...........
فتحت باب الغرفة ببطء وهدوء ودلفت الى الداخل وتقدمت نحو الفراش ببطء شديد حتى لايشعر بها ونظرت لة ووجدتة نائم على بطنة وكالعادة ينام وهو عارى الصدر ويرتدى بنطال قطنى من اللون الاسود فصعدت الى الفراش وبدون سابق انذار ظلت تقفز عاليا وهى تقول بصوت جهورى اشبة بالصراخ....
جنة ....غييييييييث ..غييييييييث ..غيييييييييث
غيث بنعاس ..فى اية ع الصبح
جنة ..عندك شغل يا قلبى
غيث ..انا رايح الميناء النهاردة سبينى انام شوية بقى
جنة ..هههههههههههه ميناء اية انت عارف الساعة كام
غيث ..يوووة كام يعنى
جنة ..الساعة 11
ينتفض غيث ويعتدل ويجلس على الفراش قائلا..
غيث ..يااا نهار اسود الشحنة الجديدة انتى ازاى تسيبينى نايم كل دة يا جنة
تجلس جنة وهى تلهث اثر قفزها على الفراش قائلة ..
جنة ..هههههههههههه اهدى يا عم انت الساعة لسة 6:30
غيث..انتى بتشتغلينى عشان اصحى
جنة ..امممممم
غيث ..طب والله ما انا سايبك
تهرول جنة الى الخارج ويلحق بها غيث قائلا..
غيث ..خدى يا بت هنا الخدم تحت وهيبقى شكلنا زبالة
جنة ..اعاااااااااا لا ورحمة امك اهدى كنت بهزر
غيث ..ورحمة امى ..انتى بتجيبى الكلام دا منين خدى يا زفتة هنا
تهبط جنة الى الاسفل ويستيقظ كل من بالفيلا على اثر صراخهم المعتاد
جنة ..اعااااااااا خلاص ياغيث
غيث ..انا هوريكى ازاى تبطلى تدخلى تصحينى
جنة ..اهدى بقى اعملك اية انا عندى شغل ولازم اكون فى المستشفى على الساعة تسعة وسعادتك عندك شحنة جديدة فقولت اصحيك توصلنى الاول وبعدين تروح على الميناء
غيث ..والله وقعتك سودة خدى يا بت هنا
جنة ..هههههههههههه امسكنى لو تعرف
ويتوقفون عن الصراخ عندما انتبهوا لسعاد
سعااد..يعنى ينفع كدة كل يوم تصحونا من النجمة على جنانكو دا
جنة ..والله يا دادة انا كنت بصحية
غيث ..بتصحينى عمالة تتنطط على السرير وتقولى ان الساعة 11
سعاد ..اة يا مفترية . خلاص يا بنى المسامح كريم
غيث ..حاضر خلاص اتفضلى استعدى عشان اوصلك على سكتى
جنة ..حبيبى ربنا يخليك ليا هوا واكون عندك
وتتركهم جنة وتصعد الى الاعلى ..
ينظر غيث لاثرها بحنان قائلا ..ربنا يقدرنى واخليكى تضحكى على طول
سعاد ..ربنا يحفظكم ويخليكم لبعض اطلع بقى البيت فى بنات بيشتغلو وانت واقف كدة
غيث ..من عيونى صباحك فل يا دادة
سعاد ..تسلم يا حبيبى صباح النور
................
......................
محبتش اتاخر عليكم دا حتة صغنونة من الفصل الاول هنعرف اية الحكاية بعدين وبكرة هنزل تعريف الاشخاص عشان طبعا تعرفو اية الموضوع ونعرف مين جنة وغيث وفين فارس بطل الرواية ......
انتظرونى ...
منى مصطفى الاسيوطى...
