اتصلت لي اختي العروس وهي في شهر العسل ليها اسبوع😂 خلعتني انا زاتي لمن قمت من النوم لقيت مرادي بتتصل .. رديت عليها قلبي في يدي الحاصل شنو ! بسم الله مالك ؟ شهر العسل بقوهو اسبوع خلاص😂😂 قالت لي سندس 😒 عارفاني متصله ليه قلت ليها والله ماعارفاك مالك ! قالت لي عمتك إتصلت علي طبعا شكت لي منك قلت ليها المره دي خرفت ولا شنو ؟ قالت لي إتلائمتي معاها قدام الناس ! قلتا ليها هييي مرادي ماناقصاك من الصباح وراي جامعه ياريتني لو إتلائمت معاها كان قلبي برد من الإفتراء حقها ده 😒 قالت لي سندس ما دايرين مشاكل و ابوي براهو داير سبب يطلق امي .. قلت ليها والله لو داير يطلق يطلق بس ما تعملوني سبب.. قالت لي امبارح اتصلت على امك شكت لي برضو منك ما بتمشي تشوفي أخوانا ليه ! قلت ليها المفروض أمشي بيت المره ديك يعني ؟ قالت لي ابوي اخر مره قال لي امي تسوقي بناتك وتمشوا تزوروها ولدها عيان قلتا ليها والله لو مات ما بخصني بعدين دي إهانه لي امي كمان ؟ قالت لي سندس ده اخوك ما تقولي كده ، امي لازم تمشي معاكم هي زاتها ما دايره خلاف مع ابوي وانتي براك شايفاهو بقى واقف ليها كيف على الطلاق .. قلت ليها عايني يا مرادي سديتي لي نفسي من الصباح ياخ عندي محاضرات كان زهجانه من راجلك ارجعوا بس من الشماليه ماسافرتو جزر القمر يعني😂😂 قالت لي سندس لمن تعرسي احمد خلي يوديك جذر القمر بالله ..قلت ليها انا احمد ما بعرسوا افهموا الكلام ده لو امووت ما بعرسوا .. قالت لي والله عارفه عمتك براك لمن تقول شي بعدين الولد عيبو شنو ؟ قلت ليها خلاص عليك الله سديتي نفسي من الدنيا اقفلي بس .. سرحتا مساافهه في المروحه بفكر في كلام مرادي و عمتي دي فقر خلاص كان دايره حاجه الا تعملها فرحانه بي بيتها السطوح ده و حاسه بي انها خلاص وصلت حد الغنا كان ما وريتهم اعرس منو بعدين و اكسر غرورهم وانفتهم دي ما ابقى سندس .. قمتا لبستا للجامعه و اتجهزتا وفطرتا لانو ما عندي حق فطور ووغدا و هناك بجوع تاني .. طلعت وقفتا للمواصلات ساعتين و تلاته انبذ في عمتي سبب تأخيري ده لحدي ما وصلتا الجامعه روحي كانت عايزه تطلع حصلت محاضرتين بس و اليوم خلص .. ماشه للكفتريا معاي صحبتي إيمان الوحيده صحبتي شديد كده ماشه نشتري سندوتشات طعميه و بنقعد اخر الجامعه مكان هاديء كده لمن هي دخلت تشتري جا وقف جنبي سامر قال لي سندس كيفك ! قلت ليهو الحمد لله كويسه انت كيف ؟ قال لي كويس والله غبتي كم يوم مالك ! قلت ليهو والله كان عندي عرس و خلص قال لي ايوا تمام .. طلعت ايمان سلمت عليهو و سألتوا سامر جدول الامتحانات نزل و لا كيف؟ قال ليها والله قالوا علقوهو في البورد بتاع كلية لغات بهناك قمتا انا ضحكتا كده بخجله قعد يعاين لي بحب حب💜 قال لي ضحكتي مالك ! قلت ليهو اتذكرتا لمن النتيجه ما عجبت اولاد دفعتنا وكسروا البورد 😂😂 و فكينا الضحكه انا و ايمان و هو سرحان فيني لسه .. لمن لقيتو لسه متنح قلت لي ايمان طيب ارح نفطر و بعداك نمشي كلية لغات نشوف الجدول قال لي سامر ما مشكله ممكن اشوفو و اصورو ليك قلت ليهو لالا خلينا بنمشي برانا .. و قمنا اتقدمنا و هو لسه بعاين لي ولي ملابسي كنت لابسها اسكيرت اسود و بلوزه شفون بيضاء و طرحه رصاصيه البلوزة شاداها من بيت جيرانا امل و الشنطه برضو حقتها لونها ابيض فيها ورود كده بالاطراف .. ما كنت بحجب الطرحه ولا بفكها يعني بتسرح وبخت الطرحه في نص راسي و سامر لسه واقف يتأمل من بعيد مشينا قعدنا انا و ايمان واكلنا و شربتا مويه من الكولر هي شربت عصير .. قالت لي اها ح تعملي شنو مع عمتك؟ قلت ليها والله يا ايمان ما عارفه اتصرف كيف بعدين ابوي لو خلصتا من الجامعه ح يعقد لي غصب عني انا لازم اجيب عريسي قبل التخريج والا احمد خلاص 😭 قالت لي يا سندس هو كويس والله أنا ما شايفه فيهو عيب وجيه و عندو عربيه ووضعهم يعني ماشي حالهم انتي رافضاهو ليه! يعني لو كنتي بتحبي زول في الجامعه او بره كنت عذرتك .. قلت ليها ما الا احب زول بعدين انا احمد ده ماعااااجبني اي هو ما زي امو واختو الوسخه بس ما عاااجبني ياخ .. قالت لي طيب منفعله مالك هسي اهدي طيب ما تكوركي نحنا في حوش الجامعه مافي بيتكم قلت ليها زهجتا ياخ يومي ده كعب من الصباح و قمتا على حيلي نفضتا الاسكيرت قلتا ليها انا ح امشي اشوف الجدول قالت لي طيب تمام بعد تصوريهو انا بكون لحقتك قلتا ليها طيب وانا ماشه بعاين في الارض و فكري كلو في احمد و عمتي العقربه 😭 اتخلص منهم كيف وانا بفكر جا في بالي اختو لو هددتها افضحها ! خطرت لي فكره عشان انتهي من موضوع احمد للابد شلت تلفوني وضربت لي امي .. ردت قالت لي هسي كنت عايزة اتصل عليك و اكلمك تجي بدري ، قلت ليها خير في شنو ؟ قالت لي ماشيين نشوف اخوك قالوا عيان شديد قلت ليها امشي انتي وملاك قالت لي لا انتي لازم تمشي معانا قلت ليها خلاص طيب يا امي بجي ، لمن قفلت منها كنت وصلت البورد بتاع كليه لغات واقفه بفتش في الجدول بتاعنا
لحدي ما لقيتو وصورتو .. سمعتا صوت قوي💜 رجولي نازل من السلم وبتكلم في التلفون لمن رفعات راسي و رجعتا ورا من البورد اشوف ده منو ، بسم الله الصلاه على النبي😍 اول مره في حياتي اشوف لي شاب كده .. وجيه شديييد عيونو زي المكحله و رموشو اطول من رموشي😭 ماشاء الله ولد وجييه وجييه جدا جدا طويييل و عندو عضلات بسيطه كان لابس تشيرت ابيض 😭 و جينز غامق .. انا حسيت قلبي طار من مكانو ومشى ليهو ، جا وقف جنبي وهو شايل تلفونو وبتكلم وبعاين للبورد من غير ما امسك نفسي كنت بعاين ليهو ولي طريقتو في الكلام و حركات يدو .. و هو مركز شديييد مع البورد ، بعد خلص كلامو وقفل تلفونو اتلفت يادوب علي , قال لي السلام عليكم قلت ليهو وعليكم السلام قال لي انتي من كلية لغات؟ قلت ليهو لا انا من حاسوب قال لي طيب تمام شكرا ليك .. ابتسمت وقلت ليهو عفوا ومشى طوالي كان ماسك مفتاح العربيه عاينت ليهو ماشي لحدي ماوصل عربية سمممحه سوداء عاليه😭 ركبها وفات رووح خلاني😿 .. بالله كأنو ود الناس شال قلبي سلبو ومشى 💔🐸 يادوب ايمان وصلتني لقتني واقفه متنحه في طريقو المشى بيهو و سرحانه وبتبسم قالت لي سندس هييي سندس يابت انتي وين ، عاينت ليها في شنو مالك قالت لي خلصتي! قلتا ليها بابتسامه اااي اااي💕 قالت لي اتاخرت عليك قلت ليها ياريتك ماجيتي اصلا.. حمرت لي صااره وشها😂😂 قلت ليها بهظر ياخ ارح .. و أنا لسه عندي إحساس إنو قلبي إتوقف هناك وشالتو العربيه السوداء وصاحبها😭😭
