عشكت ملاك

بارت٢

#عشگت_ملاك
ورى ما طلع جوزيف بقيت بس ارجف ماعرف شسوي متت متت خوف وقلق وافكر بحجي الناس واذا رجعت حصير علج بحلوكهم هاي اذا رجعت اصلا
احنه ٦بنات
انا من الخوف والقلق ماعرفت ولا وحدة منهم ولا حتى الاشكال حفظتهم
اجه الليل واحنه بهالسجن ماعرف شديصير خلصتهة بس بجي وادعي الله يخلصني من ذولة المجرمين وابجي بحرگة
ثاني يوم اجة واحد ضخم يخوف فتح الباب انا اله اشوية اموت من الخوف گال منيه رنا
گامت وحدة سمرة متروسة حلوة گالت اني رنا
گاللهة انتي الله يحبج اجه والديج ويمه الفلوس يلا اطلعي
جرها من شعرها وضل يتلمس اماكن من جسمها واخذهة بعد ماعرف شصار بيهة
نوب نفسه هو هذا اجه وشاف وحدة من البنات مربربة وحليوة شعرهة گصير لزمهة من شعرها وجرها حيييل ضلت تعيط بعلو صوتها خله ايده على حلگها
وصاح اسكتي ..كح... انتي كذا وكذا وفشار وحجي مو زين
شوية ما نسممع اله الباب نضرب بقوة وصوت قوي رجولي صاح. منذرررررر
اباوع هو نفسه هذا رئيس العصابة اجه ضربة بوكس علة خشمه خلاه ينزف وگاله :
حقير ادبسزز كتلك مو هسة ننتظر اهلهم يجيبون فلوس بالبداية او لا واذا شفتك مضايق وحدة بيهن افرك حلكك بالقندرة
المهم جان الحجي كله مو حلو فشار وغلط ووووالخ
ورة يومين اجو اهل بنات ٢بقينه بس٣
انا اعرف محد راح يجي وراي وحته لو عمو دره سناء حتفر السالفة وتكول عليه انا الرحت وشردت والجاي يصير برضاتي
بقيت مهمومة وصرت مثل المخبلة سمعت اهل البنات الباقين اجوي انا هيج مثل الروحي طلعت ضليت اشهك
العصر هيج طلعو البنات بقيت بس انا اجه الرئيس مال العصابة ووياه واحد
شافني كاعدة ولامة رجلية ومخلية راسي بين رجلية
باوعلي وكال اشو العصفورة الحلوة محد اجه ياخذهة هاي ليش هيج تاركين هالجمال هذا كله نوب جر شعري بقوة وگال گدامج يومين بس بعدهة حتصيرين محط تفريغ شهوة لكل هذولة الذكور ماشي
اني ماكدر اوصف الشعور وانا الصايمة والمصلية والاستحرم من هواي اشياء يصير بيه هيج ..نوب طلع هالحقير ورفع ايده واشر باصبع السبابة والاوسط (يعني بقن بس يومين)
ورة يوم بالضبط قررت اشرد
ضبطت لكلشي جانت الغرفة مسدودة بس ما عليهة اي حارس فكرت بحيلة اطلع منهة ادعي وابجي وجان اشوفلك الباب مفتوح حيل حيل فرحت
فتحت الباب طلعت لگيت بطل كزاز مال ببسي قريب اخذته وياي وجنت اباوع وراي وفجأءءة انصدم بواحد ...
يتبع ...