حــادث سيــارة غــير قــدري ❤

❣ﺍﻟﺤﻠﻘﻪ ﺍﻟﺴﺎبعة ﻋﺸﺮ❣

#ﺣﺎﺩﺙ_ﺳﻴﺎﺭﺓ_غير_ﻗﺪﺭﻱ

#ﺍﻟﺤﻠﻘﻪ_ﺍﻟﺴﺎﺑﻌﻪ_ﻋﺸﺮ ‏( 17 ‏)

.
.
.
.
.
.
.
.
ﻧﺒﺪﻭ ﺣﻠﻘﺘﻨﺎ
.
.
.
.
ﻭﻗﺪﻣﻮﺍ ﻓﺮﺡ ﻭﻣﺮﺡ ﺍﻟﻌﺼﻴﺮ ﻭﺍﻟﺸﻜﻼﺗﻪ ﻭﺍﻟﻤﺎﻛﺮﻭﻥ
ﺳﻤﺮ : ﻭﻳﻦ ﻭﺧﻴﺘﻲ ﻣﺮﺕ ﺍﻟﻐﺎﻟﻲ ﺍﻥ ﺷﺎﺀﺍﻟﻠﻪ
ﻟﻴﻦ ﻃﻠﻌﺖ ﻳﺎﺳﻤﻴﻦ ﻭﺳﻠﻤﺖ ﻋﻠﻴﻬﻢ
ﺯﻳﻨﺐ : ﻣﺎﺷﺎﺀ ﺍﻟﻠﻪ ﻋﻠﻴﻚ ﺯﻱ ﺍﻟﺒﺪﺭ
ﺳﻤﺮ : ﻋﺎﺵ ﻣﻦ ﺷﺎﻓﻚ ﻳﺎﻏﺎﻟﻪ ﺷﻨﻮ ﻣﺪﺍﻳﺮﺓ
ﻳﺎﺳﻤﻴﻦ : ﺍﻟﺤﻤﺪﻟﻠﻪ ﺑﺨﻴﺮ
ﺳﻤﺮ : ﻭﺍﻟﻠﻪ ﻣﻦ ﻟﻤﺎ ﺷﻔﺘﻚ ﺗﻤﻨﻴﺖ ﺍﻧﻪ ﺗﻜﻮﻥ ﻋﻨﺪﻱ ﺍﺧﺖ ﺯﻳﻚ ﻟﻴﻦ ﺳﺒﺤﺎﻥ ﺍﻟﻠﻪ ﺧﻮﻱ ﺳﺎﻣﺮ ﻳﻠﻲ ﻃﻮﻝ ﻋﻤﺮﺓ ﻳﻜﺮﻩ ﺍﻟﺒﻨﺎﺕ ﺗﻮﺍ ﺑﻴﺨﻄﺒﻚ ﻭﺑﺘﻮﻟﻲ ﺑﺎﻟﺮﺳﻤﻲ ﺍﺧﺘﻲ ﻗﺪﺍﺵ ﻣﺎﻓﺮﺣﺎﺍﺍﺍﺍﻧﻪ
ﻳﺎﺳﻤﻴﻦ :
ﻓﺮﺡ : ﻳﻜﺮﺓ ﺍﻟﺒﻨﺎﺕ ﻛﻴﻒ ﺟﺖ ﻫﺪﻱ
ﺳﻤﺮ : ﺯﻱ ﻣﺎﺣﻜﻴﺖ ﻣﻦ ﻳﻮﻣﻪ ﻳﻜﺮﺓ ﺍﻟﺒﻨﺎﺕ ﻭﻉ ﻗﺪ ﻣﺎﺑﺎﺑﺎ ﺍﻟﻠﻪ ﻳﺮﺣﻤﻪ ﺷﺪ ﻓﻴﻪ ﻉ ﺍﻟﺰﻭﺍﺝ ﻣﺎﺑﺎﺵ ﻣﺴﻜﺮ ﺭﺍﺳﻪ
ﻓﺮﺡ : ﺍﻛﻴﺪ ﻳﺤﺐ ﻭﺣﺪﻩ ﺍﻭ ﺳﻴﺒﺎﺗﻪ ﻭﻣﻨﻬﺎ ﻛﺮﻩ ﺍﻟﺒﻨﺎﺕ ﻭﺍﻟﺰﻭﺍﺝ
ﺳﻤﺮ : ﺍﻱ
ﻓﺮﺡ : ﺟﺪ
ﻭﻳﺎﺳﻤﻴﻦ ﺗﺴﻤﻊ ﻭﻣﺶ ﻓﺎﺭﻗﻪ ﻣﻌﺎﻫﺎ ﺣﺎﺟﻪ ...
