#ابن_عمي14
قلت ليهو هاني علاقتي بيهو الوحيدة انو ود عمي بس ..قال لي بس ..قلت ليهو ااي ..طيب دا شنو الكلام القالو لي هو! ..كلام شنو يا مهند! ..قال انو اتقدم ليك ..ااي فعلاً اتقدم بس امي و ابوي ما موافقين ..قال لي وانتي ! .قلت ليهو هاني دا زي اخووي و ما موافقة طبعاً ...قلت ليهو دا السبب المخليك متغير معااي! ..قال لي انتي شايفاها حاجه سااهله ككدا ! ..قلت ليهو من ما عرفته كانت تجي تسألني! ..قال لي انا قلت انتي عاارفه و بتتغابي! قعدنا نتونس و شويه اشاكلو ...ايمن وقف قدام بيت ناس شهد و دقه الباب طلعت امهاا.. اهليين عايز منو ..قال ليها عايز شهد ..قالت ليهو عايز منها شنو. قال ليها بتصل تلفونهاا مقفول عايزها دقيقة ..قالت ليهو اقول ليها منو ..قال ليها ايمن .. دقيقة اناديهاا ليك ..امها دخلت جوه قالت ليهاا في شاب قال عايزك بره..قالت ليها منو ..امها قالت ليها اسمو ايمن ... ..شهد اتوترت قالت ليها قولي ليهو ناايمة ...امها مشت قالت ليهو ناايمة قال ليها قولي ليها انا جيت و سألت منك و مشي ...انا و مهند ساعتين بنتكلم ...حسيت ب حبو بس ما قالها لسه علي قول انصاف ابا يقولا ...خلصنا و مشي يشوف ليهو حاجه ياكلهاا و نازل القهوة مع اصحابو ..انا مشيت اكلته لقبت امي و مينااس بيتوتسو انا طبيعي معزوولــة و ما بكون عارفه الشماارات .... جهزته لبستي بتاعت بكرا و اتصلته لي هيام قلت ليهاا استنيني في الظلط بكره....نمته من غير ما اشعر ...صحيت بدري صليت الصبح و جهزته طلعته لقيت مهند واقف بره ...قال لي صبااح الخير ..قلت ليهو احلي صبااح ..قال لي يلا اركبي اوصلك ..من غير ما اتردد ركبته و برضو هاتي شاايفناا ...قلت ليهو بس هيام ح تكون منتطراني مشينا عليهاا يا حليلهاا كانت واقفة وصلنا جمبها و نزلنا القزاز قلت ليها الواقفة ليها شنو ارح اركبي قبل نتأخر سلمت علي مهند و مشيناا ...شلته الوصلة ركبتها في تلفووني و برااي فتحته اغاني اليسا اغنيه حاله حب ..مهند مستغرب بيعاين لي و انا مطنشاهو و مندمجة مع الغنيه هو و هيام بيتكلمو فيني و ما جايبة خبرهم ..لمن وصلنا اتمنيت الطريق ما ينتهي ..نزلنا و قال لي اتصلي لي لمن تخلصي ..قلت ليهو حااضر ...و انتظرنا لمن دخلنا جوه الجامعة بعدها مشي وصل البيت لقي ابوهو و هاني منتظرنو ..ابوهو ناداهوو ..قال ليهو دا شنو البتعمل فيهو دا ! ..قال ليهو عملت شنو يا حااج ..قال ليهو ما عارف ان هااني عايز اينااس و اتقدم ليها ! قال ليهو كان عايزها و هي رافضه و امها رافضه و ابوهاا رافض ...قام نادي الام قال ليها صحي ام ايناس ردت ليك. بالرفض ..قالت ليهو ااي يا احمد ..قال ليها طيب ليه ما كلمتيناا ..قالت ليهو انشغلته مع العرس و الجووطة ...مهند عاين لي هااني و طوالي خلاهم و دخل غرفتو .... و رجع نام ....مهند ارتاح بعد عرف ان ما عندي حااجه لي هااني و رجع كمل نومو ...