عشكت ملاك

بارت٦

#عشگت _ملاك بارت ٦
وعيت واحس نفسي بسرير مو هالكد مريح واسمع اصوات رياجيل وضحك
انا عرفت السالفة گلت هاهية اعتدو عليه وسواهة هالنذل هذا
ما استرجيت افتح عيوني واشوف المصيبة الي انا بيهة
جان اسمع صوت الزعيم
وهو يضحك گال :فتحي عيونج ادري بيج وعيتي انتي بالمستشفى
انا من الفرحة بسرعة وفتحت وكعدت على حيلي مثل الحلمان وفز من نومته
باوعتله ضليت ابجي ماعرف ليش گلته شسويتو بيه عليك الله احجي
گال :والله ممسوين ولا شي انتي تخربطتي واني جبتج لهنا بأديه
وقبل ليكمل انا گتله : عفية رجعني لاهلي
هو گال ماشي بس اريد اسألج ليش ماجه احد عليج
انا دموعي تصب وكتله: ماما وبابا ماتو صارلهم ١٠سنوات ومعندي خوان عايشة ويه عمو ومرته متحبني فأكيد الحجي مواصل لعمو هو مسافر واعرفهة ممنطيته خبر انو انا مخطوفة
گال :ارجعج بس ثقي وامني خطفتج مرة اكدر اسويهة الف مرة متحجين اي شي لاي احد حته بينج وبين نفسج متسولفين
والا ترجعين لنفس المكان بس متبقين بنية تمام ؟؟
انا حيل فرحت كتله شكرا الله يوفقك ان شاء الله
طلعنه من المستشفى واشترالي علاج وركبني بالسيارة مالتة
بس جان كلش يختلف مبين شخص محترم ومرتب وابد مو مال سوالف تعبانة
الطريق كله انا ساكته
وهو ساكت لابس ساعة سودة والوقت بيهة يشير لل٨الصبح و١٠دقايق
وصلنه للبيت نزلني بالفرع بعيد عن بيتنه
وگال وصلتج وانا ممسؤول عن اي حجاية حتسمعيهة من اهلج او الجيران
سلام...
رجعت انا بس ميته خوف اگول شراح يصير بيه وشراح الگة وشنو راح اسمه من حجي الناس
وصلت فرحت من شفت باب البيت
دگيته طلع ابن عمي بشير زغيروني حضني وضل يصرخ اجت غزولة اجت غزولة
جان تسمع عمه سناء واجت تركض ...
يتبع....