ﺳﻤﺮ : ﺍﻱ ﺣﺐ ﻭﺣﺪﻩ ﻭﻫﻴﺎ ﻛﺎﻧﺖ ﺍﻭﻝ ﺣﺐ ﻟﻴﻪ ﺑﺲ ﺳﻴﺒﺎﺗﻪ ﺍﻭ ﺑﺎﻻﺻﺢ ﺍﻟﻤﻮﺕ ﺧﺪﺍﻫﺎ ﻭﻋﺎﻧﺎ ﺍﻟﻮﻳﻞ ﻣﻦ ﻣﺮﺍ ﺗﺎﻧﻴﻪ ﻭﻣﻦ ﺻﻐﺮﺓ ﺭﻛﺒﺎﺗﻪ ﻋﻘﺪﻩ ﻣﻦ ﺍﻟﻨﺴﺎﻭﻳﻦ ﻭﻣﺴﺘﺤﻴﻞ ﺗﺤﺮﻛﻪ ﺑﻨﺖ ﻣﻬﻤﺎ ﻛﺎﻥ ﺷﻜﻠﻬﺎ ﺍﻭ ﺟﻨﺴﻴﺘﻬﺎ
ﻣﺮﺡ : ﻛﻴﻒ ﻣﺎﻓﻬﻤﺘﺶ ﻗﺼﺪﻱ ﺣﺐ ﻣﻦ ﺍﻟﻄﻔﻮﻟﻪ ﻭﺭﻏﺒﺎﺗﻪ ﻋﻘﺪﻩ
ﺳﻤﺮ : ﺍﻱ ﺍﻣﻪ ﺗﻮﻓﺖ ﻭﻫﻮﺍ ﻋﻤﺮﺓ 6 ﺳﻨﻮﺍﺕ ﻭﻛﺎﻥ ﻣﺘﻌﻠﻖ ﺑﻴﻬﺎ ﻫﻠﻠﻠﺒﻪ ﻭﻟﻤﺎ ﺗﻮﻓﺖ ﺑﺎﺑﺎ ﺗﺰﻭﺝ ﻣﺎﻣﺎ ﻳﻠﻲ ﻫﻴﺎ ﺣﺎﻟﻴﺎ ﻗﺪﺍﻣﻜﻢ
ﺯﻳﻨﺐ :
ﻓﺮﺡ : ﺍﻫﺎﺍ ﺭﺑﻲ ﻳﺮﺣﻤﻬﺎ
ﻋﺰﻳﺰﻩ : ﺧﻼﺹ ﻧﻮﺿﻲ ﺟﻴﺒﻲ ﺍﻟﻘﻬﻮﺓ
ﻓﺮﺡ : ﺣﺎﺿﺮ
ﻭﻧﻄﺖ ﺗﺠﺮﻱ ﻟﻠﻤﻄﺒﺦ ﻻﻧﻬﺎ ﻋﺮﻓﺖ ﺍﻣﻬﺎ ﻓﺼﻠﺖ
ﺯﻳﻨﺐ : ﻳﺎﺑﻨﺘﻲ ﺳﺎﻣﺮ ﻧﺠﺮﺡ ﻫﻠﺒﻪ ﻣﻦ ﻫﻮ ﺻﻐﻴﺮ ﻭﻃﺒﻌﻪ ﻋﺼﺒﻲ ﺑﺲ ﻭﺍﻟﻠﻪ ﻣﺎﻓﻴﺶ ﺍﻃﻴﺐ ﻣﻨﻪ ﻭﺭﺍﺟﻞ ﻭﺩﻳﻤﺎ ﻗﺪ ﻛﻠﻤﺘﻪ ﻭﻟﻮ ﻉ ﻣﻮﺗﻪ
ﻳﺎﺳﻤﻴﻦ : ﺭﺑﻲ ﻳﺤﻔﻈﻜﻢ ﻟﺒﻌﺾ
ﺳﻤﺮ : ﻗﺼﺪﻙ ﺍﻧﺖ ﻭﻳﺎﻩ ﺭﺑﻲ ﻳﺤﻔﻈﻜﻢ ﻟﺒﻌﺾ ﻣﺶ ﻣﺼﺪﻗﺔ ﻳﺎﺳﻤﻴﻦ ﺍﻟﺤﻤﻴﻠﺔ ﺍﻟﻬﺎﺩﻳﺔ ﻭﻭﺧﻮﻱ ﺳﺎﻣﺮ ﺑﻴﺘﺰﻭﺣﻮ
ﺯﻳﻨﺐ : ﺍﻥ ﺷﺎﺀﺍﻟﻠﻪ ﺭﺑﻲ ﻳﺴﺨﺮﻟﻜﻢ ﻳﺎﺭﺏ ﺍﻟﻌﺎﻟﻤﻴﻦ ﻭﻳﺴﻌﺪﻙ ﻭﻳﺴﺎﻋﺪﻛﻢ ﻳﺎﺭﺏ
ﻋﺰﻳﺰﻩ : ﺍﻥ ﺷﺎﺀﺍﻟﻠﻪ ﺭﺑﻲ ﻳﺴﻤﻊ ﻣﻨﻚ
ﻣﺮﺡ : ﺣﻘﺎﺍ ﻛﻢ ﻣﻮﺍﻟﻴﺪﻩ ﺳﺎﻣﺮ ﻭﺷﻨﻮ ﺗﺨﺼﺼﻪ
ﺳﻤﺮ : ﻡ 89 ﻣﺤﺎﻣﻲ ﺷﺎﺍﻃﺮ ﻫﻠﺒﻪ ﺭﺍﻩ
ﻋﺰﻳﺰﻩ : ﻣﺎﺷﺎﺀ ﺍﻟﻠﻪ ﺭﺑﻲ ﻳﺤﻔﻈﻪ
