بسم الله ........
~~~~~~~~~~~~~~
عاد غيث وعزيز والسيدوفارس مرة اخرى للمجلس وتركو جنة برفقة النساء بالداخل ...
........
...........
فى المجلس..........
عزيز ..احنا موافجين يا جناب البية
المحافظ ..اية رأيك يا حاج سيد ..نكتب عقد بالصلح ولا ليك طلبات تانى
السيد ..لع يا بية كلة تمام
غيث ..ثوانى قبل ما نكتب العقد فى حاجة الاول عايز اقولها
المامور ..اتفضل
غيث ..كلامى لفارس بية
فارس باحتقار ..خير
غيث ..انا هتجوز اختك هعيشها ملكة برنسيسة عمرى ما هزعلها عمر ما ههينها ..مش هخليها تعيط فى يوم ..مش هسمح لاى حاجة تضايقها ..مش هتيجى فى مرة وتقولك غيث مزعلنى ..انا مش هاخدها من بيتك عشان ابهدلها ..الايام هتثبت ليكم كلكم انا اية ..انا بحترم جدا البنات عموما ما بالك بقى بمراتى ..
السيد ..يا زين ما ربا ابوك يا ولدى ..ولو بتنا عملت حاجة زعلتك جول وانا اجطع رجبتها
غيث ..مش مرات غيث صفوان اللى حد يمد ايدة عليها حتى لو كان جدها مع احترامى لحضرتك بس اليوم اللى بنتكم هتتكتب فية على اسمى هتبقى تخصنى ومش هسمح لحد يضايقها حتى لو اهلها
المأمور ..كلام تمام ..
المحافظ ..عاوز توصل لاية يا غيث بية
غيث ..عايز نفس المعاملة لاختى
السيد ..موافج
غيث ..اسف اسمعها من فارس بية
فارس ..انا حر مع مرتى مش انت اللى هتجولى اعاملها كيف
غيث ..شكلنا مش هنتفق ..بص يا استاذ فارس ..قدام الناس اللى قاعدة دى كلها انا هقولك كلمتين عشان نقفل الموضوع دا
فارس ..جول
غيث. .انا اختى كانت مع والدى ووالدتى فى العربية لما عملو الحادثة ..وربنا قدر انهم يموتو وتتبقالى جنة ..مش عشان هى اختى لاكن هى اسم على مسمى ..جنة من يوم الحادثة وهى بتخاف من خيالها تعبت معاها لحد ما عدت الازمة دى وخلتها تضحك تانى واظن انك سمعتها جوة لما قالت انها بتخلينى اجرى وراها ..انا فعلا بعمل كدة ..انا ببقى قاصد ..بجرى وراها لحد ما اخليها تضحك بجبلها شيكولاتة وعصاير وانا راجع باليل ..باخدها اوديها الشغل وارجعها عشان تبطل تخاف من الناس ..سبتها تبوظ شغلى مع العلم انها كانت بتخسرنى فلوس كتير اووى بس ضحكتها لما تعرف بالكارثة اللى عملتها عندى بكنوز الارض كلها ..بعاملها على انها بنتى ومش اختى ..عايز زى ما انا بعاملها انت كمان تعاملها
فارس ..موافج
غيث ..فى حاجة كمان
فارس باهتمام ..جول
غيث ..انا عرفت انك متجوز يعنى اكيد مش هتام معاها عالطول فعايزك قبل ما تسبها تنيمها فى حضنك الاول
فارس ..نعم ..انت اية داخلك بالموضوع دا
غيث ..لاء ليا دخل ..جنة بتخاف تنام لوحدها ..وانا مش هكون معاها ..يا استاذ فارس ..ممكن تعاملها بحنية بهدوء ..انا دماغى هتنفجر كل اما افتكر انى هسيبها هنا وامشى ..انا مش عارف هدخل الفيلا ازاى من غيرها ..انا اسف بس بجد انا خايف عليها منك
فارس ..بهدوء.. اطمن ف عنيا
المحافظ ..خلاص متفقين كدا
السيد ..على بركة الله
عزيز ..ونعم بالله .....
وبالفعل تم الاتفاق بين العائلتين وتو الصلح بينهم وتم الاتفاق على عقد القران بالغد....
....................وحدو الله...........................
...............
....................
فى الداخل .. عند النساء ..
.......
............
تجلس جنة برفقة وردة يتمازحون وقد اطمئنت جنة قليلا لوردة ..
وردة ..بس بجى بطنى وجعتنى والله
جنة ..ههههههههه لية دا انا بعمل فية بلاوى وهو يا حبيبى مش بيزعل
وردة ..شكلك عتحبية جوى
جنة ..غيث دا مش اخويا بس دا ابويا وصاحبى وحبيبى وكل حاجة ليا ..عارفة انا متأكدة انك هتحبية غيث دا عسل والله
هى دى بجى العروسة الجديدة ....
قالت غادة جملتها وهى تهبط ذلك الدرج الموجود بمنتصف المنزل فكان المنزل يشبة القصور فهو فخم جدا من الداخل وواسع ومكون من طابقين ..
وردة ..اة يا مرت اخوى ..دى الدكتورة جنة
جنة بهمس ..ياماما هى دى مرات اخوكى
وردة بضحك ..اسكتى لتسمعك
غادة ..اهلا ياختى
جنة ..اسمى جنة
غادة ..حصلى الرعب يا جنة هانم
وردة ..ميصحش اكدة يا غادة دى ضيفة
جنة ..ههههههه سبيها لايقة على البتاع دا اللى اسمة اخوكى
غادة بغضب ..اتلمى يا بت انتى اسمة فارس بية
فى اية ..
