حــادث سيــارة غــير قــدري ❤

❣اﻟﺤﻠﻘﺔ ﺍﻟﺘﺎﺳﻌﺔ ﻋﺸﺮ❣

#ﺣﺎﺩﺙ_ﺳﻴﺎﺭﺓ_ﻏﻴﺮ_ﻗﺪﺭﻱ

#اﻟﺤﻠﻘﺔ_ﺍﻟﺘﺎﺳﻌﺔ_ﻋﺸﺮ ‏( 19 ‏)

ﻟﻠﻜﺎتبة " ﺍﻣﻴﺮﺓ ﺍﺑﻲ "

ﻧﺒﺪﻭ ﺣﻠﻘﺘﻨﺎ
.
.
.
.
ﺍﻳﻤﻦ : ﻟﺤﻈﻪ
ﺍﻳﻤﻦ
ﻃﺒﻌﺎ ﻛﺎﻥ ﻗﺪﺍﻣﻪ ﺣﺎﺟﻪ ﻫﻜﻲ ﺍﻭ ﻛﻮﻡ ﻣﻦ ﺍﻟﻘﻤﺎﺵ
ﺳﻤﺮ : ﺷﺪ ﻣﻨﻲ ﻟﻮ ﺳﻤﺤﺖ
ﺍﻳﻤﻦ : ﻋﻔﻮﺍ ﺍﻧﺘﻲ ﻣﻨﻮ
ﺳﻤﺮ : ﺗﻲ ﺧﻮﺩ ﻣﻨﻲ ﺭﺯﻳﻦ ﺭﺍﻩ ﺍﻧﺎ ﺳﻤﺮ ﻣﺶ ﻭﻗﺖ ﺍﺳﺄﻟﺘﻚ
ﺍﻳﻤﻦ : ﺍﺳﻒ ﻫﻴﺎ
ﻭﺧﺪﻱ ﻣﻨﻬﺎ ﺍﻳﻤﻦ ﺍﻟﻔﻴﻠﻮﺍ ﻭﻛﺎﻧﺖ ﺷﺎﺩﻩ ﺑﻮﻛﺲ
ﺳﻤﺮ : ﺁﻩ ﺷﻜﺮﺍ
ﺍﻳﻤﻦ : ﺍﻟﻌﻔﻮ ... ﺗﻔﻀﻠﻲ ﺗﻔﻀﻠﻲ
ﺳﻤﺮ : ﺷﻜﺮﺍ ﻟﻴﻚ ﻭﺁﺳﻔﻪ
ﺍﻳﻤﻦ : ﺍﻟﻌﻔﻮ ﻭﻻ ﻳﻬﻤﻚ
ﻭﺧﺸﺖ ﺳﻤﺮ ﻟﻠﺒﻨﺎﺕ ﻭﺳﻠﻤﺖ ﻋﻠﻴﻬﻢ
ﻓﺮﺡ : ﻫﺬﺍ ﺷﻨﻮﻭﻭﻭ
ﺳﻤﺮ : ﺗﻔﻀﻠﻲ ﻳﺴﻮﻭ ﺍﻟﺒﻮﻛﺲ ﺍﻧﺎ ﺑﺮﻭﺣﻲ ﻭﺍﻟﻠﻪ ﻣﺎﻧﻌﺮﻑ ﺷﻨﻮ ﻓﻴﻪ ﻣﺪﻫﻮﻟﻲ ﺳﺎﻣﺮ ﻭﻫﺬﺍ ﺍﻟﻔﻴﻠﻮﻭ ﻫﺪﻳﺔ ﻣﻨﻪ ﻛﻴﻒ ﻭﺻﻞ ﻣﻦ ﺗﺮﻛﻴﺎ
ﻣﺮﺡ : ﺍﻭﻭﻭﻭﻭ
ﻓﺮﺡ : ﻛﻴﻒ ﻛﻨﺎ ﻧﻘﻮﻭ ﻋﻠﻴﻬﺎ ﺗﺎﺧﺪ ﻓﻴﻠﻮ ﺗﺨﻴﻠﻲ ﻣﺎﺧﺘﺎﺭﺗﺶ ﺍﻟﻔﻴﻠﻮ ﻗﻌﺪﺓ
ﻳﺎﺳﻤﻴﻦ :
ﺳﻤﺮ : ﻳﺎﻭﺧﻴﺘﻲ ﺍﻧﺎ ﻭﺍﻟﻠﻪ ﺣﺎﺳﺔ ﺑﻴﻚ ﻭﻋﺎﺭﻓﻪ ﺍﻧﻚ ﻣﺎﺗﺒﻴﺶ ﺳﺎﻣﺮ ﻭﺍﻧﺎ ﻣﺠﺮﺑﻪ ﻓﻘﺪﺍﻥ ﺍﻭﻝ ﺣﺐ ﻳﻤﻜﻦ ﺍﻟﻄﺮﻕ ﺗﺨﺘﻠﻒ ﺑﺲ ﻧﻔﺲ ﺍﻻﻟﻢ ...
ﻳﺎﺳﻤﻴﻦ : ﻣﺎﺗﻔﻬﻤﻴﺶ ﻏﻠﻂ
ﺳﻤﺮ : ﻋﺎﺩﻱ ﺍﻧﺎ ﺣﺎﻟﻴﺎ ﻧﺤﻜﻲ ﻣﻌﺎﻙ ﻙ ﺑﻨﺖ ﺍﻭﻻ ﻭﻙ ﺍﺧﺖ ﺗﺎﻧﻴﺎ ... ﺻﺪﻗﻨﻲ ﻫﺬﻱ ﻓﺮﺻﺔ ﺟﺪﻳﺪﻩ ﻟﻴﻚ ﻭﻟﺴﺎﻣﺮ ﺣﺎﻭﻟﻲ ﺍﻧﻚ ﺗﻌﻴﺸﻴﻬﺎ ﺻﺢ ﻭﺧﻠﻲ ﺳﺎﻣﺮ ﻳﺤﺒﻚ ﻭﺣﺒﻴﻪ ﻭﺍﻥ ﺷﺎﺀ ﺍﻟﻠﻪ ﺭﺑﻲ ﺡ ﻳﺮﺯﻗﻜﻢ ﺑﺎﻟﺬﺭﻳﻪ ﺍﻟﺼﺎﻟﺤﻪ
ﻳﺎﺳﻤﻴﻦ : ﺍﻥ ﺷﺎﺀﺍﻟﻠﻪ
ﺳﻤﺮ : ﺍﻟﻄﺐ ﺍﻃﻮﺭ ﻭﺭﺣﻤﻪ ﺭﺑﻲ ﻭﺍﺳﻌﻪ ﻭﺳﺎﻣﺮ ﻗﺎﺩﺭ ﻳﺴﻔﺮﻙ ﻻﺧﺮ ﺍﻟﻌﺎﻟﻢ ﺑﺎﺵ ﻳﻌﺎﻟﺠﻚ
ﺧﻼﺹ ﺗﻮﺍ ﻫﻴﺎ ﺍﻓﺘﺤﻲ ﺍﻟﺒﻮﻛﺲ ﺧﻠﻲ ﻧﺸﻮﻓﻮﺍ ﺷﻨﻮ ﻓﻴﻪ
ﻣﺮﺡ : ﺍﻱ ﺍﻱ
ﻭﻓﺘﺤﺖ ﻳﺎﺳﻤﻴﻦ ﺍﻟﺒﻮﻛﺲ ﻟﻘﺖ ﻓﻴﻪ iPhone X max
ﻳﺎﺳﻤﻴﻦ :
ﻓﺮﺡ : ﺍﻟﻠﻪ
ﺳﻤﺮ : ﺗﺒﻴﺪﻱ ﺑﺎﻟﻬﻨﻰ
ﻣﺮﺡ : ﺑﺎﻟﺼﺤﻪ ﻋﻠﻴﻚ ﻭﺧﻴﺘﻲ ﺗﺴﺘﺎﻫﻠﻲ ﻛﻞ ﺧﻴﺮ
ﻓﺮﺡ : ﻓﻲ ﻣﻜﺎﻥ ﻓﻮﻧﻚ ﻳﻠﻲ ﺗﻜﺴﺮ
ﻳﺎﺳﻤﻴﻦ : ﻟﻴﺶ ﻣﻜﻠﻒ ﻧﻔﺴﻪ
ﺳﻤﺮ : ﻻ ﻣﻜﻠﻒ ﻭﻻ ﺷﻲ ﺍﻧﺘﻲ ﺑﻌﺪ ﺍﺳﺒﻮﻉ ﺑﺘﻮﻟﻲ ﻣﺮﺗﻪ ﺭﺍﻩ
ﻫﻴﺎ ﻧﻮﺿﻲ ﻗﻴﺴﻲ ﺍﻟﻔﻴﻠﻮﺍ ﺍﻧﺎ ﻋﻄﻴﺘﻪ ﻣﻘﺎﺳﻲ ﻻﻧﻪ ﺍﺟﺴﺎﻣﻨﺎ ﻣﺘﻘﺎﺭﺑﻪ ﺍﻧﺎ ﻭﺍﻧﺘﻲ
ﻭﻟﺒﺴﺖ ﻳﺎﺳﻤﻴﻦ ﺍﻟﻔﻴﻠﻮﻭﻭﻭ
ﻋﺰﻳﺰﻩ : ﺑﺴﻢ ﺍﻟﻠﻪ ﻣﺸﺎﺀ ﺍﻟﻠﻪ ﻃﺎﻟﻊ ﻣﻌﺎﻙ ﻳﺠﻨﻦ
ﺳﻤﺮ : ﺗﺒﺎﺭﻙ ﺍﻟﻠﻪ ﺗﻬﺒﻠﻲ ﻳﺎﻣﺮﺕ ﺧﻮﻱ ﺍﻭﻝ ﻣﺎﺷﻔﺘﻪ ﻋﺮﻓﺘﻪ ﻟﻴﻚ
ﻓﺮﺡ : ﻳﺎﺟﻤﺎﻟﻮﻭﻭﻭ
ﻳﺎﺳﻤﻴﻦ : ﺧﺠﻠﺘﻮﻧﻲ
ﻣﺮﺡ : ﺍﻗﺴﻢ ﺑﺎﻟﻠﻪ ﺗﻬﺒﻠﻲ ﻳﺎﻭﺧﻴﺘﻲ ﻫﺬﺍ ﺑﺪﻭﻥ ﺗﺴﺮﻳﺤﻪ ﻭﻣﻜﻴﺎﺝ ﻫﻜﻲ ﺍﻣﺎﻻ ﻛﻴﻒ ﺑﻌﺪﻳﻦ ﺳﺎﻣﺮ ﺡ ﻳﺠﻦ ﻓﻴﻚ
ﺳﻤﺮ : ﻫﻬﻬﻪ ﺍﻱ ﺡ ﻳﺠﻦ
...........
ﺍﺭﻭﻯ : ﺍﺳﺒﻮﻉ ﺑﺲ ﻭﺡ ﻧﻜﻮﻥ ﻣﻌﺎﻙ ﺍﻣﻤﻤﻤﻤﻤﻮﺍﺡ
ﻋﺒﺪﻭ ﻛﺎﻥ ﻣﻤﺘﺪ ﻋﻠﻲ ﺳﺮﻳﺮﻩ ﻭﺣﺎﻁ ﺍﻳﺪﻩ ﺗﺤﺖ ﺭﺍﺳﻪ ﻭﻳﺤﻜﻲ ﻣﻊ ﺍﺭﻭﻯ ﻓﻲ ﺍﻟﻔﻮﻥ
ﻋﺒﺪﻭ : ﺍﻱ
ﺍﺭﻭﻯ : ﺍﻱ ﻧﺴﻴﺖ ﻧﻘﻮﻟﻪ ﻫﻬﻬﻬﻬﻬﻬﻪ ﻳﺎﺳﻤﻴﻦ ﻋﺮﺳﻬﺎ ﻓﻲ ﻧﻔﺲ ﻳﻮﻡ ﻋﺮﺳﻨﺎ
ﻋﺒﺪﻭ : ﺷﻨﻮﻭﻭ
ﻭﻧﻂ ﻣﻦ ﺳﺮﻳﺮﻩ ﻣﻦ ﺍﻟﺼﺪﻣﻪ
ﺍﺭﻭﻯ : ﺍﻱ ﻟﻘﻴﺘﻬﺎ ﺗﺒﺘﺖ ﻭﻗﺎﻟﻮﺍ ﺍﺳﻤﻪ ﺳﺎﻣﺮ ﻫﻬﻬﻪ ﺍﺑﺼﺮ ﻣﺘﺰﻭﺝ ﺍﻭ ﻣﻄﻠﻖ ﺍﻭ ﺍﺭﻣﻞ ﻭﻳﺒﻴﻬﺎ ﺗﺮﺑﻲ ﺻﻐﺎﺭﺓ ﺍﻟﺒﺎﻗﻲ ﻣﻨﻮ ﻳﺮﺿﻰ ﻳﺎﺧﺪ ﻭﺣﺪﻩ ﻋﻘﻴﻢ ﻫﻬﻬﻬﻬﻪ
ﻋﺒﺪﻭ ﺣﺲ ﺑﺨﻨﻘﻪ ﻭﺑﻐﺼﻪ
ﺍﺭﻭﻯ : ﺍﻟﻮﻭﻭﻭ ﺣﺒﻴﺒﻲ ﻭﻳﻨﻚ ﺍﻟﻮﻭﻭﻭ ﺍﻟﻮﻭﻭﻭﻭ
ﻋﺒﺪﻭ : ﻣﻌﺎﻙ
ﺍﺭﻭﻯ : ﻟﻴﺶ ﺗﻐﻴﺮﺕ ﻧﺒﺮﺓ ﺻﻮﺗﻚ
ﻋﺒﺪﻭ : ﻻ ﺷﻲ
ﺍﺭﻭﻯ : ﻻ ﺗﻐﻴﺮﺕ ﻣﻦ ﻟﻤﺎ ﺳﻤﻌﺖ ﺑﺰﻭﺍﺝ ﻳﺎﺳﻤﻴﻦ
ﻋﺒﺪﻭ : ﻣﺶ ﻧﺎﻗﺼﻚ ﺍﻧﺎ ﺳﻜﺮﻱ ﺍﻟﻤﻮﺿﻮﻉ ﻭﻻ ﻧﻘﻮﻟﻚ ﺳﻜﺮﻱ ﺍﻟﺨﻂ ﻻﻧﻲ ﺑﻨﺮﻗﺪ
ﻃﻮﻃﻮﻃﻮ
ﺍﺭﻭﻯ : ﺗﺎﻧﻲ ﻣﺮﺓ ﻳﺪﻳﺮﻫﺎ ﻳﺴﻜﺮ ﻋﻠﻲ ﻭﺟﻬﻲ ﻭﺍﻧﺎ ﻧﺤﻜﻲ ﻛﻠﻪ ﻣﻦ ﻫﺎﻟﺤﻘﻴﺮﺓ ﻳﺎﺳﻤﻴﻦ
ﻭﻋﺒﺪﻭ ﻗﻌﺪ ﻳﻔﻜﺮ ﻟﻴﻦ ﺭﻗﺪ
.........
