رغم الظروف
البارت العشرون ❤
للكاتبه: ♥شـ♪ـہوشـ♪ـہو♥
روحت تعبانه وفرحانه دوشت ورقدت من غير تفكير 😌
نضت الصبح بس مابنمشي لي وين بنقعد في البيت استقلت من المول في العشيه
بنمشي للمستشفى
انا: صباح الخير ياست الحبايب
امي: صباح النور وين مش لابسه
انا: لانه ماعندي شغل قدمت استقالتي من المول لانه ضغط عليا مول وجامعه ومستشفى
امي: اهم شي قرايتك
انا: اكيد مافيش شك
شنو الغداء
امي: رز مسقي
انا: ياناعليا 😍
امي: هههههههه حقا بنقولك قالك خالك منتصر تعالي لي بيتي نبيك في موضوع
انا: هه عام امتى منتصر بيني وبينه مواضيع
امي: مشعارفه شوفيه
انا: انشاالله خير تو نمشي نشوفه مع اني ماعنديش خلوق ليه هوا ومراته
انا: دق دق دق
فوزيه: منو
انا: نور 😩
فوزيه: ااوو جت العروس
انا: قصدك برنسيسه 👸
فوزيه: ههههه نفس الشي
انا: وين خالي قالولي يبيني
فوزيه: خشيله في الدار هديك
انا: نعم خير انشاالله
منتصر: تكلمي كويس اخير من انخربلك وجهك
انا: اوكي تفضل قول
منتصر: ربي يجيبك ياطولة البال
انا: 😊
منتصر: بعد بكرا جهزي روحك بيجوك خطاب
انا: ياسلاااام ومن قالك جيبلي خطاب
منتصر: حموله زايده نبو انقصو 😒
انا: انا مش قاعده في بيتك انا قاعده في بيت جداي
منتصر: قصدك بيت منير بعد شوي يتزوج منير وين يسكن انشاالله
انا: هدا بيتك ولوطه بيت منير وانشاالله ماما وحنان وين حصتهم في الورثه
منتصر: ناقص غير نعطو حنان ورثه عاشان ياكلها راجلها
انا: وماما يلي راجلها متوفي
منتصر: سكري فمك معاش تناقشي وبعد بكرا لو ماجهزتي روحك ولبستي احلى لبس بندبحك وبنعلقك علي البالو
نزلت و ناااار في قلبي 🔥
امي: خير انشاالله يابنيتي شن يييك
انا: ماما انا بنخش لي داري ومانبي حد يكلمني
امي: والرز المسقي
انا: ماخاطريش في شي
ماما مستغربه كيف انا مانبي رز مسقي
وخشيت لي داري وبديت انفكر وانفكر واالافكار ماجابو حل لعند نعست
وبعد شوي نضت بنمشي للمستشفى جهزت نفسي البست عادي جدا مايستاهل حتى نشرحه
منير كان مش قاعد ومش فاضي يجيني خديت ثاكسي
انا: مساء الخيرات 😣
هبه: مساء النور حبي
عزيز: مسائو الباين الحلو زعلان
انا: عزيز متعصبه وماعنديش خلوق راه
هبه: حبي تعالي نحكو في القهوه
عزيز: وانا
هبه: اقعد هنا بلكي يجو حالات 😒
في القهوه
هبه: احكي
انا: شنو نحكي
هبه: خيرك قالبه وجهك
انا: أاااااه هدا ياحنه 😢 .........................
هبه: وباهي انتي شن مشكلتك شوفيه بلكي يطلع ولد الحلال يلي يسرك
انا: متأكده كيف مانشوف فيك مش حايسرني لانه جاي من طرف فوزيه
هبه: خلي عندك حتى درة ثقه
انا: اوكي اوكي فوتي الموضوع
هبه: اوكي تعالي نمشو لي عزيز ونرفعوله طاسة نسكفي
انا: تمام (وبحثت القيت اياد مقعمز في الحديقه) انتي امشي وتو نلحقك
انا: احم
اياد: تعالي قعمزي
انا: ......
اياد: عارفك شن تبي اتقولي والحمدالله تجاوزتها وتناسيتها صح تجاوزتها بسرعه كنت متحسف علي نفسي كيف يلي انحبها اتحب غيري بس بعد بديت نسمع انها مع فلان ومع علان حمدت ربي الف مره وعرفت انه ربي بعدها عني وصدقتي في كل كلمه قلتيها ليا وبارك الله فيك صراحة افدتيني
انا: 😨
اياد: ههههههههههه خيرك منصدمه
انا: انت اياد
اياد: اها انا اياد 😂
انا: لالا بجد انت اياد انا متأكدة انت مش اياد ال...
اياد: ماتكملي توا انا انكمل عنك المغرور الوقح وشن ثاني
انا: 😂
اياد: انشوف فيك مضايقه وتهدرزي معاها
انا: قصه حزينه ماتستاهلش ماتوجع راسك بيها
اياد: لو ناقصك فلوس مايشدك غير اللسانك
انا: نضت متعصبه)
يتبع.......
منقول