ﻓﺮﺡ : ﻫﻴﺎ ﺗﻔﻀﻠﻮﺍ ﺍﻟﻨﺴﻜﺎﻓﻴﻪ ﻭﻣﻨﻮ ﻳﻠﻲ ﻣﺎﺷﺎﺀ ﺍﻟﻠﻪ ﻋﻠﻴﻪ ﻋﺎﻭﺩﻭ ﺷﻨﻮ ﻛﻨﺘﻮ ﺗﻬﺪﺭﺯﻭ
ﻋﺰﻳﺰﻩ؛ :
ﺳﻤﺮ : ﻉ ﺍﻟﻌﺮﻳﺲ ﺳﺎﻟﺖ ﻛﻢ ﻣﻮﺍﻟﻴﺪﻩ ﻭﺗﺨﺼﺼﻪ ﻗﻠﺘﻠﻬﺎ ﻡ 89 ﻭﻣﺤﺎﻣﻲ
ﻓﺮﺡ : ﺍﻱ ﺣﻠﻮﻭﻭ ﻭ ﺷﻜﻠﻪ ﺯﻳﻚ
ﺳﻤﺮ : ﻫﻬﻬﻪ ﻻﻻ ﻣﺎﻳﺸﺒﻬﻨﻴﺶ
ﻓﺮﺡ : ﻣﻌﻨﺎﻫﺎ ﺷﻴﻦ
ﻋﺰﻳﺰﻩ : ﺍﺳﻜﺘﻲ ﻳﺎﺑﻨﺖ
ﺯﻳﻨﺐ : ﻫﻬﻪ ﺧﻠﻴﻬﻢ ﺍﻟﺒﻨﺎﺕ ﻳﻬﺪﺭﺯﻭ ﻋﻠﻲ ﺭﺍﺣﺘﻬﻢ ﻣﻌﺶ ﺑﺮﺍﻧﻴﻪ ﺣﻨﻰ
ﻓﺮﺡ : ﻫﻴﺎ ﻉ ﻗﻮﻟﺖ ﺍﻣﻚ ﻣﺶ ﺑﺮﺍﻧﻴﻪ ﺗﻌﺎﻟﻲ ﻧﺨﺸﻮﻭ ﻧﺤﻜﻮ ﻋﻠﻲ ﺭﺍﺣﺘﻨﺎ ﺩﺍﺧﻞ
ﺳﻤﺮ : ﺍﻭﻛﻲ
ﻓﺮﺡ : ﺍﺣﻜﻴﻠﻲ ﻛﻴﻒ ﺷﻜﻠﻪ ﺧﻮﻙ ﻫﺬﺍ ... ﺍﻱ ﺍﻱ ﺍﺳﺘﻨﻲ ﻟﺤﻈﻪ ﺧﻠﻲ ﻧﺪﺧﻞ ﻣﻌﺎﻧﺎ ﻳﺎﺳﻤﻴﻦ
ﺳﻤﺮ : ﺗﻤﺎﻡ
ﻳﺎﺳﻤﻴﻦ : ﺷﺮﻓﺘﻲ ﺩﺍﺭﻱ ﺳﻤﺮ
ﺳﻤﺮ : ﺗﺴﻠﻤﻴﻠﻲ ﻳﺎﺭﺏ
ﻓﺮﺡ : ﺍﻱ ﺍﺣﻜﻲ ﺧﻮﻙ ﻛﻴﻒ ﺷﻜﻠﻪ ﻭﻟﻮﻧﻪ ﻭﻃﺒﻌﻪ ﺑﺴﺮﻋﻪ
ﺳﻤﺮ : ﻫﻬﻬﻪ ﺧﻮﻱ ﻃﺒﻌﻪ ﺻﻌﺐ ﺍﻟﺼﺮﺍﺣﻪ ﺗﻘﻮﻝ ﺻﺨﺮ ﺑﺲ ﻣﻌﺎﻱ ﺍﻧﺎ ﺯﻱ ﺍﻟﺰﺑﺪﻩ ﻭﺍﻛﻴﺪ ﻳﺎﺳﻤﻴﻦ ﺑﻌﺪ ﻳﺘﺰﻭﺟﻬﺎ ﺡ ﻳﻠﻴﻦ ﻣﻌﺎﻫﺎ ﻻﻧﻬﺎ ﺑﺠﺪ ﺗﻠﻴﻦ ﺍﻟﺼﺨﺮ
ﻳﺎﺳﻤﻴﻦ : ﻏﻴﺮ ﺗﻘﻮﻟﻲ ﻫﻜﻲ ... ﺍﻟﺒﺎﻗﻲ ﺭﺍﻩ ﻣﺶ ﻫﺬﺍ ﺣﺎﻟﻲ
ﺳﻤﺮ : ﺧﻴﺮﻙ ﺍﻟﻌﻔﻮ
ﻓﺮﺡ : ﻓﻮﺗﻚ ﻣﻨﻬﺎ ﺍﻟﻨﻜﺪﻳﺔ ﻫﺬﻱ ﻭﻫﻴﺎ ﺍﺣﻜﻴﻠﻲ ﻋﻠﻲ ﺷﻜﻞ ﺧﻮﻙ
ﺳﻤﺮ : ﻫﻬﻪ ﻟﺤﻈﻪ ﻧﻮﺭﻳﻚ ﺻﻮﺭﺗﻪ ﻭﺧﻼﺹ
ﻓﺮﺡ : ﻫﻮ ﻫﻮ ﻭﺣﻖ ﺭﺑﻲ ﻫﻮ
ﻳﺎﺳﻤﻴﻦ : ﺷﻨﻮ ﻫﻮ
ﻓﺮﺡ : ﻧﻔﺴﻪ ﻳﻠﻲ ﺍﻣﺲ ﺍﻟﺼﺒﺢ ﻭﺍﻗﻒ ﻋﻠﻲ ﺑﺎﺑﺎ ﻳﻠﻲ ﻗﻠﺘﻠﻚ ﺯﻱ ﺗﻴﻤﻮﺭ ﺟﻮ ﺑﺪﻟﻪ ﺭﺳﻤﻴﻪ ﻭﻃﻮﻭﻝ ﻳﺠﻠﻂ ﻳﺎﻭﺧﻴﺘﻲ
