عن النقاب والعفة أتحدث

"52"

صلوا على من جلس علي ركبتيه يواسي طفلا مات عصفوره

# # # # # # # # # # # # # # # # # # # # # #

#أنا_بحب_هل_ده_حرام:👀

الميل العاطفى والإعجاب أو الشعور بالحب تجاه شخص شئ طبيعى وملناش دخل فيه ولا نؤاخذ عليه✔.....لكن ما يترتبش عليه إطلاق للبصر وتليفونات ومقابلات وخضوع بالقول وما شابه.❌

والحب مش عيب ولا حرام.....لكن لكل مقام مقال.✔
بمعنى:
إنك بقدر الإمكان تحافظ على قلبك لحد ما ربنا يرزقك بالزوج  المناسب اللى تحبه.💌

متطلبات العقل والقلب بتختلف مع كل مرحلة بيمر بيها الإنسان فى حياته.....ومن هنا بتظهر قدرة الإنسان على توظيف قلبه صح من خلال تحكمه فى مشاعره وإنه ميسلمش قلبه إلا للشخص المناسب وفى الوقت المناسب.👌

وعلشان نحافظ على قلبنا.......تعالوا نعمل الحاجات دى:👇
-لازم نستعين بالله وندعى كتير بإنه يطهر قلوبنا من الفتن والشهوات ويحفظها لأزواجنا فى الحلال.
-نملأ وقتنا بما يفيد من قرآن وذكر وعلم وعمل وما شابه.....ومنسبش نفسنا لتفكيرنا وللشيطان.
-نغض بصرنا عن النوع الآخر وعن أى حرام.....وطبعا إطلاق البصر لوحده كفيل بإنه يضيعنا.
-ندور على صحبة صالحة تاخد بإيدينا لربنا.
-نشحن نفسنا إيمانيا بسماع المشايخ الأفاضل من أهل السنة بحيث نتعرف على أضرار الحاجات دى وازاى نتعامل معاها أو نبعد عنها.
-لو ولد بيحب بنت وعنده إمكانية بإنه يتزوجها....يروح يتقدم ليها ولو مش عارف يبقى يصوم....ومننساش حديث👇
(عن ابن مسعود قَالَ : " كُنَّا مَعَ النَّبِيِّ صَلَّى اللَّهُ عَلَيْهِ وَسَلَّمَ شَبَابًا لَا نَجِدُ شَيْئًا فَقَالَ لَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ : ( يَا مَعْشَرَ الشَّبَابِ مَنْ اسْتَطَاعَ منكُم الْبَاءَةَ فَلْيَتَزَوَّجْ ، فَإِنَّهُ أَغَضُّ لِلْبَصَرِ ، وَأَحْصَنُ لِلْفَرْجِ ، وَمَنْ لَمْ يَسْتَطِعْ فَعَلَيْهِ بِالصَّوْمِ فَإِنَّهُ لَهُ وِجَاءٌ ))......رواه البخاري (5066) ومسلم (1400).

ارفعوا شعار:👇
#صبرا_حتى_يأذن_الله_بالحلال.💪

ومتنسوش إن من ترك شيئا لله عوضه الله خيرا منه.✔

#اصبر_واحتسب.💪
#قف_وقفة_شجاعة_مع_نفسك.✌
#اللهم_احفظ_قلوبنا_لأزواجنا_واجعلها_بكرا_لهم.❤
#اللهم_فردوسا_أعلى.

# # # # # # # # # # # # # # # # # # # # #
صلوا على من جلس علي ركبتيه يواسي طفلا مات عصفوره