#قفلة_علاقاتي #آلفهــــد
#دعــــاء
ماعرف شلون طلعت مني هلكلمه بس نطقتها .. كالي
- شنو ؟؟
- ... جاوبتك ع كل أسئلتك
نتفض بكل عصبيه وكام ..
- انتي شفيج هذا كلام تكولينه
- مو هذا الي تريد تعرفه
- حسي فيني ياحور .. صخر كبالج .. ماعندي گلب تحجينها بكل برود اعصاب ..؟
من كالج انا فولاذ .. منو كالج اكدر اتحمل اي شي !!؟؟؟ من يوم الي صار وانا ماعرف ليلي من نهاري .. لا اني كادر استمر ولا اني كادر انسى
الحين تكولين انت فكرت تبتعد ؟ اييي فكرت تعرفين ليش .. ومو ع شاني عشانج انتي .. كلت اتم جذي وماتغير وماراح اسعدها وراح تحس بالقهر كل ماتشوفني .. بس ماكدرت ..
ادوس ع نفسي واسوي كلشي في سبيل اشوفج بخير وزينه وتضحكين .. تذبين هلكلمه .. ماكلتي هذا شيحس حرام عليج حور حرام وربي
- وموحرام الي يصير وياي مو حرام الي شفته مو حرام نظراتكم الي تقتلني كل يوم
- معاج حگ بكلشي مثل ماحنه ملتمسيلج العذر حاولي انت بعد ..
- ولشوكت ولكم تعبت وانتم تشكون بيه
بكل عصبيه لزمتها من متونها نسيت حتى هي تعبانه
- منو يشك بيج هاا .. منو؟؟؟ ولج اگص لسانه الي يشك فيج .. انتي شتبين فهميني .. شنو بالج ؟؟ .. هذا الرجال يلبس غتره ودشداشه هذا اكيد عقليته محدوده ؟؟!.. رجال همجي عقليته صفر
شتفكرين يعني مقياس الشرف بس بهلغشاء
لج كل هلاشياء ماتقدم ولا تاخر عندي اهم شي انا اعرفج انتي شنو .. وتبين منو ... واعرف انت مالج ذنب بكل الي سواه هالحقير وكنتي الضحيه .. المهم عندي للحين من اشوفج ترد الروح فيني .. افهمي هالشي وبس
حسيت اني جاي اشد على ايدها ومتأذيه بعدت اديني عنها وكلتلها ...
من تشوفيني متضايق وفي الف سؤال بالي اتركيني انا افسر الامور وانا الي اگطها لحالي لاتزيديها علي وليرحم والديج .. كل الي صار يرادله وقت وبس ..
انا اموت فيج ومااتركج للموت هذا كل الي اكدر اكوله .. والحين اروح لان احس روحي اطلعت
- فهد .. لا تروح
- اريد اهدء .. عگبها اكلمج .. خلي بالج ع نفسج
طلع وكعدت ابجي صعدت للغرفه ميته قهر ۔۔
ليش هيج حجيت وياه كل كلمه كالها بصميم
انا اضغط علي وهو يضغط ع نفسهة .. شيتحمل بعد
فهد والله لو تبتعد عني وتتركني ماراح ازعل منك لان عمري ماشفت احد يحبني ويخاف علي مثلك
جنت اتمنى اكولك انا عذراء وسبقتني انك موهامك بس انا يهمني ماريد احد يلمسني غيرك ...
..
سلام يتصل على فهد ومايرد ويدور ع البطايق مالت العرس ومخبوص
سلام : يمه وين فهد
- وانا اعرف وين يروح اكثر منك؟!
- استغفر الله البطايق عنده غير يرد علي ..
- اتصل علي
- مايرد وزير ابنج مشغول ...
أنت تقرأ
قفلة علاقاتي .. آلفهــــد
Художественная прозаقصه حقيقه جريئه لشاب غني مشاغب عديم المسؤلية كل همه اسعاد نفسه وامتلاك مايرغب به وعند حصوله عليه يمله ويتركه .. ولكن عندما يكون كل شي متوفر لديك وكل ماترغب به تحققه و تحصل عليه دون جهد هل تظن انك سعيد!؟ هذا ماكان يعتقده الفهد لا يعلم ان هناك اشيا...