ﻭﻣﺮﻭﻭﻭ ﺍﻻﻳﺎﻡ ﻭﺟﻲ ﻳﻮﻡ ﺍﻻﺛﻨﻴﻦ ﻳﻮﻡ ﻓﺎﺗﺤﺔ ﻳﺎﺳﻤﻴﻦ
ﻃﺒﻌﺎ ﻓﺮﺡ ﻭﻣﺮﺡ ﻧﻘﺮﺕ ﻗﺒﻞ ﻳﺎﺳﻤﻴﻦ ﺑﺜﻼﺙ ﺍﻳﺎﻡ
ﻋﻤﺮ : ﺍﻟﻒ ﻣﺒﺮﻭﻙ ﻳﺎﻭﻟﺪﻱ ﻭﺍﻟﺒﻨﺖ ﺍﻣﺎﻧﺔ ﻋﻨﺪﻙ ﺭﺍﻫﻲ ﺍﻏﻠﻰ ﻣﻦ ﺭﻭﺣﻲ
ﺳﺎﻣﺮ : ﻓﻲ ﻋﻴﻮﻧﻲ ﻭﻻ ﻳﻬﻤﻚ
.....
ﺧﺶ ﺣﺴﻦ ﻟﻴﺎﺳﻤﻴﻦ
ﺣﺴﻦ : ﻗﺮﺩﻩ ﺧﻼﺹ !!
ﻳﺎﺳﻤﻴﻦ : ﺷﻨﻮ ﻳﻠﻲ ﺧﻼﺹ
ﺣﺴﻦ : ﺑﺘﻄﻠﻌﻲ ﻣﻦ ﺍﻟﺤﻮﺵ ﻣﻦ ﺑﻨﺎﺑﺶ ﺍﻧﺎ ﻟﻤﻨﻮ ﺑﻨﺤﻜﻲ ﻫﻤﻮﻣﻲ
ﻳﺎﺳﻤﻴﻦ ﺟﺖ ﺗﺠﺮﻱ ﺿﻤﺎﺗﻪ ﻭﺑﺪﺕ ﺗﺒﻜﻲ
ﻭﺍﻟﻠﻪ ﺯﻭﺍﺟﻲ ﻛﻠﻪ ﻉ ﺧﺎﻃﺮﻛﻢ ﻧﺨﺎﻑ ﻳﻄﻠﻊ ﻣﻮﺿﻮﻉ ﺍﻟﺼﻮﺭ ﻭﻳﺘﻮﺍﻃﻰ ﺭﺍﺳﻜﻢ ﻭﺍﻟﻠﻪ ﺍﻧﺘﻮ ﻋﻨﺪﻱ ﺑﺎﻟﺪﻧﻴﺎ ﻛﻠﻬﺎ ﻭﺍﻟﻠﻪ ﺍﻧﺘﻮ ﺍﻏﻠﻰ ﻣﻦ ﺭﻭﺣﻲ
ﺣﺴﻦ : ﺍﻧﻬﻲ ﻛﻞ ﺷﻲ ﻭﺧﻠﻴﻚ ﻣﻌﺎﻱ ﻧﻮﻋﺪﻙ ﻣﺎﻧﺘﺰﻭﺟﺶ ﻧﻘﻌﺪ ﺩﻳﻤﺎ ﻣﻌﺎﻙ
ﻭﺍﻟﻠﻪ ﻣﺎﻧﻘﺪﺭ ﻧﻘﻌﺪ ﻓﻲ ﺍﻟﺤﻮﺵ ﺑﺪﻭﻧﻚ ... ﻭﺍﻟﻠﻪ ﺍﻧﺘﻲ ﻏﻴﺮ ﻋﻦ ﻛﻞ ﺍﻟﻌﻴﻠﺔ
ﻓﺮﺡ : ﻭﺍﻧﺎ
ﺣﺴﻦ : ﺧﻴﻪ ﻋﻠﻲ ﺍﻟﺪﻧﻴﺎ ﺍﻟﺤﻮﺵ ﺑﻴﻘﻌﺪ ﻓﺎﺿﻲ ﺑﻼﻛﻢ ﺑﺲ ﻳﺎﺳﻤﻴﻦ ﻏﻴﺮ
ﻣﺮﺡ : ﺧﻼﺹ ﺧﺎﻻﺗﻲ ﻭﻋﻤﺎﺗﻲ ﻳﺴﺘﻨﻮ ﻓﻴﻨﺎ ﻓﻲ ﺍﻟﺼﺎﻟﻪ ﻫﻴﺎﺍ ﻧﻄﻠﻌﻮﺍ ﻭﻣﺎﻣﺎ ﻣﺶ ﻧﺎﻗﺼﻬﺎ ﺳﺎﺩﻫﺎ ﻳﻠﻲ ﻓﻴﻬﺎ
ﻳﺎﺳﻤﻴﻦ : ﺍﻱ ﺻﺢ ﺣﺴﻦ ﺣﺒﻴﺒﻲ ﻣﺎﻣﺎ ﻟﻴﻬﺎ ﺍﺳﺒﻮﻉ ﺗﺒﻜﻲ ﻭﻛﺎﻥ ﺗﺸﻮﻓﻨﺎ ﺗﻮﺍ ﺡ ﻧﺰﻳﺪﻭﻫﺎ
ﻭﻣﺴﺤﺖ ﻳﺎﺳﻤﻴﻦ ﺩﻣﻮﻉ ﺧﻮﻫﺎ ﺣﺴﻦ ﺑﻴﺪﻳﻬﺎ ﻭﻣﺴﺤﺖ ﻋﻠﻲ ﻟﺤﻴﺘﻪ ﻭﺑﺎﺳﺎﺗﻪ ﻣﻦ ﺧﺪﻩ ﻭﻃﻠﻊ
ﻣﺮﺡ : ﻣﺒﺮﻭﻙ ﻧﻘﺮﺕ ﻓﺎﺗﺤﺘﻚ ﺭﺑﻲ ﻳﺘﻤﻤﻠﻚ ﻋﻠﻲ ﺧﻴﺮ
ﻳﺎﺳﻤﻴﻦ : ﺍﻟﻠﻪ ﻳﺒﺎﺭﻙ ﻓﻴﻚ ﺍﻧﺎ ﻭﺍﻧﺘﻢ ﻳﺎﺭﺏ ﻭﺧﻴﺎﺗﻲ ﺍﻟﻐﺎﻟﻴﺎﺍﺕ
ﻭﻏﻨﻮﻭ ﺑﻨﺎﺕ ﺍﻟﻌﻢ ﻭﺍﻟﻌﻨﺎﺕ ﻭﺍﻟﺨﻮﺍﻝ ﻭﻳﻌﻮﻟﻮﺍ ﻭﻳﻬﻴﺠﻮ
...........
ﻭﻋﻨﺪ ﺍﺭﻭﻯ ﻧﻔﺲ ﺍﻟﺸﻲ ﻋﺮﺱ ﻭﻫﺮﺟﻪ ﻭﺟﻮﻭ ﻭﻋﺒﺪﻭ ﺑﺲ ﺍﻣﻪ ﻣﺶ ﻣﻮﺟﻮﺩﻩ ﻉ ﻗﺪ ﻣﺎﻣﺸﻮﻟﻬﺎ ﻣﺎﺑﺘﺶ
ﺍﺭﻭﻯ : ﺣﺒﻴﺒﻲ ﻣﻌﻘﻮﻟﻪ ﻣﺎ ﺷﺮﻳﺘﺶ ﺍﻟﺒﺪﻟﻪ ﻟﺘﻮﺍ
ﻋﺒﺪﻭ : ﺳﺎﻋﻪ ﺗﺎﻧﻴﻪ ﺗﻮﺍ ﻧﻄﻠﻊ ﺍﻧﺎ ﻭﺍﻻﻭﻻﺩ ﻧﺎﺧﺪ
ﺍﺭﻭﻯ : ﺗﻤﺎﻡ ﻳﺎﺭﻭﺣﻲ ﺍﻧﺖ ﺍﻣﻤﻤﻤﻤﻤﻮﺍﺡ
ﻋﺒﺪﻭ : ﻫﻴﺎ ﺑﺎﻱ
ﺍﺭﻭﻯ : ﻫﻜﻲ ﺑﺎﻱ ﺑﺪﻭﻥ ﺷﻲ
ﻋﺒﺪﻭ : ﻧﺤﺒﻚ
ﺍﺭﻭﻯ : ﻭﺍﻧﺎ ﻧﻤﻮﻭﻭﺕ ﻓﻴﻚ
.....