ﺳﻤﺮ : ﻫﻬﻬﻪ ﻳﺎﺳﻤﻴﻦ ﺍﺣﻠﻰ ﺍﻟﺤﻖ
ﻓﺮﺡ : ﺍﺳﻜﺘﻲ ﺑﻼ ﻣﺠﺎﻣﻼﺕ ﻫﺬﺍ ﺗﻘﻮﻝ ﻣﻤﺜﻞ ﺗﺤﺴﻴﻪ ﻳﻠﻤﻊ ﻓﻲ ﺍﻟﺼﻮﺭﺓ ﻭﻳﺤﺘﻪ ﻭﺻﻠﺖ ﻻﻧﻔﻲ ﺑﺎﻣﻴﻤﺘﻲ ﻳﻬﺒﻞ ﻳﻬﺒﻞ
ﻳﺎﺳﻤﻴﻦ : ﺧﻼﺹ ﻓﺮﺡ ﺍﺭﺯﻧﻲ ﺭﺍﺡ ﻣﺨﻄﻮﺑﻪ ﺣﺘﻰ ﻋﺒﺪﻭ ﻣﺎﺷﺎﺀ ﺍﻟﻠﻪ ﻋﻠﻴﻪ
ﻓﺮﺡ : ﺍﻱ ﺻﺢ ﻋﺒﺪﻭ ﻗﻨﺒﻦ ﻭﺷﺨﺼﻴﺔ ﺑﺲ ﺷﻮﻓﻲ ﻫﺬﺍ ﻛﺤﻠﻲ ﻋﻴﻨﻚ ﺑﻴﻪ
ﺩﺑﻞ ﻃﻮﻭﻭﻝ ﻓﻲ ﻋﻀﻼﺕ ﻟﺤﻴﺔ ﻛﺤﻠﻪ ﺷﻌﺮ ﺍﻛﺤﻞ ﻋﻴﻦ ﻛﺒﻴﺮﺓ ﺭﻭﻣﻮﺵ ﻃﻮﺍﻝ ﺍﻧﻒ ﻭﺍﻗﻒ ﻏﻤﺎﺯﺍﺕ ﻭﺍﺳﻨﺎﻥ ﺁﺧﺨﺨﺦ ﻳﺎﺭﺑﻲ ﻓﻴﺸﻲ ﻟﻮﻟﻪ
ﺳﻤﺮ : ﺍﻱ ﺳﺎﻣﺮ ﺍﺣﻠﻰ ﻭﺍﺣﺪ ﻓﻲ ﺧﻮﺗﻲ ﺑﻌﺪﻳﻦ ﺳﺮﺍﺝ ﺷﻜﻠﻬﻢ ﺯﻱ ﺍﻣﻲ ﻓﺎﻃﻤﻪ، ﺭﺑﻲ ﻳﺮﺣﻤﻬﺎ
ﻳﺎﺳﻤﻴﻦ : ﺭﺑﻲ ﻳﺮﺣﻤﻬﺎ
ﻭﻗﻌﺪﻭ ﻳﻬﺪﺭﺯﻭ ﺍﻟﺒﻨﺎﺕ ﻭﻳﻌﻠﻘﻮﺍ ﻛﺎﻧﻬﻢ ﺭﻓﻘﺖ ﺳﻨﻴﻦ ﻭﻫﺬﺍ ﻛﻠﻪ ﻭﻳﺎﺳﻤﻴﻦ ﺟﺜﻪ ﺑﺲ ﻋﻘﻠﻬﺎ ﻣﺶ ﻣﻌﺎﻫﺎ ﺷﻲ ﺧﺎﻧﻘﻬﺎ ﻭﻣﺶ ﻗﺎﺩﺭﻩ ﺗﺤﻜﻲ ﻳﻠﻲ ﻓﻲ ﻗﻠﺒﻬﺎ‏( ﻳﻠﻲ ﻣﺮﺕ ﺑﻴﻪ ﻳﺎﺳﻤﻴﻦ ﻣﺮﺕ ﺑﻴﻪ ﻭﺣﺪﻩ ﺗﺎﻧﻴﺔ ﻣﺶ ﻗﺮﻳﺒﻪ ﻣﻦ ﺭﺑﻲ ﺭﺍﻩ ﺍﻧﺘﺤﺮﺕ ﺗﺨﻴﻠﻮﺍ ﻻ ﻣﻦ ﺍﻧﻬﺎ ﺗﻜﻮﻥ ﺍﻡ ﻭﻻ ﻣﻦ ﺣﺐ ﺣﻴﺎﺗﻬﺎ ﻭﻻ ﻣﻦ ﺻﻮﺭﻫﺎ
ﺑﺲ ﺭﺑﻲ ﻣﺴﺘﺤﻴﻞ ﻳﺨﻴﺐ ﻋﺒﺪ ﻧﺠﺎﻩ ﻭﺗﺮﺟﺎﻩ ﻭﺗﻮﻛﻞ ﻋﻠﻴﻪ ‏)
............
ﻣﺮﺍﺩ : ﻣﺸﻮ ﻳﺨﻄﺒﻮﻟﻚ ﻓﻲ ﺍﻟﻄﺮﻑ
ﺳﺎﻣﺮ : ﻻ ﻃﺮﻑ ﻻ ﻛﻌﺒﺔ ﺑﺎﻟﻠﻪ ﺧﻠﻴﻨﻲ ﻧﺘﻢ ﻫﺎﻟﻮﺭﺍﻕ ﻗﺒﻞ ﺍﻟﻤﻐﺮﺏ ﺍﺳﻜﺖ
ﻣﺮﺍﺩ : ﻫﺎﻧﻲ ﺳﻜﺘﺖ ﻳﺎ ﻣﺘﺤﺠﺮ
..........
