عشكت ملاك

بارت ١٧

بقيت على هل حالة وماريد ابقى يم علاء اكثر من هيج احس مرته بدت تغار ومن حقهة
وبنفس الوقت معندي احد اروحله غير عمي وعلاء كال اني موجود مستحيل تروحين لعمج ومرته هاي الباعتج
تبقين هنا
خالتي ام علاء بألمانيا هناك وعلاء من اجه لهنا بقه يمهة خدامة تخدمهة
ورى يومين سمعت علاء يصيح على مرته ويكللهة ما عدهة احد خافي الله
اني دخلت للغرفة وعيوني تصب وبس ابجي يا ربي ليش هيج
عاد هيج العصر لكيت علاء كاعد وحدة بالصالة وديقرا مجلة
سلمت علي
السلام عليكم علاوي شلونك
هلا غزولة هلا بختي
علاء اريد منك شغلة وفدوة لا تردني
كال تفضلي غزل
علاء فدوة خليني اروح يم عمي رجعني هناك
لا مستحيل غزل ولج حرام عليه انتي بنية يتيمة محد الج غير الله وانا
وارجعج حته سناء تدمرج من كل عقلج
اني بقيت الح
كال لتحاولين هو هم عرف انو انا دريت بمرته متريدني ورجع كال اذا متضايقة هنا  اخذج يم امي تبقين هناك محد.يمهة هيه
اني فرحت كتله اي والله موافقة
كاال بس اريد ارجع للعراق اني واخذ امي وياي.
اني فرحت بعد اكثر
ورة اسبوع رجعنه للعراق
وعلاء اجر بيت لامة واني بقيت يمهة هيه معاقة ومتعرفني حته واني بقيت اخدم بيهة
وخطي كسرته ماريد اسمع اي خبر عن جوزيف

جوزيف
بقيت بامريكا ورى مراحت هيه شهر واني ادور عليهة واتمنى الكه فد شي يدليني بيهة تعبت حيل
نوب امي تمرضت اني كلت لازم ارجع بعد
ابد مراحت من بالي ونضراتهة البريئة الحزينة
يومية احلم بيهة زعلانة ومتحجي وياي

غزل
رجعت اداوم من جديد وحياتي عادية
ومملة حيل كرهت كل جنس بني ادم ومالي خلك اي احد واحسد البنات الي حبو وتزوجوا

الساعة ١٢ بالليل جنت نايمة فزيت مرعوبة فجأة اخذت الموبايل اباوع بنص عين الساعة ب١٢ ضبط
شوية وكمت اركض للحمام اتقيأ ولعبانة نفسي
نوب رجعت تمددت ع السرير واباوع للتاريخ ١٥ بالشهر انصدمت
المفروض العادة الشهرية يوم ٦ متاخرة اسبوع
ياربي كبل اجتي ببالي فكرة الحمل
خلصت الليل كله ابجي ولا هدالي بال
وانذر وادعي واتوسل كون ما اطل حامل شنو اكول لعلاء لو العالم الوياي ياربي دخيلك
كعدت الصبح رحت للدوام ومناك اشتريت اختبار حمل
سويت الاختبار بالمشفى واتفاجأ اكو خطين واحد واضح والثاني لا
دموعي ضلت تنزل
مسحت دموعي بساع وطلعت من الحمام
اخذت اجازة تلث ايام ورجعت
لكيت خالتي نايمة
فتت لغرفتي واني بس ابجي وين اروح وين انطي وجهي
نوب فكرت انو لازم انزل هالطفل حته لو كلفني هالموضوع حياتي
بالليل اجه علاء هو وزوجته وانطاني مصرف وضل يسولف هو مرته ويسألوني عن الدوام
اني بالكوة ضامة قهري واجاملهم
الى ان راحو

جوزيف ..
رجعت لكيت امي متمرضة وخوالي متعاركين وياهة وعمامي يردون ياخذون البيت الي كاعدين بي اني وامي
اني اخذته وطلعنه
اني عندي بيتين طبعا واحد مساحته ٢٠٠ زغير وواحد ٣٠٠
اثثت البيت ابو ال٢٠٠ وردت اجيبلهة خدامة بس متقبل تكول انا اخدم نفسي
بس حيل مصرة تريد تزوجني وما تدري اني مو مال زواج
طبعا اني ورة مرحت لامريكا بطلت اخطف بنات والجانو يشتغلون وياي كلهم طلعو اني انطيتهم فلوس وطلعتهم
ولازم شركة والدي واطور بيهة
حته من اخذت امي بغير بيت عمامي مخلصت من شرهم
اني جنت نايم هيج ساعة ٤ العصر
واجه عمي ضل يصيح وهذا حلال اخوي المرحوم احنه اولى بي نوب اجه عمي الثاني
اني روحي طالعة لكيت امي تهدأ بيهم
طلعت مسدسي ورحت الهم
امي بس شافتني ضليت تعيط
همه كبل كالو نكول للشرطة ونورطك والله
اني شمرت المسدس ولزمت عمي الزغير بوكسات وطلعته من البيت
وعمي اللخ طلع همينه
امي كلش انقهرت منهم لليل اجيت جبتلهة عشة لكيته متخربطة
كبل شلتهة ورحت بيهة للمستشفى

يتبع...