يوميات عروسة مسلمة

"2"

صلوا علي من ياتي يوم القيامه ويقول امتي

# ## # # ## # # ##

*يوميات عروسة مسلمة💍*
في حوار بين تنة وصحبتها جنة😀

الحلقة الثانية2⃣

_طب يا جنة بقا أسأله في إيه 🤔
_اسأليه في أي سؤال يخطر على بالك،كل بنت بيبقى نفسها إن شريك حياتها يكون فيه صفات معينه وبيكون عندها أساسيات مختلفه عن التانيه فأنتي إسأليه في كل شئ عايزه تعرفيه عنه،وطبعاً لازم تسأليه عن الصلاة وخاصة صلاة الفجر بيصليها ولا لأه في المسجد ولا في البيت ونصيحتي ليكي أن صلاة الفجر تكون أساس من الأساسيات بتاعتك وهقولك على حاجه أخت جزاها الله خير كانت قالتهالي وفضلت عالقه في دماغي لغاية دلوقتي قالتلي👈 *(وأنتي  بتختاري شريك حياتك لازم يكون صلاة الفجر أساس عنده لأنه لو بيصلي الفجر في وقته هيكون أكيد بيصلي كل الصلاوات وهيعينك على كل خير ومش ممكن يسيبك ابداً تنامي عن صلاة الفجر)* وحكاتلي عن موقف بينها وبين زوجها خلتني لا يمكن أوافق على إنسان مبيصليش الفجر قالتلي *(أنا في يوم من الأيام كنت تعبانه جداً ونمت ماكنتش قادره أقوم أصلي الفجر وزوجي قعد يصحيني وأنا مصحيتش راح صلى ورجع لقاني لسه نايمه استنى ورايا لغاية مصحاني وبعد مصليت قالي صليتي خلاص نامي بقا وأنتي مستريحه🙂)*
_ماشاء لله اللهم بارك ربنا يحفظهم يارب🤲طيب أسأل في إيه تاني⁉️
_إسألي بردو يا غالية عن القرآن ياترى بيقرأ ولا للأسف هاجر القرآن،وإسألي عن معاملته مع أهله،وربنا رقم كام في حياته والحجات دي معظمها هتحسيها أنتي من كلامه ولازم تسألي عنه كويس أوي قبل ميجي البيت يعني مثلاً تخلي والدك أو أخوكي الكبير يسأل عنه عند بيته وفي مكان عمله وفي المسجد إلى جمب بيته وانتى بردو اسألي بس مش معنى كلامي انك تسألي عنه في الشارع لأ أنا أقصد أنك لو تعرفى أخت تعرفه أو كان جالك عن طريق أخت تسألي عن أخلاقه ودينه يعني بمعنى أصح كده تعملوا فيها مخابرات😅ودا طبعاً علشان أنتي غالية أوي مش أي حد يشوفك ويقعد معاكى وسواء حصل قبول أو محصلش فإنتي تكوني  عملتي إلى عليكي وخلاص وسواء وافقتي أو موفقكتيش فدا  شئ لا يقلل منه ولا منك لأنه دا نصيب والنصيب لا يعلمه إلا الله🌹
_طب أبصله ولا أخليني باصه في الأرض⁉️
_أيوه خليكي باصه في الأرض ولو لقيتي الشراب شكله حلو ابقي وافقي😒
_هههههه براحه عليا شويه طاب
_بصي يا تنه الرسول صلى عليه وسلم لما فيه صحابي قاله أنه هيخطب فلانه قاله " أنظر إليها فإنه أحرى أن يؤدم بينكما"
زي مأنتي هتخرجي قدامه بوشك من غير نقاب علشان يشوفك أنتي كمان من حقك تبصي عليه وتشوفي هل أنتي راضيه بشكله ولا لأ،ولازم يكون في قبول في الشكل لأن الشخص دا هو إلي هتعيشي معاه طول حياتك ولو قولتي أنك مش مهتمه بالشكل أهم حاجه الجوهر فدا شئ جميل جداً بس بردو لازم يكون فيه قبول شكلي لأنك لو مكنتيش قابله شكله ممكن الشيطان يدخلك من المدخل دا وهتقعدي تقارني زوجك بأي شخص تقع عينيكي عليه غصب عنك وبكده تكوني حطيتي نفسك في دوامه مش هتعرفي تخرجي نفسك منها  وطبعاً مش لازم يكون كامل من جميع النواحي أو ملك جمال مثلاً ومش لازم يكون شعره أصفر وعنيه خضرا وطوله مش عارفه إيه والكلام الفاضي  دا أهم شئ لما تبصيله يكون شكله مقبول بالنسبالك و تكوني راضيه بشكله والنقطه دي طبعاً أنتي إلي حتحدديها بنفسك مش حد غيرك لأن مقاييس القبول في الشكل بتختلف من شخص لأخر يعني ممكن يكون مش مقبول من وجة نظرك ومقبول من وجة نظر شخص تاني.
_طب يا جنة مش أنتي قولتي إن الشخص دا أجنبي عني وأي شخص أجنبي عني لازم أغض بصري عنه مش كده⁉
_بصي يا تنه الرؤية الشرعية فيها استثناءات يعني زي مانت هتخرجي قدامه بوشك من غير نقاب علشان يشوفك أنتي كمان من حقك تبصي عليه وتشوفي هل أنتي راضيه بشكله ولا لأ وهو نفس الكلام وأول ماتنتهي الرؤية الشرعية تنتهي الإستثناءات وتبدأ مرحلة غض البص من جديد  أو مرحلة الصيام ودي نقطه هكلمك عنها وقت تاني بإذن الله🙂
_ربنا يكرمك يا جنة يارب ويبارك فيكِ يارب❤بجد إنتي أفدتيني جداً بس عندي سؤال أخير بقا معلش😊
_ أجلي سؤالك لبكره وأنا بإذن الله هجاوبك على كل إلي أنتي عايزاه🤝في أمان الله💝

*#يوميات_عروسة_مسلمة💍*
*✍#فاطمة_خطاب🌸*

##########################

صلوا علي من ياتي يوم القيامه ويقول امتي