لولآ الغرام

البارت السابع

نزهان
صحت اسمها ورفعت راسها شلون جمال شايله
صفنت بملامحها شويه اكو شي جذبني الها
بس ستغربت شكلها مو من هذول البنات الملعبات

مهرة
من الاستاذ نزهان قال اسمي ودحق عليي
تخربطتو كلش وكثيغ خفتو بس اش اعمل ماكو بيدي شي كملنا الدوام ورجعتو لي العصغ
قتو دخابر البنات اعمل مكالمه جماعيي
اشقد استفقدم من المتوسطه احنا سوا
مهرة : هلوو بنات اشونكم اخباركم
غسق : والله احنا كلتنا مليحين وانتي اشونكي اخباركي ولي وحشتكي والله
نور : ويي ولي اشقد عندي حكي هم مليح خابرتي
انتي حتي لا اخسغ رصيد انا
هند : نكفيتي نور دخسغي وخلي اوس يشتغيلكي
نور : لا ولي ليش اخسغو خطيي
مهرة : اي نور دحكينا اش اكو احداث انتي ام الاحداث
نور : اول شي صديقتكي عتحب
مهرة : عااااا منو منم اعترفو ولو منو منكم
غسق : ولي كذابي لاتصدقيها
مهرة : مدام غسق حكت يعني غسق
غسق : لا بربي ما انا
مهرة : هنننننننننند
هند : ولي وثول اي والله انطرشتو
مهرة : عتحبين منو احكي ولي
هند : لا والله ولي ماعدحب ويحد معاي بالقسم
جا سئلني مخطوبي لو لا وهاكذ شي واخذ عنوان البيت وجو اهلو وبعد ماصاغ شي رسمي
مهرة : ولي حقيرة عتنخطبين وانا اخر من يعلم امشو ولو زعلتو والله
هند : ولي خبرتوكي قبل يومين والله طلع مغلق
مهرة : ايمتي مغلق انا بس من انام اغلقو
هند : ولي والله خبرتوكي وطلع مغلق بالليل يمكن
مهرة : اي لكن نيمي
هند : اي لكن لاتعتبين انا عملتو العليي
مهرة : اي سامحتوكي ميخالف ولي نور كملي الاحداث
نور : ولي قبل يومين كانت قعده الغجيل وقرو الفاتحه
امو قالت سبوع الجيي نعمل فحص الدم ونعقد محكمه
مهرة : الف مبروك يتمللكم بخير حياتي تستيهلين
بقت اخبار اوس اش عيعمل
غسق : اش يعمل اش تغيدين يعني
مهرة : لا ولي نجبي قصدي فغحان كثيغ ما تمام
نور : اي والله طيغ من الفرح البيحه طلعنا كان عندي دورة تعليم التصوير خلصنا قبل الوقت بساعه خبرتونو جا طلعنا تغدينا انا وهو واختي
ولو تغشعون اشون موقف سخيف صغتو
هند : ليش اش صاغ اكيد السبب انتي اعغفكي طول
عمغكي ثولا
نور : لا ولو فات اوس عالمطعم قبلنا وانا وغانو
عبالي ديخليلي الباب مفتوح يعني يمسكلي الباب بين ما ادخل وانا هاكذ عدمشي بثقة 
هو فات وترك الباب والله لوما لحقتو مسكتو الباب كان نضغب بوجي
كنتو دموت من القهغ
غسق بضحك : اشقد طيبي لو كن نضعب بوجكي والله لو انا موجودي كنتو دموت من الضحك
انتي وطولكي تنضغبين بالباب
نور : ليش ولي حقيرة اش كن عمتولكي
هند : اي وبعدين اش تزقنبتم
نور : زقنبوت بقلبكي ولي اش عدكي عندي عداكل من فلوس الخلفوكي
مهرة : ولو اش بيكم اغشع وحدي عتغلط عاللخ
نور : احنا من زمان هاكذ بس انتي اخلاقكي عيليي وماتغلطين
مهرة : اي يمه لكن اش عبالكم انا معغف اش وقعني بين هل شله الفاشله
غسق : ولي مهرة هسع بعتينا وطلعنا شله فاشله
مهرة : لا ولي منو يبيعكم هاكذ عدشاقه معاكم  
هند : اي عبالنا

