اقليم قلبي

البارت العاشر

مساء الخير أحبتي.. بارت جديد..

حابة كُلش اعرف تواريخ ميلادكم كتبولي حته اعايدكم واحبكم 💙 استمتعو

...
ويحدث أن يأتيك لُطف الله، على هيئة روحٌ نديّة، يسوقها إليك حُبًا، تأتيك لحظة انطفائك، وأنت مُعدَم، تبصِركَ بالجمال الذي لا تراه أنت في نفسك، تحيطك وتُؤنسكَ، لا تهاب ظلمتك، تؤمن بكَ ولا تصدق كُفرانك نفسك، تجتاز معك الصعاب وهي ضاحكة، فيهون معها مشقة الطريق، لا تملّ غضبك، ولا تيأس من سقوطك، تهديك النور، وتُحيي أُنسك، تُحيطك دفئًا، وتلازمُك الدرب، روحٌ كلّما نظرت فيها تجد جمالًا متجددًا وحُسنًا ونورًا..💙

.....
عادل.. احجي عدل اسيل شنو متعرفيني..
اسيل.. شوف عادل مو معناها صار موقف او موقفين وياك صار لازم احجي وياك ونكون علاقة ولا لانو صرت صديقة بنت اختك لازم اصير من اقاربكم وطبة وطلعة وميانه وصرف انتت فاهم كلشي خطا.. ماعندي هاي الميانه والسوالف..

عادل.. اعرف التفكرين بي كلش زين.. بس من اتصلت عليج ما اعرف بشنو فكرت.. تصرفي جداً طايش واعتذر ومراح يتكرر..

اسيل.. عادل.. شنو تاخذ رقمي من بت اختك ترا تصرف زعاطيط هذا..
عادل..احجي عدل شنو زعاطيط.. اعترفت تصرف طايش لاتكبرين السالفة الفضول اخذني الج ترا اني جبير ع هاي التصرفات..

اسيل.. مادام تعرف بروحك جبير ع هاي التصرفاات ليش تسويها ها؟

عادل.. كلتلج بساع فضول وطيش اخذت الرقم بساع وخابرتج لا تطولين السالفة.. وبعذ ما اخابر بس كلش ردت اصير صديقج

اسيل.. تمام هلمرة سامحتك ع هكا التصرف بس مراح اكلك امسح رقمي شوكت ماتحتاجني خابرني بحدود رجاءاً..

عادل.. تمام شكراً الج..
اسيل.. الشكر لله.. باي
عادل.. باي..

.‏- إن الله تعالى إذا أحب عبدًا تفقّدهُ كما يتفقد الصّديق صديقه ، اللّهم حُبّك..💙

...
اميرة..ما اروح وياك..
ايسر.. اكو سبب؟ اعتقد طريقج طريقي..

اميرة.. دمعت عيني ماريد اروح وياك وخلص..
ايسر.. بيج شي بوية شكو.. ماجاوبتني وكام راح لعمتة ام اميرة..

ايسر.. عمتي اميرة شبيها شنو السبب الي ميخليها تروح وياية..
ام اميرة.. يمة اميرة تخاف من العسكرية والشرطة.. لان اميرة جانت مخطوبة لواحد ظابط وجان يمنا ووصلها للكلية والعصر جابُ خبر وفاته.. لهذا السبب متقبل تصعد وياك ولا تتواصل وي أحد.. تروح بخطها وترجع بخطها.. اميرة مكسورة صح ما جانت تحبة بس اول ما بدت تتعلق بي وأمنت بي الله اخذ امانته..

ايسر.. خوش عمة يلا انا اروح..

ايسر.. بعد السمعتة كفيل بأن يخليني متمسك باميرة.. بس هي مو بسهولة راح تتعلق بية وتثق.. لازم اخليها تعرف انُ كل واحد ويومة ولازم تؤمن بالله.. ولا شغل ولا شي يوكف بوجهه الموت.. ومايعرف للاصغير ولا جبير..