#قفلة_علاقاتي #آلفهــــد
#دعــــاء
منذ اللحظة الأولى إلى هذه اللحظة وأنا لا أحمل داخلي سواكِ أنتِ ووجهكِ ورائحتكِ وملمسكِ وكلماتكِ وضحكاتكِ فقط أنتِ وحُبكِ.. ولكن نحن الإثنان لا يجمعنا حظٌ ولا باب ، أنت أبعد من أن تكون ظلِّي وأنا بعيّد من مسكة يداك .
مومصدك هي كبالي عيونها بعيوني ..
لا هي تكلمت ولا انا .. كان الصمت اقوى من الكلام بعدين كلتلها
- كيف حالج
- الحمدالله وانت ؟
- تمام الحمدالله
- دوم ان شاء الله
- تدوملج الصحه العافيه
- .. شوكت رجعت
- يهمج يعني ..
- تفاجئت بوجودك
- همم .. من ثلاث شهور تقريبا
-الحمدالله ع سلامتك
- الله يسلمج
الكلمات حشرن بعلومي وشكثر كان عندي كلام بداخلي ودي اكوله الها واسئله تمنيت اعرف اجوبتها منها بس الحين كلشي تبخر ..
يارب ليش كل ماريد انساها تخليها گبالي وارجع احبها مثل الاول واكثر ... وحنه واكفين سمعت صوت رجل يكول
- حور بعدج هنا هم زين لحكت عليج ..
بعدت نضرها عني وباوعت للي خلفي .. لتفت علي كان شاب يجي حوالي عمره 35
- هلو علاء اي توني اريد اطلع ليش رايد شي
- اي والله اخذيني وياج سيارتي اخذها دكتور مصطفى ..
- متأخره كلش واهلي صرعوني صرع
- بيتنه اقرب من بيتكم ماراح تتاخرين
- ماشي ...
- فدوه الكلبج
انتبهت ع فهد عاقد حواجبه بأستغراب علاء لاحظه واكف وياي جان كال
- اسف بس لا سببت ازعاج انتي مشغوله ..
- لا .. باوعت لفهد .. عن اذنك ...
مارد علي باوع لعلاء بنظرات ازعاج علاء استغراب كاله
- اكو مشكله بس لا اجيت بوقت موحلو
- لا اخذو راحتكم ..
علاء طبطب ع كتفه وكاله يسلمو وراح للسياره
- منو هذا ؟؟
بسرعه كلتله دكتور ... ردت اكمل قاطعني
- هاا زميل
حجاها بأستهزاء ماعرف ليش ردت ابررله وليش هو عصب من شافه بقى يبوعله لتفتت ع علاء لكيته كاعد بمكاني يريد يسوق تقربت شوي وكلتله
- شو هنا كاعد
- لعد اخليج تسوقين انتي؟؟ اولا مااحب وحده تسوق وانا كاعد بصفها ثانيا اخاف ع روحي بعدني شاب وحلوه الدنيا بعيني
- لا بالله
- ديلا هسه ماتصعدين توج تكولين متأخره
حرك السياره باوعت لفهد يريد ياكل علاء لان هيج تصرف وياي كلش نفس نظراته يوم يعصب علي او يغار من شي للحظه حسيت راح يضربه كلتله مع السلامه كتف ادي وبقى يباوع علينه الا ان صعدت بسياره علاء رفع ايده لفهد وابتسم ورحنه باوعت علي من المرايه جان يراقبه بكل عصبيه كلت بگلبي علاء هسه وكتك اجيت
فهد : هلبنت يااما اخرتي تجي بسببها ياما اخرتها ع ايدي .. موحور الي اعرفها جنت اشوف الخجل بعيونها لو طالعتها وجنت احس الخوف بعيونها لما تشوفني معصب ...
لهدرجه الي يتزوج ينسى حبيبه وكل ذكرياته.. لوانت عمرج ماحبيتيني لو حسام عوضج عن كل شي ..
رجعت يمهم كلتلهم ها نطلع
- لا تبقى هني ليله
- زين عيل بروح انا تبون شي
- مرني بليل خالتك تبقى يم الهام
- ان شاء الله
أنت تقرأ
قفلة علاقاتي .. آلفهــــد
Fiction généraleقصه حقيقه جريئه لشاب غني مشاغب عديم المسؤلية كل همه اسعاد نفسه وامتلاك مايرغب به وعند حصوله عليه يمله ويتركه .. ولكن عندما يكون كل شي متوفر لديك وكل ماترغب به تحققه و تحصل عليه دون جهد هل تظن انك سعيد!؟ هذا ماكان يعتقده الفهد لا يعلم ان هناك اشيا...
