عن النقاب والعفة أتحدث

قصه عن النقاب

صلوا علي الحبيب

شوفت القصة دي وعجبتني اوووي

ليها معاني كتير جميله اقرايها وشوقي اقدار ربنا جميله ازاي
فعلا الحمد لله علي نعمة الاسلام ونعمة الاتزام ونعمة القرب من الله

#قصه_نقاب 😍

قصة التزامي ثم النقاب ❤️❤️
طويلة 🤗🤗
عمري ما فكرت اكتب حاجه عن حياتي الشخصية ف جروب بس مش عارفه لعله يكون سبب هدايه حد..
انا كنت بنت مرفهه جدا 😊ولازلت الصراحة بس بشكل مختلف😎دخلت ألسن انجليزي وكنت من اوائل دفعتي بل والحمدلله المحبوبة لكل الدكاترة ومعظمهم ف أكاديمية اللغات الدولية اللي كنت بدرس فيها برضه اجانب يعني دماغ مختلفة خااالص ومبهرة ف نفس الوقت حلمي وسع مش بس اني اكون مترجمة أو بدي كورسات زي ما كلهم كانوا شايفين فيا بنوته امورة بناطيل ضيقة وباديهات.. ميكب كااامل عيب حد يشوفني من غير كامل هيئتي😊. اتخرجت بتقدير أمتياز مع مرتبة الشرف ودخلت الجامعة الأمريكية اكمل دراسات ترجمة كنت عايزة ابقا مترجمة فورية وهنا ابتدا المشوار 🤗🤗بنت حياتها كلها قدامها ونزلت عشان اشتري لبس يتناسب بقا مع الجامعة الأمريكية والاستايل اللي هبقى عليه محجبة ااة😎😎لكن الضيق والمكسم ملوش علاقة بالحجاب 😂كنت ساكنة ف أكتوبر وراكبه تويوتا عشان رايحه اشتري اللبس لقيت السواق مشغل شيخ عمال يزعق يزعق جامد مكنتش اعرفه ساعتها ❤️❤️الشيخ كان بيقول "عارفة وشك الجميل دة هياكله الدوود اااة والله وجسمك دة هيبقا تراب والناس اللي ب تشعر ف جمالك دي مش هتطيق تشوفك بعد كام ساعة من موتك.. محدش فيهم هينفعك ف قبرك.. مستنيه اييييه"
😰😰😰😰اتفزعت وحسيت انه بيكلمني انا😥نزلت كلمت السواق لقيته ملتحي ووشه كله نور الراجل دة غير حياتي للأبد والله.. قولتله مين الشيخ اللي كان بيتكلم دة قالي دو الشيخ حازم شومان ❤️❤️وكان أول مرة اتعرف ع الشيخ اللي غير حياتي بدروسه❤️❤️السواق لما شافني لبس ضيق ومكياج وكدة فهم اني قلبي في خير ويجي مني قالي لو عايزة كارت الميموري كله خوديه بس هاتي واحد بداله ويشاء القدير أن مفيش كارت حد من اللي معايا ينفع غير كارتي انا اللي كنت سهرانه طول الليل اظبطه أروع اغاني انجلش مكنتش بسمع غيرها للأسف 😔😔اوبااا كدة انا اللي لازم افرمت كارتي واديهوله🤔🤔وف لحظة لقيت نفسي بمسح كل الاغاني اللي عليه واديتهوله وكانت آخر مرة يدخل تليفوني اغاني سبحان الله ف لحظة من كارت كله اغاني لكارت ملياااان دروس الشيخ حازم شومان والشيخ خالد الراشد كان كارت رووووعه معمول عشاني كله قصص توبه وخوف وحب ف نفس الوقت.. سمعته كله ف يوم واحد وخرجت وانا ناوية مجبش اللبس اللي كنت رايحه اجيبه روحت اشتريت فساتين واسعة وبلوزات طويلة وبقيت بصلي وببكي جامد ف الصلاة وبدأت احفظ قرآن وحياتي كلها بقت مساجد ودروس ودور أيتام قررت البس الملحفة وكانت اسعد ايام حياتي التزمت جدااا وقلبي بقا أرق من النسمة وعيشت اسعد أوقاتي مع الله وربنا كرمني ب زوج صااالح ربنا يحفظه ليا يااارب ❤️❤️والدنيا كانت هتاخدني تاني بعد الجواز وفرحتي كعروسه 😥ايه المشكلة ف الكحل انتي عروسة 😌طيب شوية بلاشر طيب حبه فوندشن طيب ايه المشكلة ف العبايات الواسعة مش لازم ملحفة 😔😔لحد ما قوووولت لااااااااا😰😰😰انا كدة هرجع تاني 😰مفيش غير حاجه واحدة بس اللي هتحميني 💝💝النقااااب 💕💕💕ودة كان حلم حياتي والله ❤️❤️مكنش ربنا رزقني باطفال رغم اني كنت متزوجه من 3 سنين قولت انا هنسا موضوع الحمل دة واعيش مع ربي والبس النقاب وارجع زي ما كنت أقرب من ربنا وقد كان ❤️❤️❤️لبست النقاب وانتو عارفين الحرب بقا 😒😒حرااام عليكي انتي زي القمر ليه تدفني نفسك كدة🙄 كفاية اللبس الواسع 😏مش هتعرفي تشتغل شغلك بالنقاب 😏ووقفت ومهمنيش حد مادام زوجي مشجعني ❤️❤️وبدأت اسعد ايام حياتي رجعت الدروس تاني وحفظ القرآن وقدمت ف معهد إعداد دعاه ونسيت قصة الحمل نهائي وإذا بيا حاااامل وبعمل سونار الاقي نفسي حامل ف توأم اللهم بارك ولد وبنت 😍😍😍وربنا رزقني بأعظم رزق ولادي آدم وفرح ❤️❤️بعد كل التعب دة بس لما اتجهت لربي...
النقاب مش للملتزمين بس النقاب للي عايز يلتزم صدقوني ❤️😍
تعديل 1 .. ناس كتير حابه تعرف انا عملت ايه ف شغلي بعد كدة.. انا تركت لله بعدت عشان مرجعش لفتن الدنيا تاني واحاول اجاري الاستايل بتاع شغلي وبدأت ادرس انجليزي للأطفال ف دار الأيتام بتاع الحصري والأولاد عندنا ف المسجد تطوع يعني وفجأة لقيت أمهات الأطفال اللي ف المسجد بيطلبوا مني بألحاح اني أدي ولادهم دروس بأي مقابل كشغل يعني وهما كلهم كانوا طلبة لغات من المستوى اللي شافوا ولادهم عليه حسيت ان ربنا بيفتحلي باب جديد مفكرتش فيه قبل كدة وفعلااا بقيت بدي دروس من بيتنا ودخلي كان أضعاف اللي كنت هاخده لو كملت الشغل العادي سبحان الله من ترك شيئا لله عوضه الله خير مما ترك❤️😍😍
تعديل2 دخلت الجروب هنا ومن عضوة لأدمن ل مسئولة دار نقاب لاڤرز للقرآن وبعتبر دة من اعظم منن وفضل الله عليا والله😍🌷💓

صلوا علي رسول الله