اقليم قلبي

البارت الثاني عشر

السلام عليكم حبايب 😍💜
.. آحم باجر ماكو بارت لا باجر ثلاثاء وأستراحتي وذيج الثلاثاء جانت الكم لان اول ثلاثاء بقصتي بس منا ورايح كل ثلاثاء عطلتي ،
..

السؤال / موقف محرج ومضحك مر بيكم؟؟؟
آني هواي هواي ع يوم الاربعاء أسولفة الكم.. ماعندي وقت هسة واللهي عندي دراسة كلش هواي

...
الحياة أجهضتنا منذ أن كنا أجنه
حتى تراكمت أشلائنا وقذفت في قمامة الحزن .
هيلين..وكعت عيني ع محل اكسسوارات وساعات رجالي وبناتي.. عففتتم وأشرت لخالو انو حدخل لهذا المحل.. وياية سند.. فتت وشفت ساعات ومناظر وسبح كل الاشكال واشكالهم تطير العقل من الجمال وشكدد راقيات.. ضليت اباوع واعامل ع اسعار ....
شفت الاريدة ووالي قريب من شخصيةة. قصي شايفين من تشوفون شي غراض اي شي كبل يخطر بالكم شخص وتحسو انو هذا صدك علي..
لمهم اخذت الساعة الي دخلت قلبي وتخيلت شكلها ع ايد قصي والدمارات مالتة البارزة..
وسند صدفة دافتر ويا بالمحل.. مد ايدة ع سبحة وجرها..
كمت اخذتها الة وضميتها كلت من يكبر انطي الة..
هيلين.. طلعت الهم.. شفت موقف كلش بشع.. أب يجر بأيد بنتة قوي وهي دموعها ع خدها يمكن هسة حتكولون هذا شي عادي وطبيعي.. بس اني من ناحية الاب كلش حساسة وأي شي يأذيني وهذا الدليل لليوم اذكرة وسولفتة بقصتي..
نرجس.. ها هيونة هلو هلو شو صافنه تعاي ماماتي شوفي هاي الحجابات..
سبا.. لج من جمالهم اريد اتتحجبببب..
هيلين.. تحجبي بلكي اقتنع وياج..
زهراء.. شتكولين سبا نتحجب تلاثتنا..
هيلين..يبنات بالبداية خلي نشوفهن ع شكلنا وناخذ الوان مناسبة وناخذ بيهن صور ونقرر..

سبا.. صحيح كلامج لعد يلا خلي نفوتلة..
زهراء..االلله لج باعيييي..
هيلين.. اي اي حلوات يلا فوتن عاد..
زهراء.. اخذت شال وردي ورحت ع مراية داشوفة ع وجهي.. اجة ابو المحل..
ادم.. كلش حلو عليج..
زهراء.. شكرآ..
ادم.. تحبين اراويج موديلات جديدة وممعروضة..
زهراء.. اي راويني..
ادم.. تعالي..
زهراء.. رحت ورا طلعلي موديلات فضيعة تجنن.. بس اذا ممكن اصيح خواتي يجون يشوفون وياية هم.. هيليننن سباا تعالو هنا..

ادم.. براحتكم.. اني واكف بصفكم..
ادم.. التفت ولمحت امي فاتت للمحل..
ام ادم.. ادومي.. ماما هاي جبتلك الغدة..
ادم.. ليش تعبتي نفسج حبيبتي جان اني اشتريت منا..
ام ادم..ماماتي هذا كلة ميسند كلبك.. اعرف بيك تحب اكلي ولوما الشغل جان اجيت للبيت وشفتك اول واحد مزروع براس السفرة
ادم... هههههه حبيبتي.. يمة دشوفين ذيج..

ام ادم.. ياهي هن يتشابهن..
ادم.. الطويلة..
ام ادم.. عين الله عليها جمال وحسن.. بس ليش دتلف الشال هنا..
ادم..لا يمة بس يمكن ناوية تتحجب..
ام آدم.. فدوة للعقل شوفها شكدوتها وناوية تتحجب واختك ام راس الياب تطلع بكدها وماتتحجب..

