حــادث سيــارة غــير قــدري ❤

❣الحلقة الثالثة عشر❣

#حادث_سيارة_غير_قدري

#الحلقه_الثالثه_عشر (13)
   
للكاتبة "أميرة ابي" 👑

نبدو حلقتنا
.
.
.
.

.

مفيده: وانت قلتها 😢ياخساره ياعبدو ياخسارة ماجبت وتعبت وربيت

عبدو: يام انا في الاول طاوعتك وماقلت حرف وخطيبت هديكا يلي ماتتسمى بس شوفي النتيجه شنووو عااجبك يلي انا فيه

مفيده: والله انا مانصدق انه بنت عزيزه هكي ادير ليش ماحكيتش معاها وفهمت منها

عبدو: شنو منبلين عليها... خدو ايميلها اوك فهمناها تصير هكر الايميلات بس صورها من وين جو
يام بالله عليك سكري الموضوع معش نبي نحكي فيه

خالد: امك فاضيه خلي نمشي نكلم خوي محمد باسرع وقت

ومشي خالد لخوه وكلمه علي اروى

محمد: والله ياخالد شنو بنقولك انا نتمناهم لبعض من قبل بس توا هو كيف مسيب بنت خالها  ومش عارفه ح ترضى اروى بالشي هذا او لا

خالد: انت غير فاتحها في الموضوع وكان رفضت خليها شوري انا نقنعها
..... ..

روح خالد للحوشه

خالد: كلمت عمك وهو ماعنداشي مانع بس يبي ياخد راي البنت

عبدو: تمام

مفيده: قصدك كلمته وماهمك خاطري  .... معقوله ياخالد هانت عليك العشرة معقوله تبدلني انا رفيقة عمرك ببنت خوك

خالد: انا مابدلتكش انتي يلي حاطه راسك من راسها والبنت ماعمرهاش غلطت فيك

مفيده: ياخسارة وخلاص ياخالد .... وانت ياعبدو ياوحيدي يلي استنيتك سنين ولما ربي رزقني بيك منحتك كل عمري ووقتي وماعمريش قصرت معاك هذي جزاتي هذي جزات امك

عبدو: 😔

خالد: مفيدة اسمعيني هنى انتي اخترتي في المرة الاولى و اختيارك كان غلط ... ماتقلبيش علينا الدوا ايواا
بدت مفيده تبكي ...
مفيدة: انا متع قلب دوا اصلا ... بارك الله فيك يازوجي ياشريك حياتي وفيك ياولد ياضنا بطني ربي يهنيك ويسعدك ان شاءالله انا شنو نودلك غير الهناء والراحة
ديرو بالك علي بعض... ولما ترجعوا لعقولكم انا في حوش اهلي
ولمت مفيده ملابسها واتصلت بخوها جي رفعها وعبدو مادارش ولا ردت فعل 💔

............

سالمه : شنو تحكي انت راهو كيف سيب بنت خالها زي الوردة وكسر قلبها كيف  ترضى توافق عليه

محمد: هذا نصيب والله غالب مافيش نصيب بيناتهم والولد يبي يتزوج بنتك شنو المشكلة يعني

سالمه: ياحشمتي وسواد وجهي مع خوي وبيته والله مانرضاها

اروى: ماما انا موافقه علي عبدو ولد عمي وهذي حياتي وانا حره فيا