مشاعر مبعثره

البارت الثاني

البارت الثاني
سهيله طبيت للمطبخ وي مرت اخوي حامد ومن سالتني ليش مكدره حضنتها وابجي اني بكلبي اعرفها هاي ورده مالت الله ومستحيل تنطي بيه بس مشكلتي بس الله يحلها
سناء ..باوعيلي سهيله اعرف انتي ممقتنعه باابن عمج وهذا حقج واني لو ماعرف اهلج جان كتلج حاربي الكون علموده بس انتم هنا اعرافكم غير شكل يعني عرسج بعد شكم يوم شتريدين يسكتون اذا كلتي مااريده حتى حامد المتعلم صح زوجي واعرفه بس راح يشيل ايده ويكلج ليش مكلتي من البدايه
سهيله ...موهنا المشكله سناء
سناء ...قاطعتها وكتلها اعرف لان متحبيه شوفي احتمال بعد الزواج راح تحبيه
الواحد بعد الزواج تتغير نضرته لشريك حياته اخذيني مثال قبل متزوج حامد جنت اشوفه مثالي وبعد متزوجته شفت بيه هواي عيوب وانتي احتمال يصير عندج العكس احتمال تحبين ابن عمج
سهيله ..شفايتلج لو بس هيج وحضنتها وابجي عبن حضنها حنين تحسيها اختج الماجابتها امج
وعدن الايام وقبل الزفه بيوم
سناء ..بليل بطني موتتني لان هاي ايام دورتي الشهريه وبطني لحد هاللحظه تموتني كلت خلي انزل اخذ مسكنات حتى اكدر انام خصا باجر عدنا عرس وهوسه
نزلت للمطبخ وسمعت صوت جاي من الغرفه الجوه الدرج من غرفه سهيله داريد ادخللها اشوف شبيها وسمعت كحه جاسم وراي
جاسم رجعت تالي الليل لان اسهر وي جماعتي  وشفت سناء واكفه جوه الدرج مثل البايكه بوكه كلت هاي شبيها كحيت حتى تنتبه
هاي شدسوين بنصاص الليالي
سناء ..وين نصاص الليالي قابل بالشوارع هنا بيتي وبعدين اجيت اريد شغله من سهيله وشفتها نايمه ودارجع
ورايحه للمطبخ تريد شي
جاسم ...تدرين لو ماحامد واكف بعيني احشه للسانج حش امشي ولي للمطبخ سويلي وياج جاي
مشيت كدامه واني ادردم اوي شلون رجال صدك تستاهل حوريه واحد مثل جدر ولكه غطاه طبعا هالحجي بكلبي
خليت القوري ع النار وبديت ادور على مسكن
جاسم ..شددورين بله
سناء ...مسكن بطني مكطعتني  من الوجع متعوده اخذهن كل شهر وانتبهت عزه شصخمت نسيت داحجي وي جاسم واخذت راحتي
جاسم ..وشبيها بطنج
سناء ...الحمد لله مفتهم صدك اثول لا اكلت دسم وبطني موتتني
جاسم ..اني افتهمت بس خطيه شفتها حومرت من الخجل كلت الوفه كتلها بدال متاخذين علاج وتدمنين عليه اشربي جاي حامض اكلي روبه
سناء شنو حضرتك دكتور
جاسم لو ضالين على الدكاتره جان متنا من زمان
حامد ..نزلت لكيت سناء وجاسم شويه ويتكافشون
شعدكم لحد هاللحضه كاعدين
جاسم ...جنت سهران وطلبت من حرمتك جاي اذا مابيها زحمه منك
حامد والله تقرا تفكيري سويهن ٣سناء
سناء ٢لان اني مااشرب جاي
مااعرف ليش تستفزني شخصيه جاسم بودي اكطعه هو ومرته الحيه بس بناته احبهن
جاسم ...شلونه ايهم
حامد ..بخير خويه
جاسم ...كون يطلع دكتور مثلك غير هيج موقبول
سناء ...انقهرت عليه وكتله ي طلع ان شاءالله ويرفع راس عمه وانت هم باجر يصير عندك ونسويه مهندس وابتسمنا وشربنا جاي ورحنا كل واحد لغرفته
حامد ...سناء شفتي جاسم شلون يحب ايهم
سناء ..يعمري هو الي عنده اخ مثلك ومثل حنانك شلون ميحبه ويحب بزره
حامد ..وانتي تحبيني شكثر
سناء ..بكثر رحمه الله
حامد ..تعالي اثبتيلي لعد واشر للجربايه
سناء ..حبيبي اليوم كضيها احضان لان استراحتي
حامد ...اهو 😭
سناء 😂😂 تستاهل
نمنا وكعدنا الصبح على عياط عمتي هيله يبووو يبووو الحكوني
جاسم ...سمعت صوت امي واني كل حيلي راح
سناء ...سمعت صوت عمتي وكعدت حامد اكعد يعمري عمتي مدري شبيها تصرخ
حامد ...حيلي كله بهت شكو سناء
سناء والله ماعرف الكل يتراكض لعمتي البيت كله انجمع يمها ونريد نفتهم شكو متكدر تحجي
الشيخ ..احجي يحرمه شكو لتخبليني وصرخ بيه
هيله ...بنتي شيخنا بنتي
هيله ..طبيت لغرفه سهيله اريد اكعدها اليوم عرسها حتى تحضر للعرس وجان ماالكاها بجربايتها لكيتها كاتبه ورقه اني مااعرف اقرا صحت لبت جاسم زهوره تكعد وياي من الصبح كتلها جده اقريها الي وعمتج وين
زهراء ..ماعرف جده
الرساله تكول ...ارجوكم سامحوني اني احب واحد وشردت وياه لاتورون عليه ماكدر ازوح على مرامكم
هيله صخام الصخمني ورحت اعيط بالبيت ولميتهم كلهم بدون وعي