ﻣﺒﺮﻭﻛﻪ : ﺍﻧﺎ ﺭﺍﻩ ﺑﻨﻤﺸﻲ ﻟﻌﺮﺱ ﺑﻨﺎﺕ ﺧﻮﻱ ﻋﻤﺮ ﻭﺍﻧﺘﻲ ﻭﻳﻦ ﺗﺒﻲ ﺑﺮﻱ ﻟﺒﻨﺖ ﻋﻤﻚ ﺍﻭ ﻭﻟﺪ ﻋﻤﻚ ﻣﺎﻩ ﻋﺎﺭﻓﺎﺗﻚ ﻣﺪﺍﻳﺮﺓ ﺣﺰﺏ ﻣﻊ ﺍﺭﻭﻯ ﺿﺪﻫﻢ
ﺍﻻﺀ : ﻣﺎﻣﺎ ﻧﺒﻲ ﻧﻤﺸﻲ ﻟﺨﺎﻟﺘﻲ ﻣﻔﻴﺪﻩ
ﻣﺒﺮﻭﻛﻪ : ﻟﻴﺶ ﺍﻟﻌﻔﻮ ﺷﻨﻮ ﺩﻛﺮﻙ ﻓﻴﻬﺎ
ﺍﻻﺀ : ﻧﺒﻲ ﻓﻲ ﻣﻮﺿﻮﻉ ﻣﻬﻢ ﺗﻮﺍ ﺗﻌﺮﻓﻴﻪ ﺍﻣﺘﻰ ﻧﻮﺻﻠﻬﺎ
ﻣﺒﺮﻭﻛﻪ : ﺍﻥ ﺷﺎﺀﺍﻟﻠﻪ ﺧﻴﺮ ﺗﻮﺍ ﻧﻜﻠﻢ ﺑﻮﻙ ﻳﺮﻓﻌﻨﺎ ﻫﻲ
ﻭﻣﺸﻮﻭ ﺍﻻﺀ ﻭﺍﻣﻬﺎ ﻣﺒﺮﻭﻛﻪ ﻳﻠﻲ ﻫﻲ ﻋﻤﺔ ﻳﺎﺳﻤﻴﻦ ﻟﺤﻮﺵ ﺍﻫﻞ ﻣﻔﻴﺪﻩ
ﻣﻔﻴﺪﻩ : ﻣﺮﺣﺒﺘﻴﻦ ﺑﻴﻜﻢ ﻋﺎﺵ ﻣﻦ ﺷﺎﻓﻜﻢ
ﻣﺒﺮﻭﻛﻪ : ﺗﻌﻴﺸﻲ ﻭﺍﻟﻠﻪ ﻟﻴﻚ ﻭﺣﺸﻪ
ﻣﻔﻴﺪﻩ : ﻛﻴﻒ ﺣﺎﻟﻚ ﺍﻻﺀ ﺧﻴﺮﻩ ﻭﺟﻬﻚ ﺍﺻﻔﺮ ﺑﺎﻟﻚ ﻣﺮﻳﻀﻪ
ﺍﻻﺀ : ﻻ ﻣﺶ ﻣﺮﻳﻀﻪ
ﻣﺒﺮﻭﻛﻪ : ﺷﺪﺓ ﻓﻴﺎ ﺗﺒﻲ ﺗﺠﻲ ﻟﻌﻨﺪﻙ ﻋﻄﻠﺘﻨﻲ ﺣﺘﻰ ﻋﻠﻲ ﻋﺮﺱ ﺑﻨﺎﺕ ﺧﻮﻱ
ﻣﻔﻴﺪﻩ : ﺍﻟﺘﻮﺍﻡ ﺑﻴﺘﺰﻭﺟﻮ
ﻣﺒﺮﻭﻛﻪ : ﺍﻟﺜﻼﺛﻪ ﻣﺎﺷﺎﺀ ﺍﻟﻠﻪ ﺍﻟﺘﻮﺍﻡ ﻭﻳﺎﺳﻤﻴﻦ
ﻣﻔﻴﺪﻩ : ﻳﺎﺳﻤﻴﻦ ﻣﺴﺘﺤﻴﻞ ﻣﻦ ﺧﺪﺍﻫﺎ
ﻣﺒﺮﻭﻛﻪ : ﻣﺤﺎﻣﻲ ﻳﻘﻮﻟﻮﺍ ﺑﻴﻪ ﺣﺘﻰ ﻓﻲ ﺍﻟﺰﻳﻦ ﻭﺍﻟﻠﻪ ﻣﺎﺭﻳﺘﻠﻪ ﻣﺜﻴﻞ
ﻣﻔﻴﺪﻩ : ﺭﺑﻲ ﻳﻬﻨﻴﻬﺎ ﺗﺴﺘﺎﻫﻞ ﻛﻞ ﺧﻴﺮ ﻧﻜﺴﺮ ﻓﻴﻬﺎ ﻏﻴﺮ ﺍﻟﻤﻨﺠﻮﻩ ﻭﻟﺪﻱ ﻳﻠﻲ ﺣﺼﻞ ﻓﻲ ﻫﺎﻟﻠﻔﻌﻪ ﻫﺎﺩﻱ
ﻣﺒﺮﻭﻛﻪ : ﻧﺼﻴﺐ
ﺍﻻﺀ : ﺧﺎﻟﺘﻲ
ﻣﻔﻴﺪﻩ : ﺍﻟﻌﻔﻮ ﻟﻴﺶ ﺗﺒﻜﻲ ﺑﻨﻴﺘﻲ
ﺍﻻﺀ : ﺳﺎﻣﺤﻴﻨﻲ ﺍﻫﻲ ﺍﻫﻲ
ﻣﺒﺮﻭﻛﻪ :
ﻣﻔﻴﺪﻩ : ﺷﻨﻮ ﺩﺭﺗﻴﻠﻲ ﺍﻟﻌﻔﻮ
ﺍﻻﺀ : ﺩﺳﻴﺖ ﻋﻠﻴﻚ ﺍﻟﺤﻘﻴﻘﻪ ﺑﺎﻟﻠﻪ ﺳﺎﻣﺤﻨﻲ ﺍﻧﺎ ﺑﻨﺤﻜﻴﻠﻚ ﻛﻞ ﺷﻲ ﺑﺎﻟﺘﻔﺼﻴﻞ ﺍﺭﻭﻯ ﻭ ﺻﺎﺣﺒﺘﻬﺎ ﺭﺣﻤﻪ ﻣﺸﻮ ﻟﺸﻴﺨﻪ ﻭﺩﺍﺭﻭ ﺳﺤﺮ ﻟﻌﻴﻠﺘﻜﻢ ﺑﺎﺵ ﺗﺤﺒﻮﻫﺎ ﻭﺗﻜﺮﻫﻮ ﻳﺎﺳﻤﻴﻦ ﻭﺣﻄﺎﺗﻪ ﻓﻲ ﻛﻴﻜﺔ
ﻣﻔﻴﺪﻩ : ﺳﺤﺮ
ﺍﻻﺀ : ﺍﻱ ﻭﺑﻌﺪﻫﺎ ﻳﺎﺳﻤﻴﻦ ﺩﺍﺭﺕ ﺍﻟﺤﺎﺩﺙ ﻭﻃﻠﺒﺖ ﻣﻨﻲ ﺍﺭﻭﻯ ﻧﺠﻴﺐ ﺻﻮﺭﻫﺎ ﻭﺍﻧﺎ ﺧﺪﻳﺘﻬﻢ ﻣﻦ ﺗﻠﻴﻔﻮﻥ ﻓﺮﺡ ﺑﺪﻭﻥ ﻋﻠﻤﻬﺎ ﻭﺩﺭﻧﺎ ﺍﻳﻤﻴﻼﺕ ﻭﻫﻤﻴﻪ ﻭﺍﺣﺪ ﺯﻱ ﻣﺘﻊ ﻳﺎﺳﻤﻴﻦ ﻭﺍﻟﺘﺎﻧﻲ ﻟﻮﻟﺪ ﻭﺍﺭﻭﻯ ﺑﻌﺘﺘﻬﻢ ﻟﻌﻤﻲ ﺧﺎﻟﺪ ﻣﻦ ﺍﻳﻤﻴﻞ ﻭﻫﻤﻲ ﺑﺎﻟﻠﻪ ﺳﺎﻣﺤﻨﻲ ﻭﺍﻟﻠﻪ ﻛﻠﻪ ﻣﻦ ﺍﺭﻭﻯ
ﻣﺒﺮﻭﻛﻪ : ﻧﻬﺎﺭ ﺍﺣﺮﻑ ﻋﻠﻲ ﺭﺍﺳﻚ ﻭﺭﺍﺱ ﺍﺭﻭﻯ ﻳﺎﻓﺎﺳﺪ ﻳﺎ **** ﺗﻲ ﺍﻧﺘﻲ ﺷﻴﻄﺎﻥ ﻣﺶ ﺑﻨﺖ
ﻣﻔﻴﺪﻩ ﻧﺼﺪﻣﺖ ﻭﻋﻠﻘﺖ ﻓﻲ ﻓﻤﻬﺎ ﻛﻠﻤﺔ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻴﻜﻢ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﻭﺷﺪﺕ ﻣﺒﺮﻭﻛﻪ ﺍﻻﺀ ﻋﻄﺘﻬﺎ ﻃﺮﻳﺤﺔ ﻣﻮﻭﻭﺕ ﻧﺤﻮﻫﺎ ﻧﺴﺎﻭﻳﻦ ﺧﻮﺕ ﻣﻔﻴﺪﻩ ﻣﻨﻬﺎ ﺑﺎﻟﺴﻴﻒ ﺗﺒﻲ ﺗﻘﺘﻠﻬﺎ
................
ﻣﺮﺍﺩ : ﻭﺟﻪ ﻣﺒﺸﻮﺵ ﻳﺎ ﺑﻮﺭﻓﻴﻖ ﺷﻨﻮ ﺑﺪﻳﻨﺎ ﻧﺤﺒﻮ
ﺳﺎﻣﺮ : ﻻ ﻭﺍﻟﻠﻪ ﺑﺲ ﺣﺎﺱ ﺑﺮﺍﺣﺔ ﺗﺠﺎﻩ ﻫﺎﻟﺒﻨﺖ ﻭﺧﺎﻳﻒ ﻣﻦ ﻧﻔﺴﻲ
ﻣﺮﺍﺩ : ﺗﻲ ﻏﻴﺮ ﺗﻘﻮﻝ ﻫﻜﻲ ﺗﻮﺍ ﺍﻭﻝ ﻣﺎﺗﺸﻮﻓﻬﺎ ﻭﺗﻜﻮﻥ ﺑﻴﻦ ﺍﻳﺪﻳﻚ ﺡ ﺗﻨﺴﻰ ﻛﻞ ﺧﻮﻓﻚ ﻭﻋﺼﺒﻴﺘﻚ ﻫﻬﻬﻬﻬﻬﻪ
ﺳﺎﻣﺮ : ﺯﻋﻤﺎﺍ ﻫﻬﻬﻬﻬﻪ
ﻭﻛﺎﻧﺖ ﺯﺣﻤﻪ ﺭﻫﻴﺒﻪ ﻓﻲ ﺣﻮﺵ ﺍﻟﺤﺎﺝ ﻋﻠﻲ ﺭﺑﻲ ﻳﺮﺣﻤﻪ ﻣﺎﻩ ﻧﺴﻴﺖ ﻧﻘﻮﻟﻠﻜﻢ ﻋﺮﺱ ﺳﺎﻣﺮ ﻭﺍﺳﺎﻣﻪ ﻣﻊ ﺑﻌﺾ ﻭﺳﻨﺪ ﺭﺟﻊ ﻣﻦ ﺳﻮﻳﺴﺮﺍ ﻉ ﺧﺎﻃﺮ ﻋﺮﺱ ﺧﻮﺗﻪ
ﻭﺧﺪﻡ ﻭﺣﺸﻢ ﻭﻋﺎﻟﻢ ﻋﻨﺪﻫﻢ ﻣﻬﺮﺟﺎﻥ ﻣﺶ ﻋﺮﺱ ﻻﻧﻪ ﺍﻭﻝ ﻋﺮﺱ ﻓﻲ ﺍﻟﺤﻮﺵ ﻭﺍﻟﺤﺎﺝ ﻋﻠﻲ ﺭﺑﻲ ﻳﺮﺣﻤﻪ ﻛﺎﻥ ﻫﻜﻲ ﺩﻳﻤﺎ ﻳﻘﻮﻝ : ﻋﺮﺱ ﺍﻭﻻﺩﻱ ﺡ ﻳﺤﻜﻮ ﺑﻴﻪ ﺍﻟﺪﻧﻴﺎﺍ ﻛﻠﻬﺎ ﺣﺘﻰ ﻫﻤﺎ ﺍﻭﻻﺩ ﺍﻟﺤﺎﺝ ﻋﻠﻲ
ﺳﺎﻣﺮ : ﻣﺮﺍﺩ ﻫﻴﺎ ﻣﻌﺎﻱ ﺍﻟﺒﻠﻮﺯﻩ ﺟﺘﻨﻲ ﺿﻴﻘﻪ ﻣﻦ ﻓﻮﻕ ﻧﺒﻲ ﻧﺮﺩﻫﺎ
ﻣﺮﺍﺩ : ﻣﺶ ﻣﻨﻚ ﻣﻦ ﺍﻟﻌﻀﻼﺕ ﻳﻠﻲ ﺗﻘﻮﻝ ﻧﺎﻓﺨﻪ ﺑﺎﻟﻜﻤﺒﺮﺳﺮ ﻫﻬﻬﻬﻬﻪ
ﺳﺎﻣﺮ : ﻗﻮﻝ ﻣﺎﺷﺎﻟﻠﻪ ﻳﺎﺭﺍﺟﻞ ﻫﻬﻬﻪ ﻭﺿﺮﺏ ﻣﺮﺍﺩ ﺑﻮﻛﺲ ﻉ ﻛﺘﻔﻪ
ﻣﺮﺍﺩ : ﺁﻩ ﻗﻠﺒﻲ ﻃﺎﺡ ﻣﻦ ﺍﻟﻈﺮﺏ ﻣﻌﺶ ﺗﺘﺼﺤﺢ ﻋﻠﻴﺎ ﻛﺴﺮﺗﻲ
ﺳﺎﻣﺮ : ﺗﻲ ﻫﻴﺎ ﺑﻼ ﺩﻭﺍ ﻓﺎﺿﻴﻪ
ﻭﺭﻛﺒﻮ ﺍﻟﻤﺮﺳﻴﺪﺱ ﺑﺎﻧﺰ ﺍﻟﺬﻫﺒﻴﻪ ﻣﺘﻊ ﺳﺎﻣﺮ ﻣﺎﻩ ﺳﺎﻣﺮ ﺷﺮﻱ ﺳﻴﺎﺭﺓ ﺗﺎﻧﻴﺔ
ﻭﻃﻠﻌﻮﺍ
ﻣﺮﺍﺩ : ﺗﺼﺪﻕ ﻳﺎﺑﻮ ﺻﺎﺣﺐ ﻗﺪﺍﺵ ﻟﻴﺎ ﺧﺎﻃﺮﻱ ﻧﺸﻮﻑ ﻫﺎﻟﻔﺮﺣﻪ ﻳﻠﻲ ﻋﻠﻲ ﻭﺟﻬﻚ ﻭﺣﻖ ﺍﻟﻠﻪ ﻃﺎﻟﻊ ﺑﺪﺭ ﻭﺟﻬﻚ ﻧﺎﻳﺮ
