مشاعر مبعثره

البارت الخامس

البارت الخامس
سناء منزلت الهم اله من سمعت صوت حامد ثاني يوم جان فرحان ويسولف وشلون قتل اخته بدم بارد
والكل يتراقص على جراح خاله هيله الي كاعده بنصهم لاحول ولاقوه
صرخت طلكني
حامد ..اصعدي هسه فوك لاتجنين على روحج
سناء ...ليش ناوي تقتلني مثل سهيله يله هيه صارت شغله عاديه هاي انت المثقف اادكتور الي المفروض يعالج الناس هيج تسوي انت حيوان مستحيل تكون انسان
حامد ...جان لازم اتلافى الموقف اذا ضلت تححجي بهالطريقه دقيقه ميخليها ابوي ضربتها راشدي وكتلها
شوفي يبنت الناس انتي غريبه لتدخلين بهيج شغلات وانتي هنا خدامه الي ولااهلي واذا مصعدتي هسه حتى ابنج متشوفيه
سناء محسيت غير ضربني راشدي وحجه وياي بطريقه تخوف موهذا حامد الحبيته مستحيل .الي يقتل اخته بدم بارد موبعيده يحرمني من همام صعدت ركض للغرفه واني اكول حسبي الله ونعم الوكيل
الشيخ ..جنت ناوي اطردها من البيت طردت الجلب بس رد حامد عليها كسر عيني وكلت ابني سبع مااريد انزل كدره
وكتلهم انحروا ذبايح وفرقوهن عالوادم وسو وليمه اريد اعزم كل الشيوخ
حامد ...منظر سناء بكطع الكلب بس شسوي لازم اصبر صعدت للغرفه ولكيتها تبجي
دنكت عليها وبستها وجان تدفعني
ابعد عني خدخامد حرامات تركت اهلي لخاطرك تهددني باابني ليش مافكرت تهددني وتكولي وين تولين موتركت حتى اهلي وصرت مالي احد حضنتها وهيه تدفع بيه وهمسه بااذنها حبيبتي سهيله عايشه وبديت اسوفلها الصار وكلتلها مااريد احد يعرف وجان تحضني وضلت تبوس بيه
سناء ..صافنه على سوالف حامد عبالك اكشن كلت كل هذا يطلع منك حميد افندي اخ منك 😍
وبقينا للصبح نفكر شلون نساعدها وكالي ان انطاها تلفونه حتى نتواصل وياها وسولفلي هيه حامل بالاشهر الاولى خطيه
ضلينا كاعدين للصبح ضحك وسوالف الحمد لله الي عداها على خير مرت الايام عبالك شهور خصا عمتي شبه فاقده خطيه اوديلها الاكل واوكلها جاسم ميلفي بلبيت الانادرا ومصعب بالزرع وهمام دائما يمي حتى اقريه بنات حامد هواي يحبني خاصتا زهراء
تقريبا الاوضاع هدئت بالبيت والامور صارت طبيعيه
حامد ...بسبب الضروف العشناها كمت اروح للمستوصف قليل مااروح هواي وضليت اروح لمكان بالبستان بيه مثل المسطبات واشجار حلوه ابدي اغني وادندن بيه بـ مره من المرات سمعت صوت بنيه من وراي يكول عاش حسك صديت وجان اشوف بنيه مرتبه وصغيره
مصعب اني ابن الشيخ بس طبعي غيرهم جنت مااحب الدراسه لهالسبب تركتها عمري ٢٥وهواي يلحون ازوج بس اني رافض هالفكره لان بالي وحده بس هالوحده مستحيل ازوجها وجنت دوم ادعي تصير معجزه واكدر ازوجها ومره من المرات رحت للمكان الي يفصل بين كاعنا وكاع ابن عم ابوي الشيخ عباس وشفتها واكفه وي اخوي حامد
بالي مخليتها لان اخوي هواي يحب مرته احتمال صدفه
حامد ..منو انتي
اني بنت الشيخ عباس
حامد ..خسا ماشيخ غير ابوي
شسمج
اسمي امل
حامد ..اسمج حلو
امل ..وانت
حامد ..اسمي حامد
امل انت الدكتور حامد 
وضلينا نسولف عالكيعان وعن العداوه الي ماكو احد يعرف سببها
وضلينا فتره اني وامل نلتقي بالبستان
مصعب بديت اراقبهم يوميه وهم بالبستان ويغنيلها ويضحكون
حامد صح اني احب سناء واعشقها هم بس مااعرف المشاعر الي احسها وي امل ابقى صافن بملامحها رغم هيه مواجمل من سناء بس والله مداعرف شنو هالمشاعر
مصعب جنت دايما اجذب عيني اكول مستحيل اخوي يبدل سناء ب امل مرته حلوه ومثقفه   لحد مابيوم سمعتهم بااذني
امل... حامد احبك
حامد ...واني مااعرف شنو مشاعري بس احب اشوفج يوميه
امل هو هذا الحب حامد
حامد... حتى لو حب نسيتي الي بين اهلنا ماترهم يبنت الناس
امل ..خلينا اني قابله حتى لو بس اشوفج اني احبك وقابله بالقليل

سناء ..هالفتره مااعرف ليش احس حامد بعيد عني واني دايما اكول بسسب اخته اكيد شايل همها لحد مايوم اجاني مصعب يركض وهو يبجي
😑