فيلوفوببا

الفصل26

البارت السادس والعشرون 

نوت : مهما توحّش هذا الليل تذكّروا دائمًا أنّ آخر هذا الليل صباح . 🌺👉

ربي افتح لنا الخير في كل الأمور فـ نحن لا حول لنا ولا قوة الا بك..

_______________

فى اليوم التالى عادت حوريه من العمل بعدما قضت الورديه الليليه أبدلت ملابسها وكانت تستعد للعودة مره اخرى ولكن والدتها دلفت الى الغرفه

الام : رايحه فين تانى ؟

-(قالت وهى ماازلت تضع اشيائها ف حقيبتها ) راجعه المستشفى

=انتِ مش لسه جايه ؟

-رنا ابنها تعبان فهاخد مكانها بس حبيت اجى اغير لبسى واقولك وامشى

=طيب افرضى كنتى جيتى ولاقتينى تعبانه كنتِ هتروحى برضو ؟مش كان المفروض الاول تقوليلى قبل ما توعديها انك تاخدى مكانها ....من امتى وانتِ بتتصرفى من غير ما تقوليلى

-(قالت بهدوء ) حضرتك كويسه اهو ي ماما محصلش حاجه و اوعدك المره الجايه هقولك ...عن اذنك لازم امشى

=اقفى هنا وكلمينى زى ما بكملمك ...فى ايه بقالك مده مش طبيعه كل دا عشان اللى عملته (كانت تقصد فسخ خطوبتها هى وغيـْـِث)

-اللى هو انهى واحد فيهم ؟

=(قالت بذهول ) ليه هما اكتر من واحد ؟

-(قالت وهى تتحرك للذهاب )والله حضرتك ادرى

=اقفى هنا كلمينى زى ما بكلمك فى ايه ؟ كل دا عشان فسخت خطوبتك من غيـْـِث مش دا اللى كنتى عايزاه من الاول ؟

-المشكله كانت وقت ما انا مكنتش عايزه حضرتك كنتى عايزة ...و وقت ما عوزت حضرتك مابقتيش عايزة وفى كلا الحالتين مكنش ليا رأى وحضرتك اتصرفتى بمزاجك ...ف عشان كدا انا مش هعاتبك

=قصدك ايه

-(قالت وهى تنظر بعيدا ) مقصدش حاجه لو سمحتى ي ماما خلينى امشى كدا هتأخر

=(قالت بحده ) مفيش خروج من هنا ألا لما تقوليلى ايه الحاجات اللى عملتها فيكى ي بنت بطنى خلتك تتجنبينى كدا

-بمناسبه بنت بطنى .....مين الراجل اللى انا متسجله على اسمه دا ؟

=(قالت بذهول ) راجل مين ؟

-هقولك السؤال بصيغه تانيه ... عادل الغمرواى و حسين العدوى مين فيهم ابويا الحقيقى

=(ظلت تنظر لها بذهول ) ا ا انتِ جيبتى ا الكلام دا منين

-مش مهم المهم الجواب ؟ مين فيهم الحقيقى ومين المزيف

=عرفتى ايه تانى غير الموضوع دا ؟

-كل حاجه من اول الشغل عنده ف المكتب ...لحد ما عرفت الخاتم دا من مين ....كنتى مستنيه ايه عشان تقوليلى ؟