ﺷﺎﻓﻠﻪ ﺳﺎﻣﺮ ﻭﺍﺑﺘﺴﻢ ﻋﻠﻲ ﺟﻨﺐ ﻭﺭﻣﺶ ﻋﻴﻮﻧﻪ ﻭﺍﻟﻐﻤﺎﺯﻩ ﻳﻠﻲ ﻋﻠﻲ ﺍﻟﻴﺴﺎﺭ ﻧﺤﻔﺮﺕ ﻭﺍﻟﺮﻣﻮﺵ ﻳﻠﻲ ﺗﻘﻮﻝ ﺭﻣﻮﺵ ﻧﻌﺎﻣﻪ ﻭﻗﺎﻟﻪ : ﺷﻜﻠﻬﺎ ﺍﻟﺪﻧﻴﺎ ﺑﺘﻀﺤﻠﻲ ﻳﺎﺑﻮ ﺻﺎﺣﺐ ﻭﺍﻟﻠﻪ ﻭﺍﻟﻠﻪ ﻭﺍﻧﺖ ﺭﻓﻴﻘﻲ ﻭﻣﺎﻧﺪﺱ ﻋﻠﻴﻚ ﺣﺎﺟﻪ ﺍﻭﻝ ﻣﺮﺓ ﻧﺤﺲ ﻫﺎﻟﺸﻌﻮﺭ ﻣﻦ 24 ﺳﻨﻪ
ﻣﺮﺍﺩ : ﻣﻦ ﻟﻤﺎ ﺗﻮﻓﺖ ﺍﻣﻚ ﺭﺑﻲ ﻳﺮﺣﻤﻬﺎ
ﺳﺎﻣﺮ : ﺍﻟﻠﻪ ﻳﺮﺣﻤﻬﺎ
ﻧﺰﻝ ﺳﺎﻣﺮ ﻟﻠﻤﺤﻞ ﻫﻮ ﻭﻣﺮﺍﺩ ﻛﺎﻥ ﻻﺑﺲ ﺯﺑﻮﻥ ﻋﺴﻠﻲ ﻃﺎﺍﻟﻊ ﻣﻌﺎﻩ
ﺍﻟﺼﺪﻓﻪ ﺍﻧﻪ ﻛﺎﻥ ﻫﻮ ﻭﻋﺒﺪﻭ ﻓﻲ ﻧﻔﺲ ﺍﻟﻤﺤﻞ
ﻋﺒﺪﻭ ﻳﻘﻴﺲ ﻓﻲ ﺍﻟﺒﺪﺍﻟﻲ ﻭﻣﻌﺎﻩ ﻳﻮﺳﻒ
ﻳﻮﺳﻒ : ﺩﻫﺸﺘﻨﻲ ﻭﺍﻧﺖ ﻋﺎﺷﺮﺓ ﺑﺪﻟﻪ ﺗﻘﻴﺴﻬﺎ ﻭﻣﺎﺗﻌﺠﺒﻜﺶ
ﻋﺒﺪﻭ : ﺍﻧﺖ ﻭﺍﺣﺪ ﺑﻼ ﺫﻭﻕ ﻣﺎﻩ ﺍﻟﺤﻖ ﻓﻴﺎ ﺍﻧﺎ ﺟﺎﻳﺒﻚ ﻣﻌﺎﻱ ﺗﻲ ﺣﻮﻝ ﺣﻮﻝ .... ﻟﻮ ﺳﻤﺤﺖ ﻳﺎﺷﺎﺏ ﺍﻫﻮﻭ ﺷﻜﻠﻚ ﻋﺮﻳﺲ ﺣﺘﻰ ﺍﻧﺖ
ﺳﺎﻣﺮ : ﺍﻥ ﺷﺎﺀﺍﻟﻠﻪ ﺗﻔﻀﻞ
ﻋﺒﺪﻭ : ﻧﺒﻴﻚ ﺗﺨﺘﺎﺭ ﻣﻌﺎﻱ ﺑﺪﻟﻪ ﻻﻧﻲ ﺟﺎﻳﺐ ﻣﻌﺎﻱ ﺑﺎﻛﻮﻭﻭ ﻣﺶ ﻓﺎﻫﻢ ﺷﻲ
ﻳﻮﺳﻒ :
ﺳﺎﻣﺮ : ﻭﻻ ﻳﻬﻤﻚ
ﻭﻗﻌﺪ ﻳﺨﺘﺎﺭﻟﻪ ﻓﻲ ﺑﺪﻟﻪ ﺧﺒﺮﺓ ﻋﺎﺩ ﺳﺎﻣﺮ ﺍﻻﺭﺳﺘﻘﺮﺍﻃﻲ ﻣﺘﻊ ﺍﻟﺒﺪﺍﻟﻲ ﺍﻟﺮﺳﻤﻴﻪ
ﻣﺮﺍﺩ : ﺍﺗﺼﻞ ﺑﻴﺎﺳﻤﻴﻦ ﺧﻮﺩ ﺭﺍﻳﻬﺎ ﻓﻲ ﻟﻮﻥ ﺍﻟﻘﺮﺍﻓﻪ ﻻﺯﻡ ﺗﻘﺤﻤﻬﺎ ﻓﻲ ﺣﻴﺎﺗﻚ ﻫﺬﻱ ﻓﺮﺻﺘﻚ
ﻭﻋﺒﺪﻭ ﻛﺎﻥ ﺑﺠﻨﺒﻬﻢ ﻳﺴﻤﻊ ﻭﺍﻭﻝ ﻣﺎﺳﻤﻊ ﺍﺳﻢ ﻳﺎﺳﻤﻴﻦ ﻗﻠﺒﻪ ﺗﻔﺘﺮﺵ ﻭﺷﻚ ﺍﻧﻬﺎ ﻧﻔﺴﻬﺎ ﻳﺎﺳﻤﻴﻦ ﺣﺒﻴﺒﺘﻪ ﻭﻛﻞ ﺣﻴﺎﺗﻪ ﻳﻠﻲ ﺑﺴﺒﺐ ﻛﻴﺪ ﺑﻨﺖ ﻓﺎﺳﺪﻩ ﻭﻏﺒﺎﺀﺓ ﻫﻮ ﻭﺿﻌﻒ ﺷﺨﺼﻴﺔ ﺧﺴﺮﻫﺎ ﻭﺣﺐ ﻳﺘﺄﻛﺪ ﺍﻧﻪ ﻧﻔﺴﻬﺎ ﺍﻭ ﻻ
ﺳﺎﻣﺮ : ﻣﺶ ﻭﻗﺪ ﻛﻼﻣﻚ ﻳﺎﺭﺍﺟﻞ ﺣﻨﻲ ﻓﻲ ﺍﻟﻤﺤﻞ
ﻣﺮﺍﺩ : ﺍﻱ ﻭﻫﺬﺍ ﻭﻗﺘﻪ ﻭﺣﻨﻰ ﻓﻲ ﺍﻟﻤﺤﻞ ﻭﻧﺨﺘﺎﺭﻭ ﺗﺘﺼﻞ ﺑﻴﻬﺎ ﻭﺗﻄﻠﺐ ﺭﺍﻳﻬﺎ ﻳﺎﺷﺎﻃﺮ ﻗﻮﻟﻠﻬﺎ ﻳﺎﺩﻛﺘﻮﺭﺓ ﻳﺎﺳﻤﻴﻦ ﺷﻨﻮ ﺗﺤﺒﻲ ﻟﻮﻥ ﺍﻟﻘﺮﺍﻓﻪ ﻳﻜﻮﻥ
ﺳﺎﻣﺮ : ﺯﻋﻤﺎ؛ !
ﻭﻃﻠﻊ ﻓﻮﻧﻪ ﻭﺍﺗﺼﻞ ﺑﻴﺎﺳﻤﻴﻦ
ﻃﻮﻭﻭﻭﻭﻭﻁ ﻃﻮﻭﻭﻭﻭﻭﻁ
ﻓﺮﺡ : ﻣﻨﻮ ﻳﺘﺼﻞ
ﻳﺎﺳﻤﻴﻦ : ﻫﺬﺍ ﺳﺎﻣﺮ ﺧﻠﻲ ﻧﺨﺶ ﺻﻮﺕ ﺍﻟﻤﻨﻈﻮﻣﻪ ﻋﺎﻟﻲ
ﺍﻟﻮﻭﻭ
ﺳﺎﻣﺮ : ﻣﺮﺣﺒﺎ
ﻳﺎﺳﻤﻴﻦ : ﺍﻫﻠﻴﻦ
ﺳﺎﻣﺮ : ﻛﻴﻔﻚ
ﻳﺎﺳﻤﻴﻦ : ﺗﻤﺎﻡ ﻭﺍﻧﺖ
ﺳﺎﻣﺮ : ﺗﻤﺎﻡ ﻓﻲ ﺍﻟﻤﺤﻞ ﻧﺨﺘﺎﺭ ﻓﻲ ﻗﺮﺍﻓﻪ ﻭﺍﺣﺘﺮﺕ ﻗﻠﺖ ﻧﺎﺧﺪ ﺭﺍﻳﻚ
ﻳﺎﺳﻤﻴﻦ : ﺗﺴﻠﻢ ﺍﻣﻤﻢ ﺷﻨﻮ ﻟﻮﻧﻬﺎ ﺍﻟﺒﺪﻟﻪ
ﺳﺎﻣﺮ : ﻛﺤﻠﻪ
ﻳﺎﺳﻤﻴﻦ : ﻟﻴﺶ ﻣﺶ ﺑﻴﻀﻪ
ﺳﺎﻣﺮ : ﺑﻴﻀﺎﺀ
ﻳﺎﺳﻤﻴﻦ : ﺍﻱ ﺑﻴﻀﻪ ﺡ ﺗﺠﻴﻚ ﻗﻨﻴﻨﻪ
ﺳﺎﻣﺮ : ﺣﺎﺿﺮ ﺡ ﻧﺎﺧﺪ ﺑﺪﻟﻪ ﺑﻴﻀﻪ
ﻋﺒﺪﻭ ﻟﻤﺎ ﺳﻤﻊ ﺩﻛﺘﻮﺭﺓ ﻳﺎﺳﻤﻴﻦ ﻋﺮﻑ ﺍﻧﻬﺎﺍ ﻧﻔﺴﻬﺎ ﻭﻟﻤﺎ ﻗﺎﻝ ﺗﺒﻲ ﺑﺪﻟﻪ ﺑﻴﻀﻪ ﺗﺄﻛﺪ ﻻﻧﻬﺎ ﻛﺎﻧﺖ ﺩﻳﻤﺎ ﺗﻘﻮﻟﻪ ﻧﺒﻴﻚ ﻓﻲ ﻋﺮﺳﻨﺎ ﺗﻠﺒﺴﻠﻲ ﺑﺪﻟﻪ ﺑﻴﻀﻪ ﻭ
ﻭﻗﻌﺪ ﺷﺎﺭﺩ ﻭﺳﺎﻣﺮ ﻭﻣﺮﺍﺩ ﻳﺒﺼﺮﻭ ﻭﻳﻀﺤﻜﻮ
ﻭﺍﺧﺘﺎﺭ ﺳﺎﻣﺮ ﻟﻌﺒﺪﻭ ﺑﺪﻟﻪ ﻭﺳﻠﻢ ﻋﻠﻴﻪ ﻭﻃﻞ
ﻭﻫﻮ ﻛﻴﻒ ﺑﻴﺮﻛﺐ ﺍﻟﺴﻴﺎﺭﺓ ﻟﺤﻘﻪ ﻋﺒﺪﻭ ﻳﺠﺮﻱ
ﻋﺒﺪﻭ : ﺁﻭﻩ ﻟﻮ ﺳﻤﺤﺖ ﻟﺤﻈﻪ ﻧﺒﻴﻚ ﻋﻠﻲ ﺍﻧﻔﺮﺍﺩ
ﺳﺎﻣﺮ : ﺣﺎﺿﺮ
ﻋﺒﺪﻭ : ﺧﻄﻴﺒﺘﻚ ﺍﺳﻤﻬﺎ ﻳﺎﺳﻤﻴﻦ
ﺳﺎﻣﺮ : ﻗﺼﺪﻙ ﻣﺮﺗﻲ ﺍﻱ ﻳﺎﺳﻤﻴﻦ
ﻋﺒﺪﻭ : ﻳﺎﺳﻤﻴﻦ ﻋﻤﺮ ﻳﻠﻲ ﺩﺍﺭﺕ ﺣﺎﺩﺙ
ﺳﺎﻣﺮ : ﺍﻱ ﺗﻔﻀﻞ
ﻋﺒﺪﻭ : ﺍﻧﺎ ﻋﺒﺪ ﺍﻟﺮﺣﻴﻢ ﻳﻠﻲ ﻛﻨﺖ ﺧﺎﻃﺒﻬﺎ ﻭﺳﻴﺒﺘﻬﺎ
ﺳﺎﻣﺮ : ﺑﺎﻫﻲ ﺷﻨﻮ ﻓﻲ ﻳﻌﻨﻲ
ﻋﺒﺪﻭ : ﻋﻨﺪﻙ ﻋﻠﻢ ﺑﻜﻞ ﺷﻲ ﺻﺢ
ﺳﺎﻣﺮ : ﺍﻱ
ﻋﺒﺪﻭ : ﺑﺎﻫﻲ ﺷﻮﻑ ﻫﺎﺩﻭ ﻋﻨﺪﻙ ﺑﻴﻬﻢ ﻋﻠﻢ
ﺳﺎﻣﺮ :
ﻋﺒﺪﻭ : ﺍﻱ ﻫﺬﻱ ﻫﻲ ﻣﺮﺗﻚ ﺷﻔﺖ ﺍﻧﺎ ﻟﻴﺶ ﺳﻴﺒﺘﻬﺎ
ﺳﺎﻣﺮ ﺑﺪﻭﻥ ﻻ ﻳﻔﻜﺮ ﺑﻮﻛﺲ ﻋﺒﺪﻭ ﻋﻠﻲ ﻭﺟﻬﻪ ﻭﺧﻨﻘﻮﻭ ﺑﻌﺾ
ﺳﺎﻣﺮ : ﻳﺎﺍﻭﺍﻃﻲ ﻫﺬﻱ ﻣﺮﺗﻲ ﻭﻧﺰﻝ ﺳﺎﻣﺮ ﻋﻠﻲ ﻋﺒﺪﻭ ﺑﻄﺮﻳﺤﻪ ﻗﻨﻴﻨﻪ ﻋﺎﺩ ﻭﻳﻦ ﻳﻘﺪﺭ ﺭﻭﺣﻪ ﻣﻊ ﻭﻓﻮﻗﻬﺎ ﻣﻐﻠﻮﻝ
ﺣﺰﻭﻫﻢ ﻳﻮﺳﻒ ﻭﻣﺮﺍﺩ ﻭﺭﻛﺐ ﻛﻞ ﻭﺍﺣﺪ ﺳﻴﺎﺭﺗﻪ ﻭﻃﻠﻌﻮﺍ
ﻣﺮﺍﺩ : ﺗﻲ ﺧﻴﺮﻙ ﻫﺒﻠﺖ
ﺳﺎﻣﺮ : ﻫﺬﺍ ﻭﺍﺣﺪ ﻭﺍﺍﺍﻃﻲ
ﻣﺮﺍﺩ : ﻟﻴﺶ ﺷﻨﻮ ﻗﺎﻟﻚ
ﺳﺎﻣﺮ ﺩﻋﺲ ﺑﻨﺰﻳﻦ ﻭﻃﺎﺭﺕ ﺍﻟﻤﺮﺳﻴﺪﺱ ﺯﻱ ﺍﻟﻮﺭﻗﻪ : ﻣﺎﺗﺴﺄﻟﻨﻴﺶ
ﻣﺮﺍﺩ : ﺗﻤﺎﻡ ﺗﻤﺎﻡ ﻏﻴﺮ ﻫﺪﻱ ﺍﻟﺴﺮﻋﻪ ﺷﻮﻱ
....