ﺍﺭﻭﻯ : ﺭﺣﻮﻭﻡ ﺍﻟﻮﻭﺵ ﺷﻮﻓﻮﺍ ﻫﺬﺍ ﺍﻟﺮﻭﺏ ﻓﻲ ﺭﺍﻳﻜﻢ ﺡ ﻳﺤﺒﻪ ﻋﺒﺪﻭ ﺻﺢ
ﺭﺣﻢ : ﻳﺠﻨﻦ ﺍﻛﻴﺪ ﺡ ﻳﺎﻛﻠﻚ ﻭﺍﻧﺘﻲ ﻓﻴﻪ
ﺁﻻﺀ : ﺍﻱ
ﺍﺭﻭﻯ : ﺧﻴﺮﻙ ﻗﺎﻟﺒﻪ ﻭﺟﻬﻚ ﻫﻜﻲ ﺍﻟﻌﻔﻮ
ﺍﻻﺀ : ﻻ ﺷﻲ ﺑﺲ ﻣﻈﺎﻳﻘﻪ ﺷﻮﻱ
ﺍﺭﻭﻯ : ﻟﺘﻜﻮﻧﻲ ﺗﺤﺒﻲ ﻋﺒﺪﻭ ﻭﻏﺮﺗﻲ ﻫﻬﻬﻬﻪ
ﺭﺣﻤﻪ : ﻣﺮﺍﺕ ﻫﻬﻬﻬﻪ
ﺍﻻﺀ : ﺍﻧﺎ ﻣﻦ ﺟﺪﻙ ﺗﺤﻜﻲ
ﺍﺭﻭﻯ :" ﺗﺤﺪﺙ ﻋﺎﺩﻱ ﻣﺎﻙ ﻛﻨﺘﻲ ﻣﻌﺠﺒﺔ ﺑﻴﻪ ﻗﺒﻞ
ﺍﻻﺀ : ﺷﻜﺮﺍ ﻟﻴﻚ ﺑﺠﺪ .. ﻣﻌﻘﻮﻟﻪ ﺑﻌﺪ ﻳﻠﻲ ﺩﺭﺗﻪ ﻉ ﺧﺎﻃﺮﻙ ﺗﺠﺎﺯﻳﻨﻲ ﺑﻜﻼﻣﻚ ﻫﺬﺍ
ﺭﺣﻤﻪ : ﻳﻴﻴﻪ ﻋﻠﻴﻨﺎ ﺑﺪﺕ ﻋﺎﺩ
ﺍﺭﻭﻯ : ﺗﻮﺍ ﻣﺎﻛﻨﺘﺶ ﻣﻌﺠﺒﻪ ﺑﻴﻪ ﻗﺒﻞ !
ﺍﻻﺀ : ﺍﻱ ﻛﻨﺖ ﻣﻌﺠﺒﺔ ﺑﻴﻪ ﺑﺲ ﻣﻦ ﻟﻤﺎ ﺗﻘﺪﻡ ﻟﻴﺎﺳﻤﻴﻦ ﺑﻨﺖ ﺧﺎﻟﻲ ﻧﺤﻴﺘﻪ ﻣﻦ ﺑﺎﻟﻲ ﻭﺑﺪﻱ ﺑﺎﻟﻨﺴﺒﺎﻟﻲ ﺯﻱ ﺧﻮﻱ
ﺍﺭﻭﻯ : ﻫﻬﻬﻬﻪ ﺯﻱ ﺧﻮﻙ ﺻﺪﻗﺘﻚ ﺍﻱ
ﺍﻻﺀ : ﺍﺣﺘﺮﻣﻲ ﻧﻔﺴﻚ ﺯﻭﺩﺗﻴﻬﺎ ﻫﻠﺒﻪ ﺭﺍﻙ
ﺭﺣﻤﻪ : ﺧﻼﺹ ﻋﺎﺩ ﺭﺍﻧﺎ ﻓﻲ ﺍﻟﻤﺤﻼﺕ ﻭﺍﻟﻨﺎﺱ ﺗﺘﻔﺮﺝ
ﺍﺭﻭﻯ : ﻣﺶ ﻓﺎﻫﻤﻪ ﺧﻴﺮﻫﺎ ﺍﻟﺒﻨﺖ ﻫﺬﻱ ﻟﻤﺎ ﻋﺒﺪﻭ ﻗﺮﻱ ﻓﺎﺗﺤﺘﻪ ﻋﻠﻴﺎ ﻭﻫﻲ ﺑﺘﻤﻮﺕ ﻣﻨﻲ
ﺍﻻﺀ : ﺍﻧﺎ ﺑﻨﻤﻮﺕ ﻣﻨﻚ !! ﺗﻲ ﺍﻧﺎ ﺑﻨﻤﻮﺕ ﻋﻠﻲ ﺑﻨﺖ ﺧﺎﻟﻨﺎ ﻳﻠﻲ ﺩﻣﺮﻧﺎﻟﻬﺎ ﺣﻴﺎﺗﻬﺎ ﺑﺴﺒﺒﻚ
ﺍﺭﻭﻯ : ﺷﻨﻮﻭ ﺷﻨﻮﻭ ﺑﺴﺒﺒﻲ ﺗﻲ ﻣﺎﻫﻮ ﺍﻧﺘﻲ ﻛﻨﺘﻲ ﻣﻌﺎﻱ ﻳﺪ ﺑﻴﺪ
ﺍﻻﺀ؛ ﻭﻫﺬﻱ ﺍﻟﻜﺎﺭﺛﺔ ﺍﻧﻪ ﺍﻧﺎ ﻣﺎﻣﻨﻌﺘﺶ
ﺍﺭﻭﻯ : ﺧﻼﺹ ﺣﺒﻴﺒﺘﻲ ﻓﺎﺕ ﺍﻻﻭﺍﻥ ﺗﻮﺍ ﻋﺒﺪﻭ ﺭﺍﺟﻠﻲ
ﺍﻻﺀ : ﺗﻮﺍ ﻧﺸﻮﻓﻮﺍ ... ﻫﻴﺎ ﺳﻼﻡ
ﺭﺣﻤﻪ : ﺣﻲ ﻛﺎﻥ ﺗﺮﻭﺡ ﻭﺗﻔﻀﺤﻨﺎ
ﺍﺭﻭﻯ : ﺯﻋﻤﺎ .... ﺧﻠﻲ ﻧﻠﺤﻘﻬﺎ
ﺍﻻﺀ ﺍﻻﺀ ﺍﺳﺘﻨﻲ ﻳﺎ ﻣﺠﻨﻮﻧﻪ ﺷﻨﻮ ﺑﺘﻮﻗﻔﻲ ﺗﻜﺴﻲ ﺗﻲ ﺍﻭﻗﻔﻲ ﺑﻨﺤﻜﻲ ﻣﻌﺎﻙ
ﺍﻻﺀ : ﺧﻴﺮﻙ ﺷﻨﻮ ﺗﺒﻲ
ﺍﺭﻭﻯ : ﺧﻼﺹ ﺍﻟﻮﻭﻭ ﺑﻼ ﺟﻮ ﺗﻌﻮﺩﻱ ﻣﻦ ﺍﻟﺸﻴﻄﺎﻥ
ﺍﻻﺀ : ﺍﻭﻛﻲ ﺭﻭﺣﻲ ﺑﻴﺎ
ﺍﺭﻭﻯ : ﺻﺎﻓﻲ ﻳﺎﻟﻠﺒﻦ
ﺍﻻﺀ : ﺣﻠﻴﺐ ﻳﺎﺍﺇﺷﻄﻰ
ﺍﺭﻭﻯ : ﺧﻠﻲ ﻧﻜﻤﻞ ﺷﻮﻱ ﺍﻟﺤﺎﺟﺎﺕ ﻭﻧﺮﻭﺣﻮﺍ ﺍﺻﻼ ﺍﻟﺪﻧﻴﺎ ﻇﻠﻤﺖ
...........
