البارت الثالث
عمه ياساتر شبيج فدوه لتموتين كوليلي شبيج
شيخ ...احجي اريد افتهم
ام جاسم ...شيج بنتك شردت
الكل بحاله ذهول وصدمه مستحيل سهيله تسوي هيج هاي مثل النسمه وخصوصا هيه هواي جبانه
سناء ..بداخلي استحضرت موقف البارحه والصوت الي سمعته بغرفتها ياربي لو لاحكتها جان كدرت انصحها واخليها متنفذ قرارها
حامد ...ليش هيج سهيله سويتي جنيتي على روحج هسه راح يكون مصيرج مصير اي وحده تنهزم بهالبيئه مصيرها القتل
جاسم ...ابوي اكيد راح يقتلها زين شراح نكول للزلم اليوم عرسها
سهيله فاهيه شلون انهزمت وحدها ؟
سناء ..عمه استهدي بالرحمن اكيد اكو غلط بالموضوع
زهراء ..عمه سناء ماما تركت هالرساله
جاسم بداخلي افور كلت اكيد سناء ساعدتها لان استحضرت شغله الليل
وجان اصيح اكول سناء هسه عرفت شجنتي تصخمين بليل جوه الدرج ماكو غيرج ساعدتيها عبن اختي فاهيه ومدبرها
سناء ..اكلك ابو زهراء مدكلي شسالفتكم كلشي وصحتوا سناء بدال مكاعد تتهمني حير بااختك شصار بيها وين هسه عدله ميته
جاسم ..اسكتي لااكص لسانج عساها ميته ونفتك منها
حامد ...تهدوا بالرحمن خلي نحل هالسالفه وبعدين تكاتلوا
سناء ...همزين من حجيت بعد وكت وعفتهم وصعدت
الشيخ جاسم الحكني للديوان انت وحامد
جاسم وحامد واحد يباوع عالثاني حاضر شيخ
في الديوان
الشيج جويسم وحميد تغطون وتطلعون وتجيبولي اختكم
حامد ...يابه شناوي تسوي
جاسم بويه تره البنيه عقلها صغير خاف واحد ضاحك عليها عسى ان شاءالله نلكاها اليوم ونكتم عالخبر
الشيخ ..الضحك عليها ينكتل والبنت تجيبوها اني اكتلها
جاسم ...شيخ بس
الشيخ ..بس شنو يجويسم
جاسم ..التريده يجرالك
سناء بقيت بالغرفه اكل بروحي ليش هيج سهيله ليش دمرتي حالج هسه اقل شي يسوه يقتلوج امشي وافتر بالغرفه واحجي وي روحي
وطب حامد
سناء ..ها حامد شصار
حامد الشيخ يريد نقتلها
سناء ..صخام الصخمج سناء ولكم هاي اختكم صدك جذب
حامد ..اسكتي وليرحم والديج
سناء ..اكلك حامد انت ليش ماعندك رأي يم اهلك حتى شخصيتك ضعيفه كدام اخوك هاني كدامك محجيت
حامد ..شتقصدين اني ماعندي شخصيه
سناء ..انت لو ماعندك شخصيه لااحبك ولاازوجك بس حبيبي انت كدام ابوك واخوك تضعف
وبعدين كول لا شنو تقتلوها هاي اختك
حامد ...يعمري افهميني اني هسه بحاله مداكدر افكر ساعديني وليرحم والديج حتى الكالي حل بدون ماتاذى اختي
بهالاثناء طبت زهراء
عمه عمو ماما تكول تعالوا تغدوا
سناء ...استلم هسه هاي شتكوللها منو اله نفس ياكل
حامد ..امشينا حبي لاتصير سالفه
كعدنا عالسفره ومحد ياكل بس الوجوه مصوفره واكثرهم عمتي سوده عليه
حاله صمت موطبيعيه كسرتها اخيرا عمتي
ام جاسم شيخ اريد بنتي فدوه بغلاتي عندك ماعندي غيرها سامحها
الشيخ ..يابت هيله انسي من اليوم عندج بت وكامت تبجي
سناء العصر اجوي عمام حامد وصارت هوسه وعمي الشيخ كاللهم احنا نغسل عارنا بيدنا مااريد احد يدخل واني الوج ربي استهر هالبنيه