ﻳﻮﺳﻒ : ﺗﻲ ﺷﻨﻮ ﺻﺎﺭ ﻟﻴﺶ ﺿﺎﺭﺑﺘﻮ ﻋﺎﺟﺒﻚ ﻛﻴﻒ ﻭﺟﻬﻚ ﺑﺪﻱ ﺩﻡ ﺗﻲ ﺭﺍﻙ ﻋﺮﻳﺲ
ﻋﺒﺪﻭ : ﺩﻭﻳﺘﻠﻪ ﻋﻠﻲ ﺣﻘﻴﻘﺔ ﻳﺎﺳﻤﻴﻦ
ﻳﻮﺳﻒ : ﻗﺼﺪﻙ ﻳﻌﺮﻑ ﻳﺎﺳﻤﻴﻦ
ﻋﺒﺪﻭ ﻳﺨﺒﻂ ﻋﻠﻲ ﺍﻟﻔﻮﺩﺭﺓ ﻭﻳﻌﻴﻂ : ﺍﻱ ﺍﻱ ﺭﺍﺟﻠﻬﺎ ﺭﺍﺟﻠﻬﺎ ﺍﻟﺨﺎﻳﻨﻪ ﺍﻟﻔﺎﺳﺪﻩ ﺁﺁﺁﻩ
ﻳﻮﺳﻒ : ﺩﻭﻳﻠﺘﻪ ﻋﻠﻲ ﺍﻟﺼﻮﺭ ﻗﺼﺪﻙ
ﻋﺒﺪﻭ : ﺍﻱ
ﻳﻮﺳﻒ : ﻏﻠﻄﺎﻥ ﻳﺎﺭﺍﺟﻞ ﻫﺬﻱ ﻛﺎﻧﺖ ﻳﻮﻡ ﻣﻦ ﺍﻻﻳﺎﻡ ﺧﻄﻴﺒﺘﻪ
ﻋﺒﺪﻭ : ﺧﺎﻧﺘﻨﻲ
ﻳﻮﺳﻒ : ﺗﻲ ﻭﺍﻟﻠﻪ ﺇﻻ ﻏﻠﻄﺎﻥ ﻫﺬﻱ ﻭﻟﻴﻪ ﻓﻲ ﺍﻟﻨﻬﺎﻳﺔ ﺗﻲ ﻭﻳﻦ ﻋﺒﺪ ﺍﻟﺮﺣﻴﻢ ﻳﻠﻲ ﻳﺨﺎﻑ ﻋﻠﻲ ﺑﻨﺎﺕ ﺍﻟﻨﺎﺱ ﻭﻳﻦ
ﺗﻲ ﺗﻮﺍ ﺷﻨﻮ ﺡ ﻳﺼﻴﺮ ﻓﻲ ﺍﻟﺒﻨﺖ ﺗﻲ ﻋﺮﺳﻬﺎ ﻳﺎﺭﺍﺟﻞ
ﻋﺒﺪﻭ : ﺁﺁﺁﺁﺁﺁﺁﺁﺁﻩ ﻳﺎﻳﻮﺳﻒ ﻧﺎﺍﺭ ﻓﻲ ﻗﻠﺒﻲ ﻧﺎﺍﺭ ﻧﺒﻲ ﻛﻞ ﺷﻲ ﻳﻨﺘﻬﻲ ﻧﺒﻲ ﻧﻔﻴﻖ ﻣﻦ ﺍﻟﺤﻠﻢ
ﻳﻮﺳﻒ : ﺗﺒﻜﻲ ﻳﺎﻋﺒﺪﻭ ﻻ ﻳﺎﻋﺮﻳﺲ ﻻ ﻳﺎﺑﻮﺭﻓﻴﻖ ﻣﺶ ﻟﻴﻚ ﺍﻟﺪﻣﻮﻉ
ﻋﺒﺪﻭ : ﺑﻨﻤﻮﻭﻭﻭﺕ ﺑﻨﻤﻮﻭﻭﺕ ﻳﺎﺳﻤﻴﻦ ﺣﺐ ﺣﻴﺎﺗﻲ ﺑﺘﻜﻮﻥ ﻓﻲ ﺣﻈﻦ ﻏﻴﺮﻱ ﻭﻓﻲ ﺳﺮﻳﺮ ﻏﻴﺮﻱ
ﻳﻮﺳﻒ : ﺧﻼﺹ ﻳﺎﺑﻮ ﺭﻓﻴﻖ ﻫﺬﺍ ﻧﺼﻴﺐ
ﻋﺒﺪﻭ : ﻳﻠﻲ ﻫﺎﻟﻨﺼﻴﺐ ﺍﻩ
.............
ﺧﺎﻟﺪ : ﻣﻔﻴﺪﻩ
ﻣﻔﻴﺪﻩ : ﺍﻱ ﻳﺎﺧﺎﻟﺪ ﻣﻔﻴﺪﻩ ﻳﻠﻲ ﺑﺪﻟﺘﻬﺎ ﺑﺒﻨﺖ ﺧﻮﻙ ﺍﻟﻔﺎﺳﺪﻩ
ﺧﺎﻟﺪ : ﻋﻴﺐ ﻋﻠﻴﻚ ﺍﺣﺘﺮﻣﻲ ﻧﻔﺴﻚ ﻫﺬﻱ ﻣﺮﺕ ﻭﻟﺪﻙ
ﻣﻔﻴﺪﻩ : ﺍﺳﻤﻊ ﺷﻨﻮ ﻣﺪﺍﻳﺮﺓ ﻫﺎﻟﻠﻔﻌﻪ ﺍﻟﻔﺎﺳﺪﻩ ﻫﻲ ﻭﺑﻨﺖ ﺧﻮﻙ ﺍﻟﺘﺎﻧﻴﻪ ﻭﺍﻟﻔﺴﺎﺩﻩ ﺻﺎﺣﺒﺘﻬﺎ ﺍﻻﺀ ﺗﻌﺎﻟﻲ ﺍﺣﻜﻲ ﻟﻌﻤﻚ ﺍﻟﻤﻌﻤﻲ
ﺧﺎﻟﺪ : ﺧﻴﺮﻩ ﻭﺟﻬﻚ ﻫﻜﻲ ﺩﻡ ﻣﻨﻮ ﺩﺍﺭ ﻓﻴﻚ ﻫﻜﻲ
ﻣﺒﺮﻭﻛﻪ : ﺡ ﻧﻘﺘﻠﻬﺎ ﺍﻟﻠﻴﻠﻪ
ﺍﻻﺀ : ﻳﺎﻋﻤﻲ ﻛﻠﻪ ﻣﻦ ﺍﺭﻭﻯ
ﺧﺎﻟﺪ : ﺍﺩﻭﻱ ﺷﻨﻮ ﻓﻴﻪ
ﻣﻔﻴﺪﻩ : ﻳﺎﺳﻤﻴﻦ ﻃﻠﻌﺖ ﻇﺎﻟﻤﻬﺎ ﻳﺎﺳﻲ ﺧﺎﻟﺪ ﻇﺎﻟﻤﻬﺎ
ﺧﺎﻟﺪ : ﺷﻨﻮ ﺟﺎﺏ ﺳﻴﺮﺗﻬﺎ ﺗﻮﺍ ﻭﺷﻨﻮ ﻇﺎﻟﻤﻬﺎ
ﻣﻔﻴﺪﻩ : ﺍﺣﻜﻲ
ﺍﻻﺀ : ﻳﺎﻋﻤﻲ ﺍﺭﻭﻯ ﺩﺍﺭﺕ ﺳﺤﺮ ﻟﻴﻚ ﻭﻟﻌﻴﻠﺘﻚ ﻓﻲ ﻛﻴﻜﻪ ﻭﺍﻧﺎ ﻭﻳﺎﻫﺎ ﺩﺭﻧﺎ ﺍﻳﻤﻴﻼﺕ ﻭﻫﻤﻴﺔ ﻭﺍﻧﺎ ﺧﻨﺒﺖ ﺻﻮﺭ ﻳﺎﺳﻤﻴﻦ ﻭﺗﺒﻠﻴﻨﺎ ﻋﻠﻴﻬﺎ
ﺧﺎﻟﺪ : ﺷﻨﻮﻭﻭﻭﻭﻭﻭﻭ ﺗﻘﻮﻟﻲ ﺍﻧﺘﻲ
ﻣﺒﺮﻭﻛﻪ : ﺗﺒﻠﻮﺍ ﻋﻠﻲ ﺍﻟﺒﻨﻴﺔ ﺍﻟﻤﺴﻜﻴﻨﺔ ﻳﻠﻲ ﻣﺎﻋﻤﺮﻫﺎ ﺗﻮﺩ
ﺷﺮ ﻟﺤﺪ ﻭﻃﻮﻭﻝ ﻋﻤﺮﻫﺎ ﻓﻲ ﻗﺮﺍﻳﺘﻬﺎ
ﺧﺎﻟﺪ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺗﻲ ﻛﻴﻒ ﺻﺎﺭ ﻛﻴﻒ ﺍﺩﻳﺮﻭ ﻫﻜﻲ ﻣﺎﻓﻜﺮﺗﻮﺵ ﺷﻨﻮ ﺡ ﻳﺼﻴﺮ ﻓﻴﻬﺎ ﻣﺎﺧﻔﺘﻮﺵ ﻣﻦ ﺭﺑﻲ ﻻﻋﻨﻜﻢ ﺍﻟﻠﻪ ﻟﻴﻮﻡ ﺍﻟﺪﻳﻦ ... ﺍﻧﺎ ﻭﻳﻦ ﻧﺪﺱ ﻭﺟﻬﻲ ﻣﻦ ﻋﻤﺮ ﺍﻧﺎ ﻛﻴﻒ ﺡ ﻧﻄﻠﺐ ﻣﻨﻪ ﺍﻟﺴﻤﺎﺡ ﻛﻴﻒ ﺍﻟﺒﻨﺖ ﺡ ﺗﺴﺎﻣﺤﻨﺎ ﺗﻔﻮﻭﻭﻭﻭ ﻋﻠﻴﻜﻢ ﻭﻋﻠﻲ ﺭﺑﺎﻳﺘﻜﻢ
ﻣﻔﻴﺪﻩ : ﻗﻠﺘﻠﻚ ﻳﺎﺧﺎﻟﺪ ﺗﺎﻛﺪ ﻗﺒﻞ ﻗﻠﺘﻠﻚ ﺍﺭﻭﻯ ﻣﺎﺗﺼﻠﺤﺶ ﻣﺎﺻﺪﻗﺘﻨﻴﺶ ﻭﻟﺰﻳﺘﻨﻲ
ﺧﺎﻟﺪ : ﺿﻢ ﻣﻔﻴﺪﻩ ﻭﻳﺒﻜﻲ ﺳﺎﻣﺤﻴﻨﻲ
ﻣﻔﻴﺪﻩ : ﺭﺑﻲ ﻳﺴﺎﻣﺤﻚ
ﺧﺎﻟﺪ : ﻫﻴﺎ ﺗﻮﺍ ﻧﻤﺸﻲ ﻧﺒﻮﺱ ﻋﻠﻲ ﺭﺍﺱ ﻋﻤﺮ ﻭﺭﺟﻠﻴﻪ ﻭﺍﻥ ﺷﺎﺀ ﺍﻟﻠﻪ ﻳﺴﺎﻣﺤﻨﺎ ﻭﺡ ﻧﺼﻠﺢ ﻳﻠﻲ ﺻﺎﺭ
ﻣﻔﻴﺪﻩ : ﻣﻌﺶ ﻳﻨﻔﻊ ﺍﻟﺒﻨﺖ ﻋﺮﺳﻬﺎ ﺍﻻﺳﺒﻮﻉ ﻫﺬﺍ
ﺧﺎﻟﺪ : ﻗﻮﻟﻲ ﻭﺍﻟﻠﻪ
ﻣﺒﺮﻭﻛﺔ : ﺧﺪﺍﻫﺎ ﻣﺤﺎﻣﻲ ﻣﺘﺴﻤﻲ ﻭﻟﺪ ﻋﻴﻠﺔ ﻣﻌﺮﻭﻓﻪ ﻭﻋﻮﺿﻬﺎ ﺭﺑﻲ ﺧﻴﺮ ﻫﺎﻟﻤﺴﻜﺒﻨﻪ
ﻟﻴﻦ ﺧﺶ ﻋﺒﺪﻭ ﻟﻠﺤﻮﺵ
ﻋﺒﺪﻭ : ﻳﺎﺍﻡ ﺟﻴﺘﻲ
ﻣﻔﻴﺪﻩ : ﺍﻱ ﺟﻴﺖ
ﻋﺒﺪﻭ ﺿﻤﻬﺎ ﻭﺑﺪﻱ ﻳﺒﻜﻲ ﻳﺒﻜﻲ ﺗﻘﻮﻝ ﺑﻴﺒﻲ ﺻﻐﻴﺮ
ﻭﻣﻔﻴﺪﻩ ﺗﺒﻜﻲ
ﻋﺒﺪﻭ : ﺑﻌﺪ ﺧﺎﻧﺘﻨﻲ ﺗﺰﻭﺟﺖ ﻳﺎﻳﺎﻡ ﺗﺰﻭﺟﺖ
ﻣﻔﻴﺪﻩ : ﻣﺎﺧﺎﻧﺘﻜﺶ ﻳﺎﻭﻟﻴﺪﻱ ﻭﺍﻟﻠﻪ ﻣﺎﺧﺎﻧﺎﺗﻚ
ﻋﺒﺪﻭ : ﺷﻔﺘﻲ ﻛﻞ ﺷﻲ ﺑﻌﻴﻮﻧﻚ
ﻣﻔﻴﺪﻩ : ﻭﺍﻟﻠﻪ ﻣﺎﺧﺎﻧﺎﺗﻚ ﺍﺳﺎﻝ ﺍﻻﺀ ﻛﻞ ﻣﻦ ﺍﻟﻔﺎﺳﺪﻩ ﻫﺬﻳﻜﺎ
ﺑﺎﻋﺪ ﻋﺒﺪﻭ ﻣﻦ ﺣﻀﻦ ﺍﻣﻪ
ﻋﺒﺪﻭ ﺷﻨﻮ ﺗﺤﻜﻲ ﻳﺎﻡ ﺷﻨﻮ ﻧﺴﺄﻝ ﺁﻻﺀ
ﻣﻔﻴﺪﻩ : ﺍﺣﻜﻴﻠﻪ
ﺍﻻﺀ : ﺳﺎﻣﺤﻨﻲ ﻳﺎﻋﺒﺪﻭ ﺍﻧﻲ ﺳﻜﺘﺖ ﻭﺑﺎﻋﺪﺕ ﺑﻴﻨﻚ ﻭﺑﻴﻦ ﻳﺎﺳﻤﻴﻦ ﺍﺭﻭﻯ ﺣﻄﺘﻠﻚ ﺳﺤﺮ ﻓﻲ ﻛﻴﻜﻪ ﻭﺍﻟﺼﻮﺭ ﺍﻧﺎ ﺧﻨﺒﺘﻬﻢ ﻣﻦ ﺗﻠﻴﻔﻮﻥ ﻓﺮﺡ ﻭﺩﺭﻧﺎ ﺍﻳﻤﻴﻼﺕ ﻭﻫﻤﻴﻪ ﺑﺎﺵ ﺗﻔﺮﻗﻮﻛﻢ
ﻋﺒﺪﻭ ﻗﻌﺪ ﻣﺼﺪﻭﻭﻡ ﻭﻣﺲ ﻣﺴﺘﻮﻋﺐ ﺷﻨﻮ ﻳﺴﻤﻊ ﻣﻌﻘﻮﻟﻪ ﺑﻌﺪ 5 ﺷﻬﻮﺭ ﺗﻄﻠﻊ ﺍﻟﺤﻘﻴﻘﻪ ﻭﻓﻲ ﻧﻔﺲ ﺍﺳﺒﻮﻉ ﻋﺮﺳﻪ ﻭﻋﺮﺳﻪ ﻳﺎﺳﻤﻴﻦ
ﻋﺒﺪﻭ : ﺷﻨﻮﻭﻭ ﺗﺤﻜﻲ ﺍﻧﺘﻲ
ﻣﺒﺮﻭﻛﻪ : ﻫﺎﻟﻔﺎﺳﺪﺍﺕ ﻓﺮﻗﻮﻛﻢ ﺍﻟﻠﻪ ﻳﻔﺮﻕ ﺍﺣﺸﺎﺋﻬﻢ ﻳﺎﺭﻳﺘﻨﻲ ﻋﻘﻤﺖ ﻭﻻ ﺟﺒﺘﻚ
ﻋﺒﺪﻭ : ﻳﺎﺳﻤﻴﻦ ﺑﺮﻳﺌﻪ !!
