البارت السابع
حامد لازم الكالي حل مانايم الليل كله صراع بداخلي اني احب سناء وكتلت نفسي عليها ليش عندي مشاعر تجاه امل
شلون الكلب يحب اثنين
صراع بمشاعري خلاني الليل ماانامه حتى لشغلي مااروح اروح اكعد يمها واغنيلها واسولف وياها
ثاني يوم كلت خلي اطلع للمستوصف صارلي هواي مرايح ماعرف شلون ودتني رجليه لمكانا رحت وكعدت اتسامر وياها
سمعت صوت خفيف كلت هاي خاف واحد من اهلها خفت عليها ومااشوف غير سناء كبالي
سناء شفت حامد وي غيري ويتغزل بيها ويكوللها امل انتي امل حياتي لو اني عقل ماضل براسي صرت كباله وهو نصدم ضل بس صافن عليها محسيت غير اركض بدون وعي بالبساتين واني اصيح
حامد ضليت واكف لااكدر اتحرك ولااكدر اركض ومن وعيت على روحي كمت اركض وراها
امل ..شفت حامد شلون مصدوم معقوله هالكد يحبها ويخاف تعرف عافني وراح يركض وراها
سناء ...اني اركض هايمه بالبساتين ماعرف منين اطب منين اطلع كل الي اريده مااريد اشوف شكله
اركض واني متهستره وجان انصدم بواحد طويل وضخم حتى منتبهت منه دفعته ونهزمت وهو يركض وراي ويصيح اوكفي يالثوله شكو ردت اوكع بالنهر جرني وبعدها شمرني بالكاع
حامد ركضت وراها ملحكت وصلت للبيت وهيه ماكو متت من القلق وين راحت ياربي
جاسم ..جنت اتمشى بالبستان ومشفت غير مرت حامد تركض مثل المخبله هاي شبيها خاف واحد متعرضلها وشجابها هنا هاي هذا مودرب البيت وجان تنصدم بيه وتنهزم بدون متباوعلي رادت توكع بالنهر وجريتها ومن حسيت لازم ايدها هديتها وكعت بالكاع اريد افتهم منها شي بس تبجي بمعوده وكعتي كلبي شصار احد ماذيج احجي يبنت الناس
محسيت غير بديت اصرخ واكول ليش حامد بشنو اذيتك هاي تالي صبري بشنو قصرت تخوني
جاسم ..شسوه حامد احجي وصلج لهالحاله كولي واني اكسرلج راسه
من كثر ماانقهرت على حالتها اول مره احاجيها هيج
سناء ...شفت جاسم اخوك شسوه بيه دمرني خاني وسولفتله عالي شفته
كولي جاسم شناقصني بشنو هي احسن مني موعفت اهلي علموده
جاسم ...خلصتي تعالي غسلي وجهج واكعدي اسولف وياج لان نسيتي حتى تصيحيلي ابو زهراء واول مره تكولين جاسم
سناء ..بكلبي ..شكد عيب هاي اول مره ارفع التكلغه كدامه اسفه والله موقصدي
جاسم عمي داشاقه اكعدي واسمعيني هسه اذا راد حامد يزوج عليج احد يحكه
سناء ..اني احكه اموته خلاص والله
جاسم ..ولج هذا حكه الشرع حلله اربعه هسه اني لواريد ازوج حوريه متكدر تفك حلكها
سناء ...انت غير
جاسم شنو قابل حامد احسن مني
سناء العفو بس انت وحوريه متزوجتوا عن حب اني اموت اذا شاركتني بيه وحده
جاسم ..البالج ميصير هاي بت عباس وانتي تعرفين عداوته وي ابوي يعني نزوه
سناء ...نزوه مونزوه اني بعد مااريده بس انت شلون عرفتها
جاسم ..اني ميفوتني شي خلي عقلج براسج يبنت الناس وارجعي ولتسولفين لااحد لتفتحين عليه باب جهنم
سناء ...ليش افتح عليه اني لو هو الفتح
جاسم هو غبي صيري انتي ذكيه اذا عرف ابوي يكتله وتيتمين ابنج
سناء اسم الله
رجعنا للببت واني بداخلي مااريد اشوف حتى شكل حامد كارهته ماعرف زعلانه عليه المهم مااريد اشوفه
صعدت لغرفتي لكيته بالغرفه تلكاني حبيبتي خليني افهمج
سناء ...ماريد اعرف غير شغله وحده
حامد ..وهيه
سناء ...انت هم بيوم حبيتني
حامد ...شنو هالسؤال انتي غير نضر عيني
سناء ابو ايهم تضحك عليه لو على روحك اليحب مره وحده بس وممنوع تحاجيني لااسولف للشيخ كل الصار لان اعرف هاي منو وبت منو
استمر الوضع شهر كامل بهالاثناء جنت اتواصل وي سهيله واطمان عليها من تلفون حامد العدها والعرفته حامد يدزلها فلوس بااستمرار اما حامد فرغم محاولاته وحلفانه باان هو قطع علاقته باامل بس اني مااكدر اسامحه
وبيوم نايمين سمعنا صوت حوريه تصرخ ودتطلك البيت كله نخبص حتى عمتي الي جانت منطويه لحزنها طلعت وكعدت يم راسها وتقرا ايات اني اخذت بناتهم بغرفتي لينصدفن وحامد وجاسم راحو يجيبون الجده
اجت الجده وخطيت تعبت بولادتها واخيرا جابت ونملى البيت بصراخ الطفل بس شنو جنس الطفل ياترى ...يتبع
أنت تقرأ
مشاعر مبعثره
Любовные романыقصه تتكلم عن جبروت عائله تقتل كل المشاعر الجميله في القلوب وتتكلم عن تقبل القدر كما هو وان ماكتبه الله لنا هو الافظل
