قصتي بعنوان #مشاعر مبعثره #
بيت جبير مليانةغرف وناس طالعه طابه حدايق وبستاين وحشم
احنا بيت الشيخ ابو جاسم شيخ من المشايخ الي عدهم اطيان وفلوس ماتنعد ولاتحصى
اني سناء زوجه ابنهم (حامد)متزوجه صارلي ٦سنوات والله رزقني باابن واحد من حامد وبعدها مصار عندي مخليت دكتور مرحتله كلهم يكولون نفس الكلام الله مرايد ماكو عارض يمنع الحمل عبالك ربي قاسملي بس ايهم
اني احلى وحده بيت الشيخ يمكن اني مااشوف هالشي بس عمتي دايما دكول جمالج مخبل نسوان المنطقه اني شكلي نازك حيل يمكن لان دكتوره طولي مناسب وبشرتي بيضاء على شكار وعيوني ملونات ساعه خضر ساعه زرك ميركدن على لون
تعرفت على حامد واحنا بالكليه خلصنا الكليا سوى ماعرفت غيره وهوو مثلي ناكل سوى ونطلع سوى ونقره سوى لهالسبب ماشفت ولاعرفت غيره وهو كذلك قررنا نزوج لان شفنا احنا واحد مثالي للثاني اهلي عارضوا زواجنا وخيروني بينهم وبينه لان جانوا رافضين فكره ازوح بالارياف بس اني اصريت عليه وهاي جانت غلطه حياتي لان خسرت اهلي
اما اهله معارضوا هالشي لان زواجه مني راح يكبر صيتهم بعد مزوج وحده متعلمه
بس جان شرط ابوه ان مااتوضف واني هم تنازلت الغبيه وافقت لان جنت احبه لحامد وفكرت زواجي بيئه غريبه هواي عاجبتني
خلي احجيلكم عن عيالي شويه
الشيخ ..شيخ واله صيته ومهابته بس مشكلته ضالم همه نفسه وبس وشلون يكبر نفوذه
مرت الشيخ ..(هيله)هاي دره مليانه عاطفه وحب واليشوفها ماينطيها عمرها بكثر ماجميله حيل اكثر واحد شبيه الها ابنها البكر وبتها الوحيده اني جانت تحبني حيل ودافعلي خاصتا من اترزل على شغل البيت الي متت ياله تعلمت عليه
اما اولادهم هم
جاسم الجبير -زوجته حوريه بت خالته وخلفته ٣بنات وهسه زوجته حامل ودتموت على ولد
حامد الي هو زوجي وعدنا ايهم
بعده مصعب عزابي هذا شبيه حامد بالتصرفات بس ماجان اله واهس بالدراسه فتركها
وبعده همام اصغر واحدطالب متوسطه
بعد مصعب عدهم سهيله هواي حلوه وحبابه وحبيبت امها وابوها بطلوها من المدرسه من كثر ميخافون عليها وجانوا خاطبيها لاابن عمها بس هيه شكلها رافضه بس مجبوره
ام جاسم ..كعدت الصبح مثل كل يوم خليت قوري الجاي ع النار ودخلت اكعد الشيخ والويلاد للصلاه
شيخ اكعد بروح ابوك صلي لاتفوتك الصلاه
الشيخ ..صبحج الله بالخير هيله
ام جاسم .ياهلا بهالصباح ي ابن عمي وتاج الراس
الشيخ ...تحبيني هيله
ام جاسم ..يا شمالك ابن عمي جا بعد هالعمر وتسالني احبك
الشيخ ..سالتج عبن وسكتت
يله كومينا نصلي سوة
الشيخ ..كعدت حلمان بهيله تبجي وتكول مامبريتك الذمه لان بشبابي اخذتها غصب هيه صح بت عمي بس جان رايدها ابن عمي عباس واني عشكتها قبله لهالسبب اخذتها غصب يعني نهوه
ومن كعدتني من الحلم حبيت اسالها اذا تحبني لو لساعه تذكر هالسالفه استغفرالله تالي كل هالسنين اكوم اصلي
هيله ...اي ي شيخ متحملتك عمر دللتك وصنتك وخلفتلك وانت كسرتني وحرمتني من اكثر انسان حبيته بس شكول كبرنا وماضل بالعمر باقي (بكلبي)