ﺍﻻﺀ؛ : ﺍﻱ ﻭﺣﻖ ﺭﺑﻲ ﺑﺮﻳﺌﻪ ﻭﻣﺎﺫﻧﺒﻬﺎ ﻓﻲ ﺣﺎﺟﻪ
ﻃﻠﻊ ﻋﺒﺪﻭ ﻳﺠﺮﻱ ﻭﺭﻛﺐ ﺍﻝ BMW ﻭﻃﻠﻊ ﺯﻱ ﺍﻟﻮﺭﻗﻪ
ﻭﻣﺸﻲ ﻟﺤﻮﺵ ﻋﻤﻪ ﻣﺤﻤﺪ ﺑﻮ ﺍﺭﻭﻯ ﻭﻛﺎﻧﺖ ﺯﺣﻤﻪ ﻭﻣﻨﻈﻮﻣﻪ ﻭﺳﻬﺮﻳﺔ ﺧﺶ ﻋﺒﺪﻭ ﻟﺤﻮﺵ ﻋﻤﻪ ﻓﻲ ﻫﺪﻳﻜﺎ ﺍﻟﺰﺣﻤﻪ ﻭﺑﻴﻦ ﺍﻟﻨﺴﺎﻭﻳﻦ ﻭﺍﻟﺒﻨﺎﺕ ﺍﻟﻨﺎﺱ ﺍﻧﺼﺪﻣﺖ ﻭﻫﻮ ﺧﺎﺵ ﻣﻐﻮﻝ ﻭﻳﻀﺒﺢ : ﺍﺭﻭﻭﻭﺍﺍﺍﺍﺍ ﺍﺭﻭﻭﺍ
...
ﻣﻔﻴﺪﻩ : ﺍﻟﺤﻘﻪ ﻳﺎﺧﺎﻟﺪ ﺍﻛﻴﺪ ﻣﺎﺷﻲ ﻟﺤﻮﺵ ﻋﻤﻪ ﺑﺴﺮﻋﻪ
...
ﺳﺎﻟﻤﻪ : ﻧﻌﻢ ﻋﺒﺪﻭ ﻫﺎ ﺷﻨﻮ ﻓﻲ
ﻋﺒﺪﻭ : ﺑﻨﺘﻚ ﺍﻝ ****** ﻭﻳﻨﻬﺎﺍﺍﺍﺍﺍ
ﻭﺍﻟﻨﺎﺱ ﻛﻠﻬﺎ ﺗﺘﻔﺮﺝ ﻟﻴﻦ ﻃﻠﻌﺖ ﺍﺭﻭﻯ : ﻋﺒﺪﻭ ﺧﻴﺮﻙ
ﻋﺒﺪﻭ؛ : ﻭﻳﻦ ﺷﻔﺖ ﺍﻟﺨﻴﺮ ﻣﻦ ﻟﻤﺎ ﺷﻔﺘﻚ ﻳﺎﻓﺎﺳﺪﻩ ﻳﺎ *** ﻭﺷﺪﻫﺎ ﻣﻦ ﺷﻌﺮﻫﺎ ﻳﻌﺠﻦ ﻓﻴﻬﺎ ﻗﺪﺍﻡ ﻫﺪﻭﻛﺎ ﺍﻟﻨﺎﺱ ﺿﺮﺏ ﺗﺮﻳﺶ ﺷﻌﺮ ﺗﻴﺮﻭﺍﺕ ﻋﻠﻲ ﺑﻄﻨﻬﺎ ﺗﺨﻴﻠﻮﺍ ﺑﻌﺪ ﻋﺮﻑ ﺍﻧﻬﺎ ﺍﻟﺴﺒﺐ ﻓﺒﻌﺪﻫﻢ ﻋﻠﻲ ﺑﻌﺾ ﻫﻮ ﻭﻳﺎﺳﻤﻴﻦ ﺍﻟﻐﻞ ﻳﻠﻲ ﻓﻲ ﻗﻠﺒﻪ ﻛﻴﻒ ﺡ ﻳﻜﻮﻥ ﻭﺍﻟﻨﺎﺱ ﺗﺤﺰ ﻭﺍﻣﻬﺎ ﺗﺤﺰ ﺑﺲ ﻣﺎﻗﺪﺭﻭﺵ ﻳﻔﻜﻮﻫﺎ ﻣﻨﻪ
ﺍﺭﻭﻯ : ﺍﺁﺁﻳﻲ ﺣﻮﻝ ﻳﺪﻙ ﺣﻮﻝ
ﺳﺎﻟﻤﻪ : ﻏﻴﺮ ﺷﻨﻮ ﻓﻲ ﺑﺘﻘﺘﻞ ﺍﻟﺒﻨﺖ ﺑﺎﻋﺪ ﻋﻠﻴﻬﺎ ﻭﻭﻭﻩ ﻳﺎﺣﻠﻴﻠﻲ
ﻋﺒﺪﻭ : ﻫﺬﻱ ﺍﻟﻤﻮﺕ ﺷﻮﻳﺎ ﻓﻴﻬﺎ ﺗﺒﻠﺖ ﻋﻠﻲ ﺍﻟﺒﻨﺖ ﻭﺧﻠﺘﻨﻲ ﻧﺴﻴﺒﻬﺎ ﺳﺤﺮﺗﻨﻲ ﻭﺳﺤﺮﺕ ﺑﻮﻱ ﺑﺎﺵ ﻧﺎﺧﺪﻫﺎ
ﻟﻴﻦ ﺧﺶ ﺑﻮﻫﺎ ﻭﺧﺎﻟﺪ ﺑﺎﻋﺪﻭﻩ ﻣﻦ ﻋﻠﻴﻬﺎ
ﻣﺤﻤﺪ : ﺷﻨﻮ ﻓﻴﻪ
ﺳﺎﻟﻤﻪ : ﺷﻨﻮ ﺗﺤﻜﻲ ﺍﻧﺖ
ﻋﺒﺪﻭ : ﺯﻱ ﻣﺎﺳﻤﻌﺘﻲ ﻫﻴﺎ ﻭﺍﻟﻔﺎﺳﺪﻩ ﺍﻟﺘﺎﻧﻴﺔ ﺍﻻﺀ ﺍﻟﻠﻪ ﻻ ﺗﺮﺑﺤﻜﻢ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻴﻜﻢ
ﺭﺍﻙ ﻣﻄﻠﻘﻪ ﺑﺎﻟﺜﻼﺛﻪ ﻭﺣﺎﺭﻣﻪ ﻋﻠﻴﺎ ﺗﻔﻮﻭﻭﻭﻭﻭ ﻩ
ﺧﺎﻟﺪ : ﺭﺑﻲ ﺑﻨﺘﻚ ﻳﺎﺧﻮﻱ ﺭﺍﻩ ﻣﺎﺗﻨﻔﻌﺶ
ﻭﺍﺭﻭﻯ ﻟﻴﻦ ﺍﻏﻤﻰ ﻋﻠﻴﻬﺎ ﻣﻦ ﺍﻟﻈﺮﺏ ﻭﺭﺍﺳﻬﺎ ﺩﻡ ﻭﻭﺟﻬﺎ ﻣﻨﻔﻮﺥ ﻭﺭﺟﻠﻬﺎ ﺗﻜﺴﺮﺕ ﻭﻓﻮﻕ ﻫﺬﺍ ﺍﻟﻨﺎﺱ ﻛﻠﻬﺎ ﺗﺘﻔﺮﺡ
ﻭﺟﺖ ﺍﻻﺀ ﻭﺣﻜﺖ ﻛﻞ ﺷﻲ ﻟﻌﻤﻬﺎ ﺑﻮ ﺍﺭﻭﻯ ﻭﺯﺍﺩ ﻋﻄﺎﻫﻢ ﻃﺮﻳﺤﻪ ﺍﻟﺘﻨﻴﻦ ﺍﺭﻭﻯ ﻟﻴﻦ ﺭﻭﺣﺖ ﺑﻴﻬﺎ ﻋﻤﺘﻬﺎ ﻻﻧﻬﻢ ﺑﻴﻘﺘﻠﻮﻫﺎ
...........
ﻋﻨﺪ ﻳﺎﺳﻤﻴﻦ
ﺭﻗﺺ ﻭﺟﻮﻭ ﺣﻠﻮﻭ
..........
ﺍﻟﺴﺎﻋﺔ ‏( 3:00 ﺹ ‏)
ﻋﺒﺪﻭ : ﻳﺎﻳﻮﺳﻒ ﺭﺍﻧﻲ ﻇﻠﻤﺘﻬﺎ ﻭﻛﺴﺮﺗﻬﺎ ﺭﺍﻩ ﺟﺮﺣﺘﻬﺎ ﻭﻓﻮﻕ ﻣﻨﻬﺎ ﻃﻌﻠﺖ ﻣﺶ ﺭﺍﺟﻞ ﻭﺣﻜﻴﺖ ﻟﺮﺍﺟﻠﻬﺎ ﻭﺧﺮﺑﺖ ﺣﻴﺎﺗﻬﺎ ﺷﻨﻮ ﻳﻠﻲ ﺡ ﺍﻧﺪﻳﺮﺓ ﺗﻮﺍ
ﻳﻮﺳﻒ : ﺑﺮﺍ ﻟﺮﺍﺟﻠﻬﺎ ﻭﺍﺣﻜﻴﻠﻪ ﻭﻭﺿﺤﻠﻪ
ﻋﺒﺪﻭ : ﻭﻳﻦ ﺑﻨﻠﻘﺎﻩ ﺍﻧﺎ ﻭﺷﻨﻮ ﺩﺭﺍﻧﻲ ﺍﻧﻪ ﻣﺎﻧﻬﺎﺵ ﺍﻟﻌﺮﺱ ﻭﺗﺨﻠﻰ ﻋﻠﻴﻬﺎ ﺣﺘﻰ ﻫﻮ ﺯﻱ ﻣﺎﺩﺭﺕ ﺍﻧﺎ
ﻳﻮﺳﻒ : ﻛﺎﻥ ﺗﺨﻠﻰ ﻋﻠﻴﻬﺎ ﻓﺮﺻﺘﻚ ﺍﻧﻬﺎ ﺗﺮﺟﻌﻠﻚ
ﻋﺒﺪﻭ : ﻳﺎﺭﻳﺖ ﻟﻜﻦ ﻳﺎﺳﻤﻴﻦ ﻣﺴﺘﺤﻴﻞ ﺗﺴﺎﻣﺤﻨﻲ
...
