فالبداية كدة وحشتووووونى كتييير اوووى ووحشتنى تعليقاتكم الجميلة سواء كانت على الفيس او الواتباد انا بتابع كل تعليقاتكم ..انا عارفة أنكم زعلتو عشان الرواية دى وقفت كتير بس هى كانت فترة صعبة عليا والحمد لله عدت على خير وكمان ربنا كرمنى ورزقنى بأبنى الثانى يونس عشان كدة قررت ارجع تانى للكتابة اتمنى ان الرواية تعجبكم ....
قرأة ممتعة👇👇....
......
.........
بسم الله ...الفصل الرابع
......
صباحا بمنزل النجعاوى...
يجتمع السيد برفقة اسرتة بغرفة الطعام يتناولون الفطور سويا ....
السيد...الحاج عزيز عازمنا على الغدا النهاردة ..وراك حاجة يا فارس
فارس بهدوء..امممم هبص على الأرض الغربية وبعدين هطل على البهايم
السيد..طيب متتاخرش يا ولدى
فارس..حاضر
ملك..جدو هو احنا هنشوف جنة
السيد....ايوا يا جلب جدك
وردة بابتسامة...يا سلام والله عال يا ملك بجى اكدة هتجعدى مع جنة وانا خلاص هتنسينى
تنهض ملك من على كرسيها وتتجة صوب وردة وتحتضنها تحت نظرات الجميع قائلة..
ملك..انا بحبك اوووى ياعمتو
وردة بسعادة..وأنا بموت فيكى يا جلبى
فارس..ملك انتى بتحبى جنة
ملك بطفولية. ..اوووى يا بابا دى جميلة اوى
غادة بغضب....ملك كفاية عااد مالكيش صالح بجنة دى فاهمة ولا لاه
فارس..غااادة صوتك يوطى ..واياكى صوتك يعلى تانى ومالكيش صالح بجنة ولا بعلاقتها مع ملك فاااهمة
تنهض غادة من على كرسيها وتتحدث بكل غضب..
غادة..لااااه مش فاهمة..اية اللى جرالكم كلكم عاااد ..مش البت دى ابوها السبب فى موت ابوى واخوى ..وانتم بكل بساطة اكدة عاوزين تدخلوها وسطينا ..وانت يا جدى كيف توافج على المهزلة دى انتو اتجننتو ولا......
وتصمت غادة بسبب تلك الصفعة التى تلقتها على وجهها من قبل فارس واحكم فارس قبضته على خصلاتها قائلا بغضب...
فارس..واضح انى سيبتلك الحبل على الغالب لدرجة أن لسانك يطول عليا انا وجدى ..لاكن أقسم بالله لأجطعلك لسانك
السيد..خلاص يا فارس
أمينة..خلاص يا ولدى ب كفاية اكدة
فارس...دى جليلة الرباية وانى هربيها من جديد
ملك بخوف ودموع...بابا
لينظر فارس لها ويجدها تنظر له ولغادة والدموع تستبيح وجهها ليترك فارس غادة ويتجة لطفلتة ولاكنها تراجعت للخلف ووقفت خلف وردة ليغمض فارس عينيةبغضب ويقول بصوت منخفض..
فارس..ملك ..اكدة بتتخبى منى فى عمتك ..تعالى يا جلبى
ملك بخوف..انا عايزة جنة
فارس..حاضر هوديكى ليها ..بس تعالى حبينى (بوسينى )الأول
لتهرول ملك لأبيها وتقبلة من وجنتة قائلة...
ملك....اهو ودينى بقى
فارس بابتسامة..حاضر
.......
..........حبيبى يا رسول الله.........
.......
منزل عزيز....
يستيقظ من بالمنزل على صوت صراخ جنة وغيث ..