ادم.. يمه عوفيها من شموسة اريد هاي يمة شوفي جمالها..
ام آدم.. اوكف وليدي..
ادم.. اباوع امي اختفت التفت شفتها واكفة وي امهم والبنية..
ام آدم.. السلام عليكم حبايب..
نرجس.. وعليكم السلام حبيبتي..
ام آدم.. اني ام الولد ابو المحل..
هيلين.. هلا خاله تشرفنا..
ام آدم.. جريت البنية الكال عليها ادم وكلتلها تعاي شوفي هاي الموديلات تلوك لوجهج.. يبنات اني حراوي هاي البنية الحلوة موديلات وانتن هسة اجيجن..
هيلين.. غمزت لزهراء انتي شسالفة اليوم كلساع احد يراويج
زهراء... هههه شعلية رحت وي المرة..
ام آدم.. اي حبيبتي اناي مخطوبة مرتبطة متزوجة لو شنو..
زهراء.. لا خالة اني طالبة..
آم آدم.. وشنو ناوية تتحجبين..
زهراء.. اي خالتو وي خواتي..
ام آدم.. فدوة لالله حيزيدج جمال..
زهراء.. خالة هذا ابنج..
ام آدم.. اي هذا الحلو ولييدي.. يمة انتي شسمج..
زهراء.. خالة اسمي زهراء..
ام آدم.. خالة عاشت الاسامي فدوة لالله..
زهراء.. خالة شكد بيكم شبه من صديقتي عبالك امهه دتحجي وياية..
ام آدم.. عندي بنية بعمرج.. انتي ياصف..
زهراء.. رابع علمي.. شنو اسم بنتج..
أم آدم.. يا حبيبتي بنتي هم انتي بذيج المدرسة..
زهراء.. اي هناك.. شسمها شمس؟
ام آدم.. اي يمة اني ام شمس..
زهراء.. حبيبتي خالة كومة تسولفلي عليج شموسة هي صديقتي كلش..
ام آدم.. صدك يافدوة مامسولفتلي عدها صديقة بهل جمال..
زهراء.. كلتلها بكلبي ولا سولفتلي عدها اخو بهل جمال هاي بنتج ناقصة اني اعلمها.. تسلمين خالة انتي الاحلى..
ام آدم.. يمة عجبتيني وتربعتي بكلبي.. ان شاء الله اصادق امج ونصير حبايب..
زهراء.. ان شاء الله نتشرف بيكم خالتي..
ام آدم.. حبيبة يلا تعاي اراويج... آدم آدم يمة دير بالك ع زهورة هاي اخت صديقتك.. طلعلها من الضامهم لشمس..
زهراء.. ليش شمس راح تتحجب...
آدم.. علوا تقنعيها بس لا بعدهي بس اني من كل بضاعة اضملها..
زهراء.. فدوة.. هيلين.. تعاي شوفي هذا اللون التحبي.. اخذي اذا تردين..
آدم.. قبل لاتجي اختها همستلها.. ان شاء الله تسوين فولو لحسابنا ع انستا .. ومكتوب ع علاكة..
زهراء.. تدللون بضاعتكم تجنن..
هيلين.. اخذنا الشالات وزهراء من صاحتني شفت الشال الي اريدة واريدة من قصي.. وسمعت همس ابو المحل لاختي طبعا..

