اهلي اشتروا بيت وكعدو بصف بيت جدي وحياتنه كلش عاديه وفرحتنه ضخمه تزوجت بس ما ابتعدت عن اهلي ولا عن خواتي مكابلاتني وكاعدات هههه
الا ان اجه اليوم المشؤوم اللي قرر بيه يزن يتركني ويروح يجاهد توسلت بيه بست حتى رجله علمود ما يروح بس هوه جان مصر يروح وصدك راح واني ما راضيه ضليت بخوف دموعي تنزل بكل قوه اتمنه يرجع سالم غانم كله اصلي واقره قران وابجي عليه 20 يوم ونزل ردتلي العافيه تلكيته بالبوس والمحاضن كدامهم وهمه يضحكون الكل فرح بجيته اني اعشقه مو بس احبه امووت عليه ضل اسبوع وراح بهذا الاسبوع دللته دلال ما صاير خليته يرتاح والح عليه بعد ما يرَوح راح ويوصي بينه واني اوصي بيه
ملاك فدوه يزن حبيبي دربالك على نفسك بعد روحي 😘 ما اوصيك
يزن عمري مرتي ام بناتي لا تقلقين دربالج على نفسج حبيبتي
ملاك يحفظك الله والرسول
راح اول ثلاث ايام نتخابر ويدزلي صوره وشلون يجاهد حبيبي تالي انقطعت اخباره حاولت اتواصل وياه مغلق تالي رد
ملاك يزن وينك صدك جذب
مجهول الوو خيتي البقيه بحياتج يزن توفه اني صديقه
رئستا طاح النقال مني دكيت على خدودي وصرخت للللاااااااااااا يييزن على صراخي الكل اجه بالكوه كلتلهم يزن مات بده الصريخ واللطم امه انغمه عليهه الكل بجه اني ما مستوعبه الامر مر اسبوع كامل بجيت عليه دم دموعي ما وكفت لو ادري الدموع ترجعه جان كضيت حياتي كلهه ابجي ميته من البواجي امه تمرضت شكل وياهه ضغط وتعبانه البيت تغيرت اوضاعه كلهه حزنت حطو صورته بالشوارع الشهيد
(يزن خاطر محمد) اروح فدوه لاسمك بعد روحي المن رحت شكد تزاعلنه وشكد عاندته وشكد توسلت بيه يترك جان يكلي الأعمار بيد ربج مرت حياتي جحيم اتصل رقم عليه جاوبته
بنيه السلام عليكم شلونج ملاك البقيه بحياتج
ملاك حياتج الباقيه منو انتي
صابرين اني صابرين شلونج سمعت الخبر حرامات الله يرحمه
ملاك هله صابرين شلون حصلتي رقمي
صابرين حصلته بعد هاي امي والاء ودلال وبيبيتي يسلمن عليج
ملاك الله يسلمج سلميلي عليهن مشتاقتلكم ان شاء الله بس ارتاح اجي ازوركم
صابرين اسولفلج لو ما تكدرين
ملاك تفضلي حبيبتي
صابرين بعد ما تزوجتي وعرف بيج علي راد يهد عليكم يكتلج انتي ويزن بس جدي وكفه كاله البنيه تزوجت خليهه تعيش حياتهه ومن وكتهه حالته تدهورت جان يحبج خله وراح لتركيا وما درينه عنه بشي قبل اسبوع اجه وهوه كاللنه ودلال تزوجت وعدهه بنيه
ملاك الله يصبره ما جنت ادري بيه الله يسعدهه بحياتهه
صابرين يله اخذي راحتج حبيبتي راح تلزمين عده موو
ملاك اي حبي
صابرين خليج على تواصل وياي بس تخلصين عده راح نجيلكم
ملاك ان شاء الله هله بيكم والله مشتاقتلكم
صابرين زين شنو صار. عندج
ملاك عندي شمس وحامل بقمر
صابرين الله يحفظهن يا رب دربالج على روحي حبيبتي
ملاك أن شاء الله انتي هم دربالج على روحج
دعاء منيه هاي
ملاك صابرين راح انام لا تكعديني خلي شمس يمج ومن باجر كلي لامي راح الزم عده
دعاء براحتج
حطيت راسي على المخده وريحه يزن بيهه شكد احبه واموت عليه المن رحت وعفتني دموعي تنزل بغزاره نمت محد كعدني ثاني يوم لزمت عده والاكل مالتي صار روبه وخبز لان جان يزن يموت عَلى هالاكله ضليت لازمه عده شمس من ذاك اليوم ما شايفتهه محد يدخل عليه بس دعاء تاخذ ملابس لشمس وتجيبلي اكل وتنضف الغرفه خلصت العده بشلاع الروح والكلب وصابرين متواصله وياي خلصت العده ودخلت دعاء تركض
دعاء تعالي نزلي اجو بيت علي
لبست الحجاب وجنت لابسه دشداشه عريضه سوده وجهي تعبان لا مكياج ولا شي نزلت سلمت عليهم وكعدنه كلنه سوه الكل جايين حتى الطفل جاي وياهم تذكرت شمس صارلي شكد ما شايفتهه جبتهه وبوستهه حطيتهه بحضني راح تدخل سنه عمرهه
بدوا يحجون عن الماضي ولحد هسه وكل السوالف طلعت تعذروا منهم وتصالحو سوه
علي مدامنه هيج كاعدين سوه الله يخلينه هيج اني اخو يزن وحاب اتزوج مرت اخوي واحميهه واستر عليهه وعلى بنات اخوي
