#حادث_سيارة_غير_قدري
#الحلقه_الرابعة_عشر (14)
للكاتبة"أميرة ابي"👑
نبدو حلقتنا.....
احمد: بااااعد ايدك لا نكسرها 😠
ياسمين تبكي ومش فاهمه شي
احمد: ياسمين اختي انا واثق فيك بس نبيك تحكيلي الرسائل هادو شورك او لا !!
بدت ياسمين تبكي ومصدومه 😨
ايمن: ادوي لنفجر راسك 😠
ياسمين: هذا شنو والله مانعرف بحاجه اكيد في حد هاكر ايميلي اقسم بالله مش انا 😭انا اول واخر شخص حكيت معاه هو عبدالرحيم وبعد ماخطبني يابابا انت عارفني °احمد انت عارف اختك، ايمن عمرك شفت مني غلط حتى في مشيتي، ماما 😭
ايمن: صور منو هادو ومن وين جو 😠
ياسمين بدت تبكي بالعبره وبصوت متقطع..
ياسمين: اقسم بالله مانعرف بحاجه... هات المصحف نحلف عليه😭انا مش هكي صدقوني انا مش هكي 😭
عزيزه: بالك صاحباتها ولا وحده ناغره منها خنبت صورها من الهاتف
عمر: تصير... حسبي الله ونعم الوكيل
ايمن: هاااذا شنوووو باهيي راسي بيتفجر حد يفهمني الحقير من وين جاب الرسائل نمشي نقتله ونرتاحووووو من لما خش حياتنا وحنى في الهم
عزيزه تهدي في ايمن وتمسح علي ظهره : يا وليدي الله يربحك مش ناقصنا فضايح غير بتكبر والناس بتأولها الله يرضى عليك😭
عمر: كلام امك صح توا خلي احمد يتصرف لانه كبير وعاقل.... وفي موقفنا هذا لازم نكونوا حرصين في كل خطوة نخطوها هذا شرف والشرف زي القزاز لو تكسر معش يتصلح
ياسمين : ان شاءالله نموت قبل مانواطي راسك يابابا 😭
احمد: والله نعرفك ماديري هكي ولو كنت شاك فيك واحد في المية راه فرغت فيك مخزن بدون لا نسالك .. لكن حسبنا الله ونعم الوكيل في من كان السبب وانا مش ح نسيب الموضوع وح نعرف من يلي وراه
ايمن:😠😠😠صدقوني مش ح يصير خير
وطلع قربع وراه الباب
فرح ومرح يبكو ودخلو ياسمين للدار لانها نهارت
(كسر القلب و الخاطر كوووم وانه يتهموك بذنب انت مش مدايرة كوم تااني 😔)
فرح: زعما منو دبر للشي هذا
ياسمين: صوري باه وين لقوهم 😭
مرح: مش عارفه بس حسبي الله ونعم الوكيل
ياسمين : ياربي ليش هكي صاير معاي انا شنو اذنبت يارب ان كنت تجازي فيا بذنب اذنبته بدون لا نعرف تبت يارب فغفرلي اغفرلي يارب سامحني يارب 😭
فرح: صدقيني ياوخيتي ربي مش ح يخيبك والله راح يعوضك خير علي كل دمعه نزلت منك
وقعدة ياسمين تبكي لين نعست ورقدت وكان هذاك الوقت عشيه ......
....... ......... 🌹🌹🌹
عبدو روح لحوشهم وكان عندهم زحمه ع خاطر فاتحته
يوسف: خيرك ياراجل ليش هكي ملابسك متفرعسات
أنت تقرأ
حــادث سيــارة غــير قــدري ❤
Romance💕منقـــولـــة💕 رواية باللهجة الليبية ❣ للكاتبة المبدعة: أميـرة أبـي