سناء كعدنا كلنا نتريك وهالشي جان اجباري ساعه ٦الصبح عبالك جنود صالي سنين يمهم وهالروتين مداتعود عليه اوف ربي
صباح الخير شيخه هالبيت
هيله ..شلون صباح وجه يضحك هنيالك يمه حميد جا هالزين والوجه اليضحك كله الك
حامد ..جا اني شويه يمه وبست ايدها
هيله انطوني الفريخ ولكم انسى اسمه هههه حبيب جدته اني اوكله
حوريه ..اني زوجه جاسم واكبر جناين البيت وبت خالته لجاسم
خلفت ٣بنات ولسه مجبت ولد وهالشي مكدرني اريد ولد عزوه يعني بس اني خلفتي بنات وحبلت رغم معارضت جاسم الي جان رافض ماعرف ليش اريد ولد كعدت وشفت خالتي شلون مدلله ابن حامد زاد كرهي الها وحقدي عليها
عبن الحضريه تجيب حفيد للشيخ واني بنات
الشيخ ..هيله جا هو صغير وانتي توكليه اتركيه ياكل مثل الزلم عمره خمس سنوات وتردين توكليه
هيله فدوه الك شيخ خليني اشبع منه واوكله واسبحه
الشيخ ..عمي وكليه واسكتي
كعدنا عالسفره نتريك جان من قوانين البيت الكل ياكل سوه ممنوع واحد يكعد وحده حتى الي مايشتهي يكعد هالشي جان عاجبني
مصعب كالعاده اخر واحد يكعد عالاكل خطيه لان يطلع للكاع ويتعب فينام مثل القتيل
مصعب ..صباح الخير
كلنا صباح النور
الشيخ ..هامصعب شخبار البستان صارلي فتره ممتابعها
مصعب ..يابه جنك موجود واكثر
الشيخ ..كفو يالذيب واذا محتاج فلاليح بعد كول
مصعب لايابه كافين وزايد
سناء ..صدك مصعب صارلي سنين مزوجه ولامره شفت البستان حدودي كم متر وارجع اخذني فد يوم وفرفرني بيها
كلها شو كامت تباوع عليه صافنين عزه شكلت خاف كلت شي غلط
جاسم ...بدال متفرفرين شوفي بيتج وابنج ماعدنا نسوان تطلع للكاع
هيله .يمه جاسم شبيك
حوريه ..جا شبيه الخبز خو تعلمي خبزي لو عروس
الشيخ ..بسكم عاد مصعب اخذ مرت اخوك وشوفها البستان هم حقها هذا وبعدين البستان مو بس فلح بيه نسوانهم خلي تشوف بلكت تتعلم عاداتنا
سناء بكلبي ..شكو اليوم دافعلي منك من الشيطان
مشكور شيخنا والله انت ماكو منك
حامد تعجبت من رد ابوي اني مشكلتي مااحب المشاكل وخصا وي اهلي وسناء الله يسلمها متسكت لهالسبب مااجاوب عنها حتى متطول السالفه
سناء كلها تضحك وتسال الا سهيله مكدره طلب منها الشيخ تصب الجاي لان خلص وجان ينجفي على جاسم
جاسم ..اخ شمالج ثول
سهيله ..اسفه خويه والله منتبهت
شيخ ..شبيج بويه ثوليتي حتى جاي مااريده منج كومي حوريه
حوريه تامر شيخنا
جاسم ..سهيله بيج شي شو تختضين مثل السعفه
سناء ...خويه ابو زهراء خاف مريضه خلي اشوفها تعالي وياي للمطبخ
هيله ..اي يمه روحي وياها هم تغسل
حامد ..سهيله اذا تعبانه تعالي للمستوصف خلي يجيبج مصعب
سهيله ..هزيت راسي مابيه شي
بالمطبخ
سناء .سهيله شبيج وضعج موتمام
سهيله ...مابيه شي سناء بس تعبانه
سناء ..مريضه
سهيله ..لا نفسيتي تعبانه
سناء ...بعد كم يوم عرسج وتتعبين
مااشوف غير شبكتني وشبعت بجي
سناء ...شبيج حبيبتي اسم الله شبيج
أنت تقرأ
مشاعر مبعثره
Romantizmقصه تتكلم عن جبروت عائله تقتل كل المشاعر الجميله في القلوب وتتكلم عن تقبل القدر كما هو وان ماكتبه الله لنا هو الافظل
