رغم الظروف
البارت الرابع والثلاتون ❤
للكاتبه: ♥شـ♪ـہوشـ♪ـہو♥
اياد: بنخش اندوش
انا: اوكي
خش دوش وانا قعدت اندور في البيت كان مش كبير ومش صغير اثاته فضيييع وراقي خشيت للكوجينه فتحت الثلاجه درت سفرة حطيت فيها فوشار وشكلاطه ودرت عصير فرش طبيعي
ضهر اياد من الحمام ولبس تشيرت اسود وشورت رصاصي طالع طررف 😍
انا: اياد تعال اكل معايا
اياد: متعشي
انا: اممم تمام انا بنحضر فيلم بتحضر معايا
اياد: . . . . . .
انا: 😒
حطيت علي فيلم رعب وزومبي 😍
اياد: هههههخ من جدك انتي
انا: اسكت اسكت حيي عضة توا بيتحول لي زومبي 😭
اياد: هههههه باهي علاش تبكي
انا: كبدت عليه 😌😍
اياد: 😒
وناض طفا TV
انا: اياد شنو هدا نبي انكمل الفيلم
اياد: لانه دمك خفيف وياسرك تكبيد 😌 نوضي ارقدي
انا: مافيا النوم
اياد: باه كيف تبي لكن الريموت خديته ومافيش TV 😌
انا: توا نرقد 😭
خشيت لدار رقدت عاالسرير شويه وخش اياد حول التشيرت وبدا بكنتيرا
انا : حوووو انت اطلع برا البس البس شن ادير 😱😵وغمضت عيوني
اياد: شنو شن اندير هدي داري وجاي بنرقد فيها 😂
انا: مصحك وانا وين بنرقد
اياد: اولا خيرك مغمضه عيونك ثانيا السرير يسد لزوز ثالتا لو ماتبيش هنا امشي لصالون
انا: باهي عطيني الريموت 😩بنرقد بروحي ومن غير ضي 😱
اياد: نفهم انك تخافي من الضلام وفي الضلام لازم يكون معاك حد
انا: اي 😢
اياد: ارقدي معايا 😌
انا: مصحك توا نرقد في الصالون 😭
ضهرت واياد يضحك 😭 وانا خايفه وكنت نحضر في الزومبي صح انحب نحضر الرعب بس انخاف 😲
طبعا شبه رقدت مارقدت انوض نتخلع وخلاص 💔
في الصبح
اياد: نور يانور نووور
انا: هاا
اياد: صبي الساعه 12 والفطور جا
نتكلم بصوت يادوب طالع
انا:خليني نبي نرقد امس مارقدت
اياد: تمام بس نوضي ناخدك لسرير
نضت وكنت متكسره وصالون كان ياببس وصلني اياد لسرير ورقدت نومه تهببببل
نضت الساعه اربعه العصر القيت اياد مقعمز عاالسرير وشاد كتاب يقرا
انا: الساعه اربعة 😱
اياد: صحه النوم
انا: خيرك مانوضتني
اياد: نوضتك ماتبي تنوضي نومت صحاب الكهف
انا: كيف وصلت لعند السرير 😱
سكر الكتاب وشافلي بنضرة شريره
اياد: ههههه قصدك ماتدكري في شي شي هههههه وووه
انا: شن صار 😰
اياد: انا رفعتك لسرير وكنتي نايضه بس انتي شكلك متخوخمه
انا: وباهي وبعدا شن صار 😨
اياد: وبعدا أاااااا ادكرت امبكري رقيو جتبو الفطور وقاتلك امي انزلي العشيه بجو ضيوف
انا: الله وقت انوض نلبس
خشيت غسلت وفطرت وتغديت وبعدا مشيت لدار النوم طلعت قفطان كحلي طويل
انا: اياد نبي انبدل
اياد: بته بدلي يعني
انا: اطلع 😨
اياد: انا راجلك بدلي عادي
انا: امس شن صار 😳
اياد: بدلي بدلي انا ماني طالع وبعدين اهوه الحمام 😂
انا: تبيني نغير في الحمام
اياد: انا ماقلت بدلي هنا ولا في الحمام كيف تبي 😂
انا: الحمام اشرفلي
البست القفطان وطلع يهبل عليا 😍 ضهرت من الحمام واول ماشافني اياد فتح عيونه عشره من عشره 😂 وانا نتصرف ولا كأنه موجود بديت عاالزيانه درت شوية ميك اب مانحبش انؤوفر فيه واياد كام معايا لحضه بلحضه بس مايبي يبين انه يشوف فيا وفتحت شعري انسرح فيه وبنضمه بندير ديل
يبحث في الكتاب
اياد: شعرك سمح خليه مفتوح
انا: 😳
انا بديت انحول في يدي عن شعري بشويه نضت اسقدت بنفتح الباب
اياد: استني استني يعني انا مش مدايرتيلي قيمه ضاهره هكي ولا شنو
انا: 😳
اياد: حطي عليك عبايه وشاح خوتي اكيد لوطه وبننزل انا وياك
انا: اوكي 😒
طبعا نحنا نسكنو فوق بيت اهل اياد بس دروج البيت يطل عاالحديقه يعني مش من داخل
يتبع...
منقول
