عشق الشيخ صخر

♥23

مازلت أود إخبارك بالمزيد
بأشياء خبأتها بصدري تتعلق بك وحدك اهمها " انني لم أُحسِن حب شيء كما احببتك"

عشق_كاعدين كلنا انسولف ونضحك  نزل صخر من الدرج  مستعجل ومبين ع وجها العصبية  وجها  ميتفسر  جدي حجة
عيدان_هاا يجدي صاير شيء وجهك شكو
صخر_جدي ترتيل مااري شبيها بس كالت دمها بطولها يلا نلحكها
عمتي لطمت ع صدرها لخذت عبايتها اشلون ماهاي وشخط السيارة صخر وراح وياة ذياب وفهد ضلينا اني وشمس اهواي خفنا ع ترتيل دكينا عليها مترد اصاير ياربي سترك  ضلينا نفتر للعصر وماكو خبر ولا احد اجة كالنة بصار دكت شمس ع فهد مرة مرتين ماارد الثالثة رد
شمس_هاا فهد اشبيها ترتيل اشصاير كول
فهد_احجة وهو يجر نفسة والله شمس شكلج شاهين ضاربها الترتيل ضرب مال حيوانات حتى مدميها واخذنها للمستشفى  وهسة هي بالععناية بس شاهين ماكو  وماادري شصاير وصخر من شاف حالة ترتيل العصبية اصعدت فول وماادري بعد ان شاء الله تصفة يلا سدي

