قفلة علاقاتي .. آلفهــــد

البارت الثامن

#قفلة_علاقاتي #آلفهــــد
#دعــــاء

وسن : دخلت على حور لكيتها تبجي وضمت الجهاز وره ضهرها ..

حور : وانا وصغيره اسم حسام مقترن باسمي بس ماجنت اتوقع تجي هلحظه ويكون الكل قابلين ومالي اي رأي بالموضوع مجرد دميه يحركون بيها حسيت الدنيا سودت بعيني لا اكدر احجي ويه فهد ولا اكدر اسوي شي فتحت لايباد طلعت صورته جان لابس دشداشه سوده ويباوع ع الفراغ قربتها ع وجه اعشق تفاصيل وجه وعيونه الواسعه والشامه الي بخدمه تمنيت يكون وياي واحجيله هم گلبي ضليت احجي واشكي لصورته لصامته وبس دموعي تنزل شوي واشوف وسن فتحت باب الغرفه طفيت لايباد وخليته وراي مسحت دموعي
- اكدر اكعد وياج
- تعالي
- حوري گلبي لا تنقهرين انا لتقيت بحسام شفته خوش شاب ومبين يحبج هسه تحسين نفسج ماتردي بس تالي راح تحبي
- وسن ماكدر اكون ويه وحسام والله
- شوفي هو الارتباط مو سهل بس والله من ينسد عليكم باب وتعيشون تحت سقف واحد راح يتغير كلشي
- لو خيروج بين شخص تكون بي كل الصفاة الزينه واسامه راح تختارين منو
- اكيد اسامه لان ماكدر اعيش من دونه ولا احد يملك گلبي غيره
- وانا نفس الشي ... نزلن دموعي
- لا تبجين لزمت ايدها وتقربت يمها .. انتي اكو احد بحياتج .. هزت براسها بمعنى اي
- وياج بجامعه
- لا
- لعد منو
- ..
- لا تخافين ماراح اكول شي وعد حتى اسامه ماراح يعرف يمكن اكدر اساعدج
- محد يكدر يساعدني
- ليش ماتكليله يجي يتقدملج
- حاجه اسامه وسمعتي الرد بأذنج
- صديق اسامه ؟؟
- ايي
- تحبون بعض
- ياريت لا عرفته ولا شفته ولا حبيته
- اسامه عنده علم ...
- اكيد لا ... انا اذا غصبوني على حسام ماراح يلكون الي اثر
- لا حور لاسوين هيج وتنزلين راس اهلج اذا موهامج احد اسامه يحبج لا تنزلين من عينه
- شسوي مليت تعبت
- اصبري والله كريم تعالي ..

حضنتني لصدرها وظلت تمسح ع شعري وانا دموعي حركت خدي
كالتلي يله رتاحي هسه ولا تفكرين بشي
نزلت وسن وانا گلبي مومرتاح ... شوي واجتني رساله

الشوق صوبه ذبحني وانا حي
من واحد فديت حبه وروحه
من دونه الدنيا في عيني ولا شي
امووت في ضحكه ولبى مزوحه

قريتها وابتسمت ..مسحت دموعي
ردت علي
سأخبرك امرا حياتي دونك مصابه بالارق وانني لا اكف عن الدعاء كي لا نفترق

فهد : قريتها وگلبي وجعني اتصلت عليها كاميرا رفضته اتصلت صوت ...
- هلا فهد
- ياروح فهدج فيج شي
- لا
- عيل ليش سكرتي الكاميرا
- خلينه هيج احسن
- انتي كنت تبكين
- لا
- حوريتي اكولج شفيج ماعرف صوتج وله جديد علي
- مابيه شي والله هيج ضايجه
- ضايجه و فهدج موجود .. يله خبريني من غاثج جود ؟
- لا
- عيل من انا
- هههه لا
- فديت لضحكه انا شفيج ياروحي
- فهد هم يجي يوم وماسمع بي صوتك
- لا يروحي ليش هلتفكير بكون جنبك ع طول
- ماعتقد خايفه نفترق
- في شي
- لا
- لاحول الله اكولج شصاير
- ليش تصيح
- الف مره اكولج لا تضمين عني شي
- انا ماريد اقهرك وياي
- وانتي هيج ماقهرتيني؟؟؟ اذا ماكلتي شفيج وربي تلكيني بيتكم وتعرفيني زين منو مضايقج
- بعد التخرج يزوجوني لحسام ... نزلن دموعي
- شلون
- الي سمعته
- وانتي ؟؟
- طبعا ماقبلت يحتاج تسالني بس رايي لا يقدم ولا يأخر عدهم
- واسامه
- حجه ويه بابا و..
- رفضني ؟؟ .. ليش تسكتين عادي ترى كنت متوقع هلشي
- انا اسفه ..ظليت ابجي من دون صوت بس دموعي تنزل
- .. تتركيني ؟؟
- لا ..
- عيل شحگه تبجين .. والله مومتحمل اسمعج تبجين احس هلصوت يگطع گلبي تگطيع