#ابن_عمي15
دخلته البيت وانا مبسووطة و بغني امي قالت لي اول مرة اشوفك راجعة من الجامعة تغني ...قلت ليهاا جعانة بس ...قالت لي غيري و تعالي اتغدي نحن اتغدينا قبلك و ابوك في الصالون سأل منك ..مشيت سلمته عليهو و غيرته و جيت اكل و البقرة ميناس عايزة تاكل معااي بعد اكلت تااني ما بتشبع ...مليت بطني و اتصلت لي هيام احكي ليهاا بالهدية ..قالت لي بختك والله...قفلته منها و دخلته الواتس لقيتو كاتب في الحالة ملامحك توهتني...اجي يا ملامحك برضو اخير من العدم ..رسلت ليهو مساء الخير ..انت لسه تايه ...طوالي دخل و رد لي ..لسه والله ...عايزة اتعاور قلت ليهو دي منو دي التوهتك ..قال لي وحده كدا بحب ملامحهااا و براءتها و طفولتها ...ب قلبي انا بريئة ...قلت ليهو امممم بختها ..قال لي ما تنومي بدري الليلة عايز اتكلم معاك ....قلت ليهو حاضر منتظراك . قال لي اخلص بس و ارجع ...قلت ليهو اوك ...مشيت جهزته غياار بكرة زاتوو زهجته من نفس الروتين ..و بعدها رقدته ب مزااج فتحته الفيس اتصفح و كل ما ازهج امشي افتح حالة مهند ...شهد من رجعت تفكر هي ح تعمل شنوو ...شالت تلفونها و رسلت لي هياام ..هيام شافت الرقم غريب و كاتبه ليهاا ..تشوفو الـ ح اعملو فيكم ... كعادة لازم تقلق بي شالت تلفوونها اتصلت بي و كلمتني ان جاتها رساله من رقم غريب قلت ليها مليني ليهو اشوفو في النمبر بوك ..ملتني و لقيناهو مسجل بـ شهد.. ..قلت ليها الحقي دي شهد ..هيام خلاص شالت الهم قالت لي دي تعمل اي حااجه سجمنا يا ايناس تكون عرفت من وين ..قلت ليها يكوون ايمن كلمهاا لان ما في زووول عارف قلت ليها اقفلي و بنتفاهم نتصرق كيف بكرا في الجاامعةة ...قفلت و لسه هي مقلقة ..انا كنت من جهة خايفة من ال ح يحصل شنو لو مهند عرف و اني اخسرو و من جهة مبسوطة انو اتعلق بي و بقي عندو مشاعر اتجاهي و دا الكنت عايزاهوو ....الساعة 10 جات و نعسته خلااص ما قدرته افتح عيووني عشان بكرة عندي جاامعة ..قلت انتظر 10 دقايق بس ...خمس دقايق و مهند اتصل ...قال لي انا طاالع علي البيت ما تنومي. دقايق بس و قفل ...قلت في المسافة دي امشي الحمام و اشرب موويه ..مهند اتصل و ما شفت التلفون خليتو في الغرفة رجعته لقيتو اتصل ..رجعته ليهو. فصل فيني ورجع ...قال لي افتكرتك نمتي قلت ليهو مشيت اشرب موويه مستحيل اقول ليهو مشيت الحماام ...اول حاجه قالها لي انتي جميلة يا ايناس ب صوت حنين كدا ...قلبي عمل شححح و ما عرفته اقول شنوو ....قال لي اول مرة اركز في ملامحك و كلامك قبيل في المطعم بريئة و تمنيتك ما تسكتي ...انا بتبسم سااي و مبسووطة و طاايرة من الفرحة اول مرة زول يقوول لي ككدا ..السناقل طبعاً عارفين الاحساس دا لمن اتوترته و هو حسه بي ....قال لي انتي ما بتبادليني نفس الحاجات دي ..اترددته ..تاني قلت لي متين يا هبله ...تاني اقول اتقلي شوويه يا بت ...في النهايه بعد مدة من السكات قلت ليهو انا هبلة ما بعرف ارد علي الكلام الحلو ....