شمس_وهي دموعها تنزل ع ختها من سمعت كلام فهد باوعت ع عشق وحجتلها بالكالة فهد
عشق_شهكت واني اسمع كلام من شمس اووف يااترتيل والله خطية متستاهل اليصير بيها شصاير حتى ايخلي شاهين هيج يضربها لان ادري ترتيل ماتسوي شيء غلط لان هي اتحبة الشاهين وشاهين صح اهواي عصبي بس اوووف سربي شصاير ان شاء الله تنحل اشلون حالة ترتيل هسة .
..............................................................................
شاهين_كاعدة بسيارة وراسة مرجعة ع الكشن وهو يخلص الباكيت الجكارة الثالث وهو يحس روحة اتريد تطلع  فتح تلفونة وهو ايشوف المكالمات ذب تلفونة بتعب رجع راسة لليورة هو يااخذ نفس من جكارة اجة اتصال باوع ع متصل فتح الخط واجة صوت اذياب المبين بصوتة العصبية والخوف
ذياب_ لك انت وينصارلي فوك الساعتين ادك عليك مااترد لك هااي شمسوي بالمسكينا شوكت انت صاير هيج وحش وماترحم احد لك انت استغفرالله تعاال شوفها هي
ذياب_ لك انت شنو من بشر تعال للمستشفى...... سد الخط
شاهين_ذب تلفونة ويدري بنفسة هل مرة اذاها بسوايتا وراح يندم اهواي اهواي  شخط السيارة وطلع وهو متوجه لليعدها وصل للمستشفى طبك السيارة ونزل دخل  بعد ماادلو بالغرفة اتقدم للممر وهو يشوف فهد وذياب كاعدين وصخر كاعد وحاط ادي فوك راسة رفع راسة صخر وعيونة تحولت ودم وهو راص ع قبضة ايدة  اتقدم شاهين وهو ايريد ايشوفها وصل الباب الغرفة وكفة صوت صخر  المبين علية العصبية وهو ضاغط ع كل كلمة ايكولها
صخر_شااهين امشي منا لو ماتلوم غير نفسك ابن عمي ومحترمك لو هسة ادفنك بمكانك ع هاي اسوايتك  مهتم اىكلامة تقرب لازم يدة الباب بيدا  جرة صخر وضربة  بوكس  لزم فكة شاهين وهو يمسح الدم  وبصق الدم من حلكة
ذياب_ يوول شنو هاي اشبيكم اتخبلتو صخر_ضل خارج اىموضوع ذياب  لا تدخل جر شاهين من ياختة وطاة ضربة ثانية كسرتلة خشمة اشاهين بس شاهين ماطة ردت فعل فقط اعيونة البيها تعب وبررود قاتل
شاهين_هاا خلصت عوفني هسة خل ادخل اخذ مرتي
حجة صخر وهو ضاغط ع سنونة امشي منا شاهين لاتخليني انخبل عليك هسة مالك مرة عندي بعد
شاهين_رفع حاجبة هه مو بكيفك هي مرتي فهمت وراح اخذها  جرة صخر ودفعة راد ضربة بس فهد لزم صخر وذياب لزم شاهين
صخر_لك عاار تكو رجال ايمد ايدا ع مرة لك كل هااي الفترة واني نايم براحتي وةختي متعذبة يمك من اجيبها للمستشفى وحسبالي عرك عاادي بس من تطلع الدكتورة ودكول عدها اثار قديمة بجسمها مال ضرب لك انت حيوان غبي  فد واحد حقير لك مو هي امانة يمك حسافة تسمة ابن عمي لو غير واحد جان مااخليتك عايش بصياح وعصبية  
شاهين_عوفني صخر خل افوت ولا تغلط فهمت هي مرتي وانا حر بيها وهسة وخر  ضلو يدافعون  قاطعهم صوت ام صخر وهي تطلع من الغرفة
ام صخر_هااي اشبيكم عيب تتعاركون انتو اولاد عم ميصير هيج احنا بالمستشفى مو بيت حتى تتعاركون  عيب انتو اكبر حلو مشاكلكم بيناتكم مو هيج فهمتو امشو منا يلا  عافتهم ودخلت
شاهين_انفتح الباب جاان توكع نظراتة عليها وهو ايشوفها نايمة ع سرير  وجها كلة كدمات والكانونة بيدها والمغذي لحضتها وكف كلبة وهو يشوفها بيهج حالة وعرف هلمرة أذاها وراح يخسرها للابد جر حسرة وعافهم وطلع ومنظرها ماراح من بالة
................ .............................................................
عشق_ ننتضر  للعصر يلا جابو ترتيل شايلها صخر لان مااتكدر تمشي شكلها كلش متغير سلمنا عليهها اخذناها اني   وشمس للغرفة ابدا مانطقت ولاكلمة حجت بس ساكتة ادموعها تنزل اجت  خالتي عليها اكعدت يم راسها صارت تقرة عليها ايات قرانية بلكي تنام اشوية خطية  حلاتها تكسر الخاطر طلعنا اني وشمس من يمها بوعت ع شمس وجها تعبان ودموعها تنزل اووف كاافي شموستي لا تبجين جااي زيدين عليها تنحل ان شاء الله المشاكل البينهم
شمس_تحجي بغصة اووف مااكدر عشق شوفي حالتها اشلون الله لايوفقك شاهين ع هاي اسوايتك حقير
عشق_شممسس عيب هذا اىحجي لاتدعين ع الولد يبقى ابن عمج يلا يعمري امشي روحي نامي تعبتي اليوم وان شاء الله ايحلها باجر دكيت ع جتفها عفتها ونزلت للمطبخ السفرة ع
حالتها محد اكل شلت الماعين وعزلت المطبخ جاان يدخل صخر هو وجكارة بيدا فات من يمي ومبين علية الحزن والتعب حجيت بتوتر احم صخر اتريد اصبلك عشة

