غم الظروف
البارت الثامن ❤
للكاتبه:♥شـ♪ـہوشـ♪ـہو♥
انا:طبعا ماهانش عليا نسكت وفي نفس الوقت ماقدرت نتكلم لانه المدير 😒)سلام بنطلع
وفي الطريق كنت نتكلم مع نفسي
صار يعرف يتكلم باسلوب وهوا مش معصب قلبي وابصر شنو عطك ويش يعامل فيا وكأني قاتله بوه وامه والعائله الكريمه كلها يااارب صبرك
انا:النممم
هبه:تي خير
عزيز:خشت عليكم مي هااا
انا: انا كنت انقول كيف كبيدته متحملاته طلعت اضرب منه
عزيز:بكل رزينه عاالقلب مشعارف كيف متحملها
انا:عادي اثنينهم اضرب من بعص يعني يتحملو بعضهم
بعد شوي نزلو غضبان وغضبانه 😂وغضبانه تبحث فينا وتشقلب في عيونها فرحانه اتقول تمشي مع حسين الجسمي
انا:ااااااااه رااحه ياريتها ديما تجي تاخده
هبه:عزوزه تعال تعال ننزلو كلنا للقهوه علي حسابك
عزيز:عزوزه صار هاااه هههههههه عليك جو مصلحه
انا:هيا هيا عزوزه😂
عزيز:هيا امر الله عليا بنفقر قبل نوصل لي مراتي
هبه:تي هيا صدقه عليها ولا انقولك انسا الموضوع 😌
عزيز:بلا جو هيا نوضن ولا نعطيكن طريحه
انا:صدقني تقدرش عليا 😏
عزيز:تي بصبع كراعي الصغير نقدر نموتك طشه انتي
هبه:لا يارجل
انا: اولالا يا سوبر مان 😂وبعدين انا مش طشه 😒
عزيز:هيا هيا قدامي
في القهوه
انا:ياجماعة الخير تي نادو علي دكاتره وممرضات وممرضين وعلي اي حد نتعرفو عليه
عزيز:كلهم نظام دكتور اياد 😏
انا:أاااا خلاص فوت الموضوع
هبه:كداب كلهم جوهم اطلع طول اصبري شوي ثاني تو كلهم ينزلو هنا
عزيز:مخربة المفاجأة
هبه:ولي الشرف
انا:ياسركم عراك قاعدين كيف توم وجيري ورب العزه وجعتولي راسي
مؤيد:عزيز هبه تي خيركم خفو شويه عاد
اكرام:اوووووه في الاحلام يبطلو عراك
و واحد جاي يغني
محمد:في الهوا ياربي في الهوا ياربي في الهوا ياربي انحبه وهو مش داري بحبي
عزيز:اووووووو العاشق الولهان تي خاطري نعرف مني هدي
محمد:مش قتلك انحبه وهو مش داري بحبي تي هي بروحها مش عارفه بنقولك انت تي كيف هكي يامان
انا:احممم
مؤيد:اووووو ماتعرفنا
اكرام:الموظفه الجديده انستينا عرفينا عليك
محمد:ههههههه معليش تعرفتي عليا بشكل مزري
انا:هههههه واخيرا لاحظتوني و انا نور م 98 نقرا ثانيه طب واها انا الموظفه الجديده وههههههههه عادي عادي مااان
محمد:دومها الضحكه وانا محمد المعروف بالعاشق الولهان 😍
اكرام:انا اكرام ياعسل م 93 اول سنه ليا هنا في السنه يلي فاتت تخرجت من الجراحه
انا:ماشاالله حتى انا جراحه سنه ثانيه مزالي خمسه سنين ياتشبدي
اكرام:هههه والله يمرو وتقولي ياريت يرجعو هاالايام
انا:علي جتي مش قايلتها😂
اكرام:ههههههه
اياد:اووووو خيانه مجتمعين من غيري
هبه:خداتك الحب نبوش نزعجوك
محمد:لاااا ياراجل قصدك صح يلي سمعته جاتك هنا ومعاها هداياها وخداتك من هنا معاها
اياد:تي صقع عليك 😂
محمد: ااااااه يارب حلالي
اياد:تي مني هدي
اكرام:شوقتنا نعرفوها
محمد:ياناعليا قريبه هي بس مش حاسه بي حاجه 😍
اكرام: 😨
هبه:😂
عزيز:ياجماعة الاستعلامات فيه حاله جت وحده منكم اتنوض انا مفطركن وحده منكن اتنوض اتردلي الجميل
هبه:انا تو انوض
اياد:استني قعمزي انتي هيي نوضي شني جايبينك هنا عاشان تقعمزي وتضحكي
هبه: اياد بلا سماطه انا نبي انوض
اياد:كلامي واضح انتي نور ولا شنو اسمك نوضي
وانا عيوني خلاص قريب ينزلو دموعي بدات لما بدو كلهم يبحثو فيا بس شديتها البكيه والحمدالله 😢وكان اياد يكلم فيا وكأني مش موجوده
انا: حاضر هبه حبي مافيش مشكله تو انا انوض تريحي
هبه:انا من امبدري وانا متريحه وانتي تشتغلي ريحي روحك شويه
انا:تي لالا اين تعب انا قتلك خلاص بنوض باي بعدين نتلاقو
هبه: ايااد شنو هدا يلي ادير فيه للبنت ياسرك حرام ش..
يتبع....
منقول
