يوميات عروسة مسلمة

"1"

صلوا علي من جلس علي ركبتيه يواسي طفلا مات عصفوره

############################

*#يوميات_عروسة_مسلمة*💍
في حوار بين تنة وصحبتها جنة😀
1⃣الحلقة الأولى1⃣

_جنة يا جنة أنا جالي عريس
_وافقي يا تنة وافقي أهو نخلص منك بردو😄وقبل ملسانك يطول قوليلي عملتي إيه😍
_أنا لسه عملت حاجة،دا لسه هيجي الأسبوع الجاي علشان الرؤية الشرعية
*بس مش عارفة يا جنة أعمل إيه ولا أقول إيه ولا ألبس إيه ولا يعني إيه رؤية شرعية أصلاً أنا مش فاهمة حاجة خالص* 😣
_افصلي افصلي انتي بالعه راضيو ولا إيه😂وإيه إلى انتي بتطلعيه من الشنطة دا🤔انتي رايحه فرح ولا إيه
_دا المكياج إلى ماما قالتلي أجيبه علشان لما العريس يجي يشوفني،متخافيش مش هحط إلا حاجة خفيفة كدة
_مامتك دي زي العسل😅تعالى بقا افهمك يعني إيه رؤية شرعية من الأول خالص🙂
الرؤية الشرعية يا ستي ربنا سبحانه وتعالى شرعها علشان محدش يندم بعد الزواج لو اختار شريك حياته غلط والرسول صلى الله عليه وسلم قال لصحابي من الصحابة لما أراد أن يتزوج(أنظر إليها فإنه أحرى أن يودم بينكما)
هتقعدي معاه وتتكلمي معاه ويتكلم معاكى وتشوفي دماغه ويشوف دماغك يعني تفكريك علشان أنا عارفاكي بتفهمي بالمشقلب🙈 *ودا طبعاً هيكون في وجود محرم*
لأن الرسول صلى الله عليه وسلم قال(لا يخلون رجل بامرأة إلا ومعها ذو محرم).
وقال في حديث آخر(لا يخلون رجل بامرأة فإن الشيطان ثالتهما)
يعني لازم يقعد معاكى بباكي أو أخوكي الكبير أو عمك أو خالك آى حد المهم يكون محرم ليكي👌
_طب من رأيك بقا ألبس إيه❓
_عارفة عبايتك الحلوة الواسعة إلى انتي بتخرجي بيها وخمارك الجميل أو طرحتك الطويلة..أكيد عارفاهم😁ابقي البسيهم دول
_بجد🙊أصل أنا سمعت إني لازم أقعد معاه بلبس ضيق وكده.
_دا مين اللي قال كده إن شاء الله🧐إحنا اتفقنا يا تنة ان الشخص دا مجرد شاب أجنبي عنك زيه زي اي شاب تاني،وكمان يا تنتونه انتي اللبس إلى هو هيشوفك بيه هو دا الي هيمثلك ويعبر عنك وهيعرف من خلاله أنتي لبسك إيه بره البيت،يعني هيعرف من خلاله إذا كنتي ملتزمة ولا لأه ولو انتي عايزاه شاب ملتزم أكيد هو كمان هيكون عايز بنت ملتزمة ولبسها واسع😊
_اها،طب والمكياج بقا أحط حاجة خفيفه ولا أتقل شوية⁉️ولا أقولك هحط حاجة خفيفه علشان أنا مش بحب المكياج التقيل😄
_طب أنا هقولك على فكرة أحس😉المكياج دا بقا أنتي تشليه في الدولاب وابقى إديه لمامتك هدية في عيد الأضحى ولا أقولك أنتي تشليه في شوارك أحسن🙈أهو تكوني استفادتي بيه🙈هفضل أغنى أنا للصبح😒عمو العريس دا أجنبي عنك،يعني زي مانتي مينفعش تمشي في الشارع بمكياج=مينفعش بردو تقعدي قدامه بمكياج👍
_معلش يا جنة اعذريني😁ماما إلى قالتلي لو محطتيش مكياج هيطفش.
_تمام جداً👏لو طفش بقا ابقي حوليه عليا 😂
_إحم إحم🤓🤓قولي كده بقا.
_قصدي يا تنونه يعني😋خروجك قدامه بمكياج دا معناه أنك بتخدعيه أو بمعنى أصح بتدبسيه،هو جاي أصلاً علشان يشوفك انتي مش يشوف المكياج،وبعدين لو شافك دلوقتي بشكل وشافك بعد الزواج بشكل تاني هتكوني انتي كده دبستيه،حتى لو انتي حلوة في الأصل هيحس أنك خداعة وبعدين انتي بعد الزواج حطي زي مانتي عايزة،وهقولك على حاجة كمان انتي اصلاً في البداية متعرفيش إذا كان دا نصيبك ولا لأ وبكده هتكوني تزينتي لغير زوجك وترجعي تندمي بعد كده أنك وضعتي زينتك في غير محلها،غير أنه لا يجوز أصلاً أنك تتزيني ليه قبل العقد...اتفقنا😊
_طيب يا جنة أهم حاجة بقى أسأل في إيه⁉️
📌ودا بقا إلى هنعرفه الحلقة الجاية بإذن الله🌻

استنوني🙂

🖌بقلمي#فاطمة_خطاب🌹

###################

صلوا علي من ياتي يوم القيامه ويقول امتي