ﺧﺎﻟﺪ : ﺳﺎﻣﺤﻴﻨﻲ ﻳﺎﻣﻔﻴﺪﻩ
ﻣﻔﻴﺪﻩ : ﻋﺎﺩﻱ ﺍﺣﺒﺎﻝ ﺳﻮ ﻭﻃﺎﺣﻮ ﻓﻲ ﺑﻴﺮ ﺍﻟﻤﻬﻢ ﺍﻧﻪ ﺍﻟﺤﻖ ﻃﻠﻊ ﻟﻜﻦ ﺑﻌﺪ ﺧﺴﺮﻧﺎ ﻳﺎﺳﻤﻴﻦ
ﺧﺎﻟﺪ : ﺍﻟﻠﻪ ﻏﺎﻟﺐ
ﻣﻔﻴﺪﻩ : ﻏﺪﻭﺍ ﻣﻦ ﺍﻟﺼﺒﺢ ﺗﻄﻠﻊ ﻟﻠﺸﻴﺦ ﺍﻧﺖ ﻭﻭﻟﺪﻙ ﻭﻭﺗﺘﻌﺎﻟﺠﻮ
ﺧﺎﻟﺪ : ﺍﻥ ﺷﺎﺀﺍﻟﻠﻪ
............
ﻣﺮﺍﺩ : ﻳﺎﺳﺎﻣﺮ ﺧﻴﺮﻙ ﻣﻦ ﺍﻟﻤﻐﺮﺏ ﻭﺍﻧﺖ ﻣﺎﺗﺒﻴﺶ ﺗﺤﻜﻲ
ﺳﺎﻣﺮ : ﺍﺭﻗﺪ ﻭﺧﻠﻴﻨﻲ ﻓﻲ ﺣﺎﻟﻲ
ﻣﺮﺍﺩ : ﻭﻳﻦ ﻳﺠﻴﻨﻲ ﺍﻟﻨﻮﻡ ﻭﺍﻧﺖ ﻫﻜﻲ
ﺳﺎﻣﺮ ﺧﺶ ﻟﺪﺍﺭﺓ ﻭﺳﻜﺮ ﻉ ﺭﻭﺣﻪ ﻭﻣﺮﺍﺩ ﻗﻌﺪ ﻓﻲ ﺍﻟﺼﺎﻟﻮﻥ ﻣﻘﻌﻤﺰ ﻭﻣﺶ ﻓﺎﻫﻢ ﺷﻲ
ﺳﺎﻣﺮ ﻙ ﺍﻟﻌﺎﺩﻩ ﻛﻞ ﻣﺎﻳﻀﺎﻳﻖ ﻳﻀﻢ ﻓﻲ ﺻﻮﺭﺓ ﺍﻣﻪ ﻭﺍﻟﻘﻼﻓﺰ ﻣﺘﺎﻋﻬﺎ ‏( ﻻﻧﻪ ﺍﻣﻪ ﺍﻟﻠﻪ ﻳﺮﺣﻤﻬﺎ ﻭﻳﺴﺎﻣﺤﻬﺎ ﻛﺎﻧﺖ ﻣﻠﺘﺰﻣﻪ ﻭﺳﺎﻣﺮ ﻣﻦ ﻟﻤﺎ ﺗﻮﻓﺖ ﻭﻫﻮ ﺻﻐﻴﺮ ﺩﺍﺱ ﺍﻟﻘﻼﻓﺰﺍﺕ ﻻﻧﻪ ﻫﺬﺍ ﻳﻠﻲ ﻗﻌﺪ ﻣﻦ ﺭﻳﺤﺔ ﺍﻣﻪ ﺯﻳﻨﺐ ﻣﺎﺧﻠﺖ ﺷﻲ ﻳﺨﺼﻬﺎ ﺍﻻ ﺍﻟﺼﻮﺭ ‏) ﺍﻟﻤﻬﻢ ﺳﺎﻣﺮ ﺿﻤﻬﻢ ﻭﻳﺒﻜﻲ ﻻﻧﻪ ﻣﺎﻳﻘﺪﺭﺵ ﻳﺒﻴﻦ ﺿﻌﻔﻪ ﻟﺤﺪ ﻭﻻﻋﻤﺮﺓ ﺑﻜﻲ ﻗﺪﺍﻡ ﺍﻱ ﺷﺨﺺ ﺍﻻ ﺻﻮﺭﺓ ﺍﻣﻪ
ﺳﺎﻣﺮ : ﺁﺁﻩ ﻳﺎﻳﺎﻡ ﻟﻴﺶ ﻣﺎﻋﻨﺪﻳﺶ ﺣﻆ ﺣﺘﻰ ﺑﻌﺪ ﻗﺮﺭﺕ ﺑﻨﻌﻴﺶ ﺣﻴﺎﺗﻲ ﻭﺑﻨﺤﺐ ﻃﻠﻌﺖ ﻣﺶ ﻛﻮﻳﺴﻪ ﻫﺬﻱ ﺍﻟﺒﻨﺖ ﺍﻟﻮﺣﻴﺪﻩ ﻳﻠﻲ ﻗﺮﺭﺕ ﺑﻨﺤﺒﻬﺎ ﺑﻌﺪﻙ
ﺍﻟﻤﺸﻜﻠﻪ ﻣﻌﺶ ﻧﻘﺪﺭ ﻧﻮﻟﻲ ﻓﻲ ﻛﻠﻤﺘﻲ ﻭﻟﻮ ﻉ ﻣﻮﺗﻲ
ﻳﺒﻜﻲ ﺳﺎﻣﺮ ﻟﻴﻦ ﺭﻗﺪ ﺗﺨﻴﻠﻮﺍ ﺳﺎﻣﺮ ﺍﻟﻄﻮﻝ ﻭﺍﻟﻌﺮﺽ ﻭﺍﻟﺸﺨﺼﻴﺔ ﻳﻜﻮﻥ ﻣﺘﻜﻤﺶ ﻓﻲ ﺑﻌﻀﻪ ﻭﺣﺎﺿﻦ ﺻﻮﺭﺓ ﺍﻣﻪ ﻭﻳﺒﻜﻲ ﺧﻲ ﻟﻤﺎ ﺍﻟﺮﺍﺟﻞ ﻣﺎﻳﻠﻘﺎﺵ ﻣﺮﺃﻩ ﺣﻨﻮﻧﻪ ﻳﺮﺗﻤﻲ ﻓﻲ ﺍﺣﻀﺎﻧﻬﺎ ﻭﻗﺖ ﻳﺤﺘﺎﺝ ﺍﻧﻪ ﻳﻜﻮﻥ ﻃﻔﻞ
ﻭﻓﺎﻕ ﺳﺎﻣﺮ ﺍﻟﺼﺒﺢ ﻟﻘﻲ ﻣﺮﺍﺩ ﺭﺍﻗﺪ ﻓﻲ ﺍﻟﺼﺎﻟﻮﻥ ﺣﻀﺮ ﻗﻬﻮﺓ ﻟﻴﻬﻢ ﺍﻟﺘﻨﻴﻦ ﻭﻓﻴﻖ ﻣﺮﺍﺩ
ﻣﺮﺍﺩ : ﺻﺒﺤﺨﻰ
ﺳﺎﻣﺮ : ﺻﺒﺎﺡ ﺍﻟﻨﻮﺭ ﻓﻴﻖ ﺻﺤﺼﺢ ﻫﻴﺎ
ﻣﺮﺍﺩ : ﺑﺎﻩ ﺧﻴﺮﻙ ﺍﻣﺲ
ﺳﺎﻣﺮ : ﺍﻧﺴﻰ ﻭﻻ ﻛﺎﻧﻪ ﺻﺎﺭ ﺷﻲ
ﻣﺮﺍﺩ : ﺗﻤﺎﻡ
.........
ﻋﺒﺪﻭ ﻣﺎﺭﻗﺪﺵ ﺍﺑﺪﺍ ﻻ ﻫﻮ ﻭﻻ ﺑﻮﻩ ﻭﺍﻟﺼﺒﺢ ﻣﺸﻮ ﺍﻟﺸﻴﺦ ﻭﺧﻼﻫﻢ ﻳﺴﺘﻔﺮﻏﻮ ﺍﻟﺴﺤﺮ ﻳﻠﻲ ﻓﻲ ﺑﻄﻨﻬﻢ
ﻭ ﻋﺒﺪﻭ ﻳﻔﻜﺮ ﻛﻴﻒ ﺡ ﻳﺤﻠﻬﺎ ﻭﺷﻨﻮ ﺻﺎﺭ ﺯﻋﻤﺎ ﺭﺍﺟﻞ ﻳﺎﺳﻤﻴﻦ ﺩﺍﺭﻱ ﺯﻱ ﻣﺎﺩﺭﺕ ﺍﻧﺎ ﺍﻭ ﻻ .... ﻭﻣﻌﺶ ﻋﺎﺭﻑ ﺷﻨﻮ ﻳﺪﻳﺮ
ﻭﺍﺗﺼﻞ ﻋﺒﺪﻭ ﺑﺄﺣﻤﺪ ﺧﻮ ﻳﺎﺳﻤﻴﻦ
ﻃﻮﻭﻭﻁ ﻃﻮﻭﻭﻭﻁ
ﺍﺣﻤﺪ : ﺗﻔﻀﻞ
ﻋﺒﺪﻭ : ﻧﺒﻴﻚ ﺿﺮﻭﺭﻱ ﺿﺮﻭﺭﻱ
ﺍﺣﻤﺪ : ﻣﺶ ﻭﻗﺘﻚ ﻋﺮﺱ ﺧﻮﺍﺗﻲ ﺑﻌﺪ ﻋﺮﺳﻬﻢ ﺗﻮﺍ ﺗﻼﻗﻮ
ﻋﺒﺪﻭ : ﻋﺮﺳﻬﻢ !!:
ﻭﻓﻜﺮ ﺍﻧﻪ ﺑﻤﺎ ﺍﻧﻪ ﻋﺮﺳﻬﻢ ﻣﻌﻨﺎﻫﺎ ﺳﺎﻣﺮ ﻣﻠﻐﺎﺵ ﺍﻟﻌﺮﺱ
ﺗﻤﺎﻡ ﺍﻣﺘﻰ ﺗﻔﻀﻰ ﻛﻠﻤﻨﻲ
..
ﻋﺒﺪﻭ : ﻃﻠﻊ ﺍﺭﺟﻞ ﻣﻨﻲ ﻭﻣﺮﺧﺎﺵ ﺑﻴﻬﺎ ﺁﺁﺁﻩ ﻳﺎﺭﺑﻲ ﺁﺁﻩ
........
ﺳﺎﻟﻤﻪ : ﻳﺎﺭﺑﻲ ﺍﺭﺯﻳﻨﻲ ﻓﻴﻬﺎ ﻫﺬﻱ ﺷﻴﻄﺎﻥ ﻣﺶ ﺑﻨﺖ ﻣﺶ ﺑﻨﺖ ﻛﻴﻒ ﺑﻨﻘﺎﺑﻞ ﺧﻮﻱ ﻭﺑﻨﺘﻪ ﻳﺎﺣﺸﻤﺘﻲ
ﻣﺒﺮﻭﻛﻪ : ﻛﻴﻒ ﺑﻨﺪﻳﺮﻭﺍ ﻳﺎﻭﺧﻴﺘﻲ ﻓﻲ ﺿﻨﻮﺗﻨﺎ ﻳﻠﻲ ﻃﻠﻌﺖ ﺧﺎﺳﺮﺓ
..........
