#ابن_عمي13
المغرب انا و ميناس رجعنا البيت نجهز نفسنا كويت شعري و لبسناا و اتمكيجته براي و اتصلت لي هيام تجي علينا في البيت ..انا لـبستة فستاان كوبي بي فضي مع الجسم حكاااايه و لفيت شعري و خليتو فااكيعسل بس ... مينااس لبست فستان كحلي ..هيام جاات علينا و الناس الكبار كلهم اتحركو علي الصاله حتي امي معاهم ..و نحن قلنا بنجي البنات برانا لان م في طريقة مع نااس امي ما بتكفي العربات و عشان ناخد راجتنا في اللبس عشان ما يستعجلوونا ... طلعنا لقينا عمي نازل من السلم ....قال لينا انتو لسه ما مشيتو قلنا ليهو طلعنا هسي عايزين نشوف عربية .. ..قال لينا مهند ما مشي لسه امشو معاهو هسي بينزل. ما تتمشو براكم انا جااياني اصحابي ب عربية ....عمي مشي و فضلنا واقفين منتظرين حضرت سيادتو .. ..مهند نزل لابس بنطلون بني بـ قميص زيتي و و شاكي و الجزمة حاجه عجيبة دا شنو الجمال دا يااا رب بس فااتحه خشمي احي انا بسسألنا الموقفكم شنو ! ميناس ردت قالت ليها ما لقينا عربية و عمو قال لينا مهند بيوصلكم و منتظرنك هنا ... انا عامله زعلانه عشان بقي ما بيتكلم معااي و ما بيرسل لي ..ابيت اركب قدام ركبته ورا و ميناس قعدت قدام و انا معااي هيام ..يتونس معاهم و انا ما فتحته خشمي و يعاين لي بالمرايا كل شوويه. وصلنا ..ميناس و هيام نزلو سريع فضلنا انا و مهند قلت ليهو ممكن اعرف في شنو و ليه بقيت تعااملني ككدا ..ما عبرني قال لي ممكن ندخل ..قلت ليهو خير و دخلنا الصاالة الانظار دي كلهاا عليناا ....و هاني قصااادناا يحمر ليناا حسيت لي لحظة خ يعمل مشكلة ...مهند قال لي في حاجه غلط فينا قلت ليهو ما عااارفة.. انا مشيت علي نااس امي و هو مشي علي ناحية اصحاابو ...العرسان لسه ما وصلو ..واحد من اصحاابو سألو مني ..قال ليهو دي منو المزه الجات داخله معاك دي ...مهند عصب قال ليهو وانت مالك و ماالا و ما تسأل منها تااني دي بت عمي .. ..قال ليهو اسف والله ما افتكرتها بت عمك ...العرساان وصلو و زفووهم و انا وين اكل في العشاء و بعدها في نص الدايرة ارقص سااي و مهند يعاين لي من نااحية و يشرب سجارة ورا سجاارة ..ة هاني عامل فيها بيرقص جمبي ..نظام بيرقص معاااي و ككدا سفهتو و زحيت من جمبو ....مشيت ناحيه ناس امي ..مهند جا يرقص و اول مرة في حياتي اشوف مهند يرقص وقفته رقيص بس بقيت اعااين ليهوو و للي حركاتو ..هو انتبه لي و وقف رقيص و جا علي نظام بيرقص مع ناس امي ..نسيت الزعل و رقصنا و حتيناهو ما خخليناا حاجه كنت مبسووطة شديد ..هاني اختفي من الصالة كلهـــا ...جرتكنا العروس ومهند بس بيعااين لي ما شال عينو مني ...حسيت كأنو بيقول لي يا ريت لو كنا مكاانهم الحفلة انتهت و الناس ركبت العرباات رجعت البيت...نحن رجعنا مع مهند المرة دي ركبتاا قدام نتونس عن الحفلة ..نزلنا هيام و واصلنا البيت ...نزلت و قلنا ليهو تتصبح علي خير ...ناس امي وصلو قبلناا ...بس مشيت علي الغرفة و اانجدعته في السرير تعبانه جسمي واجعني من الرقيص عشان طولته من الحفلات ...