قالها السيد وهو يدلف من الخارج برفقة غيث وعزيز وفارس ..هرولت جنة لاحضان غيث تحت نظرات الغضب من غادة ونظرات الخجل من وردة
فارس ..فى اية يا غادة مالك
غادة ..فى ان جليلة الحيا دى بتغلط فيك وخيتك مبسوطة وعمالة تتحدت معاها عليك
وردة ..محصلش هى اللى نازلة بتتصنت علينا ياخوى وهى اللى جلت ادبها من الاول
وتشهق جنة وتتمسك بقميص غيث عندما هوت صفعة من فارس على وجه وردة قائلا..
فارس ..انتى اللى جليلة الحيا لما تتحدتى على مرت اخوكى اكدة
غيث بغضب وهو يبعد جنة عن احضانة ويمسك بيد وردة ويوقفها خلفة قائلا..
غيث..اقسم برب العزة لو ايدك اتمدت عليها تانى لاقطعهالك انت فاهم
فارس بغضب ..انت بتهددنى يا واد صفوان
غيث ..اعتبرة كدة ..اياك ترفع ايدك عليها تانى ..جدى ابعت هات الماذون دلوقتى
عزيز ..بس احنا جولنا بكرة ودا كلام رجالة يا ولدى
غيث ..كلام رجالة فارس بية مالتزمش بية انا برة قولت مش هسمح لحد يهين مراتى حتى لو كانو اهلها
السيد..اجعد يا ولدى وانا هجيب الماذون واالفرح بعد شهر
جنة بصدمة ..لالالا غيث انا مش عاوزة اتجوز البتاع دا
غيث وقد لانت ملامح وجهة وقال بهدوء ..جنة اسمة فارس
جنة ..ياالهوى يعنى انا ممكن اتكلم معاه يقوم يضربنى
غيث.. محدش يقدر يمد ايدة عليكى طول ما انا عايش متخافيش
جنة ..والله شكلة يخوف
فارس ..لية جالولك عنى عفريت
جنة باندفاع ..العن يا خويا بلا نيلة
غادة ..البت دى لازم تتربى
السيد ..غاااااااااادة غورى على فوج
وبالفعل هرولت غادة سريعا من امام الجد حتى لا تنال عقابها ويقطع لحظات الغضب دلوف تلك الملاك البرئ الى بهو المنزل وكانت تبكى وثيابها متسخة
ملك ..بابا
فارس ..ملك ..كيف توسخى هدومك اكدة
ملك ..مش لاقية ماما غادة وانا جعانة
تقترب منها جنة متناسية خوفها من فارس وتجلس بجوارها على الارضية وتمسك الصغيرة لتجلسها على قدماها وسط دهشة الجميع ..قائلة ..
جنة ..اية دا هو فى قمر بيعيط
ملك ببرائة ..لاء مفيش
جنة ..شطورة انتى اسمك اية بقى
ملك ..انا ملك فارس النجعاوى..وانتى
جنة ..انا اسمى جنة ..اقولك على سر بس متقوليش لحد علية
ملك ..قولى
جنة ..انا معايا شيكولاتة وحلويات كتير بس مش لاقية حد ياكلهم معايا اصلى مش بحب اكل لوحدى ..ممكن انتى تاكليهم معايا ونبقى صحاب
ملك بسعادة ..اة ممكن
جنة ..هيييي يعنى انتى صحبتى دلوقتى
ملك ..انتى بتعملى اية هنا
جنة ..انا هبقى مرات بابا فارس
ملك ببرائة ..اية دا انتى اللى بابا هيطلع عنيكى
جنة بصدمة ..نعم ..اية دا مين قال كدة
ملك ..بابا قال كدة لماما الصبح
جنة بقلق ...الله يطمنك
..........
وبالفعل تم عقد قران فارس وجنةوغيث ووردة
................حبيبى يا رسول الله.....................
فى المضيفة ...
تجلس وردة برفقة غيث بعدما استأذن غيث السيد من اجل الحديث معها ومع انها صارت زوجتة الا انة يحترم العادات والتقاليد..
غيث ..بتوجعك
وردة ..ايه دى
غيث. ..الضربة انا شايف خدك احمر
وردة ..عادى اتعودت
غيث...نعم لية هو بيضربك عالطول
وردة ..اة اصل مرتة دى حرباية دايما مجوياة عليا
غيث بقلق..يعنى ممكن يعمل كدة مع جنة
وردة ..لاه خيتك غير مش هيجدر يضربها عشان جدى موجود
غيث ..ياريت يطلع كلامك صح
وردة لنفسها ..جلبى يا جنة هتشوفى ايام سودة
...................شفيعى يا محمد.................
بالحديقة الخارجية للمنزل ..يجلس غيث على كرسى خشبى ويدخن (الشيشة) وتجلس امامة جنة وتتاملة فى صمت حتى قالت
جنة ..هو انت جايبنى هنا تسمعنى سكوتك ولا اية
فارس ..بس يا بت انتى مسمعش حسك دا
جنة ..انت ازاى كدة
فارس ..سمعتى جولت اية ولا اسمعك بطريجتى
جنة ..ما شى يا عم الصامت سكت اهو .... .
...........
..................
.......يتبع .........
منى مصطفى الاسيوطى
.............................
حنين يا غيث والله ونعم الاخ ..حد عندة اخ حنين كدا ..انا عندى ..ربنا يخلية ليا ...