ﺯﻳﻨﺐ : ﻋﻴﻠﺔ ﻣﺎﺷﺎﻟﻠﻪ ﻋﻠﻴﻬﺎ
ﺍﺳﺎﻣﻪ : ﺍﻱ ﻭﺍﻟﻠﻪ ﻧﻌﻢ ﺍﻟﻨﺎﺱ ﺣﺘﻰ ﻳﻮﻡ ﺍﻟﺤﺎﺩﺙ ﻭﻭﻓﺎﺓ ﺑﻮﻱ ﻣﺎﺳﻴﺒﻮﻧﺎﺵ
ﺳﺮﺍﺝ : ﺣﺘﻰ ﺧﻮﺕ ﺍﻟﺒﻨﺖ ﻭﺑﻮﻫﺎ ﺗﻮﺍ ﺍﺳﺘﻘﺒﻠﻮﻧﺎ ﺑﺎﻻﺣﻀﺎﻥ
ﺳﻤﺮ : ﺍﻱ ﻭﺍﻟﻠﻪ ﻳﻬﺒﻠﻮﺍ ﻡ
ﻛﺎﻥ ﺗﺸﻮﻓﻮﺍ ﻳﺎﺳﻤﻴﻦ ﻛﻴﻒ ﺗﺠﻨﻦ
ﺍﺳﺎﻣﻪ : ﺭﺑﻲ ﻳﺘﻤﻤﻠﻪ ﻋﻠﻲ ﺧﻴﺮ ﺑﺎﻟﻚ ﻳﻠﻴﻦ ﺑﻌﺪ ﻳﺘﺰﻭﺟﻬﺎ ﻭﺗﻐﻴﺮ ﺣﻴﺎﺗﻪ ﻟﻼﻓﻀﻞ
ﺯﻳﻨﺐ : ﺍﻥ ﺷﺎﺀﺍﻟﻠﻪ
............
ﻳﺎﺳﻤﻴﻦ : ﻣﺎﻣﺎ ﻟﻮ ﺗﺒﻮ ﺧﻠﻮ ﺍﻟﻌﺮﺱ ﻣﻊ ﺧﻮﺍﺗﻲ ﻟﻴﺶ ﻳﺎﺟﻠﻮﺍ ﺑﺴﺒﺒﻲ ﺍﻫﻮ ﺟﺖ ﺍﻟﻔﺮﺻﻪ ﻟﻌﻨﺪﻛﻢ
ﻋﺰﻳﺰﻩ : ﺧﻴﺮﻙ ﺍﻟﻌﻔﻮ ﺑﻨﻴﺘﻲ .... ﺗﻘﻮﻝ ﻣﺶ ﻓﺮﺣﻚ ﻭﻳﻨﻪ ﻳﺎﺳﻤﻴﻦ ﺍﻟﻤﺮﺣﻪ ﻳﻠﻲ ﺩﻳﻤﺎ ﻓﺮﺣﺎﻧﻪ
ﻳﺎﺳﻤﻴﻦ : ﻣﺎﺗﺖ ﻓﻲ ﺍﻟﺤﺎﺩﺙ ﺗﻲ ﺧﻴﺮﻙ ﻳﺎﻣﺎﻣﺎ ﺗﺒﻜﻲ ﻋﻠﻲ ﺧﺎﻃﺮ ﻧﺒﻲ ﻧﺘﺰﻭﺝ ﻣﻊ ﺧﻮﺍﺗﻲ ﻣﺶ ﺍﻧﺘﻲ ﻳﻠﻲ ﺗﺒﻲ ﻫﻜﻲ ﻣﻦ ﻗﺒﻞ ﺗﺒﻲ ﺗﺰﻭﺟﻴﻨﺎ ﻣﻊ ﺑﻌﺾ ﺍﻫﻮ ﺟﺎﺗﻚ ﺍﻟﻔﺮﺻﻪ
ﻋﺰﻳﺰﻩ : ﺑﻨﺘﻲ ﻭﻧﻌﺮﻓﻚ ﺍﻟﻀﺤﻜﻪ ﻫﺬﻱ ﻣﺘﻊ ﺍﻟﻜﺪﺏ ﻧﻤﻴﺰﻫﺎ
ﻃﻠﻌﻲ ﺣﺰﻧﻚ ﻭﺍﺑﻜﻲ ﻣﺎﺗﺨﻠﻴﻬﺎﺵ ﻏﻤﻪ ﻓﻲ ﻗﻠﺒﻚ
ﻳﺎﺳﻤﻴﻦ : ﺍﻱ ﺣﺰﻥ ﻭﺍﻧﺎ ﺑﻨﻈﺮﺏ ﺭﺍﺟﻞ ﺗﺎﻧﻲ ﻭﻣﺤﺎﻣﻲ ﻫﻬﻬﻪ ﺗﻲ ﺍﻓﺮﺩﻳﻬﺎ ﻳﺎﻣﺎﻣﺎ
.......
