فيلوفوببا

الفصل19

البارت التاسع عشر

دعاء اليوم : رب اشرح لى صدرى ويسر لى امرى
مسج3: سأكتفي بك من بين البشر ، فأنت أجمل مااملك في هذه الحياة. 🌺👉
__________________
وصولوا الى المنزل ليجدوا مالك حامل الطفل على ذراعيه  ويحاول اعطائه الرضعه وبكاء الطفل يملئ المكان  وياراجالسه على الاريكه المجاورة لهم واضعه السماعات ف اذنيها وتضع مناكير على يدها وفى حاله انسجام تام
غيـْـِثل مالك : انت بتعمل ايه ؟
مالك بحيره : زى ما انت شايف بحاول اديله الرضعه ومش راضى وتاعب قلبى من الصبح
حور وهى تنظر ل ياراالتى لم تنظر لهم من الاساس : طيب ما تخلى يارا تشوفه
مالك : لا انا اللى هاخد بالى منه بس مش عارف ليه مش عايز يفتح بوقه
غيـْـِثل يارا: انتِ ي حجه انتِ
زفرت يارابعصبيه وهى تخلع السماعات : اوووف هو الواحد ميعرفش يرتاح ف البيت دا ف ايه ؟
غيـْـِثبأستنكار : انتِ مش شايفه ابنك بيعيط ومالك مش عارف يتصرف معاه
يارا وهى تنظر بتحدى ل مالك : هى كيمياء يعنى ما يتصرف
غيـْـِث: ي بت خلى عندك دم ابنك دا ولا مش ابنك
يارا : وابنه هو كمان .... وبعدين ي دكتور البيبى لو عيط مش شرط انه بيعيط لانه جعان ف اسباب تانيه زى مثلا ......اااا عايز يغير
مالك بعدم فهم : يغير ايه ؟
ياراوهى تنظر له بنظره ذات مغزى : انت شايف يغير ايه ؟ ؟
مالك بعدما فهم مقصدها : لاااااا انا لايمكن اعمل حاجه زى دى انتِ بتحلمى
ياراوهى ترفع اكتافها بلامبالاه : خلاص سيبه يعيط
حور : حرام عليكى ي ياراالولد عينيه هتوجعه من العياط
يارا : خلاص غيريله انتِ ي حنينه
حور : ايه دا لا  ...
مالك : حتى انتِ ي حور ...اعمل ايه طيب
يارا : الحكومه قالت اتصرف
نظر مالك الى البيبى الذى ازداد بكائه : تعالى ي بنى اما نشوف هنعمل ايه ...معلش امك ست مفتريه وقادره

اخذ الطفل وصعد به الى اعلى
حور وهى تجلس بجانها : حرام عليكى
يارا : سيبيه عشان يعرف انا بتعب قد ايه ...هى الامومه بالساهل
غيـْـِث: مفتريه طول عمرك
يارا : بس ي بابا ...صحيح مريم عامله ايه
حور: كويسه الحمد لله
يارا : الحمد لله ...طيب اقوم انا بقا اطلع للاخ اللى فوق دا اشوفه عمل ايه
غيـْـِث: اومال الباقيين  فين
يارا : ناموا عشان يقدروا يصحوا بدرى للسحور ...صحيح كل سنه وانتم طيبين اول رمضان ليكم مع بعض
حور وغيـْـِث: وانتِ طيبه
تركتهم وغادرت وكانت حور على وشك الذهاب لغرفتها ولكنه اوقفها بكلمته
=اســــــــــــــــف
-نظرت له بأستغراب : على ايه ؟
=على موقف العربيه لما اتنرفزت عليكى ...بس صدقينى كان غصب عنى  كنت خايف على ملك ...يعنى قولت لازم اتأسفك عشان ندخل الشهر واحنا صافيين من ناحيته بعض
-عادى ولا يهمك (مشيت خطوتين ثم نظرت له مره اخرى  ) ...... احم انا كمان اسفه على اللى قولته  يوم ما كنا ف دريم ...وسامحتك علفكره  ...يعنى بما اننا برضو داخلين على شهر كريم وكدا يعنى
=ابتسم لها ابتسامه جذابه ثم اردف قائلا  : وانا كمان سامحتك واوعدك مش هزعلك تانى ...رمضان كريم
-  " ضحكته حلوة قوى ...ايه ي حوريه غضى البصر حرام " نظرت للاسف : الله اكرم
تركته وتوجهت الى الغرفه ووضعت يدها على قلبها الذى زادت دقاته  " خلاص اتهد بقا عرفنا انك بتحبه بس مش كدا هتفضحنا "
اما هو فخرج من المنزل وتوجه الى المرسم لينال قسطا من الراحه
__________________
على حوالى الساعه 2 صباحا كان على وحسين جالسان على طاوله الطعام 
حسين : مفاتحتهاش ف الموضوع لحد دلوقتى
-مين فيهم ؟
=قصدى ملك ...
-لا كلمت دى ولا دى
=ل امتى ي على انا عايز افرح بيك بقا
-لما اخلص موضوع حوريه هبقى اكلم ملك
=موضوع حوريه مش هيخلص طول ما عز فى صفها .....طيب افرض حد مناسب اتقدم ل ملك وهى وافقت هتعمل ايه وقتها
-فكرك ممكن دا يحصل ؟
=وليه لا البنت ف اخر سنه ليها ف الجامعه وعلى حسب كلام عز ف اكتر من واحد اتقدم بس هى اللى قالت لما اخلص وفاضل اقل من شهر وتتحرج
=معرفش بقا حاسس ان الموضوع مش هيتم اصلا ملك بتعتبرنى اخ كبير مش اكتر
-هى قالتلك كدا
=لا بس حاسس
-مفيش حاجه اسمها حاسس ..لو عايز اكلم عز ف الموضوع وهو يجس نبضها انا مستعد وموضوع حور مسيره هيتحل
=سيبنى افكر ي بابا وهرد عليك
-ماشى ي بنى بس متطولش
=ان شاء الله اكملوا طعامهم وصلوا الفجر وتوجه كلا منهما الى فراشه
_________________