صحيت الصبااح عااينته في المرايا وحش بس الكحل ساايل و الروج ....الحمدلله ما عندي جامعة الليله يا داب اخدته لي ددش من امس و نزلته اشوف لي حااجة اكلها...قعدنا انا و امي و ميناس نعلق علي حفلة امس ..خلصنا و مسكته تلفووني ما لقيت حاجه من مهند ...اتصلته ليهو بس ما بيرد قلت احتماال ناايم و رقدته نمته تااني .....ايمن بيتصل لي شهد و هي غيرت شريحتهاا و قرر يمشي ليها البيت. ...باب ناس هيام دقه امها فتحت الباب ..لقتهاا بت قاالت ليها اتفضلي ...البت دخلت و قالت انا صحبت هيام.. ام هيام قالت ليهاا دقايق انااديها ليك و قعدتها في الصالوون ...ام هيام نادت بتها قالت ليها صحبتك منتظراك بره ..قالت ليهاا من متين ايناس بقت محترمة و مهذبه ما جاتني هجمت علي في غرفتي ..امها قالت ليها دي ما هيام وحده اول مرة اشوفهاا .. ..هيام دخلت الصالوون و قلعت عيوونهاا معقولة! ...شهد! (ام هيام مع انها ساكنة قريب منهم بس ما عرفتهااا) ...قالت ليها اي شهد ..شهد اللعبتي عليهاا و بوظتي ليها خطووبتها ..انتي فاكراني ما ح اعرف ..ليه عملتي كدا هدفك شنو! عاايزة شنو ..ام هيام جات داخله و جابت المويه ختتها و قالت لي شهد اول مرة اشووفك ...شهد قالت ليها تاني ح تشووفيني كتييير ..ام هيام قالت ليها ان شاءالله تنوريناا و طلعت ..شهد قبلت علي هياام و قالت ليها علاقتك شنو ب ايمن ...قالت ليهاا ايمن منو كمان ما عندي اي علاقة بالاسم دا ...شهد قالت ليها مرسل ليكي الفيديو ليه ...هيام قالت ليها ياتو فيديو انا ما جاااني اي فيديوو ..شهد قالت ليها كدا يعني? طيب ...و قامت علي حيلهاا و قفت قدام هياام و قالت ليها كل حاجه ح تظهر و طلعت ..هيام اول حاجه عملتها و اتصلت لي صحتني من نوومي ..اصحي يا اينااس الليله خلاص موضوعنا اتكشف ..انا يا داب صااحيه و ما مجمعة ..موضوع شنو يا بت! ..شهد يا ايناس ..شهد جاتني في البيت ..انا قلعته عيووني انتي جااده عايزة شنو! ..سألتني عن ايمن و الفيديو و انا نكرته البت دي ما ساهله يا ايناااس !! ..يا بت ما تخافي مدام قلتي كدا طمنتها و قفلته منها وانا برااي خاايفة ...هاني جا البيت و قال لي اامو اخر قرار لي ناس عمي شنو لسه ما موافقين قالت ليهو يا ولدي انا كلمتك اي حاجة قسمة و نصيب و شيل البت دي من راسك ..خلاها و دخل غرفتو .....انا خلاص النووم ما جاني تااني قلت ادخل الواتس اشووف مهند داخل ..لقيتو لسه ما داخل معناها لسه نايم من تعب امس ..تاني اتصلته. انا عبيطة خلاص ..رد لي صحيتو من النوم ...صباح الخير ..صباح النوررر ..صح النوم العصر جا ..قال لي تعباان والله حاسي نفسي فتراان و عايز انووم لسه ...قلت ليهو عايزة اقول ليك حاجه بس انا ما عارفه الايام الفاتت دي كنت بتتصرف معاي كيف ولا عاارفه انت زعلان مني في شنو بس انا ما مرتاحة للوضع دا ..سكت مساافة قال ما تتغابي يعني ما عاارفة ..قلت ليهو والله ما عاارفه ..قال لي علاقتك شنو ب هااني اخووي ! ..قلت ليهو هااني! وعلاقتي! ?
#يتبع