ﺍﺳﺎﻣﻪ : ﻣﺒﺮﻭﻙ ﺍﻫﻮ ﺗﻤﻴﻨﺎﻟﻚ ﻓﻴﻬﺎ
ﺳﺎﻣﺮ : ﺑﻮﻫﺎ ﻣﺎﺩﻭﻱ ﺷﻲ ﻋﻠﻲ ﺍﻟﻌﺮﺱ ﻭﻻ ﺍﻟﺸﺮﻁ
ﺍﺳﺎﻣﻪ : ﻻ ﺍﻟﺸﺮﻁ ﻗﺎﻝ ﻳﻠﻲ ﻳﺴﺎﻋﺪﻙ ﻭﺍﻟﻌﺮﺱ ﻗﺎﻝ ﺧﻮﺍﺗﻬﺎ ﺍﻟﺘﻨﻴﻦ ﺑﻌﺪ ﺷﻬﺮ ﻟﻮ ﻳﺴﺎﻋﺪﻛﻢ ﻭﻧﺰﻭﺟﻬﻢ ﻣﻊ ﺑﻌﺾ ﺧﻴﺮ ﻭﺧﻴﺮ
ﺳﺎﻣﺮ : ﺗﻤﺎﻡ ﺷﻮﻑ ﺷﻨﻮ ﻳﺸﺮﻃﻮ ﻭﺍﻧﺎ ﺟﺎﻫﺰ
ﺍﺳﺎﻣﻪ : ﺑﺲ ﻳﺎﺧﻮﻱ ﻻﺯﻡ ﺗﻌﺮﻓﻬﺎ ﻭﺗﺘﻌﺮﻑ ﻋﻠﻴﻬﺎ
ﺳﺎﻣﺮ : ﻣﺶ ﻻﺯﻡ ﺍﻧﺖ ﺗﻌﺮﻑ ﻟﻴﺶ ﻣﺘﺰﻭﺟﻬﺎ ﻟﺬﻟﻚ ﻣﺎﻋﻨﺪﻱ ﻟﻴﺶ ﻧﻌﺮﻑ ﻓﻴﻬﺎ
ﺍﺳﺎﻣﻪ : ﻏﻠﻂ ﻫﻜﻲ ﺭﺍﻩ ﻏﻴﺮ ﺭﺍﻩ ﺗﺴﻤﻊ ﺍﻟﺒﻨﺖ ﺍﻭ ﻋﻴﻠﺘﻬﺎ ﺍﻧﻚ ﺗﺠﻮﺯﺗﻬﺎ ﺷﻔﻘﻪ
ﺳﺎﻣﺮ : ﺍﻥ ﺷﺎﺀﺍﻟﻠﻪ
........
ﺑﻌﺪ ﺍﺳﺒﻮﻉ
ﻉ ﺍﻟﺼﺪﻓﻪ ﻋﺮﺱ ﻳﺎﺳﻤﻴﻦ ﻭﺧﻮﺍﺗﻬﺎ ﺑﻌﺪ ﺷﻬﺮ ﻭﻋﺒﺪﻭ ﻋﺮﺳﻪ ﺑﻌﺪ ﺷﻬﺮ ﺣﻴﻴﻲ ﻋﻠﻲ ﺍﻟﻮﻗﺖ ﻛﺎﻧﺖ ﺗﺠﻬﺰ ﻟﻌﺒﺪﻭ ﻭﺗﻮﺍ ﺑﺘﺠﻬﺰ ﻟﺴﺎﻣﺮ ﻭﻣﺶ ﻋﺎﺭﻓﻪ ﺷﻨﻮ ﺩﺍﺳﺘﻠﻬﺎ ﺍﻻﻳﺎﻡ ﻣﻌﺎﻩ ....
