رغم الظروف
البارت الثالت والاربعون ❤
للكاتبه: ♥شـ♪ـہوشـ♪ـہو♥
انا خليت شعري والتفتت لي اياد
قعدت انبحث فيه
انا: خاطري نفهمك
اياد: شنو
انا: خاااطري نفهمك اوقات تبيني معاك واوقات انحسك ماتبيني جنبك واوقات انحسك تكرهني اياد انا تعبت من تصرفاتك هلبا هكي تعامل فيا بمزاجك مرة تبدا تغار عليا حتى من خوتك ومره تحدفني حدفة الكلب ولا تسأل عني انا تحملتك هلبااااا خلاص انت ماتبيني صح خلاص خلي ننفصلو افضل حل 😔
اياد: مصدوم) هدا كله حاملتيه عليا
انا: واكثر انت مش منتبه علي تصرفاتك بس انا منتبها 100%
اياد: تبينا نطلقو 😞
انا: الباين انك انت تبي هكي 😔
اياد: تكرهيني
انا: .......
اياد: تحبيني
انا: .......
اياد: جاوبيني ماتسكتي هكي
انا: باهي انت تكرهني تحبني
اياد: انا سألتك الاول جااوبييني
انا: جاوبك اعتبره جوابي
اياد: متأكده
انا: اي متأكدة
اياد: والقرار يلي بنتخده بتوافقيني عليه
انا: اي اي اي بس جاوبني
اياد: نور انا صح اول ماعرفتك ماحبيتك بس مش عارف علاش بس بعد فترة تعودت عليك وتقبلتك وبعد بديت نعرفك اكثر بديتي اتخشيلي خاطري بديت نبدا نبيك تكوني صديقه ليا وبعد وقفتك معايا من بعد سيبتني مي عرفت انك انسانه طيبه ولما سمعت انك مضايقه وهلك بيغصبوك 😣💔 علي واحد انتي مش حاملتيه عرضت عليك الزواج علي الورق ماعرفتش عليش درت هكي بس ماهنتي عليا وبعد عشتي معايا في نفس البيت حسيت بي شي اول مره انحس بيه في البدايه مافهمت شنو الاحساس هدا وعلاش نعصب لما انشوفك مع غيري بس بعد مشيتي لي بيت خوالك هنا حسيت بضيقه وماقدرت نتحمل البيت من غيرك 💔 ااااه وكل ماتقولي نطلقو انحس في قلبي بيتفجر نونا انا يلي حسيته بقربك ماحسيته مع مي نور انا نتمنا تقعدي معايا طول العمر ماكنت نعرف انه حيجي
هل اليوم بس نور انا مانغصبك تقعدي معايا بس بنقولك ونبيك تعرفي اني انحبك ❤
انا: اياد (teary)
اياد: عيون اياد
انا: اياد انا قتلك الكلام يلي بتقوله اعتبرني انا قلته لاني خفت تكون ماتحبني ولو قتلك انحبك من الاول تكسر قلبي بس اياد انا انحبك انحبك انحبك 😭
اياد: وربي يا قلبي كل دمعه تنزل من عينك توجعني خلاص بطلي بكا انا معاك ومستحيل انسيبك وزواجنا هدا من اليوم بيبدا حقيقي واحلى قصة زواج في الكون كله خلاص انحبك ماتبكي ياعمري 😊
انا: مش بيدي هديم دموع الفرح 😊
اياد: توا نوضي 😉
انا: 😅😳
عند منير ومها ❤
على التلفون
منيير: قررتي شنو الفيلو يلي بتلبسيه
مها: اي نبيه يكون بسيط هلبا
منير: بيطلع يهبل عليك
مها: هههههه تسلملي ياقلبي منير عرس مانبي راه
منير: شنووو نحنا ماتفقنا هكي
مها: حبي بلييز افهمني مانبي عرس
منير: مستحيل من غير عرس شنو ناقصنا لين مانديروا عرس
مها: حاضر انديرو عرس بس نبيه يكون بسيط
منير: قبل نبي انديرلك عرس يتكلمو عليه الناس كلها
مها: مش ضروري يكون كبير المهم انا وانت مع بعض 😆
منير: ياناعليا اكيد وشنو اهم من هكي 😍
مها: هههههههه
عند عزيز وهبه ❤
عزيز: هبوتشي قولي لي هلك السبوع الجاي بنجو نخطبوك 😍
هبه: وعلاش مستعجل 😅😨
عزيز: وليش انتي تبي توخريه
هبه: لااا انت فهمتني غلط وديما تفهم فيا غلط 😰
عزيز: ياسرك يابنت ماعشا تناقشيني السبوع الجاي يعني السبوع الجاي فاهمه ياحلوتي 😍
هبه: اي فاهمه 😊❤
عزيز: نجك لي ياحبي
هبه: وليا ياارب (shy)
عزيز: انحبك 😍
هبه: وانا انموت فيك (shy)
وسكرت من الحشمه 😂
هدي سكرت عليا متحشمه 😂
بعتلها مسج
عزيز: ياناعليا من المتحشم 😍😂بكرا تعالي فيسع للمستشفى توحشتك 😍
نمشو لي اكرام ومحمد ❤
يتبع...
منقوول
للكاتبه شوشو
