#قفلة علاقاتي .. #آلفهــــد
#لـ دعــــاء
راسلتها دقايق وردت علي سلمت وكلتلها ماكو اليوم
كالت بالبيت يعني وين اروح قربت الاجازه تخلص
- عسى الله يوفقج
- تسلم .. انت هم ماكو
- بيت عمي عدنا وما فرغت
- هاا الله يديمكم
- ترى بيت البنت الي كلتلج عليها
- الهنوف
- اي
- هههههه يله يابختك اليوم من گدك
- لايباا .. اصلا احس روحي مقيد ومامخذ راحتي
- شنو السالفه همه خطار ؟؟ اول وتالي راح تصير زوجتك وتتعود عليها
- ههه لا حليتها .. اكولج مابيها انت شفيج
- تعرفها احسن مماتعرفها
- يعني انتي هاي نضريتج بالزواج اهم شي تاخذين انسان تعرفي ويگربلج
- يمكن .. ع فكره احنه متشابهين وانا هم نفس وضعك بضبط
- انتي مخطوبه
- يكولون بس كلش رافضه الفكره
- وشنو الي يخليج ترفضيها
- عندي دراستي اهم من اي شي
- وبس ؟!
- اكيد
- يعني مابگلبج احد
- لا .. انا سوالف الحب مااعترف بيها
- عندج حگ .. يعني يجيج يوم تقبلين بولد عمج ؟
- ماعرف اذا هو قسمتي .. كلشي تاركته لزمن
- الله كريم انا طالع هسه نتكلم بعدين
- ماشي باي
- باي
كلش ضجت من كلامها وفعلا حسيت كلام ايهاب هو الصح انا شنو جاي اسوي وليش هلبنت بذات
رغم كلامها واضح معاي وضوح الشمس وباين انها
مو سكتي ليش انا الحالي مشغول بالي
اووف ياگلبي کنت عارف بتأذيني .. عشان جذي ماكنت امشي وراك تبي توهگني موو بس هذا بعدك انا اربيك ..
عدت ايام ..
حور : اخويه اسامه حجه لامي وابويه ع البنيه الي يريدها وراحنه نخطبها اهلها وافقوا وحددوا موعد لعقد القران
وسن بنت حبوبه وحلوه ونازكه وموظفه وياه ولايگين البعض سوينالهم حفله خطوبه
انا لبست 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خليت مكياج خفيف وسرحت شعري رحنه للقاعه وسن طالعه تخبل واسامه كلش فرحان خلصنها رگص برگص خلصت الحفله ع خير
وصلنه للبيت وجان اسمع حسام
- لابسه فستان حفلات وهيج شحال لو اشوفج بدلة العرس .. لتفت علي
- شنوو
- طالعه تخبلين
- شكرا 😑
- وليش كالبه وجهج
- مايعجبني تحجي هيج وياي وبالخلسات
- خلسات شنو اليوم لو باجر لو بعد الف سنه راح تصيرين زوجتي
- هو الحلم بفلوس
- شقصدج
- ماقصد شي
- تقربت عليها .. لا اريد اعرف قصدج
- حسام والله العظيم اذا مابطلت حركاتك اكل لبابا عليك
أنت تقرأ
قفلة علاقاتي .. آلفهــــد
Ficção Geralقصه حقيقه جريئه لشاب غني مشاغب عديم المسؤلية كل همه اسعاد نفسه وامتلاك مايرغب به وعند حصوله عليه يمله ويتركه .. ولكن عندما يكون كل شي متوفر لديك وكل ماترغب به تحققه و تحصل عليه دون جهد هل تظن انك سعيد!؟ هذا ماكان يعتقده الفهد لا يعلم ان هناك اشيا...