مرت يومين واحنا بحاله صمت موطبيعيه بس الولد مخبوصين حتى حامد عاف المستوصف مدايداوم خطيه حاير بمصير اخته وجاسم ابد مالافي ب البيت بس يدور وهمام خطيه دائما اشوفه بغرفته يبجي
من كثر مااختنكت كلت خلي اطلع للحديقه اذا ابقى بهالاحواء اطك واموت
طلعت ومحسيت غير صوت من وره الاشجار مممكن دقيقه اختي
كتله اي تفظل
ست سناء اني البستاني
سناء اهلا وسهلا بيك عمي تفضل
البستاني ..ست انتي انسانه دكتوره ومتعلمه وادري بيج بت اوادم وعندي طلب يمج
سناء ..كول عمي تامر حاجتك مقضيه اذا اكدر عليها
البستاني .والله ماعرف شكول مستحي وراسي مااكدر ارفعه .ست البنات سهيله الي نهزمت وياه ابني وغلط والله واني اعرف مكانهم واريد ارجعه يتعذر ويبوس رجليكم ماعندي غيره واني اجبره يطلكها
سناء ..عزه العزاني شوف عمي انت الاحسن تحجي وي الشيخ وتفهمه اني بشنو اكدر افيدك قابل حالي حالك لاحول ولاقوه
البستاني ..عمي والله اني هم ماعرف اتصرف انتي كوليلي اروح للشيخ واطيح على رجليه يقبل لو لا
سناء .والله مااضمنلك عمي اني من طبيت بهالبيت مشفت غير الظلم والحقد
ورجعت للبيت واني مقهوره على وضع اابستاني خطيه شلون حاله هسه
كاعدين بالهول وجان يدك التلفون على جاسم
جاسم ..صدك يخوي اوكف لتسوي شي الا اجي
جاسم ...دك عليه ابن عمي الجان لازم ياخذ اختي وكال لكينه الولد وكتلناه وبقت اختك منتصرف الا انت تجي
يابه لكيناها والولد خلصوا عليه بقت البنت شتامر اجيبها
الشيخ ...اكتلها بمكانها واخذ حامد وياك
جاسم ...تامر شيخ
سناء ..عمتي دكت ولطمت وتوسلت مافاد واني ميته قهر وادعي واردد ايات قرانيه واستجير بااهل البيت ينجدوها خطيه
ام جاسم ...سوده بوجهي يمه شسويتي بحالج اوف يمه كسرتي ضهري
حامد ..رحنا اني وجاسم للبيت المنشود وقبل منطلع امي تبوس برجلينا منسويلها شي بس حكم القوي
جاسم ..وصلنا للبيت واني ارتعش هاي اختي بنتي شلون اصخي بيها مستحيل
ربي شسوي هسه لو وحدي جان شردتها طبينا وشفتها شلون مكسوره وشابعها ابن عمي كتل
وجان رافع سلاحه وكال شتامر ابن عمي
رفعت سلاحي بوجها وهيه بس تشاهد حتى مرفعت عينها بوجهنا
وجان يصيح حامد اني اغسل عاري بس اريد اختي لوحدنا عبن اريد اعرف منو طلعها من البيت
وجان اغمز لجاسم
جاسم باوعلي والدمعه بعينه حكك يخوي امشينا يبن عمي
وضلينا واكفين بالباب واني ادعي من الله حامد يشوفله صرفه وميكتلها وماكو دقايق ونسمع صوت طلقه
وصوته لساعه يطرش اذني وجان يطب ابن عمي اني جمدت بممكاني وحان يطلع هو وحامد ويكول ابن عمي مبروك ابو زهراء اخوك غسل عاره وحضني ....
أنت تقرأ
مشاعر مبعثره
Storie d'amoreقصه تتكلم عن جبروت عائله تقتل كل المشاعر الجميله في القلوب وتتكلم عن تقبل القدر كما هو وان ماكتبه الله لنا هو الافظل