ﻭﻣﺮﻭﻭ ﺍﻟﻴﻮﻣﻴﻦ ﻭﺟﻲ ﻳﻮﻡ ﺍﻟﺨﻤﻴﺲ ﺍﻟﻤﻨﺘﻈﺮ
ﺟﻬﺰﻭ ﻓﺮﺡ ﻭﻣﺮﺡ ﻭﻳﺎﺳﻤﻴﻦ ﻃﺒﻌﺎ ﺑﺪﻭﻥ ﻧﻘﺎﺵ ﻳﺎﺳﻤﻴﻦ ﻃﻠﻌﺖ ﺍﺣﻠﻰ ﻣﻊ ﻫﺬﺍﻙ ﺍﻟﻔﻴﻠﻮﺍ ﻳﻠﻲ ﺟﺎﺑﻬﻮﻟﻬﺎ ﺳﺎﻣﺮ ﻣﻦ ﺗﺮﻛﻴﺎ
ﻭﺟﻮ ﺍﻟﻌﺮﺍﻳﺲ ﻟﻠﺼﺎﻟﻪ
ﻋﺰﻳﺰﻩ : ﺩﺭﺟﻮﻫﻢ ﺑﺎﻟﻮﺣﺪﻩ ﺧﻴﺮ ﻣﺎﺍﻟﻌﻴﻦ ﺗﺎﺧﺪﻫﻢ
ﻭﻋﺰﻳﺰﻩ ﺗﺒﻜﻲ ﻭﺗﺒﺨﺮ ﻓﻲ ﺍﻟﻮﺷﻘﻪ
ﺳﻠﻢ ﺍﺣﻤﺪ ﻭﺍﻳﻤﻦ ﻭﺣﺴﻦ ﻋﻠﻲ ﺧﻮﺍﺗﻬﻢ ﺣﺴﻦ ﻭﺻﻞ ﻓﻲ ﻳﺎﺳﻤﻴﻦ
ﺣﺴﻦ : ﻃﺎﺍﺍﻟﻌﻪ ﺗﺠﻨﻨﻲ
ﻳﺎﺳﻤﻴﻦ : ﻣﺎﺻﺎﺭﺵ ﻣﻦ ﻗﺮﺩﻩ
ﺣﺴﻦ : ﺍﺣﻠﻰ ﻗﺮﺩﻩ
ﻭﺿﻤﻮ ﺑﻌﺾ ﻭﻳﺒﻜﻮ
ﻓﺮﺡ : ﺧﻼﺹ ﻣﻜﻴﺎﺟﻚ ﺑﻴﺘﺨﺮﺏ
ﻭﺩﺭﺝ ﺍﺣﻤﺪ ﻓﺮﺡ ﻭﺑﺪﻫﺎ ﺍﻳﻤﻦ ﺩﺭﺝ ﻣﺮﺡ ﻭﺣﺴﻦ ﺩﺭﺝ ﻳﺎﺳﻤﻴﻦ ﺍﻻﺧﻴﺮﺓ
ﻭﻛﺎﻧﺖ ﻃﺎﻟﻌﻪ ﻣﻠﻜﻪ ﻭﻫﻲ ﺗﺘﺪﺭﺝ ﻋﻠﻲ ﺍﺳﻤﺎﺀ ﺍﻟﻠﻪ ﺍﻟﺤﺴﻨﻰ ﻭﺍﻟﺤﺰﻥ ﻓﻲ ﻋﻴﻮﻧﻬﺎ ﻛﺎﻧﺖ ﺗﺤﻠﻢ ﺑﺎﺍﻟﻠﺤﻈﻪ ﻫﺬﻱ ﺯﻱ ﺍﻱ ﺑﻨﺖ ﺑﺲ ﻛﺎﻧﺖ ﺗﺤﻠﻢ ﺑﻴﻬﺎ ﻣﻊ ﻋﺒﺪﻭ ﻳﻠﻲ ﻛﺴﺮﻫﺎ
ﻭﻃﻠﻌﻮﺍ ﺍﻻﻭﻻﺩ ﺍﻟﺜﻼﺛﻪ ﻳﺒﻜﻮ ﻋﻠﻲ ﻭﺧﻴﺎﺗﻬﻢ ﻣﺼﻌﺒﻬﺎ ﻃﻠﻌﺖ ﺍﻟﺒﻨﺖ ﻣﻦ ﺍﻟﺤﻮﺵ
ﻓﺮﺡ : ﻳﺎﺳﻤﻴﻦ ﺍﻓﺮﺩﻱ ﻭﺟﻬﻚ ﺑﻼﺵ ﻧﻜﺪ ﺍﻟﻨﺎﺱ ﻋﻴﻮﻧﻬﺎ ﻋﻠﻴﻨﺎ
ﻳﺎﺳﻤﻴﻦ : ﺣﺎﺿﺮ
ﻭﺑﺪﺕ ﺗﺘﺼﻨﻊ ﻓﻲ ﺍﻻﺑﺘﺴﺎﻣﺔ ﻭﺗﺒﻴﻦ ﻓﻲ ﺍﺳﻨﺎﻧﻪ ﻳﻠﻲ ﺯﻱ ﺍﻟﻠﻮﻟﻲ ﺗﻬﺒﻞ ﺗﻬﺒﻞ
ﻭﺟﻮ ﺍﻟﻌﺮﺳﺎﻥ ﻣﺤﻤﻮﺩ ﻭﻋﺒﺪ ﺍﻟﻤﻬﻴﻤﻦ ﺧﺪﻭ ﻋﺮﺍﻳﺴﻬﻢ ﻭﻗﺼﻮﺍ ﻣﻊ ﺑﻌﺾ ﺑﺲ ﺳﺎﻣﺮ ﺗﺎﺧﺮ ﻭﻉ ﺍﺳﺎﺱ ﺍﻟﺜﻼﺙ ﻣﺘﻔﺎﻫﻤﻴﻦ ﻳﺠﻮﻫﻢ ﻣﻊ ﺑﻌﺾ
ﺳﺎﻣﺮ ﻛﺎﻥ ﻣﻮﺟﻮﺩ ﻗﺪﺍﻡ ﺍﻟﺼﺎﻟﻪ ﻓﻲ ﺳﻴﺎﺭﺗﻪ ﻭﻭﺭﺍﻩ ﺳﺮﺍﺝ ﻭﺳﻤﺮ
ﺳﺮﺍﺝ : ﻓﻲ ﺷﻨﻮ ﻳﺴﺘﻨﻰ ﻫﺬﺍ ﻟﻴﺶ ﻣﺎﻧﺰﻟﺶ
ﺳﻤﺮ : ﻣﺶ ﻋﺎﺭﻓﻪ ﺧﻠﻲ ﻧﻨﺰﻝ ﻧﺸﻮﻓﻪ
ﻃﻘﺖ ﺳﻤﺮ ﻋﻠﻲ ﺍﻟﻤﺮﺵ ﻣﺘﻊ ﺍﻟﺴﻴﺎﺭﺓ ﻓﺘﺢ ﺳﺎﻣﺮ
ﺳﺎﻣﺮ : ﻧﻌﻢ
ﺳﻤﺮ : ﻫﻴﺎ ﺍﻧﺰﻝ ﻟﻤﺮﺗﻚ
ﺳﺎﻣﺮ : ﻗﻮﻟﻴﻠﻬﺎ ﺗﻄﻠﻊ
ﺳﻤﺮ : ﻻ ﻣﺎﺗﺠﻴﺶ ﺑﺎﻟﻠﻪ ﻋﻠﻴﻚ ﺍﻧﺰﻝ
ﺳﺎﻣﺮ : ﻗﻠﺘﻠﻚ ﻗﻮﻟﻴﻠﻬﺎ ﺗﻄﻠﻊ
ﺳﻤﺮ : ﻻ ﺑﺎﻟﻠﻪ ﻋﻠﻴﻚ ﻭﺣﻤﻪ ﺑﺎﺑﺎ ﻭﺭﺣﻤﺔ ﻣﺎﻣﺎ ﻓﺎﻃﻤﻪ ﺗﻨﺰﻝ
ﺳﺎﻣﺮ : ﺍﻓﻔﻔﻒ ﻣﻨﻚ ﺣﺘﻰ ﺍﻧﺘﻲ ﻭﻗﺮﺑﻊ ﺍﻟﺒﺎﺏ ﻭﻧﺰﻝ
ﻭﺧﺶ ﻟﻠﺼﺎﻟﻪ ﻭﻛﺎﻥ ﻭﺍﺿﺢ ﻣﻌﺼﺐ
ﺳﻤﺮ : ﺍﻓﺮﺩﻫﺎ ﻭﺭﺍﺱ ﺍﻧﺎ ﺣﺘﻰ ﺷﻮﻱ
ﻭﺧﺶ ﺳﺎﻣﺮ ﻟﻬﺪﻳﻚ ﺍﻟﺼﺎﻟﻪ ﻭﺍﻟﺼﺪﻣﻪ ﻛﺎﻥ ﻻﺑﺴﻪ ﺑﺪﻟﻪ ﻛﺤﻠﻪ ﺑﻠﻮﺯﻩ ﺑﻴﻀﻪ ﻭﺑﻴﺒﻴﻮﻧﻪ ﻛﺤﻠﻪ ﻭﻣﻊ ﺗﺤﺪﻳﺪ ﺍﻟﻠﺤﻴﻪ ﻭﻭﻭﻭﻩ ﺻﺎﺍﺍﺍﺭﻭﺥ ﺧﺎﺵ ﻟﻠﺼﺎﻟﻪ ﻗﺼﻒ ﻛﻞ ﺍﻟﻤﻌﺎﺯﻳﻢ
ﺳﺎﻣﺮ ﻗﺎﻡ ﺍﻟﻄﺮﺣﻪ ﻭﺟﺖ ﻋﻴﻨﻪ ﻓﻲ ﻋﻴﻮﻥ ﻳﺎﺳﻤﻴﻦ ﺣﺲ ﺑﺸﻲ ﻓﻲ ﻗﻠﺒﻪ
ﺑﺲ ﺍﻟﻠﻐﻞ ﻋﺎﻣﻴﻪ
ﻭﻗﺮﺏ ﻣﻨﻬﺎ : ﻫﻴﺎ
ﻳﺎﺳﻤﻴﻦ ﻳﺪﻭﻥ ﻻ ﺗﻨﺎﻗﺸﻪ ﻻﻧﻬﺎ ﺍﺻﻼ ﺍﻟﻌﺮﺱ ﻛﻠﻪ ﻏﻤﻪ ﻋﻠﻲ ﻗﻠﺒﻬﺎ : ﺣﺎﺿﺮ
ﻭﺍﻟﻜﻞ ﺍﺳﺘﻐﺮﺏ ﺍﻧﻪ ﺧﻮﺍﺗﻬﺎ ﻣﺎﺯﺍﻝ ﻣﺎﺭﻭﺣﻮﺍ ﺑﺲ ﻫﻴﺎ ﺑﺘﺮﻭﺡ
ﺳﺎﻭﺗﻬﺎ ﺍﻣﻬﺎ ﻭﺧﺎﻟﺘﻬﺎ ﻭﺍﻣﻬﺎ ﺗﺒﻜﻲ ﻭﻳﺎﺳﻤﻴﻦ ﺗﺒﻜﻲ ﻭﻃﻠﻌﻬﺎ ﺳﺎﻣﺮ ﻭﺗﻼﻗﻰ ﻣﻊ ﺣﺴﻦ ﻓﻲ ﺍﻟﺒﺎﺏ
ﺣﺴﻦ : ﺍﺧﺘﻲ ﻓﻲ ﻋﻴﻮﻧﻚ ﻣﺎﻧﺒﻴﺶ ﺩﻣﻌﻪ ﺗﻨﺰﻝ ﻣﻨﻬﺎ ﺍﻟﻠﻪ ﻻ ﺗﺴﺎﻣﺤﻚ ﻛﺎﻥ ﺯﻋﻠﺘﻬﺎ
ﺳﺎﻣﺮ : ﺣﺎﺿﺮ
ﻭﺭﻛﺒﻮ ﺳﺎﻣﺮ ﻭﻳﺎﺳﻤﻴﻦ ﺍﻟﻤﺮﺳﻴﺪﺱ ﺑﻴﻨﺰ ﺍﻟﺬﻫﺒﻴﻪ ﻭﻃﻠﻌﻮﺍ ﻭﻭﺻﻠﻮﺍ ﻟﻠﺼﺎﻟﻪ ﻣﺘﻊ ﺍﻫﻞ ﺍﻟﻌﺮﻳﺲ ﻗﺼﺪﻱ ﺍﻟﻌﺮﺳﺎﻥ ﻭﻟﻘﻮﺍ ﻣﺴﺮﺓ ﻭﺍﺳﺎﻣﻪ ﻗﺪﺍﻣﻬﻢ ﻭﺳﻠﻤﻮﺍ ﺯﻳﻨﺐ ﻭﺍﻻﻗﺎﺭﺏ ﻋﻠﻲ ﻳﺎﺳﻤﻴﻦ ﻭﺍﻟﻜﻞ ﻋﻴﻮﻧﻬﻢ ﻣﺎﻧﺰﻟﻮﻫﻤﺶ ﻣﻦ ﻋﻠﻴﻬﺎ
ﻫﻴﺎ ﻛﺎﻧﺖ ﺍﺣﻠﻰ ﻣﻦ ﻣﺴﺮﺓ ﺑﻬﻠﻠﺒﻪ
ﻭﺑﻌﺪﻳﻦ ﻃﻠﻊ ﺍﺳﺎﻣﻪ ﺭﻭﺡ ﺑﻤﺮﺗﻪ ﻟﺤﻮﺷﻪ ﻭﻛﺎﻥ ﻣﺠﻬﺰﻟﻬﺎ ﺍﺟﻮﺍﺀ ﻭﻻ ﺍﺭﻭﻉ
ﺳﻤﺮ : ﺧﻼﺹ ﻳﺎﻣﻨﻜﺪ ﺍﺭﻓﻊ ﻣﺮﺗﻚ
ﺳﺎﻣﺮ : ﻣﻨﻜﺪ
ﺳﻤﺮ : ﺁﺳﻔﻪ ﻣﺶ ﻗﺼﺪﻱ
ﻭﻃﻠﻊ ﺳﺎﻣﺮ ﻳﺎﺳﻤﻴﻦ ﻭﺭﻓﻌﻬﺎ ﻟﻠﺤﻮﺵ ﻃﻠﻌﺎ ﺣﻮﺷﻪ ﺩﻭﺭﻳﻦ ﻛﺒﻴﺮ ﺭﺍﻗﻲ ﻓﻴﻠﻪ ﻳﻌﻨﻲ ﺧﺶ ﻭﺳﻜﺮ ﺍﻟﺒﺎﺏ
ﻳﺎﺳﻤﻴﻦ ﻛﺎﻥ ﻗﻠﺒﻬﺎ ﺑﻴﻄﻠﻊ ﻣﻦ ﺍﻟﺨﻮﻑ
ﺳﺎﻣﺮ ........:

ﻳﺘﺒﻊ ....