بسم الله .......
.......
فى معرض غيث للسيارات..
........
........
عزيز ..طب يا ولدى لازم تعاود معايا ..انا محتاجلك جوى
جنة باندفاع ..يرجع فين ..لاء مستحيل
غيث ..استنى يا جنة ..انا اسف يا جدى مش هقدر ارجع معاك انا حياتى هنا اسف
عزيز ..يا ولدى ابوك السبب فى التار دا وانا هتبهدل وانا فى عمرى دا يرضيك
غيث بتنهيدة ..طب يومين ونسافر
عزيز...لع المجلس بكرة لازم نعاود دلوجت
غيث ..مجلس اية
عزيز ..مجلس صلح بينا وبين عائلة النجعاوى
غيث ..والصلح دا هينتهى باية
عزيز ..مخابرش ممكن فلوس ودبايح وممكن جواز
جنة ..جواز مين
غيث ..جنة ..اندهى عم راضى
جنة ..بس يااا
غيث ..جنة خلاص روحى
جنة ..حاضر ......وتخرج جنة ويتحدث بعدها غيث قائلا ..
غيث ..جدى لو سمحت جنة برة الليلة دى
عزيز ..كيف ياا ولدى دى لازم تسافر معانا
غيث ..يا جدى انا هنفذ كل طلباتهم انما جنة دى بتخاف من خيالها
عزيز ..متخافش عليها ياولدى بس يلا جوم بينا
غيث ..ثوانى بس وهنروح البيت عندى نحضر نفسنا ونسافر باذن الله
الجد بتنهيدة ..ونعم بالله يا ولدى
وبعد دقائق تدلف جنة برفقة راضى ..
راضى ..خير يا ابنى
غيث ..احم معلش يا راجل يا طيب انت هتستلم المعرض لحد مارجع
راضى ..ترجع منين
غيث..ههههههههه هتجوز وارجع
جنة بصدمة ..نعم
غيث ..متتصدميش ياختى انتى كمان جاية معايا
راضى ..تتجوز ازاى انا مش فاهم حاجة
غيث ..دى وصية والدى انى اتحمل التار دا وانا هنفذها حتى لو هتجوز من هناك
جنة ..هتتجوز من سوهاج يا غيث ..يعنى اسكندرية كلها مفيهاش بنات رايح تجيب من الصعيد ..اية الجنان دا
غيث ..جنة ..اسكتى احسن ويلا عشان تحضرى هدومك
جنة ببكاء ..غيث ..انا خايفة
غيث محتضنها ..متخافيش انا معاكى
وبالفعل ذهبو جميعا الى فيلا غيث واعجب الجد كثيرا بحفيدة عندما شاهد تلك الافتة الموضوعة خارج الفيلا وكانت تحمل اسم ال صفوان وابلغ غيث دادة سعاد بخبر سفرة هو وجنة المفاجئ وصعد للاعلى لتبديل ملابسة ولاكن اتبعتة جنة الى الداخل قائلة ..
جنة ..غيييث انا مش فاهم حاجة
غيث . تعالى وانا هفهمك كل حاجة
جنة ..قول
غيث ..بابا زمان قتل واحد من غير قصد بس الموضوع اتحول لتار واتقتل ناس كتير فيها الحكاية دى وقبل ما بابا يموت بحوالى اسبوع قالى على الموضوع دا وطلب منى انى احل المشكلة دى لو جرالة حاجة ..وانا بنفذ الوصية بتاعتة ..جنة ابوس ايدك نفذى كل اللى هيطلب منك لحسن ترجعى بجثتى وتاخدى عازايا كمان
جنة ببكاء ..بعيد الشر عنك ..متقولش كدة
غيث ..ربنا يخليكى ليا قومى يلا اجهزى
جنة ..غيث ..هوانا كمان هتجوز من هناك
غيث ..مش عارف ..بس هحاول اخليكى برة الليلة دى وممكن ميكونش فيها جواز اصلا ويطلبو فلوس
جنة ..ياااريت ..بعد اذنك هروح انا اجهز
غيث ..ماشى يا حبيبتي
..............
............لا اله الا الله............ ...
وبالفعل سافر كل من جنة وغيث وعزيز ووهدان بسيارة غيث وظلت جنة طول الطريق محتضنة اخيها واعجب الجد من حنان غيث على جنة كثيرا..