جنة..اسمع بس والله هفهمك
غيث..اة يا جزمة ..انا هحرمك تيجى جنب شغلى تانى
جنة بضحك..الله دى بت ملزقة. .انا غلطانة يعنى دى كانت هتشترى منك العربية بتراب الفلوس
غيث..تراب الفلوس برضو..اة منك ..اعمل فيكى اى
عزيز..هو فى اى
هنية..واااه خبر اى يا ولدى
غيث..البت دى هتجيب أجلى
لتشهق جنة بخوف وتهرول وتحتضن غيث بخوف قائلة
جنة..بعد الشر عليك ربنا ما يحرمنى منك..متقولش كدة تاانى
غيث بحب..خلاص قولت اى انا لكل دا ..خلاص بوظى شغلى كلة براحتك
جنة ببسمة. .خلاص يا حبيبى مش هاجى ناحية شغلك تانى
عزيز..ربنا يبارك فيكم يا ولدى
هنية..طب يلا عاد عشان تفطرو
جنة..حبيبتى يا تيتة يلا بسرعة بقى لانى جعانة جدا
غيث بضحك..مفجوعة ههههههه
جنة..بس يارخم
.......
..........اذكرو الله........منى الاسيوطى
......
منزل النجعاوى...
غرفة وردة.....
تجلس وردة امام طاولة الزينة وتقوم بتمشيط شعرها ويصدع صوت هاتفها ليعلن عن وصول رسالة نصية لتنتبة له وردة وتقوم بفتح تلك الرسالة لترتسم البسمة على شفتيها وكان محتوى الرسالة كالاتى. .
صباح الخير على اجمل وردة فى الصعيد كلة..انا جبت رقمك من جدك وحشتينى...غيث
.........
..........شفيعى يا رسول الله............
ظهرا فى منزل عزيز.....
يجلس غيث وهو يرتدى ملابس بيتية عبارة عن بنطال قطنى اسود اللون وتيشرت ذو حمالات عريضة من نفس اللون وبيدة كوبا من القهوة وتجلس بجوارة تلك المشاكسة وهى ترتدى منامة بيتية من اللون الأزرق ومطلقة العنان لخصلاتها لتداعبها نسمات الهواء وتنظر للمساحة الخضراء أمام المنزل لتقول بتأفف واضح...
جنة..غيث انا زهقت
غيث..من اى
جنة ..من الهدوء دا تعالى نعمل اى حاجة
غيث..عاوزة اى
جنة..اقولك تعالى نغنى او نرقص اى حاجة بدل الفراغ دا
غيث..جنة اعقلى احنا مش فى بيتنا
جنة..هو مش دا بيت جدى يبقى بيتنا احنا كمان
صوح يا جلب جدك...
قال تلك العبارة عزيز وهو يدلف للداخل وتتبعة هنية وقد أستمع لحديث جنة وغيث
غيث..انا مقصدش حاجة يا جدو بس هى عالطول مهيبرة كدا
عزيز ..سيبها على راحتها يا ولدى
هنية..البيت بيتكم يا ولدى
جنة ..حبيبى يا جدو ...بص بقى انا عاوزة أرقص
هنية..واااه ترجصى كيف ..
عزيز....براحتها يا هنية ...
غيث...بس يا مجنونة انتى
جنة باعتراض قائلة...ما تسيبنى يا غيث أفرح يومين قبل ما اتجوز أبو الغضب دا
عزيز بضحك..ههههههههههههههه مين أبو الغضب دا
غيث..يا بت قصرى لسانك دا واسكتى
جنة ..طب ترقص معايا
غيث..حاضر
لتقوم جنة بتشغيل إحدى الأغانى على هاتفها المحمول وتتجة صوب غيث لتبدأ بالرقص والتمايل مع أخيها تحت نظرات هنية وعزيز ليقطع تلك اللحظات دولف السيد وعائلتة لمنزل عزيز ليرى فارس تلك الحورية باحضان أخيها والبسمة تزين وجهها لتشهق جنة بفزع عندما رأت فارس أمامها قائلة..
جنة..بسم الله الرحمن الرحيم هما بيطلعو امتى
غيث..بس يا بت
جنة بدون وعى..يارب والله كدة حرام ابقى لسة بتكلم علية الاقية فى وشى وربنا كدة ظلم ..ماشى يا ابو الغضب عايزنى أقطع الخلف..