ﻓﺮﺡ : ﺳﺒﺤﺎﻥ ﺍﻟﻠﻪ ﻉ ﺍﻟﻨﺼﻴﺐ ﻛﻨﺎ ﺑﻨﺘﺰﺟﻮ ﻣﻊ ﺑﻌﺾ ﻭﺑﻌﺪﻳﻦ ﻳﺎﺳﻤﻴﻦ ﻣﺎﺻﺎﺭ ﺵ ﻭﺗﻮﺍ ﺑﻨﺮﺟﻌﻮﺍ ﻧﺘﻮﻭﺟﻮﺍ ﻣﻊ ﺑﻌﺾ
ﻣﺮﺡ : ﺍﻱ
ﻳﺎﺳﻤﻴﻦ : ﺧﻼﺹ ﻏﻴﺮﻭ ﺍﻟﻤﻮﺿﻮﻉ ﻧﻮﺿﻮﺍ ﺟﻬﺰﻭ ﺍﻟﻴﻮﻡ ﻗﺎﻝ ﺑﺎﺑﺎ ﺑﻴﺠﻴﺒﻮﺍ ﺍﻟﺪﻓﻊ
ﻓﺮﺡ : ﺧﻴﺮﻙ ﻭﺍﻧﺘﻲ ﺗﻘﻮﻝ ﺟﺎﻳﺒﻦ ﺟﻨﺎﺯﻩ ﺧﻴﺮﻙ ﻳﺎﺑﻨﺖ ﺍﻓﺮﺩﻳﻬﺎ ﺷﻮﻱ
ﻳﺎﺳﻤﻴﻦ : ﻣﻌﺶ ﻳﻬﻤﻨﻲ ﺷﻲ
ﻭﺗﻢ ﺍﻟﺪﻓﻊ ﻭﺍﻟﻌﺮﺱ ﺑﻌﺪ ﺍﺳﺒﻮﻋﻴﻦ ﻭﻳﺎﺳﻤﻴﻦ ﻃﻠﻌﻮﻫﺎ ﺧﻮﺍﺗﻬﺎ ﺑﺎﻟﻐﺼﺐ ﻳﺠﻬﺰﻭ ﻓﻴﻬﺎ ﻭﻫﻲ ﻻ ﺣﻴﺎﺓ ﻟﻤﻦ ﺗﻨﺎﺩﻱ
ﻭﻓﻲ ﻳﻮﻡ
ﺍﺭﻭﻯ : ﻏﻴﺮ ﻣﻨﻲ ﻫﺎﺩﻭﻭﻭ ﺑﻨﺎﺕ ﺧﺎﻟﻲ ﻓﻲ ﺍﻟﺴﻮﻕ
ﻓﺮﺡ : ﺍﻱ ﺑﻨﺎﺕ ﺧﺎﻟﻚ
ﺍﺭﻭﻯ : ﺍﻧﺎ ﻧﺒﺘﺖ ﻋﺮﺳﻲ ﺑﻌﺪ ﺍﺳﺒﻮﻋﻴﻦ ﻭﺍﻧﺘﻮ ﺷﻨﻮ ﺩﻳﺮﻭ ﻭﻳﺎﺳﻤﻴﻦ ﺷﻨﻮ ﻋﻨﺪﻫﺎ ﻓﻲ ﻣﺤﻞ ﺍﻻﺭﻭﺍﺏ ﻫﻬﻬﻬﻬﺎﻱ
ﻳﺎﺳﻤﻴﻦ؛ :
ﻣﺮﺡ : ﻭﺣﺘﻰ ﻫﻴﺎ ﺟﺎﻳﺔ ﻟﻨﻔﺲ ﺍﻟﺴﺒﺐ ﻳﻠﻲ ﺍﻧﺘﻲ ﺟﺎﻳﻪ ﻋﻠﻲ ﺧﺎﻃﺮﺓ
ﺍﺭﻭﻯ : ﺍﻧﺎ ﻧﺎﺧﺪ ﻓﻲ ﺍﺭﻭﺍﺏ ﻟﺤﺒﻴﺒﻲ ﻋﺒﺪﻭ
ﻓﺮﺡ : ﻭﻳﺴﻮﻭ ﺗﺎﺧﺪ ﻓﻲ ﺍﺭﻭﺍﺏ ﻟﺤﺒﻴﺒﻬﺎ ﺳﺎﺍﺍﺍﻣﺮ
ﺍﺭﻭﻯ : ﻗﺼﺪﻙ ﻳﺎﺳﻤﻴﻦ ﺑﺘﺘﺰﻭﺝ ﻫﻬﻬﻬﻪ
ﻓﺮﺡ :' ﻟﻴﺶ ﻫﺎﺯﻳﻪ ... ﺍﻱ ﺑﺘﺘﺰﻭﺝ ﻣﺤﺎﻣﻲ ﻭﻭﻟﺪ ﻋﻠﻴﺔ ﻣﻌﺮﻭﻓﺔ ﻭﺧﻠﺘﻠﻚ ﻓﻀﻠﺘﻬﺎ ﻫﻬﻬﻬﻬﻬﻬﻪ
ﻣﺮﺡ : ﻫﻬﻬﻬﻪ
ﺍﺭﻭﻯ : ﺍﺣﺘﺮﻣﻲ ﻧﻔﺴﻚ ﺍﻋﺮﻓﻲ ﻛﻴﻒ ﺗﺪﻭﻱ
ﻳﺎﺳﻤﻴﻦ : ﻫﻴﺎ ﻳﺎﺑﻨﺎﺕ ﻭﻗﺖ ﺧﻠﻲ ﻧﻜﻤﻠﻮﺍ
..........
ﻣﺮﺍﺩ : ﻏﻴﺮ ﺩﺍﺭ ﺍﻟﻨﻮﻡ ﺷﻨﻮ ﺭﺍﻳﻚ
ﺳﺎﻣﺮ : ﻭﻟﻴﺶ ﻧﻐﻴﺮﻫﺎ ﺩﺍﺭﻱ ﻭ ﻋﺎﺟﺒﺘﻨﻲ
ﻣﺮﺍﺩ : ﺗﻲ ﺗﻌﺮﻑ ﺑﺲ ﻟﻮﻧﻬﺎ ﺍﺳﻮﺩ ﻳﻐﻢ ﺍﻟﻘﻠﺐ ﻭﺍﻟﻌﺮﻭﺳﻪ ﻳﻠﺰﻣﻬﺎ ﻟﻮﻥ ﻓﺎﺍﺗﺢ ﺯﻱ ﺍﻻﺑﻴﺾ ﻣﺜﻼ ﺑﺎﺵ ﻟﻤﺴﺘﻬﺎ ﺗﻘﻌﺪ ﻓﻴﻪ ﻫﻬﻬﻬﻬﻬﻪ
ﺳﺎﻣﺮ : ﺑﻼﺵ ﻛﻼﻡ ﻓﺎﺿﻲ ﺍﻟﺤﻮﺵ ﻓﻴﻪ 5 ﺩﻳﺎﺭ ﺗﻮﺍ ﻧﺤﻄﻠﻬﺎ ﺩﺍﺭ ﻧﻮﻡ ﻓﻲ ﻭﺣﺪﻩ ﻣﻨﻌﻢ
ﻣﺮﺍﺩ : ﺑﺪﻳﺮ ﻟﻜﻞ ﻭﺍﺣﺪ ﺩﺍﺭ ﻭﻻ ﺷﻨﻮ
ﺳﺎﻣﺮ .........

ﻳﺘﺒﻊ ......