اقليم قلبي

البارت التاسع عشر

مساااء الخير 😍..
شكراً ع دعواتكم وامي الحمدلله بافضل حال صارت احبكم هواي❤️

حبايب حابة انوهه ع شغلة التفاعل ليش ديقل؟ رجاءا نشاطكم جددو الي حته ازيد البارتات وما اقصر الصراحة ميرضيني هذا التفاعل ان شاء الله من بعد هذا كلامي اريدكم تقون التفاعل واحبكم هواي👋🏻❤️..

...

قصي.. شحجي ياعيوني غير اكلة اني طالب بنت اختك ع سنه الله ورسولة.. واذا كال ليش اكله احبها..
هيلين.. خايفة ميقبل وتخرب علاقتكم بسببي..
قصي..ااش اششش لا وانتي اذا اجة فاتحج بالسالفة ارفضي ولاتقبلين وانا من اريد اسمع رفضج او موافقتج وافقي وكتها..
هيلين.. راح يكول ليش رفضتي وليش وافقتي..
قصي.. كليلة ماكدرت ارفض وهاهي غيرت رأي قبلت بي...
هيلين.. تمام الله كريم
قصي.. باعي هيونه
هيلين.. ها
قصي.. اكو مكان نروحلة انا وخالج من انا ضايج لو خالك ضايج هناك نفضفض لبعض ونرتاح ونرد للبيت انا هناك راح اكله واخلي يفكر واعوفة وارجع..
هيلين.. هاهي تمام التشوفة سوي اخ..
قصي.. شبيج شبيج..
هيلين.. مادري شو من حجيت نغزني كلبي
قصي.. ههههه هاي شكو لمهم انا راح احجي ويا باجر الصبح اخذة واطلع
هيلين.. تمام اني نعست حنام
قصي.. ماشي تصبحين ع خير هيونتي.. وانا حنام همات
هيلين. وانت الخير باي..
قصي.. مع السلامة..
هيلين.. سديته اني كلت لماما قريبا بس شدعوةة باجر وخاف خالو يحجي وي مااما..

..قصي.. راحت هيلين دكيت ع عادل.. الوو عادل..
عادل.. كول خير ياطير..
قصي.. باجر نروح لمكانة..
عادل. ليش شكو
قصي.. عندي هواي سؤالف وياك
عادل.. خوش بيش ساعة..
قصي ب٩ ورة ما يخف الازدحام تدري دوام وهوسة تصير كلش
عادل.. خوش انتضرك تمر..
قصي.. ولي يلا لك حروح انام
عادل.. اني هم حنام
قصي.. مع السلامة
عادل..باي
...

ايسر..من طلعني عمي وانا جنت توني نازل من واجبي وذبيت تعبي كله من شفت اميرة كلبي اي اميرة كلبي لان حبيتها وماجانت نيتي وياها غلط مثل ما اذوها بهذا السبب اذوها لان كل ظنهم نيتي سوء وياها والله العظيم ما جنت ناوي اضرها جنت ناوي اظمها بضلوعي لان هي حگي وملكي.. وردت اكمل وياها ديني.. هسة عمي مايرضة ع خطوبة ولا قصي موجود يحل السالفة يعني عمي ما ناوي ينسة ومرت عمي بكل موقف وباصغر تفصيلة تصير تذكرة بالصار !!
ما ناوي ينسة اخته.. ولا اخو.. مو ذنبنا انا واميرة لا أنا عمي منير ولا أميرة عمتها أسيا..

طلعت افتريت بغداد كلها اريد مكان اريد اي شي اسوي يطفي النار الموجرة بكلبي وين اروحن.. ماريد اغلط والكه نفسي ب باب الحرام.. وبهكا الليل وين اروحن.. احسن حل اروحن للامام الكاظم عليه السلام افك صدري يمة دخيل اسمك وجاهك يم الله جبير يسر الي بصدري بجاه ميسر الامور.. صعدت سيارتي.. رن تليفوني اختي زينب..
ايسر.. الو اخيتي..
ام قصي.. انه يابعد امك يمة بيك شي..
ايسر.. احس من مالتلي بيك شي دموعي رادت تنزل بس بيوم من الايام قصي حذرني من هلشي.. لا يايمة بس ضايكة الدنيا بية شوية
.
ام قصي.. حسني كلبي يايمة شجاك يمة روح بوجهك للامام الكاظم اقرب الك ويايمة لاتضلن بغداد تعالن ليجاي ليمي انا بالي وعگلي كله يمك..
ايسر.. اااه يايمة تمنيت بساعة الطحت من جواي كببل اجي لحضنج.. يايمة صارت سالفة جبيرة كلش وي عمي
ام قصي.. لا يايمة لاتكول غلطت غلطة عمك الزغير (الصغير) ..
ايسر.. لا يمة شنهي وين عايشين.. انا مو مثلة وانا مو مثل أي احد.. بس سالفتي تختلف ومن ارد للديرة اسولفلج وهسة يالغالية انتبهي ع صحتج انا رايح ازور..
ام قصي.. يايمة مودع بالله الله يحفظك من كل شر وولد سوء حوطك الرحممن بالخير الله وياك يمة ميسر
ايسر.. بعد كلبي تاج راسي يمة شما اكولن ما اوفي حگج علي مع السلامة..
ام قصي.. يمة ردلي سالم وين ماجنت.. مع السلامة..
ايسر..سديته من امي وروحي وحبيبتي ما اعرف يمكن الام دوة لكل مجروح والي فاگد امة الله يعينه بس والله يرحم جميع الامهات بس الي عنده ام اتمنه يحس بنعمتها ويعرف معنى الام شنو مهما كانت زينه لو شينه حشة طبعا بس حسو بامهاتكم ولاتاذوهم بكلمة صغيرة هاي ام مثل ما انتو بنات أو ولد هي بشر تنجرح بس تكابر لخاطر ولدها وبزرها.. اتجهت للامام.. اول ما فتت ورة التفتيش.. التفت يمنة ع يسرة وبعدين وجهت نضري مباشر ع طريقي.. ازدحام حيل بس مجرد ما انت تدخل وصدرك ضايك.. راح تفك اباوع ع نسوان الي صايرات كتل ع مي الي تشرف امها والي تشرب والي تشرب طفلها الله يحفظهن ويستر عليهن كلهن بلحضة تذكرت اميرة.. يجي يوم وتشربين ابنج..
من ذاك المكان.. الا البسج مثل هاي البنية شال بيجي وعباية سودة وجنطة سودة.. استغفر الله ياربي بس وعد الا البسها كافي عاد استغفر الله غضيت بصري مشيت.. اشوف الزلم تبوس بالباب دخيلك يالكاظم لايأذون حبيبتي..
واجعلة ام بيتي..
..