وبعد مرور عدة ساعات وسطعت شمس اليوم التالى لتعلن عن اهم يوم فى تغير مجرى حياة الجميع وصلت سيارة غيث امام منزل النجعاوى كما طلب منة الجد وهبطو من السيارة ليجدو عدد هائل من الشرطة وبعض الحراسة الخاصة بالمنزل تمسكت جنة بذراع اخيها ورفضت الدلوف لداخل المنزل لتجلس برفقة السيدات وذهبت مع اخيها وهى تتمسك بذراعة لداخل المجلس....
..............حبيبى يا رسول الله............
بمندرة النجعاوى .....
دلف عزيز برفقة وهدان وجنة وغيث وسط دهشة الرجال بالمجلس فليس مسموح للنساء للحضور بتلك الجلسات واعجب فارس كثيرا بجنة ولفت انتباهة جمالها الهادى وحجابها الرائع وخوفها الظاهر عليها ولاكن لم يظهر شئ على ملامحة فظل ثابت على جمودة ..فقال عزيز محدث المحافظ
عزيز ..السلام عليكم ..كيفك يا جناب البية
المحافظ ..اهلا يا حاج عزيز ..اتاخرت لية كدا
عزيز ...كنت بجيب ولدى
فارس بسخرية ..وهو فين جنابة عاد ولا خايف ومبيجعدش مع رجالة
غيث بغضب ..مين دا وازاى يتكلم كدا
عزيز ..اهدى يا ولدى دا فارس النجعاوى ...يا فارس بية انا ولدى مات هو ومرتة فى حادثة من سبع سنين وانا لسة عارف امبارح بس
المأمور..البقاء لله يا حاج ..يعن هنفض المجلس دا
غيث بثقة ..لاء انا موجود ماموتش شوفو طلباتكو اية وانا هنفذ انا غيث محمد عزيز صفوان
فارس . اة ولدة وجاى تتحامى فى حرمة
غيث ..احفظ لسانك واياك تجيب سيرتها
عضو مجلس الشعب ..ممكن تهدو بقى ..مين دى يا غيث بية
غيث ..دى اختى الصغيرة الدكتورة جنة محمد عزيز صفوان
عزيز ..يعنى حفيدتى يا بية
فارس ..ومالة بدل الجتيل بجو اتنين
فااااااااااااارس ..قالها السيد النجعاوى وهو يدلف للمندرة عندما استمع لحديث حفيدة..وقفوا جميعا احتراما لدخول كبير عائلة النجعاوى وتعجبت جنة كثيرا من شخصية هذا الرجل فيحترمة الجميع
السيد ..ايااك تفتح خاشمك لاخر المجلس
فارس بغضب ..يا جدى از..
قاطعة السيد قائلا..فاارس جولت اجعد ..اتفضل يا عزيز اجعد ياولدى ..كيفك يا بتى اجعدى متخافيش
المحافظ ..طب نبتدى الصلح
السيد وهو ينظر لجنة ..اتفضل
المحافظ ..بسم الله الرحمن الرحيم احنا هنا النهاردة عشان نعقد جلسة صلح بين عائلة النجعاوى وعائلة صفوان ونتمنى ان الطرف الثانى يقبل بشروط الطرف الاول نظرا لانة الطرف المتضرر والحضور شاهدين على ذلك ..اتفضل يا حاج سيد قول طلباتك
السيد ..بص يا عزيز انت خابر ان ولدك هو السبب فى العداوة دى وانا ليا حج فى رجبة ولدك ..وولدة مطرحة دلوجت
غيث ..وانا تحت امر حضرتك
السيد باعجاب ..راجل يا ولدى
غيث ..شكرا لحضرتك ..اتفضل قول طلباتك
السيد ..انا والحمد لله مش ناجصنى فلوس ولا بهايم انا ناجصنى عزوة وابوك حرمنى منيها
غيث ..وضح اكتر لو سمحت
السيد ..هتتجوز حفيدتى الانسة وردة النجعاوى ابوك زمان جتل ابوها ولازم تشيل مسئوليتها انت
غيث ..موافق
جنة ..غيث ..لاء بلاش
غيث ..جنة اسكتى
فارس ..كيف ياجدى تأمن للجدع دة
السيد ..فاارس اخرس خالص ..فى حاجة كمان يا ولدى
غيث ..تحت امرك
السيد ..فارس حفيدى هيتجوز اختك دى
جنة ..نعم ..لالالا يلا بينا من هنا
غيث ..بس بقى اسكتى ..بس لية حضرتك اختى تدخل فى الموضوع
السيد ..فارس متجوز بنت عمة بس مبتخلفش وانا جوزتة تانى ومرتة ماتت وهى بتولد بس جابتلى حفيدة يعنى بنت وانا عايز واد فهيتجوز اختك عشان تخلف الواد انا عايز اعمل العزوة اللى ابوك حرمنى منيها
فارس ..انا اتجوز دى ..لاه
جنة ..الحمد لله جت منهم يلا يا غيث والنبى
السيد ..جولتلك اكتم يا فارس
غيث ..وانا موافق
جنة بصدمة .. انت بتقول اية ..انا ان.........
