يوميات عروسة مسلمة

"١٠"والخيرة

صلوا علي من جلس علي ركبتيه يواسي طفلا مات عصفوره

###########################

*يوميات عروسة مسلمة💍*
في حوار بين تنة وصاحبتها جنة😃

الحلقة الأخيرة💗

_يا بنات يا بنات يا بنات😻هيصوا و يا بنات😃دا الفرح ملوهش ميعاد💃🏻
_إيه يا حبيبتي الفرح اللي انتي عاملاه دا😒
_أصلي مش مصدقة أننا أخيراً في الحلقة الأخيرة من يوميات عروسة مسلمة...عقبال المحقق كونان يارب😂
_🤭ربنا يشفيكي يا بنتي🤲
_يلا خلصي يا جنة وقوليلنا هتتكلمي معانا في إيه انهاردة ⁉
_لا أنا هفضل ساكته ومش هتكلم خالص😅اتفضلي يا حبيبتي المايك معاكي🎤
_نعم ياختي😒يبقا أنا مستنية الحلقة بقالي قرن وأنتي تقوليلي اتكلمي انتي👊
_إخلصي يا حجة معندناش وقت😅
*🎬وبعد أن انتهت المعركة...*
_عايزة أقولكم يا بنات إنه *"من يتق الله يجعل له مخرجا ويرزقه من حيث لا يحتسب"* لازم تخلوا الأية دي أساس في حياتكم كلها ، الإلتزام بضوابط الدين راحة وسعادة في كل حياتنا مش بس في الخطوبة لأ دا في كل شئ،أنا لما التزمت بضوابط الخطوبة ربنا جبرني جبر لا يمكن حد يتخيله لما تأملت قول الله تعالى *(أليس الله بكافٍ عبده)* عرفت إن مستحيل ربنا يخذلني أبداً،تيقنت إن فترة الخطوبة ما هي إلا فترة إستقرار مش فترة تعارف بمعنى إنو خلاص استقريت مش مستنيه إن حد يجي يتقدملي تاني،لكن مش فترة تعارف لإني عمري مهتعرف عليه وعلى طبعه أبداً غير لما أعاشره بمعنى إني أكون عايشة معاه طول اليوم أشوفه وهو بياكل وبيشرب ولما بيتعصب ولما بيتضايق ودا مستحيل أعرفه في مكالمة تليفون ولا في خروجة أبداً،تيقنت إني مش هستفاد أي حاجة لو خالفت الشرع وكلمته وخرجت معاه وعشت حياتي،ولو لا قدر الله سيبته هبقا أكون أهلكت قلبي ومشاعري عالفاضي وعصيت ربنا،دوقت طعم الصبر الي ممكن يكون صعب بس كانت أخرته حلوة قوي ببساطة لأنه *من يتق الله يجعل له مخرجا ويرزقه من حيث لا ييحتسب* ربنا سبحانه وتعالى رزقني فوق ما أتصور وبقيت غالية جداااا في نظر خطيبي وحتى عيوبه بقا يحاول يغيرها عشان ميخسرنيش،حياتنا إتبنت على تقوى الله،بنتفهم رأي بعض وبنقبل عيوب بعض وبنتناقش بهدوء وتفاهم وبنعين بعض على تقوى الله كل دا عشان إحنا بدأنا حياتنا صح مش هقولكم كنا بنتكلم وقت الخطوبة لأ دا احنا سعات مكناش بنتكلم نهائي ولا حتى في وجود محرم كنا بنقابل بعض في الدعاء،ونتفق مع بعض في الصبر والعفة لغاية مجنينا ثمرة صبرنا وربنا رزقنا بفضله وبقيت أنا كل شئ في عين زوجي مستحيل يبص لغيري وأنا مستحيل أبص لغيره،والله الإستقامة حلوة وثمرتها حلوة وحياتنا مش طويلة علشان نقضيها في معصية الله،جربي تسمعي كلام ربنا وشوفي الجزاء،بلاش تمشي وراء رغباتك وشهواتك،اعملي لنفسك حدود إوعي تخطيها،تَمسكي بمادئك،وكوني أنتِ أقرب الناس إلى الله.... بس خلاص😅
_الله الله يا مدام تنة😍إيه الجمال والحلاوة دي🤭ماشاء الله عليكي💝
_أي خدمة يا بنتي دا أنا أعجبك قوي بس أنا مبحبش أتكلم على نفسي كتييير😂
_إيه يا بت انتي صدقني نفسك ولا إيه😅وسعي وسعي عايزين ننهي الحلقة ي😄
*في النهاية بقا يارب أكون وصلت رسالتي على أكمل وجه🌸حابه جداً أعرف مين إستفاد من السلسلة دي وطبق يها بجد وياترى حسيتوا بإيه بعد أما مشيتوا بضوابط الخطوبة⁉أتمنى أكون أفدتكم ولو بالقليل 💝*

جزاكم الله خيرا🌷ومعذرة على تأخير الحلقة ربنا يبارك فيكم ويسعدكم دنيا وآخرة ويجعل أيامكم كلها راحة وسعادة بطاعة الله ويرزقكم الأزواج الصالحين المصلحين اللهم آمين 💜

*تمت بفضل الله 💞*

*#يوميات_عروسة_مسلمة💍*

صلوا علي من جلس علي ركبتيه يواسي طفلا مات عصفوره