رغم الظروف
البارت الثاني والعشرون ❤
للكاتبه: ♥شـ♪ـہوشـ♪ـہو♥
حطيت عليا عبايه وقعدت بشعري جاي بيخطبني و انا دوبني متحجبه قاعده بين متحجبه وبين لا عاالمهم خشيت ومطبسه راسي وبعد بنمد القهوه رفعت (النهار دا فرحه ياقدعان 😂)شن بنقول تعرفو بمبلية الغاز البرتقاليه تشبهله ولا انقوللكم وصف ادق شيشة المشروب المتوسطه مش الكبيره ولا الصغيره ايوه هديك تعرفو لما تحطوها قدام النار ادوب شويه بالزبط بالمختصر توييتي 😂😍
بنطلع
منتصر: تعالي قعمزي
انا: 😨
قعمزت وقلت في خاطري بلكي يطلع قنين واسلوبه حلو
الولد: احم كيف حالك
انا: الحمدالله
الولد: انا معتز م 90 الحق مش واخد ولا شهادة غير الشهاده متاع صف السادس هاهاهاها
انا: 😷صدق من قال القرد في عين امه غزال لا هديم مطوره حكايتهم في عين امه واخته وخالته
معتز: نعم ما سمعتك
انا: لا شي
وبدا يهدرز ومايسكت بكل وكل كلامه دوه فاضيه قريب نضت عطيته كف
انا: اطلع برا
معتز: نعم
انا: زي ماسمعت اطلع برا مافيش نصيب
معتز: بس
انا:لا بس لا بسبس نوض اطلع 😡
وخشيت علي النساوين
انا: هيا تفضلن مافيش نصيب صار زين وووو ماشاالله يهبل من الاخير وانا مانستاهله
امي: نوووور 😱
انا: عيونها خلاص مافيش نصيب تفضلو ربي يجمعه بي بنت الحلال يلي تسعده
وروحو وانا حسيت باالانتصار 😆
منتصر : نووووور نووور جيبوها ليا 😠
وبدا يضرب فيا قريب طلع روحي
منتصر: ياكلبه ترجعي بكلمتي انا 🔌
انا: ااااااه ياربي خلااااص عااااااا 😭
عطاني طريحه مانتمناها للعدو جسمي بدا خطوط خطوط زرق من خيط الشحن 😭
ومنير مش قاعد عاشان يحز بيناتنا
منتصر: بنعطيهم الموافقه والسبوع الجاي فاتحتك وبتتلفي لي بيت راجلك
انا: عااااااا باهي باهي باهي المهم تبطل تضربني 😭
يتبع ......
منقول
