حرفُ الواوِ سجينُها

امنيه تتحقق٣

يوم الاربعاء العصر الساعه٤:٣٠:
بالصاله:
ساميه : سعود ودني عند اهلي اشتقتلهم .
سعود: وهو مندمج بالجوال تراك بالشهور الاخيره انتبهي زين احد يدق بطنك من بزارين اختك الهمج اطلعي عند اهلي فوق احسن لك مافيه لا جاهل ولا باهل ماغير خواتي وأمي ترك الجوال جنبه وطالع فيها وبعدين ليه قاطعتهم ترى مو من طول المسافه عشان ما تزورينهم.
ساميه وهي ندمت انها تكلمت: ترى هم في الدور الثاني والدرج ماشاء الله يخلي الوحده تولد قبل ما توصل لهم وبعدين انا حامل مقدر ازورهم وطالعه نازله مع ذَا الدرج .
سعود : خلاص خلاص من القرقره نص ساعه انك جاهزه وعيالك خذيهم مارح امسكهم ، اخذ جواله وقام من عندها وراح يتصل على عامل اللي بالبقالة.
ساميه : وهي بصوت عالي ،ليييييييث فهدد جساااررر امشوا يله خل اسبحكم قبل ما يطرقع ابوكم.
ليث جاء عند امه وبيده سياره : باخذها يا ماما بلعب مع تركي .
ساميه وهي عارفه ان ابوها ما يبغى ازعاج: بتنهيده خذها خذها وروح نادي اخوانك خل اسبحكم وألبسكم .

بعد ٤٥ دقيقه بالضبط :
سعود وهو معلق على بوري السياره: هذي لو ما بتطلع الحين بروح واخليها احسن .
ساميه : يا ليييث خذ اخوانك واركبوا السياره سريع دقايق وجايه.
ليث فهد وجسار وهم يركبون السياره لف عليهم ابوهم : وينها امك هذي .
ليث: دقايق وجايه يا بابا.

في جهه ثانيه بالدوره الثاني والبلكونه مطله عالحوش والسياره اللي راكبها سعود واهله .
ساره: شوفي شوفي اخوك ماغير يمشّي في اهله واحنا زي الغنم في الشبكه محبوسات بذا البيت.
وفاء: اقول وش علينا فيهم امشي امي لا تجي علينا واحنا باقي ما سوينا العشاء .
بعد ما دخلت وفاء ، ساره وهي تقفل باب البلكونه: والله لا علم امي عليه عشان توريه دلع ساميه كيف .
خوات سعود:
ساره : العمر١٧ حقوده حسوده مثل امها .
وفاء: العمر ٢٤ انانيه ومتكبره من داخل ومتوظفه معلمه بمدرسة القريه.

ساميه وهي باقي بالبيت تمسك على بطنها وتحس بألم خفيف وهي تمسك الطاوله اللي قدامها بيدينها الثنتين وتشد : اااه لا عاد يارب مو اليوم، بدأ يخف الألم وصوت البوري يدق مره ثانيه
ساميه وهي تاخذ أغراضها : خل اطلع قبل ما يسويها ويروح ويخليني .

تقريباً بعد خمس دقايق وصلت بيت اهلها لانه قريب وقريه.
داخل بيت اهل ساميه:
ريم: وهي تسكت كادي اللي تسولف مع سهير اشششش يا بنات سمعتوا؟
كادي:وش!
ريم : صوت سياره وبكل فرح اكيد ساميه جت .
كادي : يووووه عاد ابوي بيرتفع ضغطه لا تجمعوا عيال ساميه وعيال سلمى هههههههههههههههههههههههههههههههههههههههههههههههه
ريم: منجددد ههههههههههههههههههههههههههههههههههههههههههههههههههه
سهير وهي تطالع بالمرايه تمشط شعرها: البيت بيقوم الليله.

هنا بنات الجد ليث:
ريم: ١٧ فيها طاقه مو طبيعيه وهي البديل لتركي بما انه صغير وما يفهم بأمور الرجال وأبوها اللي هو الجد ليث دايم يقولها البنت الكفؤ لانها تساعده بغسيل السياره وتشيل عنه اغراض البيت.
كادي :اصغر من من ريم بسنتين عمرها١٥ مثقفه تحب تتعلم وتحب تتابع افلام مغامرات بالتخفي لان ابوها مانعهم من ان يتفرجون عالتلفزيون.
سهير : عمرها٢٤ ربة منزل حرفياً تخرجت من الجامعه بمعدل كويس تخصص رياضيات لكن للان منتظره الوظيفه هاديه جداً تساعد امها بشغل البيت من طبخ الى غسيل الى تنظيف.
سلمى: عمرها٣٠ وهي اكبر بنات الاب ليث متزوجه قبل ساميه و معها ولدين فقط
خالد : عمره ١٠ سنوات
احمد:عمره بعمر ليث

بالسياره:
ساميه وهي تنزل عيالها
سعود طالع فيها بنظره : سلميلي على عمي وقوليله سعود مشغول وسامحه عالقصور.
ساميه وهي بكلمه تسكته: طيب
راح سعود
ساميه قبل ما تدخل البيت وهي منزله راسها لعيالها:
اسمعوا زين ياويلكم لو طلع لكم صوت سمعتوا؟
ليث وفهد : طيب
جسارعمره ثلاث سنين وهو اصلاً ما يفهم كلامها بس هز راسه معهم ما يدري شالسالفه😂.

ساميه وهي تدخل البيت:

توقعاتكم