عشان بعذ سااعتين ماشي لي اصحاابو .....نحن حضرنا المحاضرة و مشينا الكافترياا فطرنا لان عندنا محااضرة تاانية ..قابلني جمال تتذكروهو ياخ الود المكسر فيني بعد الاحراجات البحرجها ليهو ما بيتوووب...وقفنا و نحن ماشين علي المحااضرات ..قال لي ممكن كلمتين علي جنب طبعا هو اتخرج بس ما عارفه بيحي الجامعة ليه ..قال لي دقايق بس قلت لي هيام دقيقة الود دا لازم اوقفو عن حدو الملام دا في اضان هيام .....مشينا شوويه كدا من هياام...قال لي من الاخر يا بت الناس انا عايز اتقدم ليك ..قلت ليهو شنووو ..قال بالواضح ككدا انا جاهز للعرس و عايزك يا بت النااس ..وانا لسه مصدومة و بعااين بس ..قلت ليهو تعرس منو ..قال لي انتي ...قلت ليهو منو قال ليك انا بفكر في عرس ..قال لي اخدي راحتك و فكري و اداني ورقة فيها رقم تلفونو و مشي ...هيام جاتني يا بت قال ليك شنو. قلت ليها هو شنو الما قاالو ..قال عايز يعرسني ..يعرسك ...ااي والله و اداني رقمو ...قالا لي قلت ليهو شنو قلت ليها يعني ح اقوول شنو اميد قلت ليهو مما بفكر في العرس هسي ...دخلته الرقم الشنطة ما عاارفه ليه و مشينا علي محاضرتنا ...هو ما فيهو حاجة و بيعجب اي بت و وجيه و عندو قرووش بس ما النووع البحبو و انا في قلبي زول تااني ...خلصنا المحاضرة و اتصلته لي مهنــد قال لي قريب منك مسافة السكة بس ..انتظرناهو قدام البوابه جا و ركبناا ..قال لينا شنو رايكم اعزمكم علي عصير قبل ما نرجع من غير ما اشعر او استشير هيام قلت ليهو موافقين ..شفتو احسااس من غير م تفكر في الكلام مع زول تحبو و تكون جاايط بس ب اي طريقة عاايز تكون معاهو ...بديت احبو اكتر بسبب اهتمامو بس ...و طريقة كلامو معااي ....وقفنا قدام مطعم و نزلناا و قعدنا ....شهد كانت مع ملاذ في الناحية التانيه و نحن ما شفناهم بس هم شااافونا و ككدا القصة وقعت لي شهد علاقة هيام مع مهند شنو و السبب منو في الحصل ليها بس لسه ما عاارفه التفااصيل ...طلبنا العصير و كنا بنتونس عن الجاامعة ...شربنـــا و الونسة جرت و طول القعدة ببيكون بيعاين لي و ههو بيتكلم و عيوني تقع في عيوني و ادنقر نظام خجلانة احاسيس كتيرة جاطت جوااي ..يا ربي انا بحلم معقولـة دا مهند الكنت بحبو السنين دي كلها و متمنياهو ....حسيت بيهو بيسرح لمن بيعااين لي انا لاحظته ليهو و هو لاحظ لي .. لمن حسينا الونسة اخدتنا قال لينا يلا قبل الوقت يتأخر .. طلعنا وصلنا هياام ...و نحن في الطريق علي البيت قال لي دقيقة طلع صندوق صغير من الدرج و قال لي اتفضلي ..فلت ليهو شنو قال لي افتحيها و ح تعرفني فتحتها لقيت اسمي مكتوب بالفضة ...قلتو ليهو حلو شديد ..قال لي ما احلا منك.....وصلنا و نزلته و ما كان نفسي انزل قال لي انا ما داخل البيت ماشي لي اصحابي قلت ليهو خلاص تمام خلي بالك من نفسك
يتبع
