#ابن_عمي8
وصلنا البيت قلت لي امي كيف م تكلميني قالت لي انا و ابوك رافضين و حسمنا الموضوع ....قلت ليها و كمان ابووي عاارف قالت لي ااي وقال هاني م زول مسؤوليه .....قلت ليهاا الحمدلله الانتو مقتنعيين ...دخلت غرفتي مصدومة كمان قوة عينو يتقدم لي ....قمت ..اتصلت لي هيام لازم اكلمهاا حكيت ليها. من عندي غيرها الهبله و قالت جاياني عشان نخطط تااني كيف اخلي مهند يحبني قبل اجازتو م تنتهي ..ابوي جا من الصلاة معناها مهند برضو رجع ..اول حاجة عملها اتصل لي شهد و قال ليها تاني م تتصل هنا و ان هي م المرا الممكن يعيش معاها و يجيب منها اولاد و تربيهم قعدت تبكي ليهو انا انتظرتك و انا بحبك قال ليها لو بتحبيني م بتعملي كدا وقفل في وشهاا حظرها من اي مكان و مسح رقمها ....مهند حزين علي السنين الكان مغشوش فيهاا ..حزين علي حبو الضاع منو استغفر و مشي يتونس مع نااس ابوهو عشان ينسي ...هيام جاتني و قعدنا نتونس مع نااس امي و بعدها طلعنا فووق ...طلعنا ككدا ايمن اتصل لي هيام. ...هيام قالت لي ايمن بيتصل ..قلت ليها دا عايز شنو تااني . قالت لي يمكن حصلت حااجه ...ردت و فتحنا الاسبيكر قال عايز قرووش قلت ليهو كنا متفقين معااااك و اديناك حقكك قال انتهت و عايز تاني ..قلنا ليهو اديناك حقك و م عندك معانا قرووش ..قال لينا لو م رسلتو لي 500 هسي رقم مهند معااي و بكلمو ب اي حااجه..... ضغط علينا و قلنا ليهو بنحول ليك ...وقفل ......خلاص بقينا تحت رحمتو و تاني اليحلنا منو شنو من التلاته مليون كان فاضل اتنين شلته 500 و نزلنا حولنـــا ليهو ...رجعنا غرفتي عشان اوقع مهنــد و اخليهو ينجذب لي ...دخلته الواتس و غيرته الصورة الكنت عاملاهاا و ختيت صووره لي اناا رهيبه كدا عاجباني شديد ..و كتبته في الحالة اصعب حاجة الحب من طرف واحد و قلب مكسور ..قمته رسلته ليهو عشان يشوف حالتي ...كتبت ليهو مهند ازيك ...دخل طوالي رد لي ايناس ..بخير الحمدلله وانتي كيف! ...قلت ليهو الحمدلله ..بعدها رسلت ليهو قلقتنا عليك...قال لي معليش والله بس م ب يدي كنت مشوش شويه ..قلت ليهو ممكن تحكي لي عاادي المضايقك ..قال لي م ف حاجه و خلاص اي حااجه اتحلت ..قلت ليهو م تشيل هم اصلا الدنيا دي كدا و بديت اتفلسف نظام كبيرة و واعيه و كدا ....لكن احرجني الحيوان. ....المهم شويه مني و شويه منو ...قال لي دي انتي الفي الصورة ..قلت ليهو م بشبه ولا م بشبه ..(خلاص لساني الطويل طلع) ..قال لالا م كدا بس الصورة حلوة شديـد ..قلت ليهو عيونك الحلواات تسلم احييي بس ..سألني من الحالة انتي حابه! ....م عرفته اقوول شنو ولا ارد ب شنو. هيام قالت لي قوولي لا شالتني الهااشميه و قلت ليهو ااي بس من طرف واحد ...قال لي دا منو سعيد الحظ دا!... قلت ليهو م بتعرفو ..واصلا م ف حااجه يقولو عليها كدا ..قال لي ايواااه ..تاني م رسل لي ولا انا ررسلته ...هيام قالت لي كيف تقولي ليهو انك حابه عايزة تطيريهو من يدك ..قلت ليها جات كدا و قلته خلاص قالت لي م عايزة اتأخر عشان امي م تشاكلني يلا قدميني ...فلت ايها اانتظري الغداء قالت م جعاانه ....لفحته لي تووب و مشيت اقدمهاا ....وانا راجعة قابلني مهند و هاني طالعين ...مدنقرة راسي ...هاني قال لي ياا جميل. ..م ررديت عليهو صريت وشي و طوالي دخلته جوه متخلف خلاااص.... مهند احلي من هااني عسل عسل عسل ....و هم مع بعض في العربيه هاني م عندو سيرة غيري ..و مهند ساااكت . ...لقيت امي في المطبخ ساعدتها جهزنا الغداء ميناس جنها نووم البقرة مشيت صحيتها و ناديت ابوووي اتغدينا و اتونسنا في الغدا و قلت ليهو عايزة قروش عشان اشتري لي غيارات للسمستر الجديد.. بعدها مشيت اخدته لي حمام ظريف و مشيت غرفتي بحضر في التلفزيوون .....المساء مسكته تلفوني فتحت الواتس و فتحت بروفايلو اكبر و اصغر في صورتو و قمته حفظتها و رسلت ليهو ...انا عبيطة خلاص لكن اعمل شنو بحبو مساء الخير ....م رد لي و انا ماسكة التلفوون و منتظرة و نمته و انا فااتحه دردشتو ...ردي لي ززي الساعة 11 بعد رجعو ....من صحيت الصباح اكابس في التلفوون لقيتو كاتب لي مساء النور و بيعتذر انو ااتأخر في الرد ..ب قلبي قلت المهم رديت ...رسلت ليهو صباح الخير
..قال لي صح النوم ...دا كلو نووووم ...قلت ليهو م ف موضووع اعمل شنو ...
#يتبع