فارس بصدمة..مين أبو الغضب دا
السيد بضحك..هههههههههه والله شكلك مصيبة
غادة..هى دى الرباية الزينة يا واد عمى
فارس بهمس..احسنلك تحطى لسانك فى خاشمك عشان مطربجهاش فوج دماغك فاهمة
هنية..احم يا مرحب يا مرحب كيفك يا ست أمينة
أمينة بابتسامة...الحمد لله بخير يا خيتى انتى كيفك
هنية الحمد لله. .اتفضلو نورتونا
عزيز..اتفضل يا كبير
السيد..يزيد فضلك يا حاج عزيز
غيث..احم ازيك يا وردة
وردة..الحمد لله
جنة..لوووكا
ملك..وحشتينى اووى يا جنة
جنة..وانتى اكتر يا قلبى ..تعالى نلعب سوا ..غيث
غيث..خير
جنة..انا عايزة اشترى لعب كتير عشان العب مع ملك
غيث..طيب هغير هدومى وأنزل اجيبلكم
عزيز..ولية تنزل يا ولدى انا هبعت حد من الغفر يجيب كل اللى انتو عاوزينو
جنة..حبيبى يا جدو
عزيز ..جلب جدك انتى
غيث..بعد إذنك يا جدو هاخد وردة ونقعد فى البلكونة
السيد..براحتك يا ولدى ..دى مرتك...وانت يا فارس خد جنة واجعد معاها شوية
فارس ..لية
جنة..لا انا مش هقعد مع ال بتاع دا لوحدنا..انا هقعد مع ملوكتى
فارس بسخرية...ملوكتك
ملك..بابا انا هلعب مع جنة
فارس..ماشى
عزيز...بعد إذنك يا كبير ...هنعمل خطوبة فى اسكندرية الأول عشان شغل غيث والناس لازم تعرف أن هو وجنة هيتجوزو وبعدين هنعمل الفرح اهنه
السيد..ومالو يا حاج عزيز ..خليهم يتبسطوا
عزيز..ربنا يديم الفرح علينا يا حاج و..
ويبتر عزيز كلماتة بسبب رنين هاتف جنة وتقوم جنة بالرد قائلة..
جنة..ألو
....
جنة..انا آسفة جدا يا دكتور كريم انا مش فى اسكندرية اصلا
....
جنة..أظن دى حاجة متخصكش.و..
ليلتقط غيث هاتف جنة وهو يتحدث بحدة قائلا....
غيث...أهلا دكتور كريم ..خير
....
غيث..ابدا مفيش مشكلة ..اول ما نرجع من السفر هتلاقى استقالة جنة على مكتبك
...
غيث..انا قولت اللى عندى..سلام
ليغلق غيث الهاتف ويلتفت ينظر لجنة بغضب..
جنة بخوف..بص. .هو اللى اتصل وانا مالى
غيث..جنة احسنلك تغورى من وشى
جنة بصدمة..اغور
غيث بغضب وصوت مرتفع..اناا مية مرة اقولك لما أكون متنيل متعصب متقفيش قدامى ..انا مبكرهش قد الاستهتار وقلة سمعان الكلام ..بتردى علية ازاى اصلا ..انا نبهتك كام مرة ..انتى ناوية تشلينى
جنة.........
هنية..خبر اى يا ولدى لكل دا
غيث..مفيش يا تيتة
فارس بهدوء..مين الدكتور كريم دا
غيث..خلاص يا فارس نتكلم فى الموضوع دا بعدين
فارس..من حجى اعرف دى مرتى ولما أسألك تردى عليا مين كريم دا
جنة........
.......
..........يتبع........
مجنونة قلم
منى مصطفى الاسيوطى
.........
مواعيدها يوميا ما عدا الجمعة الساعة 11او12بالليل على حسب ما اخلص كتابة الفصل...تعليقاتكم الجميلة ..بحبكم
••••••••••••••••••••••••••••••••••••••••••••••••••
الحمد لله رواية هتكمل واسفة جداا اني مكنتش برد ع رسايلكم وتعليقاتكم عشان مكنتش بفتح بنتظام
