت واكفه بمكانها خافت منو
نزهان : انتي هيي شمعه فكر شبيج واكفه
مهرة : لا بس قمتو دشغب ماي اشبيك معاي اليوم والله ما كن ضوجتوك بشي
نزهان : لا مو بالي طالعه برا بهل ليل بلا حجاب وبهل لبس
مهرة : لا ما دطلع بمكان دشغب مي وارجع
نزهان : اي فهمت
طبعا غفيت بلا ما حس على نفسي من التعب الانا بي
كعدت من الصبح وهي نايمه بعد باوعتلها شويه حلوة بلا اي مكياج والشعر المنثور زايدها جمال
اباوعلها وافكر نهايه زواجنا شنو يعني لا احنا المتطلكين ولا احنا المتزوجين ولا عزابيه مدافهم شنو الموضوع بس انا رايدها تتعود على بيتنا وتتعود علي وبعدين افكر بهل موضوع مرايد استعجل بكلشي
نزلت وحبوبتي باقيه يمنا لان ميعجبها تضل بنفس البيت وعمامي يزعلون اذا تبقى بس هنا عدنا
كاعدين هي وامي
نزهان : صباح الخير عليكم
ام نزهان : صباح النور يمه
الجده : صباح العافيه وليدي شلونك
نزهان : بخير دامج بخير يالغاليه
الجده : ربي يحفظك ويخليك
ولك نزهان منين لكيت هل مصلاويه فلك طرك على هل جمال ولك البارحه جانت طالعه اميرة
هيج وحده ترهم تصير مرت الشيخ
نزهان : اي حبوبه انا اعرف اختار مو كتلكم معليكم بيا انا ازوج وهل خطبت وازوجت
الجده : والله حقك وليدي مو مال تصبر
هيج انا اعرفك اليعجبك تاخذه من حلك السبع ادري بيك وليدي كفو مينخاف عليك
نزهان : اي لعد شعبالج الشيخ نزهان انه
حسن وهو نازل الدرج : والله ونعم من شيخ نزهان
يمه ميت جوع بداعة شيخ نزهان سويلي اكل بسرعه
ام نزهان : حلفتني بالغالي هسه شويه ويكمل الاكل
نزهان : هو انت يمته مو ميت جوع انا كلما اشوفك وتشوفني انت لو تاكل لو ميت جوع
هو لو يبين الخير بيك مجان احد زعل
حسن : هااا شيخ هسه صرت انااا كخ
حقك والله يابه
نزهان : شبيك من الصبح ولك
حسن : سلامتك شيخ شبيا ليش شايف بيا شي
نزهان : لا مبيك شي مثل القرد
حسن : هيج صرت قرد عمي تعيش هم مقبوله
نزهان : ليش واذا ممقبوله شتسوي
حسن : لا شسوي كلشي ماسوي ابوس راسك بكل الاوضاع
الجده : حل والله محد صاكرك الا نزهان
مهرة : صباح الخير
الكل : صباح النور
ام نزهان : صباح النور هله ببنيتي هلا بهل كمر
مهرة بخجل : هلا بيكي يوم
الجده : يالله مدام زوجج ممتريك بعده اكعدي اكلي ويا
مهرة : اي جده
الجده : شبيج ولج خجلانه من عدنا حسبينا اهلج وتصرفي طبيعي يمه مو غريبه انتي هذا بيتج وانتي حرمة الشيخ
مهرة : لا ما خجلاني اي ان شاء الله جده
الجده : نزهان ولك مسودن انت شتفتهم منها
نزهان بضحكه : حبوبه ينفهم حجيها بس انتي مركزتي وياها
الجده : شركز ولك
نزهان : اي مو امي وحسن ولينا والكل يفهم
الجده : كلهم ميفهمون
نزهان : ولا يهمج جده شتريدين انا حاضر شنو المافهمتي
الجده : معليك انت هسه بنيتي تحجيلي
مهرة : ادللي يوم اش تغيدين احكي
الجده : لا هسه فهمت شويه تعاي تريكي يمه واتركو عنكم السوالف

...

رأّيِّتّ بِګ ګلَ أّلَحٌبِ أّلَذّيِّ حٌلَمَتّ بِهِ يِّوِمَأّ

مساء العافيه
وهذا البارت نفس ما وعدتكم بين يوم ويوم وان شاء الله استمر هيج اذا مصادفني اي شي ❤
رئيكم حبايبي 🌸🍁