قال لي احلي هبلة ..قلت ليهو شنوووو ب صوت عاالي ...قال لي قصدي حلوة بس ..قلت ليهو ايواااه ...قعد يضحك فيني ..حسيت بالراحة وانا بتكلم معاهو و علي طبيعتي ...حبيت نبرة صوتو و هو بيتكلم معااي هادي كدا حسيت بيهو حنين شديد ...بعد اتكلمنا شوويه ككدا قال لي يلا خلاص ارقدي نومي عشان تصحي بدري و تلقينس منتظرك قلت ليهو بكرا شغاله 10 قال لي و مالو 9:30 بنتظرك تحت عندك اي اعترااض قلت ليهو لا ...قفلنا و بفكرة في حياتي البقت حلوة دي و نسيت اي حااجة نايم وانا حاسه ب راحة و سعاادة عجيبة ...صحيت الصباح ب صوت البقرة مينااس بتصحي فيني شالتني نوومة لبسته سريع سريع لقيت مكالمات كتيرة من هيام و مهند ...نزلته طوالي لقيت مهند برة قال لي ما بدري قلت ليهو سرريع نغشه هيام اتأخرته قال لي تخلي النوم لي منو عاينته ليهو ب قعر عيووني و اتصلت لي هيام قالت لي قربته اخلي الجامعة و اقعد في البيت ما بتردي مالك ...قلت لي شايفنك جايبن عليك قالت لي انتي و منو قفلته في وشها ....ركبناهاا كالعادة مسكتة الوصله و شغلته اغااني شيرين... مهند جاري بينا جري لمن وصلناا هيام نزلت مهند قال لي انتظري دقيقة بس ...قال لي ايناس قلت ليهو ايوه قال لي سفري قرب ..قلبي وجعني شديد بس ما ظهرته ليهو ..قلت ليهو تصل بالسلامة ان شاءالله ..و نزلته الدموع ملت عيووني ما قدرته اتكلم لي لحظة حسيت ان انا ح اكون برااي... هيام قالت لي مالك ما رديت ليهاا و دخلنا المحااضرة و هو وقف شويه و مشي ...المحاضرة م فاهمة ليها حااجة بفكر انو لو مشي ح يحصل شنو ....بعد خلصنا مشينا الكافتريا ...هيام قالت لي شوفي رساله شهد ..قلت ليها مهند مسافر تلقاهو وين تاني و ما بيصدقهاا ..قلت ليها غيري رقمك بس ...قالت لي ح تتصلي لي مهند يرجعنا قلت ليهاا لا ...قالت لي غريبة ما اشتغلته بيها ...طلعنا ركبنا الموصلات وصلته البيت كدا مهند جا ناازل ..قال لي اايناااس وقفته قال لي ليه ما كلمتيني انك خلصتي عشان اجيبك قلت ليهو كان عندنا مشوار و قلت ما اتعبك انا براي حسيت نفسي من الحزن زي الممله و ما عايزة اتكلم حتي مع الزول البحبو و دخلته طوالي ..هو ااستغرب تصرفي دا ...دخلته و لا مشيت ااتجااه ناس امي طوالي علي غرفتي و نمته ب غيااري ...صحيت ب مكالمات مهنــد ما قدرته ارد ..مشيت علي المطبخ اكلته و بكرا ما شغااله جاامعة ....اتونسته شويه مع ناس امي قالت بكرة هند جايه من شهر العسل ..رجعته غرفتي خليتهم يتونسو ..اتجدعته في السرير و رجعته لي مهند قال لي انا هسي في السوق عايز اجيب شويه حاجات عشان هند جايه بكره قلت ليهو ااي عارفه قال لي سااعة كدا و اارجع ليك ..قلت ليهو تمام ....ماا قدرته اقااوم النووم ..فترانه عشان رجعنا بالمووصلاات ..مهند اتصا و مكالماتو ما صحتني ..صحيت الصباح لقيت رسايل بيصبح علي و رديت عليهو و امي جاتني قالت لي البسي عشان نمشي نااس عمك فوق لبسته اقرب بنطلوون و طرحة و مشينا ..
#يتبع
في جزو تاني من الـحلقة 15 ح انزلها