ولم تكمل حديثها وسقطت مغشى عليها فهذة عادتها عندما تتعرض لضغط شديد تفقد وعيها
غيث ..جنة ..جنة ..جنة ردى عليا ..جنة
عزيز ..مالها
السيد ..شيلها يا ولدى ع البيت جوة
وبالفعل حملها غيث للداخل ولاكن سبقة فارس الى الداخل يأمر الحريم بالابتعاد والدلوف للداخل نظرا لدلوف رجل غريب بالمنزل ولاكن رأت وردة غيث وهو يحمل جنة فهرولت للاريكة ووضعت عليها الوسائد ليتم وضع جنة عليها وهرولت للاعلى واخذت قنينة عطرها وهبطت مرة اخرى وقدمتها لغيث وقالت بصوت مرتفع قليلا
وردة ..نعيمة ..نعيمة
نعيمة ..نعم يا ست وردة
وردة ..حالا هاتى مية بسكر يلا
نعيمة ..حاضر ياست الناس
غيث بصدمة ..انتى وردة
السيد..اة هى دى
وردة ..فى اية يا جدى مين دا ويعرف اسمى كيف
السيد ..دا غيث صفوان ..عريسك
وردة لنفسها ..انا هتجوز دا ..هو فى حلاوة كدة ..دا احلى منى اصلا هتجوزة ازاى
استعادت جنة وعيها وما ان فتحت عيونها ورات غيث ينظر لها بقلق ارتمت باحضانة وصوت بكائها يعلو قائلة..
جنة ..والنبى نمشى من هنا ..يلا يا غيث والنبى
غيث ..اهدى طيب انا معاكى متخافيش
جنة ..لا مش هقدر اقعد هنا والله ..ما تسبنيش يا غيث
غيث ..طب خلاص بطلى عياط انا خايف عليكى تتعبى
جنة ..اتعب اموت بس امشى من هنا
غبث ..خلاص اهدى يا قلبى انا هتصرف
جنة ببلاهة غير مدركة بوجود احد بجوارها قائلة..
جنة ..طب لو انا اتجوزت هنا مين هيصحيك الصبح مين هيتنطط على السرير غيرى مين هيشرب قهوتك كل يوم ..هتلاقى حد تطلع تجرى وراة وانت عريان ودادة سعاد تزعقلك بسبب مين...مين هيبوظلك شغلك غيرى ..مين هيسرق الفيزا بتاعتك غيرى..مين هيضايقك ف المعرض..مين هيجنن عم راضى..طب مين هيأكلنى بايدة ..مين هينيمنى فى حضنة..انا مقدرش اعيش من غيرك الموت اهون عندى وبعدين هتلاقى حد يعاكسك ويقولك كلام حلو غيرى
غيث بضحك ..هههههههههههه طب بس يا هبلة
جنة ..لية ..هبلة هبلة بس امشى من هنا
غيث ..اسكتى يا زفتة وبصى وراكى ..
وتشهق جنة عندما تلتفت وتجد عزيز والسيد .وردة وفارس ينظرون لها باندهاش من تصرفتها الطفولية وتمسكت بذراع غيث قائلة
جنة بخوف ..ياامامااا مين دول
غيث بضحك ..هههههه اسكتى بقى الله يكسفك..
..................
.......يتبع ........
منى مصطفى الاسيوطى
.................................
يا عينى يا جنة اتخضيتى ..دا فارس هيطلع حنية غيث دى عليكى ..استنونى فى فصل جديد ..بحبكم