نزهان
رجعت على مكتبي واني بالي مو يمي شجاني مادري
شويه ودخل معاذ
كعد يحجي على مهرة بس جلن كلامو بي الغاز ردت اسحب الكلام منو
نزهان : اي معاذ شسويت ماسويت اخبار مهرة وياك
معاذ : والله مسويت شي هاي كلش عنيده بس انا اعرف شلون اخليها تركع يم رجلي مو معاذ اليتوسل
نزهان : شلون يعني اشرحلي
معاذ : انا اهددها بصورها
نزهان بصدمه : اي صور
معاذ : وصيت طالبه تجيبلي صورها شلون ماجان وباي طريقه
نزهان : اي وبعدين
معاذ : واروح احجي وياها مرة ثانيه اذا مقبلت اهددها ونشوف شلون
نزهان : چا واذا شكتك لاهلها
معاذ : يا اهل نزهان هي طالبه اقسام داخليه معدها اهل والعرفتو معدها ولا اخ يعني شغلتي كلش سهله ماكو احد واكف بضهرها
كمل معاذ وطلع وانا بصدمه كلش جبيرة
الطالبه معدها اهل ومعاذ ميخاف الله بيها
محجيت شي كدامه بس لازم امنعه
رجعت للبيت واخوتي كلهم هنا هم واطفالهم وخواتي صاير البيت خبصه 
وانا كلش بالي مو يمي بس شسوي
شويه وستأذنت وطلعت رحت للشط دافكر مدري شلون ارهمها بس مقهور من حجيي معاذ وانا ما ارضى بالضلم
تاخرت يالله رجعت
رجعت البيت فارغ كلمن ورايح على بيته حطيت راسي ونمت
ثاني يوم رحت للدوام اول محاضرة انا دخلت ومهرة موجوده كلش مستخطيها هل بنت
بالف يالله كملت المحاظرة اصلا مدري شكمت اخربط بالاخير بالي ابد مو يمي حتى طلعت قبل الوكت
طلعت ورحت لمكتبي وبعثتلها خبر تجي
جنت كاعد دافكر ودخلت مهرة هي جانت خايفه بس متحاول تبين
مهرة : بعثت عليي استاذ
نزهان : اي تفضلي مهرة
مهرة : شكرا استاذ بس ضل بالي اغيد اعغف اش اكو
كن عملتو شي
نزهان : لا لا ممسويه شي بس اريد اعرف شلونو استاذ معاذ وياج
مهرة بخوف : استاذ والله انا ماكن جيتو يمو هو معغف اشبينو معايي ماعيعوفني
نزهان بضحك : هدي بويه هدي احجي عل بطيء يرادلي وكت للترجمه ميصير هيج
مهرة بأبتسامه : اسفه كلش استاذ بعد ماتعلمتو احكي نفسكم
نزهان : شيرادلها لهجتنا بويه چا نفس لهجتكم بالف زور دافهم كلامج بس يالله معلينا باللهجات
مهرة : لكن استاذ اش اكو
نزهان : مهرة هل يومين ديرين بالج من كلشي واي بنت متنطيها جهازج ولاتحجين جثير ولا تاخذين وتنطين وي بنات غرب
مهرة بعصبيه : عفوا استاذ بس انت بصفه ايش تحكي هاكذ حكي معاي
نزهان بحده : صوتج لتعلي لا ادفنج هنا شنو هل احترام الكلام الكلتو تسمعي واطبقي واياني وياج احد يعرف بالي صار بينا
مهرة : اطيق اطلع
نزهان : روحي
طبعا طلعت مهرة وانا اعصاب فوك ما خايف عليها صدك لو كالو خير لاتسوي شر ميجيك تالي وكتي حرمه تعلي صوتها عليه

...

عٍينآڪ بَجٍمآلُِ آلُِبَصرٍة وُمن فُيهـآ ❤

..

مساء الورد اسفه كلش ادري مقصرة بس مشغوله دوام وامتحانات

هذا البارت اهداء لمتابعه طلبتو اليوم 🌸

..
انطوني ارائكم وصوتو بليز 💛