هيلين.. كرصت زهراء.. كتل روحة عليج.. دباعي باعي.. هيلين عفتها ورحت بعيد لان سمعت فوني رن.. والكاها اسيل... هلوو اسولة..
اسيل.. هلو حبي ماصحتلي الفرصة اتصل بعد ماخذت الرقم..
هيلين.. لاكلبي عادي شلونج..
اسيل.. الحمدلله حبي شنو هلاصوات اليمكم..
هيلين.. والله اني بالسوك...
اسيل.. ياسوك اجيج؟
هيلين.. اي تعاي نتونس.. كلت بكلبي ااي وخالو عادل يكسبلة شوفة.
اسيل.. تمام جاية.. ومحتاجة غراض هم..
هيلين... يلا انتضرج مو تتاخرين..
اسيل.. تمام باي..
هيلين.. باي..عفتهم بالمحل وطلعت لخالو عادل وهمستلة..
عدولي.. تدري الحب جاية الي..
عادل.. منو اسيل..
هيلين.. اي خالووو اسيل..
عادل.. هههههه فدوة.. الله..
هيلين.. حفوت للمحل وصفتلها المكان.. من تجي كلي..
عادل.. دمشي لج اني فايت لذاك المحل مال عطور حروح احط عطر واشريلها عطر هم..
هيلين.. واحد الي وياك..
عادل.. ياهو نفسة؟
هيلين.. اي خالو مو تعرفة..
عادل..تمام باي..
هيلين.. بايات ياحلو.. مشيت رحت لماما جانت حايرة بسند..
نرجس..ها شجنتو تحجون..
هيلين.. هيج سوالف عادية..
نرجس.. اممممممم دهاج سند لزمي.. خلي اشوف وتالي وي خواتج لزكن جوة..

سبأ.. من جنت اتمشى بالمحل واشوف الشاللات.. اني فوني مكنك ع امي لان امي مسوية ع رصيد.. اجتني رسالة من التلكرام.. من حسن.. كاتب..
حسن.. اشو اليوم حبيبتي مختفية..
رديتلة.. سبا.. لا حبيبي بس بالسوك..
حسن.. تمام كلبي اخذي راحتج من ترجعين دزيلي..
سبا.. حسون قررت اتحجب..
حسن..صدك والله فدوة اروحلج ان شاء الله للابد..
سبا.. فدوة لكلبك اي طبعا للابد حبيبي..
حسن.. يلا روحي وذبي الفون من ايدج..
سبا.. تمام باي..
سبا.. باي..
..
آدم.. هي لسة بالمحل واني صافن عليها ماكمت انتبه ع شغل ولا ع الزبائن.. كلة علييها.. شفت امها جاية..
نرجس.. ها زهورة يلا كافي بعد باجر اجيبج واخذي اكثر.. خلي نكمل باقي الغراض لعد الملابس انوب تلاثتجن قررتن سوة..
آدم.. تشرفونا بكل وقت خالة..
نرجس .. تسلم وليدي وسلم ع امك.. وشموسة..
آدم.. يوصل نورتو المحل والله دائما تعالو المحل محلكم وزهراء صديقو شمس وتدللون..
نرجس.. ميدلل عليكم ظالم ان شاء الله دائما نجي..
آدم.. كل الهلا..
نرجس.. نترخص..
زهراء.. يللا ماما..
آدم.. بهمس موتنسين الفولو.. حنزل بضاعة جديدة
. زهراء.. ان شاء الله.. وطلعت..
هيلين.. رحنه وضلينا نتختار بالملابس..

...
..
.
ايسر.. كعدت الصبح من وكت لان دوامي هيج وكتة وصاى العصر واني مامتصل عليها..

اميرة.. كعدت الصبح.. وبدلت وحطيت ميكب ورحت للدوام وتريكت بالدوام.. وسارة راحت لمدرستتها.. وابد ماتصل علية ولا اني لان جان يومي مليان محاضرات ومفرغت.. ومن رجعت كبل نمت

ايسر.. اتصلت عليها ساعة ٥ العصر.. الوو
اميرة.. امم الو منو..
ايسر.. شنو منو اسمي مو مكتوب.
اميرة.. نايمة انتي ايسر نعسانه حباب..
ايسر.. هاي انتي صوتج من صاحية يتموع من وحدة اذا نايمة شلون..
اميرة.. ها

....
...
...
...
استمتعو في قراءة البارت ايلافيو سو ماج كلكم هههه كلكم لو بهارات..
غلسو ع سحك نتلقي الاربعاء.. والبارت مثل ماهو لاطولتة ولاقصرتة.. واروح اقرة.. ادعولي..
#زهـَراء 💙