صخر_وهو يفتح الثلاجة وياخذ مااي لا مااريد انتي اكلي
عشق_فاات من يمي جاان الزم ايدا  هو التفت علية بتفاجئ عاين ع ايدي ورد باوع ع وجهي حجيت بتوتر واني اوخر ايدي ميصير تبقى هيج الله كريم تنحل  بس كول يالله  اكيد سوء تفاهم بينهم تنحل ان شاء الله
صخر_ونعم بالله اجة ذياب لو بعدة
عشق_لا ماارجع راد ايروح اتقدمت علية وحضنتة حسيتة محتاج احد يخفف علية  هو تفاجى بس مابدلني الحضن وسدت ع ظهرة وحجيت انت صاير اهواي تتعب  باادلني الحضن بس قوي عصرني مااخلاني اتحرك واني اسمع انفاسة  يم ركبتي  حسيت بضطراب كلبي وجسمي رجف  عاافني
صخر_كاافي عشق مااتحمل وخري من يمي
عشق_ عافني ومشة اوووف يااربي هذا اشبي مامتعودة ع جفاه مسحت ادموعي ورحت الغرفتي
..............................................................................
ذياب_ طلعت من المستشفى رحت اشوف ابوية دخلت لكيتة هو وعمتي سعاد سلمت عليهم وكعدت ضلينا انسولف تقصدت اجيب عشق بسالفة اريدا اخلي ابوية يطلب ايشوف عشق للمتى يبقى هيج هي هم خطية انحرمت من حضن امي ولا ابو ساندها مليت من حالتهم اترخصت منهم وطلعت دكيت ع شاهين مرة مرتين ماارد شخطت سيارتي واني اعرف وين شااهين الكاة وصلت للشط واني اشوف سيارتة  نزلت رحت علية فتحت باب السيارة وصعظت يمة واني اشوفة حلكة مشكوك والدم بقميصة اجكارة بيدا وباكيت يمة مخلصة حجيت واني ارجع راسي لليورة
ذ
ذياب_ يوول شنو هاي اشبيك اليوم ليش هيج امسوي بالمسكينة شجاك اشوكت صرت اتمد ايدك ع مرة هيج علمونة احجيلي شكو هو شيء خاص بيكم بس لازم اعرف حتى الحق الك ام الها باووع علية ماايحجي بس يسحب نفس  من جكارتة حجة ذياب بعصبية هو وضايج شبيك فهمني ليش هيج صاير قااسي بدون كلب احجي لا تخبلني
شاهين_هههه يعني شحجيلك من تجي علية ودكلي اريد اطلك ودكلي اي اخذة اشلون اتريد مني مااسوي شيء
ذياب_ الخطا خطأك انت استغفرالله
شاهين_مالي خلك ذياب
ذياب_ انت راح طلكها لان صخر متحمل عليك اهواي واصلة حدها
شاهين_ماايهمني احد مااطلكها وشيصير خلي ايصير هي الية ومستحيل اخلي ذاك المخنث ياخذها
ذياب_ يوول شجاي تحجي
شاهين_عوفني ذياب طلع تلفونة ودك عاين ذياب ع اسم جان ايجر التلفون وقفلة وكطة من سيارة
شاهين_حجة بعصبية وهو يرص ع اسنونة هااي شسويت كاافي ذياب
ذياب_ يوول شنو هاي انت متغير اهواي اعرفك كلش زين انت تحبها الترتيل مو اليوم من زمان  بس مااعرف اشصار حتى هيج صار وجاي اتغشمر نفسك بحبها للرسل لك اعرف اليحبون بس مرة وحدة  وماينسي الحب الاول فلا  تتوهم نفسك لك انت حافظ كل تفاصيل تراتيل وتريد تنساها  اخوية واعرفك واريد انصحك انسى الخلافات القديمة البيناتكم   ارجع حبها نسيها الصار ترة هي بعدها طفلة كل عمرها ١٩ سنة  وانت جبير وتدري يااخي لا تسوي هيج وفكر بكلامي عافة ومشة
............................... ..............................................
هلاوو حبايبي باارت لعيونكم وعذروني اهواي اهواي ع التاخير يمكن راح اوقف القصة حسب وقتي ه̷̷َـَْـُذآ بارت وباجر انتضروني باليل بارت لعيونكم والله من اشوف التعليقات انقهر • لـآأنٰٓ ،|🤭💗'.  ادري مقصرة وياكم بس شـٓسـٰﯛي ،☹️💗. اني سنة سادس ودروسي وملحك فجاي انشر ﺣَﺣتـ͒ــــۧ͢ــُىٍ (🙊🤝" لا زعلون • ⁽ احَہﹷـبـكم"̯🌝💋⇣˝