صلوا علي من ياتي يوم القيامه ويقول امتي
#############################
*#يوميات_عروسة_مسلمة💍*
في حوار بين تنة وصحبتها جنة😃
الحلقة السادسة6⃣
_جنة يا جنة مش إحنا خلاص هنحدد ميعاد الخطوبة😊
_ماشاء لله🧡مبارك يا تنة🎊ربنا يتتمملك على خير يارب🤲تعالي بقا يا بت أما أعرفك على خطيبك كويس😅
_تعرفيني على مين يا جنة🤭لا أنا عارفاه كويس أوي😌
_تعالي بس كده أنتي متعرفيش حاجة تعالي😂
_إيه يا بت خوفتيني🧐
_لا متخافيش الحجات إلي هقولهالك دي هيه مفتاح السعاده وراحة البال طول فترة الخطوبة😍
_قولي قولي...يا ترى مخبي عليا إيه🤔
_احم احم😂بصي يا ستي إلي انتي متعرفيهوش أن خطيبك دا بردو أجنبي عنك زي مكان أجنبي عنك قبل الخطوبة👌يعني مينفعش تتكلموا مع بعض في عدم وجود محرم ومينفعش تخرجوا مع بعض لوحدكم يعني الخلاصة مينفعش تختلوا ببعض *والخلوة تشمل الفيس والواتس والتليفون* وطبعاً مينفعش تسلمي عليه بإيدك أو تهزري وتضحكي معاه يعني متخضعيش بالقول معاه،ولما تشوفيه غضي بصرك علشان زي ماتفقنا هو أجنبي عنك وأنتي أصلاً شوفتيه خلاص في الرؤية الشرعية
_إيه يا جنة إلي انتي بتقوليه دا🤔أمال هتعرف عليه ازاي وبعدين يا بنتي دا خطيبي مش حد غريب وإيه بقا كده إلي هيميزه عن أي شخص تاني🙄
_بصي يا غالية.. الخطوبة دي مجرد وعد بالزواج وكل إلي هو يملكة فيكي أن محدش يجي يخطبط طول مهو خاطبك،اسمعيني كويس بقا واعرفي معايا ضوابط الخطوبة لأنك لو اتنازلتي عنها يبقا كده انتي اتنازلتي عن سعادتك وراحتك وكمان رضا ربنا سبحانه وتعالى💔وأنا بقولك أهو من دلوقتي علشان متندميش بعد كده لأنه للأسف الشديد بنات كتير جداً بتبقى عارفة ضوابط الخطوبة كويس أوي وتيجي وقت الخطوبة تضعف وتتناول وحده وحده لغاية مبتوصل لوقت تندم فيها على كل لحظه اتنازلت فيها وعصت أمر ربنا علشان خطيبها وغالباً الخطوبة مبتكملش علشان *"من استعجل شياً قبل أوانه عوقب بحرمانه"💔*
فالواجب على كل بنت قبل الخطوبة تكون عارفه كويس جداً إيه هيه ضوابط الخطوبة وتقعد مع الشخص دا في وجود محرم طبعاً *وتحط النقط عالحروف* علشان يكون على بصيره من الأول فلو هو وافق ورحب بكلامك يبقا أبشري وبإذن الله يكون إنسان محترم وعارف دينه كويس وكمان انتي هتعلي في نظره جداً وهيحافظ عليكي وهيعمل المستحيل علشان يسعدك فيما بعد وهيعرف أنك مش بالساهل حد يضحك عليكي....طب لو رفض بقا وهددك بفسخ الخطوبة أو بين أنه زعلان أو أي شيء من هذا القبيل هنا بقا ابقي شوريله عالباب وقوليلوا متقطعش الجوابات😂لأن مش دا الإنسان إلي يستاهلك ومش دا الإنسان إلي هيحافظ عليكي لأن المفترض إلي بيحب حد بيخاف عليه من نفسه🙂
_ طب هتعرف عليه وهعرف طباعه إزاي⁉وطبعاً انتي عارفه أن الواحد مش بيبقى في الرؤية الشرعية أو حتى في الخطوبة على طبيعته فعرف إزاي إذا كنت هكمل ما معاه أو لأ⁉
_طب يا توته مانتي رديتي على نفسك أهو🙈أديكي قولتي أنه حتى في فترة الخطوبه مش بيكون على طبيعته المعروف أن الطرفين بيحاولوا بقدر الإمكان يبانوا بأفضل صور قدام بعض يعني أنتي لما هتشوفيه هتشوفيه كام ساعة مش اليوم كله.. هتسمعيه في التليفون أو الشات مش في البيت مع أهله وغير كده أنتو اتعرفتوا على بعض خلاص في الرؤية الشرعية واستخارتوا ووكلتوا أمركوا لله وربنا سبحانه وتعالى حاشاه أنه يخذل عبداً اتقاه وابتغى رضاه❤
_يعني معنى كلامك إني أفضل منقطعة عنه طول فترة الخطوبة ومتكلمش معاه نهائي⁉
_لا يا ستي مين قال كده انتي هتقوليني كلام أنا مقولتوش😅
_آمال إيه بقا يا ستي🤔
_هقولك هقولك بس المرة الجاية إن شاء الله🌷
*استنوني😉*
*#يوميات_عروسة_مسلمة💍*
*✍#فاطمة_خطاب🌸*
#############################
صلوا علي من ياتي يوم القيامه ويقول امتي
أنت تقرأ
يوميات عروسة مسلمة
Romanceيوميات عروسة مسلمة ليست رواية ولكنها حوراه لتريكي كمسلمه كيف تتصرفين ولكل بنوته خلاص قربت تدخل القفص زاي ما بيقوله بيعرف ازاي تتصرفي ازاي تختاري وبيكون في اسألة اي بنوته بتمر في الوقت ده وإجابتها
