عشكت ملاك

بارت١٠

#عشكت_ملاك بارت ١٠
حيل ارتاحيت بالنومة الحمد لله
كعدت على صوت الباب من يندك
انا بصوت ناعس كلت منو
كال يعني منو غيري هنا موجود
انا جوزيف افتحي الباب
فتحت الباب كالي محتاجة شي
عندي شغل اكملة وارجع الضهر
انا كتله لا شكرا
ورجعت سديت الباب
بقيت اكلب بالتلفزيون واباوع من شباك الغرفة علما علما اجه
انا لحد الان مماكلة ولا شي وميته من الجوع
اجه كال بدلي ملابسج وتعالي
اني بدلت واجيت
صعدنه بالسيارة صفط يم مطعم فاخر للاكل العربي
كال يلا انزلي
انا كتله شنو راح اشتغل هنا؟؟
كال طبعا لا شبيج اجينه ناكل صارلج يومين مماكلة شي
دخلنة بالمطعم وماكو صالة للعوائل او شي كله عادي
طلب هو برياني وكال انتي شنو تطلبين اني كتله بكيفك
طلبلي قوزي
تغديت ي الحمد لله واخيرا جنت ميته جوع واجه فد غدة خرافي
انا كملت بس هو كمل قبلي وراح يحاسبهم
وبالصدفة اجت عيني بعين واحد ضخم شوية وعيونه زايغة يباوعلي بنضرات سخيفة
ويغمز ويسوي حركات
انا اتجاهلته بس بنفس الوقت خفت كولش
كمت اغسل سألت عن حمامات النساء دلوني عليهم
كملت وطلعت واشوفه بوجهي
اجه وضل يخرف بالحجي
وخصرج وجسمج وشفايفج ومعرف ايش
انا كتله احترم نفسك واتأدب لا الم العالم عليك
هو ضحك واجه عليه لزم ايدي
اني جمدت بمكاني
وما اشوف اله جوزيف وراي
هو هذا الرجل ترك ايدي بساع
لزمة جوزيف ودك بوكسات وكتل يكله شلون تتجرأ تمد ايدك الوسخة عليهة يالقذر
دافعلي من كل عقله
حيل كبر بعيني واحترمته
بعدين اجه وشفته تصب دم صاح عليه يلا تعالي اطلعي متبقين دقيقة هنا
ورجعنا للشقة
اني هم دخلت بدون ولا كلمة وقفلت الباب وهو معرف وين راح
دخلت هيج فرحانة لان دافعلي ضل ببالي الف حساب حسيته يحبني
واني هم احس صرت احبه
يتبع...