#قفلة علاقاتي .. #آلفهــــد
#لـ دعــــاء
جالسين نسولف بالكروب كالعاده شوي وكال ايهاب - فهد انا رايح على البيت
- سلم ع الحكومه
- ترى ذبحتنه بس اكلك رايح تجيب طاري حرمتي
- مجذب انا لو جايب شي من جيبي
- من الصبح لهسه وياك ياخي مل من جهرتي اهلي هم لهم حق علي
- اي روح۔۔ يابختك رجال متزوج ومته ماتريد يدلعونك عيل حظي مجابل اربع اطوف والخامسه انت والسادسه سلامو
- ما تزوج احد ماسكك
- هي وينها .. دلني عليها وانا مغمض امشي الها
سلام : جذاب وربي بس يحب يتشكه اكول لامي ترى ..
- ها سوداني انت شعليك .. الحين طخت بالي اتزوج
ايهاب : اي ويومين وتمل
- عاد كيفي بعد زوجتي وانا حر فيها
سلام : الحين خلها تجي ومل منها بعدين
- هي الفكره الحالها مللتني
ضحكوا بصوت عالي
- وجعه تطنزون ع زوجتي
- هي وينها
ايهاب : اصبر ..
دخل ع الگروب
- يالربع فهد قرر يتزوج في بنت حلال تقبل في
طه : واخيراا ۔۔ نشوفله بنت الحلال يأمر بس
حور جنه نسولف وبالحظه اجت رساله من ايهاب فهد قرر يتزوج ضحكت وكتبت
- الف مبروك
طه :ايهاب شرايك باناستازيا نخطبها حك فهد
ايهاب : كنت افكر بهلشي
فهد : شنو يعني خلص البس شماغي وبشتي
حور : منو خطب منو
فهد : علمي علمج توني داش كالولي خطبنلك اناستازيا
- هههه يعني تعرف تكول اسمي
- في مشروع خطبه لازم اكول اسمج عدل
- هاا هسه اختلف الامر
- ختلف جذريا
سلام : اخبر امي
فهد : زاهب حك الفضايح
كلهم ضحكوا
فهد: خطيبتي سكتت اكيد اخجلت
حور : ع شنو اخجل بس سكتت لان ماعندي شي اكوله
طه : السكوت علامة الرضا
- عدكم بس عندي شي يختلف
سلام : وشنو هو؟
حور : احتفظ بي لنفسي ..
اجيت اكول مخابيل بس سكتت ماحجيت كلتلهم
يله انا اروح هسه تصبحون ع خير
كلهم كالو اجمعين الا فهد هم طنش كلعاده اذا طلعت مايرد فد يدقني بهلتصرف يفرح اذا طلعت عبالك كاعده ع گلبه طفيت الجهاز ونمت
في بيت فهد
فهد عينه ع الجوال ويكول صدگت عمرها وربي لو يمي اصكها كف اخليها يومين تكبر
سلام : شفيك ترى نمزح
- من مته راح ايهابو
- وانت تخطب 😂😂
- گوم گوم گمم اخطب
حور : مرت ايام كلمعتاد فهد احسه تعلم ع وجودي بالكروب و اي احد يدخل جديد ويحجي وياي يكله خطيبتي بطريقه مازحه بس احسهم يصيرون اكثر رسميه وياي بالكلام اختلافا ويه البنات الي الموجودات يتشاقون ويسولفون وياهن ع بالهم صدك انا صارت عندي علاقة بي
و فهد مستمر يتعارك ويه ذبان وجهه لو لسانه طويل و شقه ثكيل مع كل الداخل والطالع
يوم من الايام دخل بس جان كلش ضايج احس حتى ماله خلك يشاقي احد يعني مو عوايده كل مره بس يريد يشاقيني ..
يسولف كان ويه الشباب ع المبارة كرة قدم ودخل ايهاب شاركهم الحديث شوي وفهد اختفه كتب ايهاب فهد موجود؟!
- اي موجود
- اشوفك سكت
- اتبابع بصمت 🙇♂️
- انت للحين ضايج
- لا ع شنو اهم شي سلامة الادهم
اسامه : شبي الادهم
- احسه تعبان
طه : شلون يعني
ايهاب : سلام كالي الفهد سوه الي براسه صح هالكلام؟
- اي
- مو كلتلك انتظر لو احساسك هو الي يامر عندك وينهي
أنت تقرأ
قفلة علاقاتي .. آلفهــــد
Fiction généraleقصه حقيقه جريئه لشاب غني مشاغب عديم المسؤلية كل همه اسعاد نفسه وامتلاك مايرغب به وعند حصوله عليه يمله ويتركه .. ولكن عندما يكون كل شي متوفر لديك وكل ماترغب به تحققه و تحصل عليه دون جهد هل تظن انك سعيد!؟ هذا ماكان يعتقده الفهد لا يعلم ان هناك اشيا...
